ديري بهاد السر فعلاقتك الزوجية جميع مشاكلكم تولي ساهلة/ حولي زواجك لجنة🌺على ضمانتي / عن تجربة شخصية

[0:00]علاقتك مع راجلك ما فيهاش تواصل ما كاينش حوار ما كاينش تفاهم كل واحد فيكم كيتهرب من الكلام مع الاخر باش ما ينوضش الصداع حيت نتوما اي موضوع كتناقشوا فيه الا وخصكم تخاصموا.

[0:15]بالزربه كتنفخوا على بعضياتكم حتى شي حاجه ما تشاركوها بجوج كتشوفي عقليتك انت في شكل وهو عقليته في شكل.

[0:24]هنا جبت لك واحد السر من اسرار نجاح العلاقه الزوجيه وذاك الحاجز اللي بيناتكم غيتحيد ويتحقق فيها الانسجام والتفاهم والتناغم والعشره غتولي مبنيه على الحب والموده والرحمه.

[0:42]وحلي معايا وذنيك يا المرضيه وديري النيه وخذي مني هذه الوصيه.

[0:48]هاد الفيديو راه حتى الرجال ممكن يطبقوه الا كيسمعني شي راجل اعتبر هذه الهضره موجهه للذكر حيت انا هنا كنهضر مع البنات حيت اكثريه متبعيني غير البنات.

[1:01]ملي غادي نمشيو ونسولو شي كوبل مزوجين العشره بيناتهم طويله وعلاقتهم ناجحه وكيضرب بها المثل فلونتوراج ديالك غاتجي غاتسوليهم شنو هو السر.

[1:16]الراجل هنا ماغاديش يقول لك حيت مرتي زوينه وعندها فورمه واعره ولا المراه حتى هي تقول لك لا حيت راجلي ديما كيخرجني وكيشري ليا.

[1:27]هنا غاتلقاي بيناتهم صداقه قويه هذا هو السر المصاحبه اولا الصداقه غادي تسوليني غتقولي لي كيفاش نتصاحب مع راجلي كيفاش نكون صداقه مع الزوج ديالي ما تزربيش انا جايه لك.

[1:46]ولكن قبل ما نقول لك كيفاش تكوني علاقه مع راجلك اول حاجه خصني نعطيك واحد المثال ديال صاحبتك اولا الصديقه ديالك اعز صديق عندك او الا كنت راجل اعز صديق عندك.

[2:00]غادي نسولك شنو هو السر باش هذه العلاقه بيناتكم دايما طويله وصداقه قويه غاتقولي ليا انا عارفه الكاركتير ديالها وهي عارفه الكاركتير ديالي ملي كنتناقشوا على شي حاجه كنرجعوا كنهضروا عادي ماكنشدوش في في بعضياتنا.

[2:22]ما كاينش بيناتنا واحد واحد اللوم واحد العتاب سوء الظن الاحكام المسبقه غاتقولي لي احنا عفويين في التواصل كنتواصلوا ماشي ماشي شي وحده اللي كنضرب الف حسبه باش نلوح لها شي هضره.

[2:35]كنهضروا عفويين الهضره كيما جات كنقولوها كنعاودوا كلشي اي حاجه ضراتنا كنعاودوها لبعضياتنا والا تخاصمنا كاع كاع الا تخاصمنا كل وحده كتعرف المخاصمه ديال الاخرى يعني كتعرف التقليقه ديال الاخرى.

[2:55]يعني لهاد لهاد الدرجه يعني وكتسمعي ليها وكتسمع ليك وكتوقفي معها وتوقف معك القلوب صافيه وحسن الظن بيناتكم.

[3:04]راه نفس الشيء يعني حتى حتى الصاحب ديال الراجل حتى انت يعني الراجل فاش تيكون مع صاحبه راه كيموت معاه.

[3:14]في اي حاجه في الفلوس يوقف معاه في في شي مرض في المشكل في اي حاجه كتلقيه كيوقف مع صاحبه.

[3:21]وهذا الشيء كامل كيخلي العشره كدوم والصداقه كتزيد وكتقوى.

[3:27]وهاد الصداقه الرائعه يعني الساميه الراقيه الى هزيتيها وخدمتي بها واستعملتيها في الزواج ديالك.

[3:36]كوني على على يقين 90% من المشاكل الزوجيه ديالك غادي يتحلوا.

[3:42]كيفاش ولا شنو هما النقط باش غنبدا باش تحقق هذه الصداقه قبل ما نقولهم لك غنقول لك المراه ولا المتزوجه اللي ما عندها ما يدار او لا مش عندها فراغ يعني في حياتها ما تقدرش تصاحب مع راجلها.

[3:59]هذه يعني نبصم لك بالعشره المراه اللي ما عندها ما يدار ما مش راسها بشي حاجه حاضره غير الراجل التركيز ديالها كله على الراجل اختي ما تقدريش تصاحبي مع الراجل.

[4:14]هذه بين قوسين. اول نقطه غاتبداي بها اللي من طبيعه الحال واحد النقطه سلبيه وخايبه بزاف بزاف وكتكون فينا بزاف احنا العيالات هي سوء الظن والاحكام المسبقه.

