[0:01]طيب نبدا كلام عن الاي بيهات، هنتكلم كده على جزء على جهاز الكمبيوتر وبعد كده نرجع بقى للكاميرا نوضح الموضوع بالتفصيل اكتر. الاي بي ادرسنج اتكلمنا على طرق التواصل بين اي جهازين وعرفنا انها معتمده على ثلاث حاجات، اي بي ادرس وبورت وبروتوكول. قلنا البورت والبروتوكول امرهم سهل ان انت تسطب البرنامج اللي انت عايزه هو هيسطب لوحده البروتوكول المستخدم وهيفتح البورت اللي هينقل من خلاله البيانات. نيجي بقى لموضوع الاي بي ادرسنج، قلنا كارت الشبكه هو الحاجه اللي احنا بنرقمها وبنديها رقم اسمه الاي بي ادرس. وكلمه اي بي اختصار انترنت بروتوكول، انترنت بروتوكول هو في الحقيقه بروتوكول وظيفته الاي بيهات، وظيفته هو المفروض انه بيكتب الرقم لكارت الشبكه. ويرسل الرقم ده خارج كارت الشبكه مع البيانات او يرفق نفسه بالبيانات وبرده يرفق البيانات وهي جايه لكارت الشبكه بي هو. يعني بمعنى اصح هو يفضل لازق في البيانات رايحه جايه ده بروتوكول الاي بي. الاي بي اللي احنا هنتكلم عليه هو اي بي فيرجن فور، عندي اصدارات اي بي فيرجن فور واصدار اي بي فيرجن 6 ما فيش اي بي فيرجن 5 ما فيش حاجه في بينهم يعني. اي بي فيرجن 6 حاجه ثانيه خالص يعني حاجه اقل شيوعا وكان بيتنب لها بانطلاقه اقوى من كده. ولكن يعني الموضوع لا يجري كما تشتهي السوفت لسه اي بي فيرجن فور هو المسيطر. المهم هنيجي في وقت معين هنتكلم على اي بي فيرجن 6 وايه الحاجه ليه لكن بصوره عامه العالم كله بيتكلم في الغالب باي بي فيرجن 4. اي بي فيرجن 4 زي ما قلنا هو الرقم اللي لازم نكتبه في كارت الشبكه وعشان نروح لكارت الشبكه نقدر بمنتهى البساطه نروح لكنترول بانل في اي اصدارات ويندوز. عارفين طبعا كنترول بانل وممكن برده بصوره اخرى يعني احنا لو رحنا كده للكنترول بانل. ورحنا لحاجه اسمها نيتورك اند شيرنج سنتر. هنلاقي على الشمال حاجه اسمها تشينج ادابتر سيتينجز. هنلاقي هنا كل كروت الشبكه زي ما قلنا تقدر تضيف كروت شبكه في جهازك زي ما انت عايز المهم الكارت اللي انت هتوصله بالسويتش هو اللي هيبقى عليه الكلام وهو اللي هترقمه. علشان ترقم اي كارت شبكه سواء كارت الواي فاي او كارت الايثرنت لازم كليك يمين على الكارت. وبروبرتييز خلي بالك كارت الواي فاي هو هو كارت الايثرنت اللي هو الكيبل يعني الاتنين زي بعض بس الفرق ان واحد بيتوصله كابل الثاني شغال باشاره الواي فاي او لا سلكي وايرلس. احنا لما بنروح على بروبرتيز بنلاقي عندنا حاجه اسمها انترنت بروتوكول فيرجن فور. بتضغط عليه دبل كليك بيفتح لي النافذه دي اللي من خلالها بنرقم كارت الشبكه عايز توصل بصوره اسرع من كده في جميع اصدارات ويندوز تقدر تكتب في رن ان سي بي اي دوت سي بي ال. ان سي بي اي دوت سي بي ال برده بيفتح لك النافذه بتاعه كروت الشبكه مباشره هو انا بفضل الامر ده لانه اسرع. دي النافذه بتاعتنا اللي المفروض نرقم كارت الشبكه من خلالها. طبعا هتلاقيهم كلهم مطفيين الخانات المفروض احنا نشغلهم من خلال يوز ذا فولوينج اي بي ادرس هتلاقيه خلى