[0:03]Yeh mere saath hua. Bahut bura laga, hai na? Bahut depressed the hum bhi, abhi to hans rahe hain, us time bahut buri halat ho gayi thi. Ya to do baat thi, ya to soch lete ki ab yahan se to gaya chemistry. 40 kisi tarah se aa jaen, 34-35 kisi tarah se 50 aa jaen, 60 aa jaen. Padh ke abhi to 30-35 din bache hain kuch to likh lenge paper mein. Ya to aim bada karte. To aim bada kiya. Sochna chhod diya pass hone ke bare mein, socha ki number marna hai. Jaana hai, number to marna hai, kuch bhi ho jaye. Are chemistry badi hai ki hum bade hain? Pehli cheez to yeh le li dimag mein. Determination bahut strong chahiye. Pehli cheez dimag mein yeh lao, jab tak yeh sochoge ki tough hai, tough hai, bahut strong hai, do saal se hum nahi kar pa rahe hain, achanak se kaise karenge? Nahi kar paoge. Nahi hai tough. Dimag se nikal do. Nahi nahi hai hi nahi tough, mano hi nahi, accept nahi karo, lag jao. Lag jao ekdum dum dum laga ke lag jao zor laga ke. Are log yaar Mount Everest pe chadh jate hain, hum chemistry se dar rahe hain? Kahan jee rahe hain hum? Itne bade ho gaye 17 saal, 18 saal ke, abhi tak hum chemistry se dar rahe hain. Ek equation nahi likh payenge, chatu. Bahane maar rahe hain ki humein yaad nahi ho raha. Sab bahane hain. Sabko yaad hota hai. Sab bahane hain. Bahane marna band karna hai. Shuru kare? Kya kiya humne? Physical se start karte hain. Physical mein kisi ko, sacchai mein physical mein kisi ko koi problem hoti hi nahi hai. Kya hai yaar? Chaar formulae diye rehte hain. Kahin se bhi utha lo. Chemical kinetics utha lo. Ab woh half-life ko poochh lega kitni hai ya humko ah... humko de dega equation ki itne time mein reaction 50% complete hua, kitne time mein 20% complete hoga. T = 2.303 / K log10 (A0/A). Reaction ki, sorry, equation ki humko formulae yaad hain. Rakhte gaye, rakhte gaye, rakhte gaye, kar diya question. Ek graph poochhega humse ki bhaiya log K ka temperature ke sath graph banao. Arrhenius equation aati hai, K is equals to... Kahin se bhi utha lo. Solid state utha lo. Humse poochhega difference poochh lega, batao bhai, yeh wali defect hai aur yeh wali defect hai, inke beech mein kya difference hai. Humse poochhega diamond, graphite ke structure mein kya difference hai. Kahin usmein aisi koi bahut khas baat. Electrochemistry kya poochhega? EMF of cell poochhega, to E not ka formula humne Nernst equation se baith ke rakh liya, 0.0591. Sab ratna hai wahan. Wahan pe aisa kuch aisa nahi hai ki bahut tough koi cheez aane wali hai. Density nikalni hai to humein density nikalne ka formula pata hai, ZN / (N * A^3) laga denge aur solve kar denge. Picometre mein inko rakhna hai, change karna hai. Bahut chhoti chhoti baat hai, par itni koi bahut jaise NaCl ka structure hai. Matlab physical mein actually mein kisi ko bahut badi problem nahi hoti. Problem hoti hai organic, inorganic. Numerical solve karna, mole solve karna ya, ah, solutions ke question solve karna.
[2:37]Depression in freezing point nikalna, elevation in boiling point nikalna, yeh sab kisi ki problem nahi hai. Are humne yeh kiya uske baad, hamare students ne bhi yeh kiya bhai. Hamare do-teen students 90-90 late gaye, late gaye. To shuru kiya padhana, bachchon ke chemistry mein 90 aane lage. Humne socha ki chemistry tough nahi thi, hum galat samajh rahe the. Humne bachchon ko bhi starting se yeh bola, are tough nahi hai, lag jao. Humse koi bolta tha, “Sir, chemistry yaad nahi ho rahi, bahut tough hai ismein equation.” Hum kya bolte hain? Hum bolte hain rato. Bahane mat maro. Tum bahane mar rahe ho. Main bola na, insaan Mount Everest pe pahunch gaya. Mount Everest bahut ooncha hai. Insaan pahunch gaya wahan. Woh yeh sochta ki yeh tough hai, yeh hai, woh