مطعم داخل حاوية شحن ومعلق لهدف غريب!

[0:00]فكرة غبية خطرت لمطعم صب واي المقاطعة وقت اعادة بناء برج التجارة العالمي الاول. لما صنعوا مطعم متنقل داخل حاوية بيتم رفعه برافع البرج للطابق المطلوب. لكنه كان سبب في خسارتهم حوالي من 200 ل 700 الف دولار. لان واحدة من اكبر مشاكل العمال وقت بناء ناطحات السحاب هي الغدا. خصوصا لو حد بيشتغل في الطوابق العليا نسي يجيب اكله معاه بيكون مضطر ينزل كل المسافة علشان يشتري اكل ويطلع ده كله ثاني في مهمة ممكن تاخد منه ساعة كاملة. ده غير وقت الغدا نفسه او الحل الثاني انهم يكملوا اليوم بدون اكل. لذلك صب واي صممت مطعمها المتنقل مخصوص لخدمة عمال ناطحات السحاب وسموه سكاي صب واي. اللي كلفهم حوالي 500 الف دولار لانه كان مطعم متكامل. في كل اللي موجود في الفروع العاديه بما فيها مكان للجلوس لتناول الغدا في المطعم ونظام للتخلص من نفايات. لذلك علشان يحقق ربحيه كان لازم يبيع اكثر من 200 ساندوتش يوميا. لكن متوسط المبيعات كان 90 بس وده خسرهم مصاريف تشغيلية حوالي 180 الف دولار. وكمان كان لهدف واحد وانتهى في بدايه 2012 قبل حتى نهايه المبنى في 2014.