[0:07]اي مشروع عشان خاطر يتنفذ ويبقى حقيقي بيشترك فيه مجموعه من الناس. الناس دي بنسميها الاستيك هولدرز. الستيك هولدرز دول زي مين؟ زي الاونر، زي الاستشاري، زي المقاول والمقاول الباطن والحكومه. طيب كل الناس دي بيتكلموا لغه واحده بس، ايه اللغه دي؟ هي لغه الرسومات. الرسومات زي ايه؟ زي البلان، السكشن، الواجهات، الـ 3D شوتس، الديتايلز، الجداول، الشيتس وهكذا. طيب زمان قبل ما يخترعوا الكمبيوتر كان في طريقه واحده بس هي اللي بننقل بيها الرسومات دي من التصميم للتنفيذ. الطريقه دي كانت الرسومات بالايد المانيوال. طيب طبعا الطريقه دي كان ليها عيوب كتيره جدا زي ان انا لو حبيت اعدل على اللوحه لازم اعيدها تاني. زي البت، زي دقه الرسم، زي ان انا ما اقدرش احتفظ باللوحه دي لفتره كبيره، زي ان انا لو عايز انقلها من مكان للتاني بيبقى موضوع فيه صعوبه وهكذا. بعد كده ظهر الكمبيوتر فظهر معاه نظام جديد اسمه الكاد سيستمز. وده اختصار لايه؟ لكمبيوتر ايديد ديزاين، يعني الكمبيوتر بيساعدني في التصميم. لكن هو مش فاهم انا بعمل ايه. طبعا النقله من الرسومات بالايد للكاد سيستمز عملت نقله كبيره جدا وتقريبا حلت معظم المشاكل اللي كانت موجوده في المانيوال. زي مثلا ان الرسم بقى اسرع وبقى ادق وبقى عندي فيه سهوله ان انا انقل ايه الرسومات بتاعتي من مكان للتاني وهكذا. لكن في مشكلتين ما اتحلوش. ايه المشكلتين دول؟ اول مشكله عندي هي الرسومات المنفصله. يعني البلان، السكشن، الاليشن منفصلين عن بعض. لو انا حبيت اعمل تعديل لازم اعمل التعديل ده بنفسي في كل الرسومات دي. طبعا دي مشكله كبيره. تاني مشكله ان مفيش كوردنيشن، يعني ايه؟ يعني في المانيوال كنت لازم احط اللوح فوق بعضها واطابق المعماري مع الانشائي مع الميكانيكا مع الكهرباء. في الكاد سيستم نفس الكلام، انا برده بعمل المطابقه دي بطريقه مانيوال، وطبعا الانسان بطبيعته ممكن يغلط او في حاجات ما يشوفهاش وده يسبب مشاكل اثناء التنفيذ ويزود تكلفه المشروع. فبعد كده ظهر مصطلح مهم جدا وهو مصطلح البي اي ام او البيم. ايه هي البيم؟ البيم اختصار لبيلدنج انفورميشن موديلينج. ببساطه انا بعمل موديل 3D للمبنى بتاعي عن طريق الانفورميشن المعلومات. يبقى اهم حاجه عندي في البي اي ام هي الانفورميشن. طيب ده يطرح سؤال مهم ايه هي انواع الانفورميشن؟ خلينا ناخد بعض الامثله. عندي مثلا الدايمنشن ابعاد العناصر زي الطول، العرض، الارتفاع، الثكنس وهكذا. نفس الكلام الماتريال، دي ماتريال مثلا خرسانه، دي ماتريال طوب تظهر ازاي في كل المساقط عندي الخصائص الماده نفسها عامله ازاي؟ كل دي انفورميشن ممكن ادخلها عندي في البي اي ام. عندي برضه البيفير السلوك، يعني ايه؟ يعني مثلا الباب لما اجي احطه لازم ينزل على حيطه او مثلا لما يبقى عندي طوب وخرسانه الخرسانه هي اللي تكمل والطوب هو اللي يقطع وهكذا. التكلفه تكلفه كل منت عندي لما يجي يتنفذ هتبقى قد ايه؟ التايم هيتنفذ في انهي وقت وفي وقت قد ايه؟ لوكيشن المشروع ده فين؟ وهكذا الانفورميشن كتيره جدا لكن دي امثله سريعه. طيب يبقى دلوقتي ايه الفرق الجوهري ما بين اي مشروع كاد واي مشروع بيم؟ في الكاد انا بعمل ايه؟ برسم المساقط كلها عندي في الاخر بقى اسمي ان انا عندي مشروع كاد بروجكت. لكن في البيم انا بعدل في المشروع نفسه والتعديل ده بيروح في كل المساقط مره واحده.
[3:40]طب ايه اللي انا هستفاده لما اطبق تكنولوجيا البي اي ام في المشاريع بتاعتي؟ اول حاجه اللي لسه قايلينها من شويه ان انا عندي قاعده اسمها تشنج ونس تشنج افري وير لما بغير بعمل تعديل في اي مكان بيتغير في كل حته. وطبعا دي ميزه كبيره جدا. تاني حاجه انا شلت من على دماغي كل الهدكس بتاعتي ان انا يا ترى المساقط ماشيه مع بعض ولا لا؟ يا ترى التعديل اتعدل في كل حته ولا لا؟ فبالتالي هبقى عندي تركيز كبير جدا على الديزاين فده مفروض يديني ديزاين كواليتي اعلى من الديزاين اللي انا كنت بطلعها قبل كده. كمان هقلل الويست في الماتريال بتاعتي واعاده الشغل تاني عشان خاطر انا بحل كل مشاكل التنفيذ وانا في مرحله التصميم. طبعا هحسن الكوشن بين التخصصات المختلفه زي المعماري، الانشائي، الميكانيكا، الكهرباء لان هم كلهم هيبقوا بيتكلموا على موديل واحد 3D. فبالتالي هحل مشاكل كثيره جدا كانت موجوده ايام الكاد سيستمز. برضه كمان في عندي ميزه حاجه اسمها كلاش ديكشن ان انا ممكن انا كمان اعمل تشيك اوتوماتيك اقول له بعد اذنك شوف لي مثلا كل الكاميرات مع كل الضكتات لو في ما بينهم تعارض. وفي لحظه واحده هيجيب لي كل التعارضات دي في المشروع فبرضه دي من الحاجات الرهيبه جدا وتخلي لي المشروع ما فيهوش كلاشز. كمان ممكن نشتغل كلنا مع بعض كتيم في نفس المشروع في نفس الفايل في نفس الوقت دي حاجه اسمها الورك شيرنج بنشتغل مع بعض دي مش موجوده برضه في الكاد سيستمز. وطالما عندي الموديل بتاعي معمول مظبوط اقدر اطلع منه كوست استيميشن مظبوط عندي بطريقه فيها دقه عاليه جدا. طبعا دي مش كل البنفس لكن دي بعض البنفس المشهوره لتكنولوجيا البي اي ام.
