Nausea and Vomiting , OTC Course

[0:00]بسم الله الرحمن الرحيم, معاكم الدكتور احمد من قناة ادرينالين ومكملين معاكم في سلسلة كورس الأوتو سي وهنتكلم النهاردة عن الفوميتينج، الترجيع. بداية من تشخيص الحالة وإيه الميكانيزم اللي بيحصل في جسمنا مسؤول عن الترجيع وده هنشرحه في جزء الباثوفسيولوجي. والعلاج المناسب لكل حالة تعالوا نتكلم أول حاجة عن جزء التشخيص ولعلمك دي أول خطوة في العلاج. لأن لو كبرت دماغك واديت للمريض علاج ترجيع من غير ما تعرف السبب ساعة ساعتين بالكتير وهيرجع الترجيع تاني لأنك ما عرفتش السبب الأساسي للترجيع عند المريض. أما لو عرفت المشكلة بكل سهولة إن شاء الله هتعرف تعالج المريض. والخطوة دي عبارة عن أسئلة هنسألها للمريض وهنعرف منه التشخيص. هل المريض بيشتكي من كحة لو كان المريض بيكح جامد فممكن يكون الترجيع حصل بسبب الكحة. فلو عالجنا الكحة هيوقف الترجيع مباشرة وفي حلقة كاملة اتكلمنا فيها عن الكحة وأنواعها وعلاجها بالتفصيل. هل المريض بيشتكي من سخونية مع ألم في البطن ودي ممكن تكون نازلة معوية ودي اتكلمنا عنها بالتفصيل في حلقة الابدومنال بين. وعرفنا إزاي بنفرق بينها وبين الأبندكس التهاب الزايدة الدودية وقلنا إن الابندكس دي وجع أسفل البطن في الجزء اليمين. ولو الشخص نايم وحطيت إيدك على المنطقة دي هيحس بألم جامد وكمان مش هيقدر يتني ركبته من شدة الألم. هل المريض بيشتكي من عسر هضم وده اللي سببله ترجيع وبالتالي لو اديتله حاجة تظبط الهضم هيوقف الترجيع إن شاء الله. هل المريض رجع بعد ما أخد علاج معين وهنا العلاج عمله حساسية وبالتالي سببله ترجيع وهنا لو أمكن نغير العلاج أو نوقفه. وغالباً بيكون الأدوية اللي بتأثر على الدوبامين هي اللي بتعمل كده وهنفهمها أكتر في جزء الباثوفسيولوجي. كمان في حالات مش بنقدر نوقف فيها العلاج زي حالات الكانسر وهنعرف قدام علاج الترجيع مع مريض الكانسر. هل المريض أكل حاجة من الشارع ورجع بعدها وهنا الترجيع ممكن يكون نتيجة تسمم. ولو كانت واحدة هي اللي بتشتكي من ترجيع اسألها هل في حمل لأن من 50 لـ 60% من الحوامل في الفيرست تراميستر اللي هم أول ثلاث شهور حمل بتشتكي من ترجيع لأسباب كتيرة جدا. لكن من أشهر الأسباب اللي بتعمله نتيجة زيادة هرمون الـ HCG الهيومان كرونيك جونادوتروبين وكمان نتيجة الفيستيبيلار سيستم وده الجزء المسؤول عن الاتزان في الجسم. وده بيعمل ظاهرة اسمها المورنينج سيكنس يعني الست الحامل تحس بالترجيع أول ما تقوم من النوم. بالإضافة إن الجاستريك إمتينج ريت عند الحامل قليلة وده معناها معدل تفضية المعدة المفروض الأكل بيقعد مدة معينة في المعدة وبعدين بيتهضم ويروح للأمعاء. في الست الحامل وقت الجاستريك إمتينج ريت بيقل بالتالي فترة بقاء الأكل في المعدة هتزيد وده هيعملها شعور بالامتلاء وهتحس بالترجيع وهنتكلم عن علاج الترجيع للحامل بالتفصيل قدام إن شاء الله. هل المريض بيشتكي من ارتجاع مريء ودي مشكلة بصمام المعدة والمريء