hai. Bahane marna band karo life se. Abhi bahane maroge 12th mein, aage bahane maroge, in B.Tech mein ja ke ya to apne medical ke preparation mein ja ke, uske baad bahane maroge kuch ban jaoge, kaam mein ja ke fir ek average life jeete hue reh jaoge. Hai na? Wahi 60-70%. Yeh bahane marna. Log bolte hain na ki usko chemistry mein interest nahi. Are interest kisko aata hai reaction yaad karne mein? Kisi ko interest nahi aata yaar. Number chahiye, saaf si baat hai. Kisko maza aata hai ethanol ka reaction yaad karne mein? Iodoform test karna kiski hobby hai? Kisi ki hobby nahi hai. Reimer-Tiemann reaction yaad karna kiski hobby hai? Kisi ki hobby nahi hoti, theek hai. Chemistry kisi ki hobby nahi. Har insaan rat ke padhta hai, mehnat karta hai, kyuki usko number chahiye. Pehle yeh baat saaf karo, theek hai. Jhoothi duniya mein jeena band karo. To bhai, yaad to karna hi hai, par haan trick hai, tarika hai, mehnat pehle to yeh soch lo ki karna hai. Ab mehnat kya hai? Yeh dekho yeh maine kiya. Apne time bhi kiya tha, ab students se bhi karata hoon. Yeh pura mera group 16, hai na? P block uthaya, inorganic. Aur group 16 ko yeh summarise kar diya. Teen page mein. Aur bada bada likha hai, yeh nahi ki ghussa ghussa ke likh diya chhote chhote mein, padhne mein maza nahi aa raha. Yeh teen page mein group 16. Aise hi char page mein group 15, khatam. Ekdum jitne important point the woh likhe, jaise yeh likho, group 15 mein dekho. Pehle yeh Ostwald process ka diagram bhi bana liya. Aur bhai jahan chhoti si point, ki glass apparatus hona chahiye. HNO3 jo hota hai woh yellow colour ka hota hai. Yeh NO2 ismein dissolve, chhoti chhoti baat bhi likhi hai. Reactions bhi likhe hain. Aur reaction balance nahi likhe hain, yeh to yaar exam mein balance kar lenge. Itna to apne ko aata hi hai na chhoti chhoti cheezein. Pura ka pura 15 group ismein. Iske baad inorganic ke liye padh lo utha ke valence shell electron pair repulsion theory class 11th ka part, bada important hai. Jitne bhi structure wagaira aate hain na ki woh, ah phosphorus ke acid ke structure banao ya xenon, XEF4 ka structure banao. Is type ke jitne bhi aate hain ya ah, ICL5 ka structure banao, BrF5 ka structure banao. Is type ke jitne question hain woh valence shell electron pair repulsion theory se solve hone hain, uska ek chhota sa notes bana lo aur fatak se usse khatam kar do. Woh bhi mere paas hai. Theek hai, ab to main sab banne lag gaya hoon. Woh bhi hai mere paas. Bahut chhote se notes hain, aisa nahi hai ki bahut bada topic hai 11th ka padhna padega. Kuch nahi yaar. Yeh dekh, ek page mein hybridization nikalna seekho, fir seekh lo kitne lone pair hain, kitne bond pair hain, to kaisa structure. Kitne lone pair hain to kitna bond pair, kaisa structure? Yaad kar lo, khatam yaar. Kitna hai yaar? Do page. Bahane mar rahe hain hum log. Yeh ho gaya, structures banana aa gaya. Structures banana aa gaya, chhe-saat number ka sawal khatam. Yeh teen teen panne ke humne reactions ke note bana liye, P-block pura khatam. Iske baad aaya D-block. D-block mein theory aati hai, bhaiya lanthanoid ke bare mein zyada aapse poochhta nahi. Itna depth mein lanthanoid, actinoid mein ja hi nahi sakta. Wahi poochhega lanthanoid, actinoid mein difference kya hai, similarity kya hai. Bhaiya lanthanoid contraction kya hota hai, yahan se yahan aane mein size kyo nahi badhta hai, size kyo badhta hai, ionization potential achanak se kyo jump. Chaar paanch ghise-pite sawal hain, board ke purane 10 years ke question utha lo, rat dalo, khatam. Ek baar book padh lo, important point underline kar ke, teen teen page ke notes. Teen teen page ke notes zarur banao. Bhago nahi yaar mehnat se. Abhi to samay hai, abhi to time hai, kar lo. Teen teen page ke notes bana lo, kaam khatam. Fir aayi organic ki baat. Ab bhaiya organic bahut badi hai. Hai na? Sabse pehla kaam karo, ek copy banao jiska naam hoga Organic Chemistry. Organic chemistry copy.
