[0:00]السلام عليكم ورحمه الله وبركاته، اهلا بكم في فيديو جديد على القناه سامح رمضان. ما زلنا مكملين سوا في كورس كومتي نيتورك بلس وده الفيديو الثاني وهكلمكم فيه عن نتورك ستيرمز او مصطلحات خاصه بالشبكات. ضروري جدا ان احنا طالما لسه بنسس نفسنا في الشبكات فلازم نفهم شويه ترمز او مصطلحات بنسمعها او هتسمعوها كتير خصوصا للناس اللي هي لسه بتبدا طريقها او مسارها في النتوركس. تعالوا الاول نبدا بمصطلح النتورك ذات نفسه. مصطلح النتورك ذات نفسه لو انا اتكلمت عنه فهو المصطلح عام جدا. ممكن يكون يقصد به مثلا جهازين ثلاثة في اوفيس او في مكان متصلين ببعض واتنين تلاته مستخدمين وبيعملوا شيرنج ما بينهم فبيطلق على المصطلح ده نتورك وممكن يطلق مثلا على الافات او ملايين من الاجهزه متصله ببعضها البعض عن طريق اجهزه مختلفه تكنولوجيز مختلفه وسرعات مختلفه وبرضه بيتقال عليها نتورك. فلا بد ان احنا نفرق بقى ما بين المصطلحات المختلفه اللي ممكن تطلق على الشبكات وفي الاخر برضه هي بتدور في فلك الشبكات. تعالوا نفهم كده الاول مفهوم الشبكه او هضرب لكم مثال اوضح لكم من خلاله ايه هي الشبكه. نتخيل مع بعض الشبكه دي عامله بالظبط زي طريق او شارع. الشارع ده في بيوت على جانبي الشارع. والبيوت ديت معونه او ليها عناوين طبعا او ليها ارقام. فمثلا هفترض ان البيت ده رقمه مثلا 400 و12 والبيت ده رقمه 413 والبيت ده رقمه 414. واكيد الشارع بيبقى ليه اسم هفترض مثلا ان الشارع ده اسمه فيوتشر. ستريت. احنا عندنا الشبكات حاجه شبه كده طبعا احنا عندنا في بدايه ظهور الشبكات كانت الشبكات تقريبا نفس التوبولوجي او نفس المنظر ده. الناس اللي اتفر جت على الفيديو الاول فاكيد اتعرضنا لحاجه اسمها التوبولوجي ومن ضمن التوبولوجي اخذنا حاجه اسمها الباسوبولوجي وكنا قلنا ان الباسوبولوجي بمنتهى البساطه هو عباره عن ان انا بيبقى عندي سنترال كيبل والسنترال كيبل ده بيطلع منه دروب كيبل ومن كل دروب كيبل بيبقى عندي جهاز الكمبيوتر. طبعا الموضوع اختلف دلوقتي وبقى عندنا التوبولوجي الاكثر انتشارا هي. الستار توبولوجي لكن الموضوع ما يفرقش معايا انا هنا بتكلم عموما تصور عام للشبكات. طيب دلوقتي لو انا حبيت اعرف عنوان اي شخص من الاشخاص اللي ساكنين في الشارع ده. يعني مثلا لو انا عايز اعرف عنوان شخص ساكن في البيت ده او في المنزل ده لما هيجي يكتب عنوانه هيكتبه ازاي هتلاقيه بيكتب بيقول لك انا ساكن مثلا في 412 فيوتشر ستريت. مظبوط؟ طب لو انا عايز اعرف عنوان حد ساكن في الشارع ده؟ فهتلاقيه بيكتب انا ساكن في 413 فيوتشر ستريت برضه. جميل فبصوا هتلاقوا ان عناوين الناس اللي ساكنه في نفس الشارع عباره عن تو كومبوننتس او عنصرين اساسيين العنصر الاول هو رقم المنزل يليه على طول عنوان الشارع او اسم الشارع. طبعا كل البيوت او كل المنازل اللي في نفس الشارع كلهم بيشتركوا في اسم الشارع ولكن بيختلفوا في رقم البيت. عايز اقول لكم ان احنا عندنا نفس الكلام في النتوركس معنى ايه؟ احنا عندنا لو لو تصورنا ان النتورك ديت هي برضه عامله زي شارع او مين ويه كده. وبيطلع منها اجهزه او في اجهزه متصله بالمن ويه فكل ديفايس داخل النتورك بيبقى له رقم يعني مثلا لو قلنا ان دي نتورك ايه جميل والجهاز ده رقم واحد والجهاز ده رقم اتنين والجهاز ده رقم تلاته. فبالتالي لما احب عنون او اعرف عنوان اي جهاز داخل النتورك دي لازم العنوان يشمل حاجتين لازم يشمل رقم الجهاز يعني مثلا الجهاز الاولاني ده هيبقى رقمه ايه بعديه على طول عنوان النتورك اللي فيها الجهاز يبقى الجهاز ده هيبقى اسمه 1A 1 اللي هو رقم الهوست والايه دوت اللي هو عنوان النتورك. طب الجهاز الثاني 2A اه يبقى انا افهم من كده ايه؟ ان واحد والاثنين الاثنين واقعين في نفس الايه؟ واقعين في نفس النتورك اللي اسمها ايه. دلوقتي بقى هفترض ان الشارع ده متقاطع مع شارع اخر. جميل يعني هنا في شارع برضه. والشارع ده طالع منه برضه او في منازل. وكل منزل ليه رقم يعني هفترض مثلا ان المنزل ده مثلا 602 والمنزل ده 603 والمنزل ده مثلا 604. وهفترض ان الشارع ده مثلا اسمه فلاورز. ستريت. فلو سالت اي حد ساكن في البيت ده انت ساكن في فين او يعني العنوان بتاعك فهيقول لك انا ساكن في 602 فلاورز ستريت ده ساكن في 603 فلاورز ستريت. فبالتالي برضه نفس الكلام ارقامهم هتختلف ولكن كل الناس اللي ساكنه في البيوت دي هم يشتركوا في نفس الادرس او نفس الستريت ادرس. احنا برضه نفس الكلام عندنا في النتورك احنا برضه قلنا ان انا دلوقتي عندي نتورك فالنتورك ديت عنوانها ايه وفيها مجموعه من الاجهزه. وممكن يبقى عندي نتورك تانيه وفيها برضه مجموعه من الاجهزه ولكن بيبقى ليهم عناوين مختلفه. في الحاله دي بقى يفضل ان انا لما استخدم مصطلح استخدم مصطلح اسمه السبنت. طيب ايه هو السبنت؟ السبنت هو عباره عن سيجمنت او قطاع داخل النتورك كل الاجهزه اللي فيه بتشترك في نفس السبنت ادرس او النتورك ادرس. فانا مثلا هفترض ان انا جوه شركه والشركه دي هقسمها لمجموعه من السبنتس المختلفه. جميل وكل السبنتس دوله مربوطين مع بعض هفترض مثلا انا قسمتهم مثلا لاسباب تنظيميه يعني مثلا هفترض ان السبنت الاولانيه دي انا قسمتها للناس بتوع السيلز دوله للناس بتوع الماركتنج دوله مثلا الناس بتوع الاي تي. هم كلهم في نتورك واحده وكلهم متصلين مع بعضهم البعض ولكن الفكره ان كل سبنت من دولت ليهم السبنت ادرس بتاعهم زي مثلا الناس او مجموعه الناس اللي ساكنه في الشارع ده كلهم مشتركين في نفس الستريت ادرس وكل الناس اللي ساكنه هنا مشتركين في نفس الستريت ادرس. نفس الكلام هنا انا عندي مجموعه من الاجهزه كلهم مشتركين ان ذا سبنت ادرس والناس دولت ليهم برضه سبنت ادرس والناس دولت ليهم سبنت ادرس. ولكن كلهم كلهم بتجمعهم نتورك واحده جميل يبقى مصطلح النتورك يطلق اجمالي على النتورك ككل لكن النتورك ذات نفسها لو انا بصيت لها هل هي متقسمه لمجموعه من القطاعات وكل قطاع يشترك او كل اجهزه داخل القطاع تشترك ان ذا سيم سبنت ادرس او ان ذا سيم نتورك ادرس. ففي الحاله دي في العاده بيتم استخدام مصطلح اسمه السبنت. طيب انا عندي دلوقتي الشارعين دول متقاطعين ببعض وعايز الناس تقدر تتواصل مع بعضها البعض في الحاله دي احنا عندنا في النتوركس او الشبكات لو تخيلت ان دي سبنت ودي سبنت احنا عشان نربط التو سبنت مع بعض ويقدروا يكلموا بعض بنستخدم ديفايس اسمه الراوتر فالراوتر هو عباره عن الجهاز اللي بيستخدم لربط الاجهزه او القطاعات المختلفه او السبنتس المختلفه داخل النتورك. اتكلمنا في الفيديو اللي فات عن الفرق ما بين اللان والوان فتعالوا برضه نتخيل كده تشبيه لللان احنا عندنا برضه بالنسبه للمدن وكده فاحنا عندنا القاهره وفي عندنا الاسكندريه هفترض دلوقتي ان انا عايز اربط ما بينهم فبربط ما بينهم عن طريق هاي وي او عن طريق مثلا الطريق السريع. جميل احنا عندنا بقى في الشبكات الموضوع بيبقى شبه كده جدا ازاي هستبدل المدن باللان ففترض ان هنا في لان وافترض ان هنا في لان. بس الطريق السريع اللي بيربط ما بين اللان دي واللان دي هو هيبقى الوان. فالوان هو عباره عن الوايد اريا كونكشن اللي بتربط ما بين اكتر من لان بتربطهم ببعضهم البعض. جميل طيب انا لو بصيت للمنظر ده هفترض ان دي لان ودي لان والاثنين تبع نفس الشركه ففي الحاله دي اقدر اقول اجماليا على التو لانز مع بعض اقدر اقول عليهم مصطلح نتورك ففي الحاله دي بالرغم ان دي نتورك وبرغم ان دي نتورك ولكن طالما ربطتهم ببعضهم البعض فممكن في الاخر اقول عليهم كلهم ان هم نتورك واحده. ولكن تعالوا نتخيل سيناريو اخر. السيناريو الاخر ان انا دلوقتي عندي في لان وفي لان ولكن كل لان من دوله تحت سيطره ديفيرنت اورجانيزيشن. يعني ايه؟ يعني هفترض ان اللان دي تحت اداره شركه اسمها ايه؟ واللان دي تحت اداره شركه اسمها بي. ولاي سبب من الاسباب شراكه او غيره قررنا ان احنا نربط ما بين التو لانز. ففي الحاله دي انت بتربط ما بين تو لانز بس كل لان تحت سيطره شركه مختلفه. تمام اه في الحاله دي بقى يفضل استخدام مصطلح اخر المصطلح ده هو انترنتورك. فبدل ما اقول عليهم نتورك الاثنين مع بعض نتورك لا انا يفضل اقول على الاثنين او او يفضل ان انا اوصف الكونكشن ده ان هو حاجه اسمها انترنتورك وانترنتورك يعني معناها ان انا ربطت ما بين تو ديفرنت نتوركس وكل نتورك تحت سيطره او تحت اداره شركه مختلفه. فولما جيت ربطتهم مع بعض ظهر عندي مصطلح اسمه انترنتوركس او الشبكات المتصله. نوع الشبكات اللي هتكلم عنه بعد كده هي شبكه الانترنت طبعا كلنا عارفين شبكه الانترنت وكلنا بنستخدم شبكه الانترنت يوميا ولكن تعالوا نتكلم عنها بشيء تفصيلي شويه. شبكه الانترنت تعتبر هي اكبر انترنتورك في العالم عشان كده حتى كلمه انترنت هي اختصار لكلمتين اختصار ل انتر نتوركس ولكن تم اختصارها في كلمه واحده اسمها انترنت. فالانترنت زي ما اتفقنا هي اكبر انترنتورك في العالم لان الانترنت هي عباره عن ان انت بتجيب مجموعه من الدفرنت نتوركس وبتربطهم مع بعضهم البعض عن طريق سرعات عاليه جدا بتربط الشبكات دي مع بعضها البعض وبتسمح ب مشاركه المعلومات عبر هذه الشبكه. طيب سؤال دلوقتي ازاي الافراد والشركات بتقدر تاكسس على الشبكه ديت؟ عن طريق بيبقى في اورجانيزيشنز او كامبانيز داخل كل دوله بيبقى اسمها الاي اس بي او الانترنت سيرفيس بروفايدر او مزود خدمه الانترنت. ده مش بينظم او مش بيتحكم في الانترنت لان خدوا بالكم ان احدى مميزات شبكه الانترنت انها مش تحت سيطره شركه او مؤسسه واحده لا هي الانترنت ده بيبقى متقسم زي بارتس او اجزاء وكل جزء بينظمه مجموعه من الاورجانيزيشن زي اللي بتحط الرولز والقواعد وهي اللي بت بتنظم طريقه العمل بتاعته.
[11:42]تمام؟ فالاي اس بي بيسمح للافراد والشركات المختلفه ان هم يقدروا ياكسسوا على شبكه الانترنت تمام؟ ففترض مثلا ان انا عندي شركه جميل عندي مثلا لان لوكال اريا نتورك شركه والشركه ديت فيها مجموعه من الافراد وجميل وكلهم متصلين ببعضهم البعض من خلال نتورك تمام؟ وجيت انا مثلا تعاقدت مع اي اس بي انترنت سيرفيس بروفايدر على اساس ان انا استخدم او اقدر من خلاله اعبر واستخدم شبكه الانترنت لكن هل الموضوع ده فيه ريسك؟ هو يعني ما فيهوش ريسك ولا حاجه لان عاده بيبقى في سكيورتي او حمايه عن طريق سكيورتي باوندري كده اللي هو عاده بيبقى حاجه اسمها الفاير وول. فالفاي رول ده بيسمح لي او بيسمح لافراد الشركه ان هم يقدروا يطلعوا لشبكه الانترنت يستخدموا الخدمات بتاعتها ولكن لو في ن اوزيز بيحاولوا يخترقوا او بيحاولوا يدخلوا الشبكه ف يعني في الغالب بيتم حمايه الشبكه من الدخول بتاعهم. في هنا برضه مصطلح بيتم اطلاقه يعتبر ريليتد او ليه علاقه شويه بالانترنت الا وهو مصطلح الانترانت. طيب ايه هو مصطلح الانترانت؟ الانترانت بمنتهى البساطه هي عباره عن لوكال اريا نتورك لان ولكن داخل اللان انت بتستخدم نفس التكنولوجيز اللي موجوده داخل الانترنت يعني ايه؟ هو عاده ايه اشهر استخدامات الانترنت؟ اشهر استخدامات الانترنت ان الافراد او المؤسسات لما بتيجي تستخدم شبكه الانترنت هي بتستخدمها عشان تعمل عمليات براوزنج يعني استخدام حاجه اسمها الويب سيرفرز تمام الويب سيرفرز ديت بتبقى اجهزه بيبقى فيها حاجه اسمها ويب سايتس فتصفح الويب سايتس اللي موجوده في الويب سيرفرز واستخدام خدمه الميل سيرفر دي اشهر خدمتين موجودين في الانترنت. تمام؟ فالفكره بقى بتاعت الانترانت ان انت حضرتك شبكه لان ولكن داخل شبكه اللان بيبقى عندك مثلا ويب سيرفر وبيبقى عندك ميل سيرفر داخل اللان بتاعتك بس الكلام ده بيبقى حصري او استخدامه بيبقى حصري على مستوى اليوزرز اللي داخل الكامباني او داخل المؤسسه بتاعتك فقط يعني الويب سايت ده او الويب سيرفر اليوزرز بس اللي داخل الشركه هم اللي يقدروا يستخدموا الويب او يستخدموا خدمه الميل. وطبعا الكلام ده مش بيشترط بقى هل اللان ديت لازم تبقى متصله بالانترنت ولا لا؟ الموضوع ملوش علاقه خالص ممكن يكونوا متصلين بالانترنت وبيستخدموا خدماتها او لا لان في كل الاحوال برضه بيبقى عندي سكيورتي بيحمي الناس من الن ان اوزيز يوزرز والموضوع دوت شاع ومنتشر جدا خصوصا خدمه الميل يعني موضوع الميل سيرفر ده منتشر جدا جدا كتير جدا من الشركات بتفضل ان يبقى عندها الانترنال ميل سيرفر بتاعها بحيث يتم التراسل بشكل يبقى في برايفيسي يبقى في سكيورتي يبقى في يبقى في كنترول وهكذا. فده مصطلح الانترانت فالانترانت بمنتهى البساطه هي عباره عن شبكه لان او شبكه محليه ولكن بتستخدم نفس التكنولوجيز بتاعه الانترنت. خذوا بالكم من حاجه ان الانترانت هي ريستريكتف جدا او مش بتسمح خالص باي حد من بره ان هو يستخدم خدمات الويب او خدمات الميل بتاعها. طيب هفترض بقى ان يعني عايز ادي اكسيبشن لبعض الناس او بعض اليوزرز يعني مثلا هفترض ان انا في بارتنر كامباني في شركه والشركه دي متصله بالانترنت وعايز ادي اكسيبشن لبعض الافراد اللي فيها ان هم يقدروا ياكسسوا على خدمه الويب او خدمه الميل اللي عندي. في الحاله دي بقى ما بستخدمش مصطلح اسمه الانترنت يفضل ان انا استخدم مصطلح تاني اسمه الاكسترانت. فايه هي الاكسترانت؟ الاكسترانت هي هي نفس الانترانت بنفس صفاتها بنفس كل التفاصيل بتاعتها ولكن بزود عليها حاجه ان الاكسترانت بتسمح باكسيبشن او بتسمح باستثناءات من بره الشبكه يعني مثلا حد بيبقى جاي من شبكه حتى لو متصله بالانترنت بيبقى جاي وداخل ويقدر يستخدم الخدمات زي خدمه الويب وخدمه الميل فدي تسمى الاكسترانت. جميل فدي برضه من المصطلحات الشائعه واللي ممكن تسمعوها كتير جدا في الشبكات. فاحنا كده اتكلمنا على اشهر المصطلحات اللي هي بيبقى ليها علاقه بمصطلح النتورك ذات نفسه. تعالوا برضه نتكلم على شق اخر من المصطلحات خاص بالهاردوير او الاجهزه اللي بتستخدم داخل الشبكه المصطلح الاول هو الورك ستيشن. الورك ستيشن يا جماعه في البدايه كان بيستخدم لوصف جهاز كمبيوتر الهاردوير بتاعه بيبقى عالي امكانياته بتبقى عاليه ممكن المذر بورد يبقى فيها اكثر من سي بي يو الرامات يبقى حجمها كبير والجهاز دوت بيبقى عليه ريسورسز او مصادر. بس برضه يعني نفرق ما بين الورك ستيشن لان الوصف بتاعه بيبقى قريب شويه من السيرفر الورك ستيشن هو اه جهاز كمبيوتر وامكانياته عاليه وكل حاجه بس في الاخر هو بيتم استخدامه من قبل يوزر داخل الشركه. تمام؟ لكن طبعا مع الوقت وتطور الهاردوير بتاع الكمبيوترز وان كتير جدا من اجهزه الكمبيوترز بقت امكانياتها عاليه فاصبح المصطلح ده شويه يعني يعتبر بعيد شويه عن النشئه الرئيسيه بتاعته ولكن في الوقت الحالي خصوصا في الشبكات بيتم استخدامه فقط للاشاره الى جهاز كمبيوتر ليه بقى؟ لان كتير جدا من المصطلحات اللي هتكلم عنها دلوقتي عاده ممكن تشمل جهاز كمبيوتر او غيره زي المصطلح كلاينت زي المصطلح الهوست عاده لما بيتم استخدام المصطلحات دي ممكن يكون مقصود بها كمبيوتر او غير كمبيوتر. تمام؟ انما لما اكون عايز احدد ان انا اقصد جهاز كمبيوتر تحديدا فبستخدم مصطلح ورك ستيشن فدايما لما تيجي تسمعوا مصطلح ورك ستيشن تعرفوا على طول ان يقصد به تحديدا جهاز كمبيوتر داخل الشبكه. مصطلح الكلاينت كنت اتكلمت عنه المره اللي فاتت فقلنا ان الكلاينت دوت هو عباره عن اي ديفايس داخل النتورك بيريكوست سيرفيس او بيطلب خدمه معينه والكلاينت ده ممكن يبقى جهاز كمبيوتر او ممكن يبقى جهاز اخر زي برينتر مثلا. تمام؟ في بقى مصطلح السيرفر طبعا السيرفر هو اي جهاز كمبيوتر ببروفايد سيرفيس داخل النتورك والسيرفر بيبقى من المتعارف عليه ان السيرفر دوت بيبقى جهاز عالي الامكانيات طبعا ما فيش حاجه محدده للسيرفر يعني ما فيش حاجه ان السيرفر لازم يبقى كذا السيرفر كل ما امكانياته عاليه كل ما كان افضل. لكن اكثر حاجه بتديفاين او بتميز السيرفر مش الهاردوير على قد ما الاوبيتنج سيستم اللي بينزل عليه ليه بقى؟ لان انا عندي نوعين من الاوبيتنج سيستم في نوع اسمه كلاينت اوبيتنج سيستم وفي نوع اسمه النتورك اوبيتنج سيستم او في بعض الاحيان بيقولوا عليه سيرفر اوبيتنج سيستم. طيب فانا مثلا لو جبت جهاز ب 50 الف جنيه يعني احسن مذر بورد في السوق واحسن بروسيسور واحسن رامات وكل حاجه وجيت نزلت عليه كلاينت اوبريتنج سيستم ما ينفعش اقول عليه سيرفر يعني لو جبت جهاز مثلا ب 50 الف جنيه بس نزلت له مثلا ويندوز 10 ما ينفعش خالص اقول عليه سيرفر. تمام؟ ليه بقى؟ لان اكثر حاجه بتميز السيرفر هو الاوبيتنج سيستم اللي بينزل على الجهاز ممكن يبقى الجهاز ده مثلا امكانياته محدوده يعني مثلا جهاز يا دوبك ب 1000 جنيه ولا حاجه بس نزلت له النتورك اوبيتنج سيستم ده في الحاله دي ممكن يتقال عليه سيرفر خلاص؟ فالسيرفر يا جماعه اللي بيميزه اكثر الاوبيتنج سيستم وليس الهاردوير بس هو طبعا معروف ان الهاردوير بتاعه بيبقى عالي. تعالوا قبل ما اكمل تعالوا نتكلم على اشهر الرولز او الادوار اللي ممكن يقوم بها السيرفر داخل النتورك. من اشهر السيرفرز رولز عندنا مثلا في نوع من انواع السيرفرز اسمه الفايل سيرفر الفايل سيرفر ده تقريبا يعني اكثر انواع السيرفرز الشائعه والمنتشرين في كتير جدا من الشبكات. فكرته بمنتهى البساطه ان انا بيبقى عندي مجموعه من اليوزرز داخل النتورك وكل يوزر بيبقى في فايلز او مجموعه من الداتا بدل ما اخلي اليوزر يحتفظ بالداتا دي لوكال على الماشين بتاعته. لا بيبقى في حاجه اسمها فايل سيرفر الناس بتقدر تحفظ ملفاتها على الفايل سيرفر عشان يبقى عندي مكان سنترال لوكيشن اقدر من خلاله اعمل باك اب واعمل سكيورتي واظبط البرميشن فده اسمه الفايل سيرفر وطبعا بيبقى في يعني تكنولوجيز معينه ممكن اطبقها في الفايل سيرفر زي الريد وغيره بحيث ان انا احافظ على الريدندنسي واحافظ على السكيورتي وحاجات تانيه كتير جميل ده الفايل سيرفر. النوع الثاني هو البرنت سيرفر البرنت سيرفر لما يبقى عندي كذا برينتر داخل الشركه فممكن اجيب جهاز كمبيوتر واحوله لسيرفر واخليه هو اللي يمانج البرينترز داخل الشركه. في عندي كمان الويب سيرفر طبعا من اشهر السيرفرز اللي موجوده في الدنيا واللي كلنا بنستخدمها تقريبا بشكل يومي الويب سيرفر بمنتهى البساطه هو عباره عن سيرفر وظيفته ان هو بيهوست حاجه اسمها الويب سايتس عشان بيبقى عندي حاجه اسمها ويب كلاينت الويب كلاينت دوت هو بيفتح ويب براوزر وبيكتب في البراوزر في الويب براوزر ان هو عايز يزور موقع www.كذا مثلا.com خلاص؟ و بيبعت ريكويست للويب سيرفر فالويب سيرفر بيستلم الريكويست وبيرد بريسبونس عن طريق ان هو بيحمل الصفحه عند اليوزر. من اشهر الابلكيشنز اللي بيتم يعني باستخدامها انشاء الويب سيرفر في اول سيرفيس اسمها الاباتشي والاباتشي دي بتنزل على لينكس اوبريتنج سيستم. طب لو انا عندي مثلا ويندوز سيرفر اوبريتنج سيستم في الحاله دي ممكن استخدم سيرفيس اسمها الاي اي اس دوله اشهر تو سيرفيسز او اشهر تو ابلكيشنز بيستخدموهم الويب ديفلوبرز لانشاء او ل عمل حاجه اسمها الويب سيرفرز. في كمان عندنا الميل سيرفر والميل سيرفر ده وظيفته ان هو عامل زي بوست سيرفيس كده او زي مكتب البريد وظيفته ان هو بيمانج الايميلز او البريد الالكتروني بتاع اليوزرز يعني مثلا دلوقتي في يوزر عايز يبعت ميل او عايز يبعت رساله ليوزر اخر فلما بيجي يكتب رساله ويدوس سند فالرساله دي بتبعتها او بتتبعت للميل سيرفر والميل سيرفر بدوره بقى بيبعت لل الشخص الريسبينت او الشخص المستلم الرساله. من اشهر الابلكيشنز او من اشهر السيرفيسز اللي بتستخدم لانشاء الميل سيرفر في سيرفيس مشهوره جدا بتعملها شركه مايكروسوفت اسمها الاكسجينج الاكسجينج دوت لما باجي اسطبه على سيرفر فبحوله لحاجه اسمها ميل سيرفر. في كمان البروكسي سيرفر والبروكسي سيرفر ده بيبقى عامل زي جيت وي او بوابه ما بين الويب كلاينت وما بين الانترنت يعني دلوقتي اليوزر عايز يطلع الانترنت فممكن في الشركه اروح حاطط ما بينهم حاجه اسمها البروكسي سيرفر فالبروكسي سيرفر هو بينظم استخدامات او بينظم عمليه الوصول للانترنت من قبل اليوزر. طيب ايه الفايده بتاعته؟ فوائد كثيره اولا بتحكم في المواقع اللي بيشوفها اليوزر يعني مثلا دلوقتي عايز اليوزرز اللي في الشركه يشوفوا مواقع محدده لاستخدامات محدده كمان ممكن انظم الترافيك يعني يبقى مثلا انظم الكوته او استخدام الانترنت والمساحات اللي بيتم تحميلها ممكن نتحكم في المواعيد بتاعه الانترنت امتى تستخدمه امتى لا فليه استخدامات كثيره وكثير جدا من الشركات بتطبقه عندها داخل الشركه لتنظيم استخدام خدمه الانترنت. كمان في رول مهمه جدا برضه للناس اللي هي ان شاء الله ناويه في المستقبل تدرس سيستم ادمنستريشن تحديدا مايكروسوفت لما تيجي تدرسوا سيستم ادمنستريشن بتاع مايكروسوفت هتتعرضوا لسيرفيس مشهوره جدا ومهمه جدا وموجوده في الشركات كتيره قوي. هي حاجه اسمها الدايركتوري سيرفيس ايه دايركت سيرفيس؟ مايكروسوفت عندها خدمه من الخدمات المشهوره جدا اسمها الدايركت سيرفيس ممكن انزلها على سيرفر يعني اجيب جهاز وانزل عليه ويندوز سيرفر وافعل رول كده اسمها دايركت سيرفيس.
[24:22]الدايركت سيرفيس على فكره المسمى بتاعها في مايكروسوفت اسمه الاكتف دايركتوري اسمه الاكتف دايركتوري سيرفر طيب الاكتف دايركتوري سيرفر ده بيعمل ايه يعتبر حاجه اسمها اوثنتيكيشن سيرفر يعني ايه اوثنتيكيشن سيرفر؟ يعني مثلا دلوقتي انا عندي مجموعه من اليوزرز داخل الشركه واليوزرز دول عايزين يستخدموا ريسورسز معينه ريسورسز ديت مثلا داتا مهمه داخل الشركه. جميل فلازم عشان اتاكد ان ان اللي بيستخدموا الداتا او اللي بيستخدموا البيانات ديت فعلا هم ناس مسموح ليهم بالكلام دوت لازم يبقى في عمليه اوثنتيكيشن. فبيبقى عندي حاجه اسمها اكتف دايركتوري سيرفر ده بيبقى عباره عن زي داتا بيز او قاعده بيانات فيها كل الداتا عن كل الاكونتس اليوزرز والكمبيوترز وغيره. جميل فبالتالي لما يبقى في اي يوزر عايز ياكسس على اي ريسورس لازم يروح الاول يستاذن من الاكتف دايركتوري فالاكتف دايركتوري يشوف الكريشن بتاعته اليوزر نيم مثلا والباسورد موجودين ولا لا لو لقاهم سلام وتمام ومن حقه ان هو ياكسس على الريسورس يروح مدي له حاجه اسمها تيكت وعن طريق التيكت يقدر ياكسس على الريسورس ببرميشنز اللي هو واخدها. جميل فده بيقوم بدور مهم جدا جدا داخل النتورك وان شاء الله الناس اللي هم في نيتهم يدرسوا شبكات مايكروسوفت هيتعرضوا للموضوع ده بالتفصيل عن طريق السيرفيس المشهوره جدا اسمها اكتف دايركتوري خلاص؟ طبعا في رولز اخرى طبعا زي الدي اتش سي بي والدي ان اس وكل الكلام ده هنتعرض له ان شاء الله من خلال الكورس دوت لكن دوله اشهر الرولز او الادوار اللي بيقوم بها السيرفر داخل النتورك. نكمل بقى باقي المصطلحات الخاصه بالهاردوير في عندنا مصطلح يبقى احنا كده اخذنا مع بعض مصطلح الورك ستيشن اخذنا مع بعض مصطلح الكلاينت والسيرفر في مصطلح اسمه الهوست الهوست هو بيطلق على اي ديفايس داخل النتورك بياخد اي بي اي ديفايس داخل النتورك بياخد اي بي بيتقال عليه هوست فالديفايس ده ممكن يبقى كمبيوتر ممكن يبقى برينتر لان بيبقى في نوع من انواع البرينترز اسمها النتورك برينترز دي بتاخد اي بي وممكن يتقال على السيرفر فاي حاجه داخل النتورك بتاخد اي بي دي بتتقال عليها هوست. في نهايه الفيديو عايز اتكلم على نوعين من الادرسز او العناوين المستخدمه في الشبكات. النوع الاول هو الاي بي والنوع الثاني هو الماك ادرس. تعالوا نبدا بالاي بي وتحديدا اي بي فيرجن 4 لان احنا عندنا الاي بي في منه تو فيرجنز في فيرجن 4 وفي فيرجن 6 لكن في معظم الاحوال هنتكلم على فيرجن 4. طيب الاي بي هو اولا اي بي اختصار لانترنت بروتوكول وكنت قلت قبل كده ان اي نتورك بيبقى لازم ليها مينيموم كومبوننتس عشان يبقى عندي حاجه اسمها نتورك الكومبوننت الاول هو الكمبيوتر بعد كده الميديا بعد كده الانترفيس واخيرا البروتوكول وقلنا اشهر بروتوكول عندنا هو بروتوكول الاي بي. تمام؟ فتعالوا نتكلم على الاي بي بشيء من التفصيل. الاي بي زي ما يتفقنا هو عباره عن نتورك ادرس في بدايه الفيديو لما جيت ضربت مثال للنتورك فقلت النتورك ديت بتبقى عامله زي طريق والطريق ده طالع منه بيوت في الشبكات عندنا الموضوع شبه كده ان احنا عندنا كل نتورك بيبقى ليها حاجه اسمها ادرس وكل هوست بيبقى ليه رقم فبالتالي اجمالي العنوان بتاع اي جهاز بيشمل رقم الجهاز يليه النتورك ادرس. نفس الكلام عندنا في الاي بي فالاي بي هو عباره عن ادرس او عنوان بيتم من خلاله عنوانه الاجهزه داخل النتورك عشان الاجهزه تقدر تتواصل مع بعضها البعض زي بالضبط انت عايز تبعت لحد جواب فلازم تبقى عارف عنوان عشان تقدر ترسمه. جميل الاي بي مكون من اربع خانات بفرق ما بين كل خانه والثانيه علامه دوت او علامه بيريود. تمام؟ اربع خانات كل خانه من دوله اسمها اوكتت وكل خانه ليها احتمالات ارقام الارقام ديت من زيرو ل 255 وخدوا بالكم ان فورمات الارقام او تنسيق الارقام اللي بيتم كتابتها داخل كل اوكتت فورمات الديسمال يعني ايه ديسمال؟ يعني اي سينجل ديجت نمبر اي سينجل ديجت نمبر هو احتمالات رقم من زيرو ل 9 لكن الاوكتد كله على بعضه احتمالات الارقام اللي فيه هتلاقيها من زيرو ل 255 جميل اجمالي الاي بي هو عباره عن فور اوكتت.
[29:09]من المعلومات المهمه جدا لازم تبقوا عارفينها عن الاي بي ودي قلناها في بدايه الفيديو ان الاي بي كادرس في نوعين من الادرسز بيبقى في حاجه اسمها النتورك ادرس والشق الثاني هو عباره عن الهوست ادرس ودائما افتكروا عامل زي عناوين البيوت ان اي بيت العنوان بتاعه بيشمل حاجتين رقم البيت يليه اسم الشارع.
[29:42]فنفس الكلام احنا عندنا الاي بي كادرس بيشمل حاجتين بيشمل حاجه اسمها النتورك ادرس وبيشمل حاجه اسمها ايه؟ الهوست ادرس طيب سؤال بقى انا دلوقتي لما اشوف اي اي بي قدامي ازاي افرق انهي جزء بيعبر عن النتورك ادرس واي جزء بيعبر عن الهوست ادرس؟ قال لك بتعرف الكلام ده عن طريق الجزء الثاني من الاي بي اللي هو حاجه اسمها السبنت ماسك السبنت ماسك. دايما لما تيجي تتعامل مع اي اي بي او تيجي تشوف اي اي بي هتلاقيه دايما الاي بي مكون من حاجتين اساسيتين حاجه اسمها اي بي وحاجه اسمها سبنت ماسك ففترض مثلا هضرب مثال على السبنت ماسك دلوقتي انا رجعت كتبت الاي بي تاني دلوقتي انا عندي جهاز الاي بي بتاعه 192.168.1.16 و ماسك ثلاث 255.0 فمبدئيا كده معلومه تبقوا عارفينها ان اللي بيحدد انهي جزء في الاي بي بيمثل عنوان النتورك وانهي بيحدد الهوست هو السبنت ماسك. فالمعلومه الاساسيه ان اي اي جزء في الاي بي تحته 255 ده بيمثل نتورك فبالتالي بناء على المعلومه دي اقدر اقول لكم ان اول ثلاثه اوكتتس من الاي بي دولت بيمثلوا النتورك ادرس
[31:02]والجزء الاخير او الاوكتت الاخير بيمثل الهوست ادرس يعني ايه؟ يعني الجهاز ده اللي الاي بي بتاعه ده رقمه 16 والجهاز ده واقع في نتورك عنوانها 192.168.1.
[31:28]طيب تعالوا ناخد مثال توضيحي اخر دلوقتي انا عندي جهازين والجهازين دولت مربوطين بسويتش والجهازين دولت مربوطين بسويتش والاي بيهات بتاعتهم كالتالي دلوقتي زي ما انتوا شايفين هنا الجهاز اللي على الشمال الاي بي بتاعه 192.168.1.20 وسبنت ماسك 3255.0 والجهاز ده 192.168.2.30 وسبنت ماسك ثلاث 255.0. فاتفقنا مع بعض اللي بيحدد النتورك ادرس من الهوست ادرس هو السبنت ماسك فتلاحظوا ان السبنت ماسك في الاثنين واحد فبالتالي اول ثلاث اوكتتس من الاي بي هم بيمثلوا النتورك ادرس فبالتالي لو بصيت للاي بي الاولاني