فالأكل بيرجع لورا والمريض هيحس بحمو وحرقان وده اللي هيخليه يرجع. فبالتالي لو عالجنا الارتجاع هيوقف الترجيع هل المريض كان على سفر وجايلك من مسافة بعيدة وحصله ترجيع ودي حالة موشن سيكنس يعني دوار بحر وده نتيجة لخلل في الفيستيبيلار سيستم. وده مركز الاتزان في الجسم فسببتله ترجيع وهنعرف علاجه بالتفصيل إن شاء الله. وممكن يكون المريض حساس جدا لدرجة إن لو شاف دم أو شاف حاجة ميتة أو شم ريحة معينة أو أكل أكل معين الحاجات دي بتخليه يرجع ودي هنتكلم عليها إن شاء الله في جزء الباثوفسيولوجي قدام. لو مفيش حاجة من اللي إحنا قلناه دول يبقى قيس للمريض الضغط بتاعه لأن في بعض الأحيان مريض الضغط بيحس بصداع ودوخة وده بيعمله شعور بالقيء فيرجع. ممكن يكون مريض ضغط ونسي ياخد علاجه أو ممكن ما يكونش عارف إنه مريض ضغط أصلا فانت بتنصحه يتابع مع طبيب بطن. لو لاحظنا في السكيم اللي قدامنا دي هنلاقي إن دي معظم حالات الترجيع اللي ممكن تدخلنا الصيدلية. دول 10 حالات من ضمنهم ثلاث أو أربع حالات بس اللي بديهم علاج والباقي أنا بشخصهم بس. لأن زي ما قلنا قبل كده لو كبرت دماغك واديته علاج ترجيع ساعتين بالكتير وهيرجع يرجع ثاني لأني ما عالجتش السبب الرئيسي. كده إحنا خلصنا جزء التشخيص طب بالنسبة للحالات اللي بطلع لها علاج ترجيع بطلع أي حاجة كده عشوائي لا طبعاً. هنعرف الوقتي نفسر كل حالة بتدخلنا الصيدلية علشان نعرف إيه العلاج المناسب لكل حالة علشان كده هنشرح جزء الباثوفسيولوجي. وده اللي هيخلينا نعرف نطلع الدواء وإحنا فاهمين ومن غير حفظ كتير إحنا عندنا أماكن عديدة في الجسم. بتبعت إشارات عصبية للفوميتنج سنتر وده الجزء المسؤول عن الترجيع في المخ فالفوميتنج سنتر أول ما بتجيله إشارة بالتنبيهات دي بيبعت إشارة للجي آي تراكت المعدة ويقولها اعملي كونتراكشن تنقبض في الشخص يرجع. سريعاً كده تاني عندنا أماكن في جسمنا بتبعت إشارات عصبية للفوميتنج سنتر فالفوميتنج سنتر بيبعت إشارة للجي آي تي يقولها تنقبض في الشخص يرجع. يعني هنا المسؤول عن الترجيع هو الفوميتنج سنتر واللي بيحفزه هو الإشارات اللي بتجيله عاوزين بقى نعرف مين اللي بيبعتوا إشارات للفوميتنج سنتر علشان دول لو وقفناهم يبقى إحنا كده عالجنا الترجيع. أول حاجة عندنا الـ CTZ الكيموريسيبتور تريجر زون دي من أحد الأماكن اللي بتبعت إشارة للفوميتنج سنتر. طيب إيه اللي بيحفز الـ CTZ الـ CTZ عليه من بره دوبامين ريسيبتور وسيريتونين ريسيبتور المستقبلات دي أول ما بيشتغلوا بيحفزوا الـ CTZ فبيبعت إشارة للفوميتنج سنتر فبتبعت إشارة للجي آي تراكت فيخليها تنقبض في الشخص يرجع. يعني في الحالة دي لو قفلت الدوبامين والسيريتونين مش هيحصل ترجيع. تاني حاجة عندنا الـ V.S وده جزء في المخ مسؤول عن اتزان الجسم وده اللي بيحفزه الـ H1 ريسيبتور. بيتحفز في حالة الموشن سيكنس يعني لو واحد مسافر ورأسه فضلت تهتز يمين وشمال تلاقيه بيحس بالترجيع لأن ده حفز الهيستامين. والهيستامين