[6:04]Usmein ek kaam karo ki pehla ek heading dalo Name Reaction. Ab aaj raat ko baith jao. Abhi. Yahi to hai, bhagna nahi chemistry mein. Jitna taloge, talte jaayegi. Abhi baith jao. Ab kya karo? Book uthao, book mein underline karo kahan kahan pe Name Reaction hai. Syllabus se. Book khol ke andar nahi, warna mar jaoge itni moti book hai. Syllabus se underline karo kahan kahan Name Reaction hai. Underline kiya Name Reaction, underline kiya Name Reaction, underline kiya. Ab sare Name Reaction us copy mein likhna start karo. Mushkil se mushkil chaar panne ya paanch panne lagenge, sare Name Reaction khatam. Shuruat se le ke ant tak sare Name Reaction khatam ho jayenge. Aldol ho gaya, Cannizzaro ho gaya, Reimer-Tiemann ho gaya, Tishchenko ho gaya, jitne bhi Name Reaction hain, Baeyer-Villiger ho gaya, jitne bhi Name Reactions yaar bolte rahenge, to chalta rahega. Sab tumhare chaar panne se zyada nahi jayenge. Chaar panne mein Name Reaction khatam, chaar number aur confirm ho gaye. Chaar panne nahi yaad kar paoge? Haan? Fir uske baad aage badho. Ab start karo, heading dalo Alcohol. Ab alcohol ke sare reactions syllabus se mark karo, syllabus se. Book mat kholna, syllabus se mark karo. Ab book mein se woh reactions nikalo, copy mein likho. Thoda time taking hai. Kitna time lagega alcohol ke sare reactions likhne mein? Dedh ghanta. Dedh ghanta bata raha hoon. Iske baad alkyl halide ke, dedh ghanta. Iske baad aldehyde, ketone ke, teen ghanta. Iske baad carboxylic acid derivatives ke, dedh ghanta, khatam. Iske baad reaction hai hi nahi. Bhaiya nitrogen containing compound mein sare syllabus, jitna bhi ab tak kiya hai na, usi ke reaction repeat honge. Nitrogen containing compound mein koi khas new reaction hai hi nahi. Chhe-saat new reaction nikalenge, 12 nikalenge, 15 nikalenge, isse zyada nahi nikalenge. Itna kar liya, ab copy thodi badh chuki hai Organic reaction ki. Ab kya karna hai? Inko yaad kaise karna hai? Pehle to rato. Hai na? Pehle to wahi simple baat hai, bar bar bolunga rato. Fir ratne ke baad, ratne ke baad yeh cheez design karo khud apne liye, khud se, apne aap. Maine to type kar liya, teacher ho gaya hoon. Tum abhi student ho, apne aap yeh cheez design kar lo. Hai na? Ek page pe utha ke 100-150 equation ek baar mehnat kar ke likh lo aur usko photocopy wale bhaiya ke paas jao, usse bolo bhaiya iski kam se kam 50 copy kar ke de dijiye. Ab bhaiya isko baith ke tumhein bharna hai ek baar mein. Aur iske liye tumko chahiye hoga bahut solid revision. Isko solid revise karo aur roz isko bharne ki koshish karo, din mein do baar bharo. Yeh aise, likh lo baith ke. Teen-char panne mein puri 100 reaction, puri organic ke reaction ek sath. Ab puri organic ekdum revise karni hai aur baith ke isi ko bharna hai bar bar. Jab tak ek jagah likha hua nahi hoga tab tak maza nahi aayega. Hota kya hai book mein bar bar page palta, yahan kuch mila, yahan kuch mila, yahan kuch mila, fir bhool gaye wahan kya tha, wahan kya tha. Ek baar mein, ek jagah, chaar panne mein pura likha khachak khachak khachak khachak puri reaction bhar rahe hain. Aur likhne se organic yaad hoti hai, sare teacher tumko bata chuke hain. Tumhare senior bhi tumko bata chuke hain, tumne suni nahi baat. Ab aa gaya hai waqt sunne ka yeh baat, ki likhne se hi yaad hogi. To aise char panne bana lo. Jismein reactions ho. Photo copy wale se photocopy karao. Teen-char log mil ke bana lo, sab log aapas mein distribute kar lo.
