Is #IPL2026 the Year of Redemption for Pretvi Shaw? #dc

[0:00]Prithvi Shaw shayad Delhi Capitals ke liye season start na kare lekin life mein comeback ki start jo hai na wo pichle saal hi huru ho gayi thi. Pata nahi aapko yaad hai ya nahi, June mein ek interview aaya tha jahan unhone badi candidly kaha tha ki maine life mein bahut galat fesle liye hain yaar. Unchaiyon pe tha, galat sangat mein pad gaya, shayad paise ki parwah nahi thi isliye cricket ko wo priority deni bandh kar di jo us makaam pe leke gaya tha. Grandfather guzar gaye aur us udasi ko handle karna nahi aaya, rasta bhatak jana badi aam baat hai. Mushkil hai wapas aana aur duniya ke samne kaboolna aur Prithvi ka comeback wahi shuru ho gaya tha. Kisi ne bid nahi kiya tha ek saal pehle auction mein aur is baar bhi lag raha tha koi team chance lena nahi chahti. Lekin fir Delhi ne hi kaha, aaja Prithvi, ek baar fir try karte hain. Aur suna hai ki bahut tagdi mehnat kar rahe hain team ke sath, acche attitude ke sath. I am very happy for him. Aur isi liye Ben Duckett ke jane se Delhi ko koi fark nahi padta. Rahul aur Nissanka open karenge, zarurat padi aapke paas Prithvi hai who will be ready. Nahi to Karun Nair hain, Abhishek Porel hain, Indian batter ek aur middle order ke liye Sameer Rizvi bhi hain. Teen pe Nitish Rana, char pe David Miller, panch pe Stubbs, che pe Axar Patel, jinhone Rahul ke baad pichle season sabse zyada chhakke mare the. Saath pe Ashutosh Sharma, aath pe Vipraj Nigam, nau pe, welcome to the IPL, Auqib Dar, ya fir Mukesh Kumar ka experience. Dus pe Lungi Ngidi, gyarah pe Kuldeep aur impact player T. Natarajan jo fit hain. Chameera, Kyle Jamieson backups hain, jab tak Starc nahi aate to bhai is baar mujhe to lag raha hai ki Delhi top char ki qualification miss nahi kar rahi hai. Aapko kya lag raha hai comments mein batao pura preview YouTube pe.