[0:02]93.5 Red FM pe Ek Kahani Aisi Bhi Season 2 Praveen ke sath
[0:22]Akshat train me apni birth par pahucha aur bed roll se chadar nikal ke bichane gaya to kinare rakhhe kambal ko hatate hi ek khoobsurat si ghadi usko mili. Usne ghadi turant hi pehan li. Bade maze se usne apne bister ko lagaya aur fir so gaya. Akshat vaise to badi gehri neend mein sone ka aadi tha. Lekin filhaal train mein kuch khas neend use aa nahi rahi thi. Karvate badalta hua aadhi neend mein hi kaafi der tak raha aur uske baad ek station par train ruki toh socha ki utarkar pani kharid le. Ghadi mein usne time dekha to us waqt raat ke 2:00 baje the. Akshat utra aur phail kar ek angdai bhar li thi.
[1:28]ki samne dekha ek aadmi tezi se daudta hua Akshat ki aur aa raha tha. Akshat buri tarah se ghabra gaya tha, lekin vahin khada raha. Lekin jab tak use samajh aata ki kya ho raha hai, utni hi der mein wo aadmi daudta hua Akshat ke aar paar nikal gaya. Akshat vahin platform par gir pada. Utke piche us aadmi ko dekhne palta to paya koi nahi tha vahan aur station ki ghadi mein is waqt 2:00 nahi raat ke 11:30 baje the. Akshat ko samajh hi nahi aaya ki ye hua kya. Vo palta vapas gaadi ki or, aur isse pehle ki vo kuch kare. Train na sirf chal padi, balki turant hi badi tezi se bhagne lagi. Paani bhool kar Akshat train ke piche dauda to zaroor, lekin uska dil aaj kuch zyada hi kharab tha. Har do kadam baad kabhi use koi dhakka marta to kabhi koi usko langdi lagakar gira deta. Train chhoot rahi thi aur Akshat kuch bhi nahi kar pa raha tha. Tabhi uska dimag chala aur usne samne wale dabbe mein chhalang mar di. Andar darwaze par khada hoke haanfta hua saans le raha tha aur upar wale ka shukr mana raha tha Akshat. Tab chauk pada jab uski us bhaagti chhuti train ke darwaze pe khade khade hi usne dekha ki train to abhi bhi platform pe hi khadi thi. Station aur uski dono ki ghadi mein is waqt raat ke 2:00 baje hain. Akshat ko kuch samajh nahi aa raha tha. Lekin paani ki ek bottle kharidne vo train se niche utra. Paani kharid kar pite pite hi usne dekha ki train sachmuch chal padi hai.
[3:51]Aur vo sachmuch is baar bhaga train ke piche. Train ne turant hi achanak bahut tez raftaar pakad li. Daudte daudte har kadam pe kabhi dhakka to kabhi langdi Akshat ko lagti gai. Lekin Akshat ne train pakad li. Aur darwaze par khade hoke usne apne samne dekha to vahi aadmi sachmuch train ke andar uske samne khada tha. Aur usne ek baar fir Akshat ke aar paar train ke bahar chhalang mar di. Akshat thoda sa ladkhada gaya aur train ke darwaze ke handle ko pakad ke latakte hue hawa ke thapedon ke beech jab usne aankh kholi to nazar sidhi haath ki ghadi ki or gai jismein is waqt raat ke 11:30 baje hain.
[5:18]Akshat ko train ke apni birth par ek ghadi mili, jiska time aur platform ki ghadi ka time alag alag tha.
[5:31]Wo jab platform pe utra to usne dekha ki ek aadmi uske aar paar daudta hua nikal gaya. Train bhi piche se chal padi aur turant hi train mein speed pakad li. Kisi tarah girte padte usne train pakdi to paya ki train to apni jagah par jaise ki taise khadi thi.
