إعتـرفت لكم بكلشي !

[0:01]السلام عليكم خاوتي وخياتي ان شاء الله تكونوا بخير وعلى خير، صحا فطوركم، صحا رمضانكم، صحا اوقاتكم، كل شيء ان شاء الله تكونوا تفوتوا فيه. في افضل الظروف وفي افضل شيء ولا ماكنتوش تفوتوا فيه في افضل الظروف ان شاء الله ربي يفرج عليكم وترتاحوا ان شاء الله في الايام الجاية. خاوتي انا هذا الفيديو ما كنتش كاع ناوي نصوروا حرفيا كنت نركل في الكاميرا هكا باش نصور واحد الفيديو اخر تاع حكايه للقناه الاولى. من بعد قلت بلي علاش ما نصورلهمش فيديو هكا نحكي معهم وجها لوجه شغل نفرغ لكم قلب نحكي لكم شويه ماقدرش نفرغ لكم قلبي ما وصلناش ذاك المستوى. مي خاوتي قلت علاش ما نهضرش شويه قدام الكاميرا وما خسرنا والو القناه الثانية هذه مره على مره نديروا فيها فيديو. نحكو نقصوا راكم عارفين خاوتي نحاولوا دائما نخلو علاقتنا مترابطه ما نتفاو حنا خاوتي ما نتعاودوش. على كل حال سمحونا اول حاجه جيت نطلب السماح منكم على الغياب اللي راني دايروا على التقصير في المحتوى اللي راني دايروا. الصراحه خيبت املكم فيا وخيبت ظنكم فيا انا وما كنتش حاسس بروحي بلي راح نغيب هذه المده ولا راح نبدا ندير روطار كا. الصراحه انا مانيش عارف علاه ما عنديش سبب مقنع نحاول نقوله لكم باش على الاقل تامنوني ما عنديش سبب مقنع خطره ذي خطره ذي خطره ذي الله اعلم كيفاش راه يصرى هذا الشي. على كل حال اعذرونا وسمحوا لنا واللي عنده حل ولا يقدر يعاوننا كيفاش كل يوم ندير لي فيديو ولا هذيك ولا هذيك من الافضل انه يعاوننا في التعليقات ولا يجي راسلني ولا يجي يقول لي انا ماذا بي. على كل حال الايام الجايه انا باذن الله راح ندير كاع واش نقدر حرفيا راح ندير على عاتقي شغل ندير ندير حاجه في عاتقي هكا بلي لازم ندير ولا ما درتش شغل صايي فاهمين خاوتي ايه وهذه هي ويا شحال كاش حكايات راك توجد فيهم للنهارات الجايين راني مجد لكم الحكايات اني كاذب شويه حكايات هي في الصح ومزال شغل ما صورتهمش باك المونتاج شويه ساهل. التصوير شويه يعيك الكتابه هي تعي بزاف ان شاء الله في الايام الجايه نديروها راكم شفتوا المره اللي فاتت درتلكم الحكايه تاع الاخت اميمه اسماء اميمه ربي يرحمها اللي قتلها الولد نتاعها باش نجنبوا الكلمات هكا. باكو الفيديو اللي فات كي درته المونتي زيشن ماقدرتش نفيها فيه باسكو حكيت فيه بزاف صوالح خطيرين الدم ومن ومن. وثاني على مواضيع تاع اطفال صغار كشغل اميمه كانت قاسره على ذيك اليوتيوب ما يسمحلكش انك تحكي في هذه المواضيع على هذيك المونتي زيشن ماكتش فيه واكيد ماكتش المونتي زيشن ما يطلعش الفيديو عند بزاف ناس. على كل حال المهم احنا الرساله تاعنا تكون وصلت 200 الف مشاهده كانت فيه تكون وصلت للراي العام وللمجتمع والهدف من هذاك الفيديو يكون وصل. ثاني حاجه بزاف من التعليقات وصلوني عليه قالوا لي بلي كيفاش راك تعطي سبب للقاتل وهذا وكذا وكذا وكذا. خاوتي انا كنت نقول ونعاود وناكد بلي القاتل يبقى قاتل مهما يسرى. شفتوا كي تكون دارت اللي دارت وميمه ما عندوش كاع الحق باه يقتلها ما يقدرش ياذيها. انا كنت نحكي هكا وما كنتش نزيد في حاجه خاطئه ولا ولا. على كل حال اللي فهمني فهمني واللي يعرفني يعرفني واش كنت نقصد واللي مافهمنيش نحاول نفهمه ما نقولوش ربي يسهل عليك نحاول نفهمه. شوفوا خاوتي انتما ليكم جايين ضدي هنا وم هنا في الاخير المره اللي قتلت الابن نتاعها في هذاك القاصر ثاني قتلته على ما اظن دتوش ودرت نفس الشيء اللي درته مع الاب. انا مانيش مع الاب ولكن فهموني خاوتي علاش ما درتوش هاكاك علاش انتما ما دام تقولوا بلي احنا الانسانيه ومنا ومنا وحقوق الاطفال ومنا. علاش ما صراش نفس الشيء اللي صرى مع القضيه تاع شيماء في الوالد تاعها انا مانيش على الاب علاش ما صراش نفس هذاك الشيء. فاهميني خاوتي اذا اذا جبتوا لي سبب فنفس السبب حطوه على القضيه الاولى وراح تلقوا رواحكم انتما الغالطين بطبيعه الحال. على كل حال خاوتي انا ما جيتش نحكي في هذا الموضوع باسكو انا ماشي انسان اللي نحب نعالج ولا شغل نعالج فيديو درته. انا حاجه مقتنع منها درتها ماشي مقتنع منها عمركم ما راح تشوفوها السلام عليكم صحا فطوركم صحا رمضانكم واكيد اكيد اكيد صلوا على رسول الله عليه الصلاه والسلام السلام عليكم