[8:43]Yeh bhi kar sakte ho. Notes bhi aise hi kar lo ki tum alcohol ka, tum aldehyde ketone ka, tum carboxylic ka. Saat dost to ho gaye na? 12th class mein aa gaye ho, saat dost to honge. Saat dosto ko distribute kar do, ban gaya. Fir kya karna hai? Iske baad problem yeh hai ki yeh reaction abhi bhi yaad nahi ho rahi. Ab yeh panne fado. Photocopy kara lo ya fad lo, jismein tumne notes banaye hain. Ab inko chipkana start karo. Bhar do apna kamra chipka chipka ke. Maine yeh kiya tha. Main subah uthta tha, brush karte karte xenon ke reaction padhta rehta tha, mujhe abhi bhi yaad hai. 12th mein tha bhai, yeh halat thi na meri. Aur mujhe yahan pahunchne ka dream, yahan tak. Tum bhi pahunch sakte ho. Mujhe exactly nahi pata tha ki aisa kuch hoga, aur laga tha par, mehnat bahut, bahut mehnat ki thi. Raat raat jag ke padh raha tha, ekdam jaan lagaya hua tha chemistry mein. Maine chipka rakhe the room mein har taraf reactions. Achha meri 11th ki chemistry kharab thi. Tumhari bhi hogi, main janta hoon. But maine yeh cheez ko mind nahi kiya. Maine valence shell electron pair repulsion theory ja ke 11th se padhi, jismein structure banana sikhata. Maine hybridization seekha. Us time video lecture bhi nahi hote the. 2010 ki baat kar rahe hain hum. Tab video lecture bhi nahi the yaar. Tab to YouTube khol ke itna dekhte the, bhi kuch nahi the hum log, kuch nahi. Books pakdi, kahin se kuch mila, kahin se kuch mila, rat rahe hain, rat rahe hain. Ab iske baad main notes bana ke kamre mein chipka liye. Hai na? Apne kamre mein ekdam bhar liya tha. Subah uthta tha, mere ko dedh-do ghanta lagta tha brush kar raha hoon, uske baad moon dhula hoon, baitha hoon ya doodh pee raha hoon, yeh chhota sa jo bhi kar raha hoon, yeh sab doodh bhi peete the. Yeh sab kiya karo. Usse energy milti hai, theek hai. Sharmao nahi in sab cheezon mein. Raat ko doodh pee ke so, subah uth ke doodh peeyo, energy rahe din bhar. Achha fir main pure room ko aise dekh raha hoon, yaad kar raha hoon, dekh raha hoon, yaad kar raha hoon, dekh raha hoon. Achha isse hota kya hai, mere dimag mein pressure bana hai. Jaise maan lo main khana kha ke baitha hoon, khali baitha hoon, padhai nahi kar raha hoon. Ab maine upar dekha itne reaction chipke hain, to main isko padh raha hoon, usko padh raha hoon, usko padh raha hoon. Is tarah se aur mera yeh bhi hota tha ki is taraf se moon ghumaya, idhar se yaad karte hue idhar pahunche pura. Ek-dedh ghanta lag jata tha pure reaction yaad karne mein. Tumhara room agar reaction se bhara hoga, kaise nahi yaad karoge yaar? Jab woh reactions tumse door hain tabhi to dara rahe hain. Jab tumhare agal bagal honge tab thodi na, tab tumhare dost ho jayenge din bhar tum unke sath ho. Tum kuch bhi kar rahe ho, reactions agal bagal dikh rahe hain tumko. Kahin se bhi nazar chali gayi, achha achha yeh yeh reaction hai. Achha achha, phosphorus yeh wala reaction aise karta hai. Achha, Kohl's method yeh hai. Theek theek, yaad rahega. Usmein benzene ka structure. Haan, haan, haan. Is tarah se, aur yeh jab tak nahi banaoge. Yeh wala jo cheez hai, yeh badi important hai. Chaar panne ka. Isko roz reactions likhoge nahi tab tak kaam nahi banega. Iske baad apne 10 years ke paper ekdum rat dalo. Baith ke lagao ekdum jam ke 10 years ke, ekdum jam ke laga lo ekdum badhiya se. Hai na? Bar bar 10 years question solve karo. Usmein tumko kuch theory wale questions mil jayenge ki bhaiya yeh yeh wala alkyl halide SN1 kar raha hai, yeh wala alkyl halide SN2 kar raha hai. Aisa kyon hai? Ya tumse poochh lega yahan C double bond O stable hai, yahan C double bond O stable kyon nahi hai? Ki bhai iske upar humne yeh group laga liya to iski yeh property kam ho gayi ya zyada ho gayi. Is type ke sare question mil jayenge. Theek