[5:57]Akshat dobara train se utra to is baar sachmuch train chal padi aur jab girte padte train mein dobara chadha to dekha vahi aadmi ek baar fir Akshat ke aar paar nikal gaya. Train se bahar gir gaya. Akshat ne kisi tarah khud ko sambhala. Ek gehri saans li aur apni kismat ka shukriya ada kiya. Aur uske baad jab wo apni birth par pahucha to wahan ek aadmi pehle se hi kambal odhe so raha tha. Akshat ne usko ja ke jagaya to us aadmi ne uth ke kaha ki wo seat uski hai. Akshat ne ticket nikalte nikalte kaha, bhai sahab ye seat meri hai. Lekin ticket nikalte hi usne dekha ki Akshat ki seat darasal upper birth nahi middle birth mein thi. Chhota sa mooh lekar Akshat chupchap bed roll khol ke chadar bichane laga ki usi waqt us aadmi ne jo upar leta tha usne aise kaha ki sunai bhi de aur aisa bhi lage ki apne aap se hi bol raha hai. Pata nahi kahan kahan se aa jate hain, dusro ke saman ko apna apna lete hain. Had hai. Akshat ko ye baat chub gai. Usne us aadmi se kehte kehte hi upar dekha, dekhiye bhai sahab main kuch Lekin beech mein hi uski baat use kaat deni padi kyuki jab upar dekha to vo aadmi vahan nahi tha. Akshat mooh khole chauk ke badi badi aankhon se vahan dekh raha tha jab uske kandhe par kisi ne piche se hath rakha. Akshat turant palta to dekha TC samne khada tha. TC ne usse ticket manga. Akshat ne ticket usko nikal kar di aur vapas chadar bichane laga to TC ne thode gusse se usse kaha ki bhai sahab aapki middle birth nahi hai, aapki birth upar hai. Sun kar Akshat ne kaha ki nahi uski middle birth hi hai. Upar ki birth to kisi aur ki hai. TC ne apne haath mein ticket lekar Akshat ki aankhon ke 6 inch paas le jakar ticket dikhaya aur unse kaha bhai sahab ye aap hi ka ticket hai. Apni ticket lijiye aur chupchap upar ke birth par le jaiye. TC itna sab keh ke vahan se chala gaya aur Akshat kambal odh ke mooh usi ke andar chhupaye hue let gaya. Neend usse koson door thi. Sare hadso ke baad use itna dar lag raha tha ki vo dar se kambal ke andar hi thar thar kaanp raha tha. ki tabhi kuch hi der mein ek aawaz aayi. Chai coffee, coffee chai. Akshat ne darte hue apna sir nikala aur haklate hue kaha, bhai sahab kitna time hua hai? Chai wale ne kaha ki abhi to 12:00 hi baje hain sahab. Akshat ne haath ki ghadi mein time dekha. 12:00 hi baje the. Haste hue Akshat ne kaha, achha ek chai pilaiye mujhe. Chai wale ne ek chai di to Akshat ne 50 ka note nikal ke uski or badhaya. Jise dekhte hi chai wale ne kaha are sahab rukiye, pehle chhutta le aao. Varna kahin train chal padi to aap kahenge ki aapka paisa maar diye hain hum. Vaise bhi aajkal to dusron ka saman kab kaun hathiya le kaun jane.