ده هبص هلاقي ان النتورك ادرس او الجهاز ده واقع في نتورك عنوانها 192.168.1 بينما الجهاز ده واقع في نتورك هي عباره عن 192.168.2 فهل اقدر اقول ان الجهازين دولت واقعين في نفس النتورك برغم ان هم يعني فيزيكلي كونكتد مع بعض ان ذا سيم سويتش في الحاله دي لا يعني في الحاله دي الاثنين ان ديفرنت نتوركس. جميل فبالتالي ما ينفعوش يكلموا بعض بشكل دايركت محتاجين جهاز ما بينهم كده اسمه راوتر ومش عايزين نتطرق ليه دلوقتي ففترض ان انا ما عنديش راوتر هفترض ان الجهازين دولت مربوطين بسويتش ومحتاج ان الاجهزه دي تتكلم بعض وتشوف بعض بشكل دايركت فبالتالي بالمنظر ده مش هينفع ليه؟ لان كل واحد فيهم واخد نتورك ادرس مختلف. فبالتالي عشان الاجهزه دي تتكلم بعض لازم الاثنين يبقوا واقعين في نفس النتورك ادرس فانا مثلا دلوقتي لو غيرت الاي بي ده خليته مثلا بدل 2 خليته واحد فاصبح دلوقتي ده 192.168.1.30 فاقدر اقول دلوقتي ان الاثنين واقعين في نفس النتورك وبالتالي الاثنين يقدروا يكلموا بعض. ده كده يا جماعه باختصار شديد جدا الاي بي عشان ان شاء الله لما نيجي ناخد مثال عملي نبقى فاهمين القصه دي. النوع الثاني بقى من الادرسز هو الماك ادرس طيب ايه الفرق ما بين الاي بي والماك ادرس في فروقات كثيره لكن اشهرها ان الاي بي بيصنف ان هو كحاجه اسمها لوجيكال ادرس او ساعات بيستخدم في يعني في سياق اخر اسمه الراوتنج تمام وعاده الاي بي ده انا اللي بحدده بايديا انما الماك ادرس يا جماعه هو فيزيكلي بيرند على النتورك انترفيس. احنا اتفقنا مع بعض ان من ضمن مستلزمات النتورك ان احنا بيبقى عندنا حاجه اسمها نتورك انترفيس كارد والنتورك انترفيس ده ده بيتم تصنيعه في مصانع معينه. اثناء خطوات او يعني في احدى مراحل تصنيع النتورك ادابتر او النتورك انترفيس كارد بيتم طباعه او حرق ادرس عليه الادرس ده اسمه الماك او الميديا اكسس كنترول فيزيك ادريس وبيتم كتابته او حرقه على النتورك انترفيس كارد فبالتالي الهدف الاساسي من الماك ان هو يعني يونيكلي ايدنتي فاي كل نتورك انترفيس بيتم صناعته. جميل يبقى الغرض الاساسي من الماك ان هو بيبقى فيزيكال ادرس بيتم طباعته على كروت النتورك عشان يتم تمييز كل نتورك او كل كارت نتورك عن الاخرى برضه باختصار شديد جدا تعالوا نتعرف على الماك ادرس الماك ادرس يا جماعه عاده ده المنظر بتاعه. اولا زي ما انتوا شايفين بيتم كتابته بالمنظر ده بيبقى في علامه داش بتفرق ما بين كل تو ديجت نمبر او كل تو كاركترز جميل فهو بيبقى في النهايه بيبقى ست خانات. اهم حاجه برضه محتاجين تعرفوها ان الفورمات بتاع الماك ادرس بيبقى حاجه اسمها الهيكسا ديسمال والهيكسا ديسمال يعني معناها ان انت لو مسكت اي سينجل ديجت نمبر هتلاقي احتمالاته رقم من زيرو ل 9 او حرف من A to F يعني مثلا هتلاحظوا كده ايه؟ في حروف بيتم كتابتها وفي ارقام وهكذا. جميل الفورمات ده اسمه الهيكسا ديسمال طيب خدوا بالكم ان ال الماك كمان بيبقى متقسم لجزئين. الجزء الاولاني بيتم كتابته او بيتم استخدامه لتمييز الشركه المصنعه ل كارت النتورك اسمه او يو اي او اورجنالي يونيك ايدنتي فاير والتلات خانات الاخرانيين دوله لتمييز كارت النتورك ذات نفسها ماشي فدي المعلومه الاساسيه اللي عايزكم تعرفوها بخصوص موضوع الماك ادرس. قبل ما اختم معاكم الفيديو حابب اقول لكم ان في تطبيق عملي اول تطبيق عملي لينا في الكورس بس حبيت ان انا اشرحه في فيديو مستقل عشان الفيديو ده ما يبقاش طويل اكثر من اللازم هيظهر حالا دلوقتي وانتوا بتتفرجوا كمان هتلاقوا اللينك بتاعه في جزء الديسكريبشن اسفل هذا الفيديو اول تطبيق عملي ارجو يا ريت ان انتوا حضراتكم تتفرجوا عليه عشان برضه موضوع العملي ده هيبقى مهم وضروري جدا وهيتبت المعلومه معانا اكتر وفي نهايه الفيديو اشكركم على المشاهده ما تنسوش تعملوا سبسكرايب واشوفكم دايما على خير والسلام عليكم ورحمه الله وبركاته.
