[0:00]يوم ليله العيد في منطقه كرموز في اسكندريه واحد طالع يصلح الطبق بتاع الدش بتاع التلفزيون. فجاه لقى شاب جارهم اسمه ريان واقف فوق السور بتاع السطح وبيحاول ان هو ينط من فوقه. الراجل اتسحب واحده واحده وشد ريان لجوه وفضل يصرخ للناس الحقوني وده لان ريان كان بيقاومه وعايز يكمل نط من فوق السور. والحقيقه اللي عمله ريان كان شيء صعب جدا كان فعلا صعب ان هو يتحمله. طب ايه اللي عمله وايه اللي حصل؟ وايه هي القضيه بتاعت كرموز اللي حصلت ليله العيد؟ اهلا بيك في حكاوي الطماوي. حكاوي الطماوي مع فارس الطماوي.
[0:42]سلام عليكم. القضيه اللي هنتكلم فيها النهارده قضيه من اصعب القضايا اللي مرت عليا خصوصا ان هي حصلت من يومين تقريبا يوم ليله العيد. الحقيقه وانا معدي شفت جنازه كبيره جدا تقريبا اسكندريه كلها فيها. والجنازه دي كانت في مسجد العمري اللي هو ناحيه ابو الدردار. بدات اسال هو في ايه؟ ايه الجنازه دي كلها؟ مين اللي اتوفى؟ قالوا لي دي كانت قضيه صعبه جدا اتوفى فيها خمس افراد وامهم. والخمس افراد اكبر واحد فيهم ما يعديش ال 18 سنه ولما بدات ادور على القضيه اتفاجئت باللي جاي. من حوالي 20 21 سنه ست من اسكندريه الست دي اتعرفت على واحد خليجي. الراجل ده كان واعدها ان هو هيخلي حياتها جنه. وبالفعل قربوا من بعض اتعرفوا اكتر وحبها وحبته واتجوزوا. ولما اتجوزوا كانت بتسافر له كل فتره والثانيه لحد ما خلف منها ست اطفال. ريان كان هو اكبر واحد فيهم والست اطفال كانوا اربع اولاد وبنتين. وفضلت على الحال ده طول 21 سنه تسافر وترجع تروح وترجع وكانت الامور طبيعيه جدا. لحد اخر فتره الست قررت ان هي تستقر هناك في الخليج. ولكن حصلت مشاكل ما بينها وما بين جوزها خلت الامور مش احسن حاجه. فهنا اضطرت ان هي تاجر مكان بعيد عن جوزها وقعدت في سكن ثاني ولكن كانت في نفس البلد. طبعا جوزها لحد هنا كان لسه ما طلقهاش هي اه قاعده بعيد ولكن هو مش مطلقها هي لسه على ذمته. لحد ما جت سنه 2026 الست هنا تحس بشويه تعب. فبدات ان هي تعمل فحوصات وتروح تكشف وتشوف في ايه لحد ما للاسف قالوا لها انت حضرتك عندك كانسر وكمان في حاله متاخره جدا. طب الحل ايه؟ الحل ان حضرتك تاخذي العلاج وربنا اللي في ايده الشفاء. الست هنا صرفت كل اللي معاها ومش عارفه تعمل ايه تكلم جوزها ابعت لي قرشين اجيب العلاج على الاقل اعمل باقي التحاليل الا ان هو ما بيردش عليها. فالست هنا حست بشويه ضغط فقررت ان هي ترجع على مصر وهنا تحاول تشوف حد انه يساعدها ان انها تتعالج. سواء بقى من قرايبها سواء من معارفه وبالفعل لما رجعت هنا رجعت على منطقه كرموز المنطقه اللي هي عايشه فيها. بقت تستلف من ده وتستلف من ده على امل ان الدنيا تتصلح والامور تستقر الا ان هي الست برده كانت الدنيا مضغوطه معاها قوي. وخرج بعض اولادها ان هم يشتغلوا فكان اكبرهم هو ريان. كان ريان عنده 20 سنه الولد كل اللي في المنطقه كانوا بيقولوا ان هم عيله في حالهم جدا يعني لا بتسمع لهم صوت ولا بتوع مشاكل. وريان بالفعل كان شغال وبيحاول ان هو يساعد والدته في المصاريف بتاعه العلاج الا ان برده مهما اشتغل مصاريف العلاج ده بتكون صعبه جدا وثقيله جدا. والست هي كمان كانت بتشتغل رغم ظروفها الصحيه اللي هي كانت بتعاني منها. لكن فلوسها على فلوس ريان على باقي الاولاد كانوا بيسدوا معاها الدنيا شويه لحد ما التعب زاد عليها. فقررت ان هي تكلم جوزها تقول له ابوس ايدك ده اخر حل قدامي هو انت انا وريان واولادنا بنحاول ان احنا نشتغل على قد ما نقدر لكن الظروف صعبه جدا. انت عارف الجرعه اللي انا باخدها اصلا بكام؟ انت عارف نوع الاكل اللي انا المفروض اخذه ما باخدهوش بستخسر في نفسي بكام؟ يا اخي حرام عليك على الاقل ابعت لي حتى ربع اللي بطلبه منك الا ان جوزها هنا فاجئها بحاجه. قال لها هو انا اللي بيني وبينك ايه؟ قالت له اللي بيني وبينك اولادنا وانا لسه على ذمتك. قال لها طب بصي انت طالق الست هنا اتصدمت قالت له هو ده المعروف وهو ده رد الجميل. هو ده جزاء تربيه اولادك السته هو ده حق تعبي عليهم قال لها اه هو كده واقول لك حاجه ثاني انا كمان اتجوزت اصلا. وما تتصليش هنا ثاني علشان ما اعمل لكش مشكله الست هنا حست بياس وحاله صعبه جدا. مش عارفه تعمل ايه وكل يوم الضغط يزيد عليها لدرجه ان هم بداوا يبيعوا في العفش بتاع بيتهم. وكل يوم الوضع يزيد سوء اكتر من اللي قبله. كل ده وريان هو اكبر اخواته عمال يبص على والدته وحاسس بتعب وحاسس ان هو مضغوط مش عارف يساعدها وده حسب الكلام اللي قاله ريان في التحقيقات. قال انا كنت كل شويه اروح واقعد معاها اقول لها طب انا اعمل ايه لو شايفه ان انا في حاجه ممكن اعملها قول لي وانا هاعملها الا ان امه عارفه ان الحمل ثقيل جدا على ريان. وتقول له لا ما تعملش حاجه هي مش هتتعدل لكن لحد ما راحت وهي بتكشف قالوا لها الحاله صعبه العلاج انت ليه ما جبتوش؟ لكن الست لا كانت بتشتكي لحد ولا كانت عارفه تعمل ايه. لحد ما جت يوم وريان راجع من الشغل مهموم مش عارف يعمل ايه الكلام ده كان في شهر رمضان يعني من ايام بسيطه. فوالدته قعدت مع ريان قعدت تتكلم معاه تقول له بص يا ريان انا قعدت فكرت كثير ما لقتش يا ابني غير حل واحد. قال لها ايه هو؟ قالت له احنا الحل عند ربنا هو اللي لا بينام ولا بيغفل وهو اللي عنده الرحمه ومش هيسيبنا. قال لها ايوه يا امي بس انت يعني ليه بتقولي كده؟ قالت له هو ده الحل وانا خايفه اموت واسيبكم لوحدكم تتلطموا في الدنيا وابوكوا كده كده مش هيسال فيكم وما حدش يا ابني بيحن على حد. قال لها طب الحل ايه؟ قالت له الحل ان احنا نخلص على اخواتك. ريان هنا اتصدم بيقول انا لما قالت لي كده قعدت مكاني كاني اتجمدت يعني ايه اموت اخواتي؟ يعني ايه اخواتي اللي انا اصلا شغال وطالع عيني عليهم اموتهم؟ قال فضلت اقول لها لا وازاي يا امي كده ومش هينفع وعارضتها في الاول الا لما انا الدنيا كمان داءت عليا زيي زيها. رجعت وبصيت لها قلت لها يا امي انت عندك حق هو ده الحل الوحيد الام هنا فعلا بدات تخلص على الاولاد وهنا حسب كلام ريان. قال وانا كمان كنت بساعدها كان يخلص على الاول وبعد كده الثاني الثالث الرابع الخامس. كل ده والاولاد اخواته كانوا بيتوسلوا ليهم ان هم يسيبوهم اطفال ما لهمش اي ذنب. اكبر حد فيهم ما يكملش 18 سنه عشان بالفعل يخلصوا على كل الاولاد. وكان الاتفاق من ام ريان مع ريان قالت له بعد ما اخلص على الاولاد انت كمان تخلص عليا وبعدها انت كمان تخلص على نفسك. وبكده نبقى احنا كلنا يا ابني ارتحنا ما تلطمناش في الدنيا ورحنا عند ربنا هو اللي هيكون رحيم بينا. عشان بالفعل بعد ما خلصوا على الاولاد ريان هنا خلص على امه. ريان فضل قاعد قدام الجثث هو مش عارف يعمل ايه خمس اخواته ميتين وامه كمان ميتين. وهو قاعد لا عارف يخلص على نفسه ولا عارف يكلم حد ولا عارف يعمل اي حاجه خالص. وبالفعل قعد ساعات قدام الجثث وهو مش قادر يتحرك لحد ما ريان شاف ان الحل الوحيد انه فعلا يخلص على نفسه. لانه مستحيل يتحمل ان هو يعيش بعد ما عمل كده فيهم طب بلاش حتى لو هو عاش لما يتقبض عليه هيقول ايه؟ عشان بالفعل يطلع ريان يحاول ان هو ينط من البلكونه وهم كانوا ساكنين في الدور السادس. لكن ريان خاف ان هو ينط من الدور السادس يعيش وبكده يبقى حتى الامل الوحيد فيه ان هو يموت برده يكون راح. قال لك لا انا اطلع اخر دور في العماره وانط ولان العماره كانت بتتكون من حوالي 13 دور بالفعل طلع على السطح. بعد ما وقف على السطح قرر ان هو ينط عشان يجي واحد من جيرانهم طالع ان هو يصلح طبق الدش بتاع التلفزيون. فجاه يلمح ريان يبص كده يقول هو الولد ده بيعمل ايه؟ يتفاجئ ان هو فعلا بيطلع على السور وكان خلاص هينط يتسحب الراجل من وراه يشده لجوه ويمسكه. ريان هنا كان بيحاول ان هو يقاوم وفضل يصرخ ويقول له اوعى سيبني علشان انا لازم اموت. الا ان الراجل قعد يصرخ الحقوني الحقوني الواد هيموت نفسه لحد ما الجيران كلهم طلعوا واتلموا على ريان مسكوه. ايه يا ابني اللي بتعمله ده؟ في حد يعمل كده حرام عليك تغضب ربنا ده احنا حتى في ايام مفترجه. ان الكلام ده كان يوم الوقفه قعدوا يتحايلوا عليه طب اهدى فهمنا في ايه الا ان ريان كان منهار وقال كل حاجه. قال لهم امي واخواتي انا موتتهم قالوا له ايه اللي انت بتقوله ده؟ وناس تصدق وناس تقول لك الواد ده شارب حاجه. ممكن يوم الوقفه اخذ حاجه من اصحابه الا ان كل الناس عارفه ان ريان شاب محترم ما لوش دعوه باي مشاكل ولا لي في السكك دي. عشان بالفعل يقرروا ان هم يصدقوا رويته ينزلوا عند الشقه يفضلوا يرنوا الجرس ما حدش يفتح. واحد منهم قال لهم يا جماعه بلاش تكسروا الباب لان لو كسرتوا الباب وطلع فعلا في جثث فدي قضيه ثانيه. فالحل ان انتم تبلغوا الشرطه وهم اللي ييجوا يفتحوا الباب ويشوفوا لو كلامه بجد ياخد جزاءه. المهم اتصلوا فعلا بالمباحث المباحث جت سمعت الكلام ده راحوا طلعوا وفتحوا الباب بتاع الشقه. اتتفاجؤوا بحاجه لقوا موجود في الشقه ست جثث خمسه اللي هم اخوات ريان بنتين وثلاث اولاد وجثه لامهم. وبالفعل لقوا اوراق تدل ان الست دي كان فعلا عندها كانسر ولقوا حاجات كثير تدل ان انا فعلا كانت تعبانه. خدوا ريان وطلعوا بيه على الاسم قعدوا معاه قالوا له اهدى وحاول تقول لنا اللي حصل. انت ليه عملت كده في امك واخواتك؟ قال لهم انا ما عملتش كده دي امي هي اللي عملت كده. طب ازاي اشرح لنا؟ قال لهم لما الدنيا بدات تضيق عليا جت وقعدت معايا واتفقت معايا على ان انا وهي نخلص على اخواتي. وبعد كده اخلص عليها وانا كمان اخلص على نفسي قالوا له ايوه وليه كل ده؟ قال لهم ما انا ابويا مش راضي يصرف علينا ولا حتى راضي يبعت لنا مصروف. احنا طول رمضان كنا بناكل وجبه واحده احنا لا عارفين ناكل ولا نشرب ولا نتعالج كل اللي بنعمله بنشتغل علشان نعالج امي. لكن اكل ما فيش حتى العلاج كنا ساعات بنجيب حاجه ونسيب حاجه وبنرتبها اولويات وهنا كانت صدمه. لكن برده الكلام ده تحسوه ما كانش منطقي لكن المباحث عملت شغلها. قفلوا المحضر وقرروا ان هم يحولوه للنيابه وفي التحقيقات قال نفس الكلام. ولكن في حاجه برده احنا المفروض نفكر فيها تعالى كده نحسبها بالعقل. وتخيل نفسك انت مكان ريان او مكان الام لو انت دلوقتي الظروف عندك مش احسن حاجه. وحتى لو انت ايمانك ضعيف وقررت ان انت فعلا تخلص على اولادك وتخلص على نفسك. هل الطبيعي اجيب اكبر اولادي واقول له انك تساعدني اخلص على اخواتك وبعد كده انت تخلص عليا وبعد كده تخلص على نفسك؟ في ناس قالت لي اه ممكن هي ما كانش هاين عليها ان هي تخلص على ابنها ده علشان كانت بتحبه. فعشان كده طلبت ان هو يساعدها ان هم يخلصوا على اخواته وبعد كده هو اللي يخلص عليها علشان هي اكيد مش هيهون عليها تخلص على ابنها. ما هي لو كده طب ما هي برده خلصت على باقي اولادها ودول اللي كانوا اصغر وزي ما بيقولوا كده اخر العنقود فطبعا الروايه دي فيها حاجه. ولو رحنا للروايه الثانيه هل منطقي ان الست تطلب من احد اولادها ان هو يساعدها في التخلص من اخواته؟ طب ما كان من باب اولى هي اللي تخلص على كل اولادها وبعدين هي تخلص على نفسها طب بلاش ما هي الست كده كده كان عندها كانسر. وكانت في حاله متاخره وكل الدكاتره قالوا لها الموضوع صعب طب هي مش كان من باب اولى تحاول تعمل حاجه تساعد بيها اولادها لحد ما هي يجي قضاء ربنا؟ لو هي فعلا الحاله ما يقوس منها زي ما كان بيقول ابنها الا ان الكلام فيه حاجه غلط. والكلام ده هو كلام ريان يعني ما فيش دليل ان الام فعلا هي اللي قالت له كده. ما فيش حاجه مكتوبه تدل ان هي اعترفت او حتى سايبه دليل قبل ما تتوفى عشان تبرا بابنها. ان لو هي فكرت كده فاكيد كانت هتبقى عارفه ان وارد ابنها يتنسك او يتقبض عليه او يفشل ان هو يخلص على نفسه الا ان الروايه لحد دي فيها حاجه غلط. وشايف ان هو مش منطقي ان الست في الحاله دي وفي الحاله اللي هي بتحاول تقرب فيها من ربنا مهما الياس مسكها. ازاي هتلجا ان هي تخلي احد ابنائها يساعدها ان هو يخلص على اخواته وبعدها تطلب منه يخلص عليها وهو كمان يخلص على نفسه. الا ان ناس ثانيه قالت لا الولد ده ممكن يكون فعلا شرب حاجه دخلته في مشكله مع اهله وقام بالتخلص منهم وبعدها لما فاء حس بذهول ان هو عمل كده. فطلع علشان يخلص على نفسه وبرده الروايه دي يعني فيها شويه منطقيه. ولكن لحد دلوقتي احنا مش عارفين الحقيقه فين التحقيقات شغاله والنيابه بتحقق في الموضوع وريان هيتحول لمحاكمه. ولكن كل اللي اقدر اقوله يعني مهما الدنيا صابتك ومهما كان عندك يعني حاول تتمسك بالامل. في ربنا سبحانه وتعالى واللي بعت لك المرض ده اكيد بعت لك الشفاء بتاعه اه الحاله متاخره ولكن سمعنا كتير عن حالات متاخره. ربنا فجاه بينم عليها بالشفاء وكل الدكاتره كانت بتقول لهم مستحيل وسبحانك يا رب الشفاء بيجي باللحظه حتى مش باليوم والليل. ربنا يرحم الاولاد ويرحم والدته اذا كان بقى هي فعلا اللي طلبت كده ولا هو اللي عمل كده من نفسه. واكتر حد يعني شايف ان هو المتهم الوحيد في الموضوع ده لو الروايه دي فعلا صح هو مش ريان. هو ابوهم ابوهم اللي هان عليه اولاده وهان عليه مراته اللي هي خلفت منه كل الاولاد دي ان هو يسيبهم عادي في الظروف دي وعارف ان الناس دي محتاجه وعارف ان هم في عرض قرش. يا ريتهم ناس غريبه دول من دمك مراتك واولادك الا ان هو اتخلى عنهم وساب اولاده ومراته يوصلوا للحاله دي. فانت لو شايف الفيديو ده دلوقتي فانا بقول لك حسبي الله ونعم الوكيل لان صدقني ما حدش متهم في الموضوع ده غيرك انت. حتى لو القانون بيبراك لانك ما شاركتش بشكل فعلي بايدك لكن قانون ربنا سبحانه وتعالى عمره ما هيبراك. والسؤال ليك انت بقى شايف ان ده فعلا حصل ولا ريان هو اللي بيقول القصه دي عشان بس يحاول يطلع منها او يخفف الحكم. سيب لكم انتم الاجابه واشوفكوا هناك اشوفكم في حلقه جديده من حكاوي الطماوي سلام عليكم.