[4:29]بزاف احنا كلنا احنا العيالات يعني كلنا يعني الا قلت 90% فيهم سوء الظن بزاف مع رجالهم صونات عليه في التليفون مثلا ولقاته اوكيبي راه حقا راه ما عرفت مع من يهضر.

[4:42]هضر معاها في شي موضوع كتولي تؤول من مخها سوء تفسير النيه سوء تفسير التصرفات سوء تفسير الهضره كتفهمي انت اللي بغيتي.

[4:53]وهادشي كيدي للشك وفاش كتولي مريضه بالشك كيكره العيشه معاك وكيولي يتفاداك.

[5:01]حاسبيه على ذاك الشيء اللي شفت عينيك ماشي ذاك الشيء اللي كتبقاي تحلليه في مخك.

[5:08]تحليلات الخاصه ديالك دايره فيها المفتش كرومبو قال لك الله سبحانه وتعالى في القران لا تسالوا عن اشياء ان تبدا لكم تسؤكم.

[5:20]ما تسوليش على واحد الحاجه اللي عرفتيها غضرك علاش غادي نقلب على شي حاجه اللي غضني.

[5:26]وهنا غادي نرجع معك للعلاقه مع صاحبتك الاعز صديق عندك ونقول لك واش هذ صاحبتك المفضله كتسوئي بها الظن واش كتعطيها احكام مسبقه.

[5:38]بالعكس كتعطيها تبريرات وكتعطيها اعذار وقولي لا وكتفهميها اذا علاش علاش ما تطبقيش هذه الخاصيه مع راجلك.

[5:50]انت غادي ترتاحي وهو غادي يرتاح.

[5:54]ثاني نقطه هو دور الام المعاقبه علاش درتي علاش فعلتي انت السبب انت ديما هكا دائما اللوم دائما العتاب دائما النكير.

[6:09]اذا كانوا فيك هذه الصفات كوني اكيده راجلك شحال من حاجه كيديرها بلا خبارك.

[6:19]ولو تكون ديك الحاجه حاجه بسيطه يقدر يبغي يشري غير حاجه اولا يسافر اولا يشد شي كريدي اولا اي حاجه ما يقولها لكش حيت عارفك انت غاتحلي فمك وتبداي تنقري.

[6:31]كيولي يشوفك حبل المشنقه ما تخليهش يشوفك مشنقه ما يقدرش يعاود لك اي حاجه.

[6:40]نرجعوا للمثال ديال صاحبتك واش هي كتستعملي معها هذا اللوم هذا الدور ديال الام المعاقبه؟

[6:48]النكاره بالعكس كتعطيها ديما كتفهميها وكتعطيها مبررات وعلاش ما تكونيش هكا مع راجلك تخلقي ليه اعذار وتحيدي النكير واي حاجه دارها كتهضري معاه بحال صاحبته.

[7:04]تكون كيما كانت هذه الحاجه اللي دار. كيما كانت شرى شي حاجه خذ كريدي سافر اي حاجه هضري معاه كصاحبته كاع الا بغيتي تنصحيه نصحيه بطريقه زوينه.

[7:16]هكا هذه الطريقه الا بقيتي كديريها غاتخليه يزيد يثق فيك ويجي يعاود لك اي حاجه دارها حيت كتكوني الاقرب ليه من اي شخص اخر.

[7:30]ولو يكون عنده صاحبه اعز صديق صاحبه غتولي انت اعز من ذاك صاحبه يعاود لك حيت انت كيجي عندك ما كيلقاش منك النكير وعلاش وانت وكذا وكذا فهمتي.

[7:42]وكاينه المراه اللي كيدخل راجلها مثلا جاي داخل للدار وكيقول لها راه تلاقيت مع جارتنا فلانه فلتلانه راه سلمت علي قالت لي سلمي علي نسلم عليك وهذه وهذه وكتنوض من هذه حب قبا علاش تهضر معها وعلاش هذه حيت هي غيره منها واش فهمتي.

[8:00]حيت هي كتغير من ديك جارتها حيت راجلها جا وسلمت عليه غارت قالت هذه السيده غادي تد لي راجلي ونوضت قيامه مع راجلها وعلاش هضرتي معها وعلاش مالك اختي مالك مالك هكا علاش ما في راسك.

[8:18]السيد جا كيهضر بحسن النيه كون كانت عنده اصلا النيه خايبه ما يقولها لكش اصلا ما يقولش لك راه سلمت عليك فلانه ولا تلاقيت معها في الدروج ولا عند مول الحانوت ما يقولها لكش علاش يقولها لك.

[8:30]كوني ذكيه كوني ذكيه راه ماشي راه الراجل فاش كتقوي عليه الاسئله وعلاش وعلاش درتي وانت وهذه راه ما كيبقاش يعاود لك.

[8:41]قسما بالله البنات بالتجربه اقسما بالله تنقسم لكم بالله الى انا انا انا كنت كندير بحال هكا ولكن فاش حيدت عليا هذه القاعده ولا راجلي كيعاود ليا اي حاجه.