[12:07]Akshat ne platform ki ghadi mein time dekha, isse pehle ki Akshat kuch samajh pata vahi chai wala uske samne darwaze par khada tha. Aur keh raha tha sahab mere chai ke paise. Are sahab chai pi hai paise to dijiye. Dusro ka saman aur paisa dekhte hi sabki niyat kharab ho hi jaati hai. Akshat ne ek ₹50 ka note jeb se nikala aur sidhe uski taraf fekte hue kaha, lo tumhari ek nahi 10 chai ke paise. Aur chutte bach jaye to rakh lena apne pas hi. Itna keh ke Akshat ne compartment ka darwaza band kar diya. Ek gehri saans lekar bas palta bhar tha ki uske samne usne dekha toilet wali jagah se vahi chai wala muskurata hua hath mein kuch rupay liye khada tha. Aur keh raha tha, ye lijiye babuji, aapke chhutte. Akshat ne na idhar dekha na udhar sidha compartment ke andar bhagne ko hua to kisi cheez se uska sir badi zor se lada. Aur vo gir kar vahin behosh ho gaya. Hosh turant to nahi aaya lekin dheere dheere aa raha tha. Kisi cheez par use litake le jaya ja raha tha, lekin lakh koshishon ke baad bhi uski aankh nahi khul pa rahi thi. Akshat sirf sun pa raha tha aur usi waqt use bade aur bhari darwaze ke khulne ki ek aawaz sunai di. Andar jate hi laga jaise kaafi sare log hain uske aas paas. Logon ki baat karne ki aawaz to aa rahi thi lekin kaafi dabi hui. Jaise unka mooh kisi cheez se dhaka hua ho aur sath hi aawaz aa rahi thi steel ke bartano ke khar kharane ki. Tabhi ek aur aawaz hui. Is aawaz ke sath hi Akshat ki aankhon par bahut hi tez roshni padi. Jisse uski aankhen dheere dheere khuli aur aankh khulte hi usne dekha ki use gher kar charon or doctor khade hain. Mooh par mask lagaye hue hain aur operation theater ki lights chal rahi hain. Akshat chah kar bhi kuch bol nahi pa raha tha. Doctors ek ke baad ek auzar lekar operation kiye ja rahe the. Akshat ko to kuch samajh nahi aa raha tha. Kyuki use anesthesia ki vajah se kuch mahsus hi nahi ho pa raha tha aur sath hi vo hil dul bhi nahi pa raha tha. Kuch der ke baad mask ke piche se doctor ki muskurahat samajh aayi jiska matlab ye tha ki operation successful hua. Akshat ki bhi jaan mein jaan aayi ki vo theek tha. Lekin agle hi pal uski aankhen chaudi aur badi hoti gai aur takat lagate lagate vo aakhirkar chilla hi pada.
[16:26]Akshat ko train mein uski birth pe padi hui ek ghadi ko dekh use apne sath rakh liya aur uska bura waqt usi se shuru ho gaya. Kabhi kisi ka aar paar nikal jana to kabhi chai wale ka platform se palak jhapakte hi band darwaze ke piche se Akshat ke samne aana. Aur bhagne jao to sar pe chot lagna aur jab aankh hospital mein khuli to doctors uska operation kar rahe the.
[17:08]Jise dekhte hi Akshat zor se chika. Akshat ne dekha ki uska baaya hath kohani ke odhe niche se kaat diya gaya tha. Aur ek tray pe kisi showpiece ki tarah rakha hua tha aur uske baayen hath ki kalai mein thi vo vahi ghadi. Akshat bas buri tarah rote rote itna hi keh paya. Kyu, kyu.
[17:49]Doctor ne mask pehne pehne hi bola ab dusron ki cheezon ko aise hi apna banane walon ko yahi saza mila karegi. Vaise bhi aapne bill to train mein hi de diya tha. Ye lijiye, aapke chutte paise.
[18:12]Itna keh ke us doctor ne apna mask utarna shuru kiya aur ECG ki aawaz tez hoti ja rahi thi. Pura mask utra to dekha ye to vahi chai wala tha. Aur Akshat chikta ja raha tha, chikta ja raha tha, chikta ja raha tha ki tabhi Akshat ne aankh kholi. To usne dekha ki vo train ke andar hi tha. Aur uske theek piche kisi ke kadmon ki aahat aa rahi thi.
[21:44]Jab Akshat ne palat kar dekha to vahi aadmi daudte hue Akshat ke aar paar nikal gaya. Main hoon Praveen aur ye thi aaj ki Ek Kahani Aisi Bhi.