hai. Yeh tumko 10 years paper se milenge. Itne kaam kar lo yaar chemistry mein number kaise nahi aayenge? Bas darna nahi hai chemistry se. Zyada nahi hai. Woh book itni moti hai, darati hai. Syllabus itna sa hai. Syllabus nikalo, usse mark karo. Har syllabus, har chapter ki notes banao. Har chapter ki notes banao. Karne mein mushkil se tumko lagega 24 ghante total. Total pure syllabus ka banane mein 24 ghante. Aur yaar kisi se maang lo, dosto mein distribute kar lo ki tum is chapter ka, hum is chapter ka, tum is chapter ka. Saat dost to ho gaye na? 12th class mein aa gaye ho, saat dost to honge. Milo khataak se notes lao, photocopy karao. Kuch karna hai to mehnat karni padegi. Aise to kaam nahi banega na. Ya to chhod do. Ya to chhod do isi halat mein. Maine nahi chhodha tha. Chhod deta to main aaj yeh baat kar raha hota. Kya mere students ke 90 aaye hote? 92, 90, 92. Students ke aa rahe hain, mere to 94 kar aaye the. 99 nahi aaye mere. Itna achha nahi tha. Maine ab to main jaga tha. Pre-board yaar kab hote hain, last mein. Ab to main jaga tha. Mere ko samajh mein aaya chemistry to ja rahi hai. Starting mein tumko bhi, tumhare bhi yahi haal honge. Are kitno ke yahi haal rehte hain. Ya isse achhe hain to bahut achhi baat hai, ab to improve karne ke chances tumhare paas hain, jab main improve kar sakta hoon to. To reactions ko chipkana hai ghar mein, har taraf apne kamre mein, reactions ki ek copy honi chahiye. Aur inorganic ke patle patle notes hone chahiye, is tarah ke. Jaise coordination chemistry hai, coordination chemistry physical chemistry jaisa hai. Usko aap samajh sakte ho. Bhai IUPAC ki tarah uski puri naming samajh li. Uske baad isomerism samajh liya. Isomerism mein bhi uske bahut tough question aa rahe hain. Optical ke halke-fulke sawal aate hain jo kitab mein diye hote hain, last 10 years mein diye hote hain. Utha ke usko baith ke padh liya. Crystal field theory se koi achha sawal aata nahi, jo asli point hai usmein. Valence bond theory se aata hai to char paanch toh molecules diye honge, unka structure, hybridization, yeh woh, uski magnetic behaviour padh liya, khatam. Kahin se koi bahut hard question nahi aayega physical, coordinate se. Jo hum log ko tough lagta hai woh organic wala part lagta hai. Aur organic mein main bata raha hoon, sirf alkyl halide, alcohol, aldehyde, ketone. Itna karo, tumhara organic strong ho jayega. Aldehyde ketone tak agar strong hua to carboxylic acid badhiya se nikalne lagega. Aur nitrogen containing compound tumko easy lagne lagega. Par sab ke tumko short notes banane padenge, tabhi kaam banega. Short notes mein kya hota hai? Faltu ke reaction hat jate hain. Book mein kya hota hai? Yeh reaction, yeh reaction, yeh reaction diye pade hain, hum usko bhi padh lete hain. Hai na? Hum log ko kya hota hai? Jab ek chapter hum padhte hain, hum sochte hain hum hero hain, sab kuch yaad kar lenge. Us time humein lagta hai yeh chapter bahut achhe se karna hai, jabki woh possible nahi hai. Aur ab to woh karo bhi mat. Book ke peeche se reaction bhi mat yaad karo ki peeche teen panne mein reaction diye hain, woh yaad karne hain. Woh bhi bekar hai trick. Usmein kuch syllabus se hote hain, kuch out of syllabus hote hain. Aur kahin pe kuch mix kar ke diya hua hai, samajh mein bhi nahi aata. Apne notes banao, 24 ghante lage, 25 ghante lage, 26 ghante. Jam ke banao ekdum mehnat kar ke, uth jao. Uth jao. Insaan kya nahi kar sakta yaar? Chemistry nahi kar payenge hum? Chhoti si cheez hai, itni book hai yaar woh. Kaise nahi yaad hogi yaar? Kiya na humne yaar? Yahan se yahan pahunche na yaar? Mehnat ki thi, jaan lagaya tha, tum bhi lagao. Tum bhi lagao. Tumhare paas to YouTube hai, search maro. Jo cheez