يروح يشتغل على الـ H1 ريسيبتور فبيشغل الفيستيبيلار سيستم فبيبعت إشارة للفوميتنج سنتر والفوميتنج سنتر تبعت إشارة للجي آي تي علشان تعمل كونتراكشن فتنقبض والشخص يرجع. كمان في حالة المورنينج سيكنس الستات الحوامل أول ما تقوم من النوم بتحس إنها عاوزة ترجع ودي نتيجة لتحفيز الهيستامين للـ H1 ريسيبتور فبيشغل الفيستيبيلار سيستم فبيبعت إشارة للفوميتنج سنتر فبتبعت إشارة للجي آي تي فتعمل كونتراكشن فترجع. تالت حاجة عندنا الكورتكس وده بيتحفز لما يكون الشخص عنده حساسية لريحة معينة أو أكل أكل معين مش بيحبه وكمان في حالة الضغوط النفسية والعصبية. كمان لو شاف لون معين زي لون دم وكمان التوتر عند الطلبة خصوصاً أيام الامتحانات الحاجات دي بتختلف من شخص للثاني. أول ما الشخص بيحصله حاجة من الحاجات اللي قولناها دي بيحفز الكورتكس فالكورتكس بتبعت إشارة للفوميتنج سنتر وتخليه يبعت إشارة للمعدة فتنقبض فالشخص يرجع. رابع حاجة عندنا الجي آي تي المعدة ودي عليها سيريتونين ريسيبتور بالتالي لو زاد السيريتونين قوي هيحفز الجي آي تي إنها تبعت إشارة للفوميتنج سنتر فالفوميتنج سنتر ترد عليها بإشارة تاني علشان تنقبض فالشخص يرجع. ليه بقى إحنا شرحنا جزء الباثوفسيولوجي علشان لما يجيلك مريض بيشتكي من دوار بحر موشن سيكنس ماروحش اديله حاجة تقفل الدوبامين. إحنا عرفنا اللي بيشتغل هنا الـ H1 فهقفل الـ H1 ولو افترضنا اللي بيرجع ده طالب وعنده امتحانات كده عرفنا إن المشكلة هنا بسبب الكورتكس. كده إحنا خلصنا جزء الباثوفسيولوجي وهندخل على مرحلة العلاج. عرفنا في البداية إن أهم حاجة في خطوة العلاج هي التشخيص علشان أعرف سبب الترجيع. تاني حاجة بقى هندخل على العلاجات اللي هنصرفها للمريض. أنا عندي ثلاثة ريسيبتور اللي شرحناهم في الباثوفسيولوجي لو قفلناهم هنوقف الترجيع إن شاء الله. أول حاجة عندنا الدوبامين ريسيبتور أنتاجونيست تاني حاجة السيريتونين ريسيبتور أنتاجونيست تالت حاجة الـ H1 ريسيبتور أنتاجونيست. أول ريسيبتور هنقفله الدوبامين ريسيبتور أنتاجونيست ودي الأدوية اللي بتقفل الدوبامين. أول مجموعة معانا بتقفل الدوبامين في الصيدلية الميتوكلوبراميد ودي أمثلتها البريمبران في منه أقراص وحقن ونقط. الفوميستوب فيه منه أقراص والجرعة هتبقى من تلات لأربع مرات في اليوم قبل الأكل بنص ساعة ده بالنسبة للشراب أو الأقراص. وبالنسبة للحقن لازم تحسب الجرعة للأطفال لكن الكبار اديله عادي مفيش مشكلة المجموعة دي آمنة للأطفال ولكن لا يفضل إنك تديها لطفل أقل من سنتين. ليه لأنها هتعمله إكسترا بايراميدال سيندروم ودي تشنجات وبتستمر مع الطفل لمدة 24 ساعة وبعدين بتختفي. طب لو حصلت معاك التشنجات دي للطفل وعاوزة تختفي قبل 24 ساعة هنا هتدي له حقنة الاڤيل ودي جرعتها 0.5 مل لكل 10 كيلوجرام. طب لو لقيت دكتور كاتب لطفل بريمبران في الروشتة كده أنت محتاج تحسب الجرعة للطفل ده وهنقول إن جرعة البريمبران للطفل 0.1 ملجم لكل كيلوجرام لكل دوز. يعني