[8:53]حتى انتم طبقوها غادي تشوفوا ان الزوج ديالك غادي يبدا يعاود لك شي حاجه اللي اصلا انت ما كتهكش غادي يبدا يجي يعاود لك في الخدمه في الزنقه في في القهوه اي حاجه اي حاجه عاودها ليه صاحبه يجي يعاودها لك حيت انت كيلقاك واحد الصدر راه يعني صدرك مفتوح ليه.

[9:15]كي كيقول لك اي حاجه طبقوها وردوا علي.

[9:18]ثالث نقطه ما تكونيش جديه وكل حالاتك وصارمه في الحياه ديالك ما تضحكي ما تبتسمي ما تشطحي ما تعاودي نكته ما فيك طاقه ايجابيه ما باجوش ما فرفوشه.

[9:33]تا يدخل الراجل لديك الدار بحال دخل الحبس علاش في نظرك علاش في نظرك هذا الراجل كيخرج مع اصحابه بزاف.

[9:42]حيت اغلب اغلبيه الوقت كيبقاو غير يضحكوا ويفرشوا يعاودوا النكات بحالك انت مع صاحبتك ولا صاحباتك كتعطيوها غير للضحك والنشاط والشطيح والرديح.

[9:58]شوفي انا عارفه المسؤوليه د الحياه صعيبه مع الشقا والوليدات والروتين ولكن اختي اسمحي لي سمحي لي واش انا ندفن راسي.

[10:07]واش انا ندفن راسي ونخلي الحياه تغلبني حيت حق ما حق المسؤوليه والشقا وهذه شنو ستفد انا من هذه الحياه اصلا الى ما عشت الحياه وما عشت اللحظه مع راسي ومع راجلي ومع وليداتي.

[10:25]مطيب وانا كنغني نشقى وانا طل الشيبي عاودي النكات ضحكي شدي في راجلك ديري موسيقى شطحوا دردكوا عيشوا الطفوله ديالكم.

[10:37]الزواج خاص يكون فيه الضحك وروح الدعابه والابتسامه والنكات والشطيح والراحه والعفويه والانسجام كاع الصفات الزوينه خصهم يكونوا في هذا الزواج.

[10:53]حتى الا جا شي مشكل شي مشكل في حياتكم بالزربه كتبغي بالزربه كتبغيو تعالجوه باش ترجعوا ذاك الجو الزوين اللي مولفين بيناتكم.

[11:03]ملي كيجي الخصام بينك وبينه كتعاملوا كاصدقاء حتى واحد ماكيشدش من جهه الاخر.

[11:11]بالزربه كترجعوا هذا هو الزواج الناجح وكا اخر نقطه اللي هي المساحه اعطي الراجل لمساحته وخذي انت مساحتك.

[11:23]الزواج راه ماشي حبس راه ملي تزوجنا عباد الله راه ماشي تربطنا بالسلاسل.

[11:31]راه ماشي تشدينا في الحبس راه تزوجنا شريك الحياه ماشي عبد ولا نديروا تحت الصباط.

[11:40]راه يعني واحد السيده تاب على رجلها بلي زابيل فينك دير ليا ابيل فيديو بغيت نعرف فينك علاش مشيتي عند صحابك وخليتيني انا بوحدي علاش هذه وعلاش انت وعلاش.

[11:53]سولي راسك واش كديري هذا الشيء مع صاحبتك واش صاحبتك الصديقه ديالك اعز صديقه كتبقاي تبعها بلي زابيل وفينك لا ما كديريش هذا الشيء.

[12:03]اذا ديرها في راسك وديري شي نشاطات لراسك وخرجي عند صاحباتك راه فاش كتغبروا على بعضياتكم كتوحشوا بعضياتكم هذه القضيه راه حتى هي كتخليه عاد ما كيزيد يقلب عليك.

[12:18]شفتي فاش كتغبري عليه كيولي يقلب عليك حيت مرتاح معاك وما كيحسش معك بالسجن والحبس بالعكس كيحس معاك بالحريه بحال جوج عصافير.

[12:30]كيطيروا مع بعضياتهم احرار تييحس براسه حر انت حره من طبيعه الحال كنهضر حتى من لابار ديالو هو راه ماشي غير انت.

[12:41]المهم كاخر حاجه ملي تناقشي معاه تناقشوا تخاصموا شي مخاصمه بحال هكا قولي مع راسك كنت تخاصمت مع صاحبتي كي غادي نتصرف.

[12:53]وغادي تتصرفي بحال يعني كيفاش غتصرفي مع صاحبتك غتصرفي معاه كصديق ماشي كراجل ولا عدويه ولا واش فهمتيني.

[13:05]خاصك تعرفي ان الزواج راه ماشي حرب وشد ليا نقطع عليك وحاضيني نحضيك والسجن والحبس واللوم والعتاب والغضب هذا راه جحيم ما بقاش زواج بدلوا النظره ديالكم للزواج ورجعوا العلاقه العلاقه ديال ديال ديال الزوجيه رجعوها علاقه صداقه بين جوج ديال الارواح غادي يوقع لكم واحد التغيير جذري في علاقتكم.