nahi samajh mein aayi search mara, YouTube pe pada, band kiya, wapas aa gaye. Hai na? Khair abhi utna samay hai hi nahi, zarurat bhi nahi hai. Main to keh raha hoon reactions rato. Reactions rato is samay, aur kuch nahi. Chipka lo har taraf. Notes bana lo patle patle. Yeh reactions wale yeh bana lo, likhne wale. Ho gaya, khatam, taiyar. Kahin paper test join kar lo. Kahin na kahin coaching padh rahe hoge. Unse bolo sir se, sir humara test liya karo. Aap humko ek lamba lamba test de do. Sirf organic ka test le lo hamara, sirf inorganic ka test le lo hamara. Taiyar ho jayegi. Achha physical mein agar kisi ko sach mein problem hai to beta physical mein bahut mehnat nahi karni hai. Aapko sirf aur sirf formulae yaad karne hain, thode bahut concept samajhne hain aur usko laga lena hai. Kisi concept pe do teen se zyada sawal mat lagana. Hai na? Agar aap board ki taiyari kar rahe ho, to bahut easy aati hai physical chemistry, bahut depth mein sawal nahi aata hai. Kahin se depth mein nahi aata chemistry, bahut upar se poochhi jaati hai. Unko bhi pata hai sab gadhe bhare hain. Ki chemistry to chhod ke aaye honge. Bahut tough paper banta hi nahi hai chemistry ka. Main jab board ka paper diya tab mujhko realize hua, achha paper to easy hota tha. Main padh hi nahi raha tha. Are simple simple cheez hi to poochh raha tha, har baar wahi cheez poochh raha hai, aur hum log pata nahi kis kumari mein jee rahe hain. To abhi se lagna hai, chemistry pe hamla karna hai. Jo jo cheezein batayi hain, unko dhyan rakho. Aur in sab chakkar mein padhna ki reaction ko yaad karne ka ki nana ne bola to chacha ka yeh to papa ka. Are nahi hota, woh sab mnemonic code bana ke, yaar 10th mein thodi na ho tum. Are woh sab 8th class, 7th ke bachhe karte hain, mnemonic code bana ke. Kitni 600 reaction yaad kar loge tum? Tumhare syllabus mein 300, 600 to hongi hi reaction. Yaad kar loge tum? 500-600 reaction. Mnemonic code se, kitne din yaad rahegi? Ab to 30 din bacha hai. Yeh sab faltu kaam hain, in sab cheezon se kaam nahi banega. Kaam banega thoda sa concept aur reaction sequence mein chalo. Alkyl halide, alcohol, aldehyde, ketone. Is sequence ko jaise hi follow karoge, tumhe kayi cheezein samajh mein aayengi, conversion-wanversion ki. Conversion ke char paanch sawal laga lo board ki book utha ke. Tab tumko jab conversion question karoge to yahi reactions, koi naya reaction nahi aata conversion mein. Yahi reaction wahan repeat hote hain. Chain kaise length badhayen, chain ki length kaise kam karein, degree of carbon kaise change karein. Alcohol se hum log alkyl halide tak kaise pahunche. Alcohol se hum log acid tak kaise pahunche. Alcohol se acid pahunchte hue ek carbon kaise badhayen. Aldehyde ketone se alcohol. Abhi alcohol padho, aldehyde ketone padho. Dekho pura pura chapter mix hai. Abe aadhi reaction jo idhar diye hain, wahi reaction yahan chhap diye hain. Fir carboxylic acid padhoge, dekhoge yeh dono mix hai. Wahi reactions fir repeat hain. Aur nitrogen containing compound mein in dono ke reactions fir repeat hain. Tumko mushkil se nayi reaction jo hain 250-300 yaad karni hai. Uske baad sab repeat hongi mila mila ke. Aur name reaction ke liye maine bola shuruat ke chaar panne name reaction rakho, aur roz revise karo usko baith ke. Subah ke time chemistry padho, jo mera suggestion hai. Kyuki subah ke time yaad hota hai, raat ke time pe yaad nahi hota. Subah ke time baith ke roz chemistry padho, char ghante, chhhe ghante, ab to school band hain. Chhe chhe ghante padh lo tameez se ekdum. To chemistry yaad karne ke yeh sab tarike the. Aur to mere paas koi tarika nahi. All the best. Meri sari duayein, sari wishes sab kuch hai tum log ke sath yaar. Do very well.