لو دخلك طفل وزنه 10 كيلوجرام هتحسب الجرعة وهتلاقيه ياخد 1 مل فقط. تاني مجموعة معانا في الدوبامين ريسيبتور أنتاجونيست الدومبيريدون وأمثلتها الموتيليوم، الموتينورم، الجاستروموتيل، البروكينين. ودول منهم أقراص وحقن بالإضافة للموتينورم وكمان في منه اللبوس. الجرعة بتاعتهم من تلات لأربع مرات في اليوم قبل الأكل بنص ساعة بالنسبة للشراب والأقراص وبالنسبة للحقن تحسب الجرعة للأطفال والكبار اديله عادي مفيش مشكلة. تاني ريسيبتور هنقفله السيريتونين ريسيبتور أنتاجونيست ودي الأدوية اللي هتقفل السيريتونين. العيلة دي من أفضل وأأمن الأدوية اللي ممكن تستخدمها للحامل والأطفال جميلة جدا وقوية. وكمان بتستخدم مع مرضى الكانسر ودكاترة كتير مش بترضى تكتبها لأنها غالية مقارنة بالأدوية التانية للترجيع. كمان ممكن تتاخد لطفل من عمر ست شهور والجرعة 0.15 لكل كيلوجرام لكل دوز. أول مجموعة معانا في السيريتونين ريسيبتور أنتاجونيست الاوندانسيترون وأمثلتها الزفران حقن وده منه تركيزين 4 و 8 ملغ ده المستورد. المصري منه الدانست منه أقراص وحقن كمان عندنا الأمريست حقن وعندنا الاوندالينز ودي لازقة بتحطها على اللسان وبتجيب نتيجة بسرعة وممكن تكون قريبة من تأثير الحقن. تاني مجموعة معانا في السيريتونين ريسيبتور أنتاجونيست الجرانيسيترون ودي أمثلتها الإم إكس والجرانيتريل أقراص وحقن. الميتاش حقن فقط تالت ريسيبتور هنقفله الـ H1 ريسيبتور أنتاجونيست ودي الأدوية هتقفل الـ H1 ريسيبتور. ودي أكتر استخدامين ليها في حالة الموشن سيكنس الناس اللي بترجع في المواصلات والمورنينج سيكنس الستات الحوامل. أول مجموعة معانا في الـ H1 ريسيبتور أنتاجونيست السايكليزين مع فيتامين B6 ودي أمثلتها الاميتركس أقراص وحقن. وخلي بالك إن الحقن دي بتتدرب يعني تخلي بالك من الشخص اللي داخل يطلبها. تاني مجموعة معانا في الـ H1 ريسيبتور أنتاجونيست الميكليزين مع فيتامين B6 ودي أمثلتها النافوبروكسين والفوميدوكسين أقراص ولبوس. نافيدوكسين وديزيرست B6 أقراص فقط. كمان لما استخدموا الكورتيكوسترويد كانت إيميتك خصوصا لما عملوا لها كومباينيشن مع الفيتامين B6 ودي أمثلتها الكورتيجين B6 حقن الأطفال وحقن الكبار ناقصة طبعا. كورتيبليكس B6 حقن الأطفال والكبار ودي أفضل حقنة ممكن تطلعها للأطفال آمنة جدا وما فيش فيها أي مشكلة. الجنر من ضمن العلاجات الطبيعية الكويسة جدا برضه للموشن سيكنس والمورنينج سيكنس. بتطلع للحوامل والناس اللي بترجع في المواصلات جميلة جدا وبتجيب نتائج هايلة. كده أي حد دخلك الصيدلية بيشتكي من ترجيع بقيت عارف الأسئلة اللي هتسألها علشان تعرف تشخص الحالة صح. وكمان بقيت عارف ميكانيزم الترجيع وإزاي بيحصل وإيه العوامل اللي بتحفزه. وجمعنا معظم أدوية الترجيع الموجودة في الصيدلية بالمواد الفعالة وجرعات الاستخدام. وبكده انتهت حلقتنا النهارده ومكملين معاكم في كورس الأوتو سي لو عندك أي استفسار سيبه في التعليقات وإن شاء الله هارد عليكم.