الخانات كلها اكتف وجاهزه لكتابه البيانات اللي هنقولها. عندي خمس خانات انساهم خالص ما تركزتش غير مع خانتين بس اي بي ادرس وسنت ماسك. اما باقي الخانات فمش احتياج ليهم خالص دلوقتي ما فيش اي احتياج ليهم مش هنحتاجهم على مستوى اللان. دول ليهم دروس متقدمه لكن ما دام بنتكلم على مستوى لان وتوصيل شبكه داخليه هنحتاج الخانتين دول بس اي بي ادرس وسنت ماسك. هنحتاج الاثنين مع بعض ركز لي في شكلهم كده عشان لما هنرجع دلوقتي للكاميرا ونشرح نظري يبقى شكلهم قدام عينيك فاكرهم علشان هنتكلم عنهم بالتفصيل. ادي خانه اي بي ادرس وخانه سبنت ماسك وكل خانه فيهم بنقول عليها اي بي. طب ايه احتياج للخانين مع بعض انت قلت لي اي بي ادرس بس لا خلي بالك اي بي ادرس وسنت ماسك لكل واحده فيهم اسمها اي بي وكل واحده بيتكتب فيها ارقام بناء على معايير معينه. وكل واحده فيهم عباره عن اربع خانات زي ما احنا شايفين. طيب الخانات دول بيتكتب فيهم ايه وازاي؟ تعال نرجع للكاميرا ونشرح الموضوع ده. زي ما شفنا كده مع بعض عندي خانتين مهمين جدا خانه اسمها اي بي ادرس وخانه اسمها سبنت ماسك ايه الاحتياج للخانين دول؟ انت لو فكرت بدماغك كده هتلاقي اي حاجه في الدنيا تكنولوجيه معتمده على التواصل هتلاقي دايما ليها رقمين. الموبايلات دايما خطوط الموبايلات هتلاقي في رقم اسمه رقم الشبكه وفي رقم الخط. ارقام العربيات نفس الكلام هتلاقي في كود موحد يخص الدوله او المدينه وفي رقم يخص العربيه.
[4:59]دائما في رقم بيبقى اسمه رقم الشبكه ده بيتشابه على مستوى الشبكه او على مستوى الناس اللي تابعين لحد معين كلهم تبع بعض تبع شبكه واحده. عندنا ده اسمه السبنت ماسك او اختصارا ممكن نقول عليه الماسك وانا افضل ان انت تقول عليه الماسك. في خانه ثانيه اللي فوقها اللي اسمها اي بي ادرس هو ده بقى رقم الجهاز ده بس. يبقى كده نقدر نفهم ان اي بي ادرس ده لازم يبقى يونيك فريد من نوعه خاص بالجهاز ده بس. اما رقم السبنت ماسك او الماسك ده هيبقى موحد ومتشابه على مستوى الشبكه ومن كده برده نفهم ان الماسك اهم من الاي بي وهو اللي بيبدا اعداده الاول. عمرك سمعت ان شبكه محمول ابتدت تصدر خطوط وارقام خطوط قبل ما تصدر رقم الشبكه الاول؟ لا دايما هي بتبدا تسوق لرقم الشبكه الاول. عندنا نفس الكلام بالظبط فهي الفكره عامه وموحده في عالم التواصل. هنشئ رقم الماسك اللي بناء عليه هيبقى عندي عدد معين في الاجهزه ما فيش غيرهم بس اللي يقدروا يشوفوا بعض. يبقى الماسك هو اللي بيقول لي الشبكه بتاعتك دي او اللان بتاعتك دي تقدر توصل فيها كام جهاز يشوفوا بعض اكتر من كده مش هينفع. اقل من كده ماشي ما فيش مشاكل المهم ان الماسك بيقول لي الحد الاقصى ليك للاجهزه كام. زي ما شفنا الاي بي ادرس مكون من اربع خانات كلهم كده اسمهم خلي بالك لما اقول لك اي بي ادرس اقصد الاي بي ادرس والماسك. لان الاثنين يتقال عليهم اي بي والاثنين عباره عن اربع خانات كل خانه بيتقال عليها اوكتت كلمه اوكتت يعني ثماني ثماني. ليه بقى؟ لان الاي بي كله لما بيجي يتحول احنا عارفين ان اي بيانات خارجه وداخله للجهاز بتتحول لباينري بيتس لغه الاله الصفر والواحد. من ضمنها الاي بي الاي بي بيتحول ل 32 بتس سواء الاي بي او الماسك ثاني. كل خانه بتتحول لوحدها ل 8 بيتس 8 صفر وواحد وهنعرف ازاي بيتحولوا. المهم ان كل خانه بيتكتب فيها بحد ادنى زيرو وبحد اقصى 255 الخانه الواحده. لما بيتكتب فيها بالديسيمال اللي هي الارقام العشريه العاديه اللي هي من زيرو لتسعه الارقام العاديه اللي احنا بنكتبها بايدينا. دي ارقام من زيرو ل 255 في الاوكتت الواحد طبعا عندي اربع اوكتت بيتحولوا بيتحولوا لكام؟ عندك كل واحد بيتحول لثمانيه اضرب 4 في 8 ب 32 بتس يبقى الارقام الديسيمال اللي انا بكتبها دي بتتحول ل 32 بتس او 32 بلغه الباينري اللي هي الصفر والواحد. سواء الاي بي او الماسك تاني يبقى تفهم من القاعده دي اخري 255 في الاوكتت الواحد واقل حاجه زيرو. اقدر اكتب بقى ارقام من زيرو ل 255 في الاوكتت الواحد. طب الترقيم بيبقى عشوائي وازاي ببدا ارقم يا ترى ببدا بالاي بي ادرس ولا بالماسك زي ما قلنا بالماسك الاول. الماسك هو سيد الشبكه والاهم عندي طب بنكتب ايه في الماسك الاول؟ بناء على عدد الاجهزه اللي عندك بتكتب الماسك في ثلاث ماسكات دي فولت تقدر تكتبهم مباشره لو انت عندك عدد اجهزه معين. اول حاجه عدد الاجهزه 254 بحد اقصى يبقى هتكتب في الماسك من الشمال 255 255 255 زيرو. كده هتخلي الشبكه بتاعتك اخرها 254 جهاز يشوفوا بعض اكتر من كده ما ينفعش مش هيشوفوا بعض. طيب الاجهزه زادت شويه تقدر تطلع على الفئه الاعلى منها خلي بالك الفئه الاولى دي اللي هي 3 255 زيرو دي اسمها الفئه سي او كلاس سي. الكلاس الاعلى منها كلاس بي ده هيمكنك انك تخلي 65534 جهاز يشوفوا بعض. تكتب في الماسك 255 255 00 كده اسمها الفئه بي. طيب عايزين شبكه اكبر من كده اخرك الفئه الاخيره او كلاس ايه هيمكنك انك تخلي 16 مليون جهاز 777214 جهاز يشوفوا بعض. هتكتب في الماسك 255 ثلاث اصفار جميل كده يبقى عندي ثلاث كلاسيز. كل كلاس يخليك تشوف عدد معين من الاجهزه طب ليه وجع الدماغ ده طب انا اختار كلاس ايه وخلاص. حد ممكن يسال السؤال ده ليه ما اختارش كلاس ايه وخلاص. كلاس ايه هيخلي الشبكه بتاعتك تقدر توصل بيها جهازين لغايه 16 مليون ايه اللي يخليني بقى استخدم كلاس سي وكلاس بي والكلام ده. اقول لك انا في عمليه مهمه جدا فاكرينها عمليه برودكاست. عمليه البرودكاست دي 1 تو اول يعني ابعت رساله واحده توصل لكل الشبكه. في حد من الاجهزه اللي بنشتغل بيها بيعمل عمليه البرودكاست السويتش بس السويتش غلبان بيبعت رساله برودكاست على قد عدد البورتات اللي عنده. والسويتش كبيره مثلا 48 بورت يعني اخره يبعت كام رساله برودكاست 48 رساله. فالسويتش عايش على مبدا البرودكاست وهنعرف فكرته بالتفصيل في السويتشنج. بس في بروتوكولات ثانيه زي ما قلنا في بروتوكولات وهي شغاله بتشتغل بمبدا المالتي كاست بتشتغل بمبدا اليون كاست بتشتغل بمبدا البرودكاست. في بروتوكولات كتير هنفعلها وهي شغاله بتشتغل بمبدا البرودكاست يعني علشان يعيش حياته ويشوف شغله. لازم يبعت رساله تروح لكل الاجهزه في الشبكه ده ده من ضمن شغله وخلي بالك رساله البرودكاست او المالتي كاست ممكن تبقى كل ثانيه كل ثانيتين كل 10 ثواني حسب ظروف كل بروتوكول. فالبروتوكول دلوقتي لو حابب يبعت رساله برودكاست لكل الاجهزه في الشبكه هيعرف عددهم منين؟ من الماسك. السويتش بيعرف عدده من عدد البورتات اللي عنده فبيبعت على قد عدد البورتات انما البروتوكولات اللي بنشغلها في الشبكه بتعرف عدد الاجهزه من الماسك. يبقى عينه تقع على الماسك يعرف ان الشبكه فيها كام فيها 16 مليون جهاز طب اصبر بس انا كاتب لك 255 ثلاث اصفار صحيح بس الشبكه ما فيهاش غير 50 60 جهاز ما ليش دعوه. انا هبعت 16 مليون رساله طب ما يبعت ايه المشكله يعني الرسائل الكتير دي استهلاك للريسورس استهلاك للبان السرعه. هتموت لك الشبكه هتخلي الكابلات تتخنق ما فيهاش مساحه للارسال والاستقبال لباقي البيانات وبالتالي الاجهزه ممكن تعمل شات داون او تتوقف عن الارسال والاستقبال. ده اسمه برودكاست ستورم عاصفه برودكاست اللي بتسبب لي حاجه اسمها لوب يعني البيانات بتدور في حلقه وعماله تزيد ومش لاقيه صاحب. بيانات كتير جدا ما انت عمال تبعت 16 الشبكه فيها غير 50 جهاز البروتوكول عمال يبعت 16 مليون رساله في الثانيه ولا كل 10 ثواني. وبالتالي ده غلط الترقيم العشوائي ما ينفعش تكتب ماسك لا يتناسب مع عدد الاجهزه اللي عندك. لازم تكتب ماسك بالظبط او تضيقه قدر الامكان على قد عدد الاجهزه ليه؟ عشان في يوم من الايام لما تيجي تشغل بروتوكول بيقوم بعمليه البرودكاست يا دوب الرسائل اللي يبعتها تبقى على قد عدد الاجهزه ولو زادت تزيد حاجه بسيطه ما تضرنيش. دي فكره ان احنا ما ينفعش نشتغل بمبدا الخير خيرين ونشتغل بكلاس ايه مدى الحياه كده كده ده من جهازين ل 16 مليون فيكفيني في اي شبكه لا. لازم نشتغل ماسك او نكتب ماسك على قد عدد اجهزتي طيب دلوقتي قلنا 254 جهاز ده كلاس سي 65000 جهاز 16 مليون جهاز. طب لو جينا في النص كده عايزين مثلا 500 جهاز 1000 جهاز الحل ايه؟ اه هنا مش هينفع كلاس سي لان كلاس سي اخرك 254 جهاز هنطلع كلاس بي كلاس بي برده مبهوق كتير. يعني كتير قوي 65000 على 65000 على 1000 جهاز فمش هينفع طب الحل ايه؟ الثلاثه اللي قلناهم دول اسمهم الديفولت ماسك يعني لو اجهزتك قريبه من الاعداد دي اكتبهم وانت مغمض لكن غير كده ممكن تلجا للطريقه الافضل بقى ان انت تنشا الكاستم ماسك. الماسك اليدوي او الماسك العموله بقى اللي على قد عدد اجهزتك ده ما فيهوش بقى حاجه تتتحفظ ده في حاجه تتفهم علشان هي طريقه تقدر انت بقى اللي تحددها او توجهها لعدد الاجهزه اللي انت عايزها حسب مزاجك. الطريقه دي مبنيه على ايه؟ مبنيه على ان انت تعرف الاول ازاي كارت الشبكه بيحول الايبيهات لاصفار وحايد يعني من باينري لديسيمال وديسيمال لباينري. علشان تقدر تعرف ازاي نوصل للماسك اللي بيتناسب مع 1000 جهاز وده هنشوفه على جهاز الكمبيوتر ونرجع ثاني يلا.
