[0:00]Assalamualaikum warahmatullahi wabarakatuh. Alhamdulillah. Wasalamu ala ibadihil ladzina istafa. Amma ba'd. Auzu billahi minash shaitanir rajim. Bismillahir Rahmanir Rahim. Wa'lamu annallaha ma'al muttaqin. Sadaqallahul azim. Wa qala n-Nabiyyu Sallallahu alaihi wasallam. Man sama Ramadana imanan wa ihtisaban. Ghafira lahu ma taqaddama min zambihi aw kama qala alaihissalam. Allahumma salli ala Sayyidina Muhammad. Wa ala ali Sayyidina Muhammadin wa barik wa sallim.
[1:00]Insan duniya me jo bhi kaam karta hai, to wo kaam ek sahi fitrat wala insan har kaam kisi khaas maqsad ke tehth karta hai. Kaam ki shakal aur zahir kuch aur hoti hai aur uske piche maqsad kuch aur chupa hua hota hai. Agar koi shakhs dukan me baitha hai, apni dukan chala raha hai. Subah se sham tak wo dukan me hai. Ya koi kisan khususan sakht dhup me kheti kar raha hai. To koi yu hi nahi karta aur apni mehnat is tarike se istemal nahi karta. Balqi har mehnat ke piche ek maqsad chupa hua hota hai. Dukandar, kisan, kaam karne wala, nokri karne wala, din bhar dar dar bhatakne wala. In tamam ka ek apna majmoi maqsad hota hai ke mai apne ahlo-ayal ki fikr karu, unke daane paani ki fikr karu. Aur unke rozi roti ki fikr karu. Isi liye mai ye zariye muash ikhtiyar kar raha hu. To fir aisi surat me, wo maqsad chuki hota hai, usko yaad hota hai, uske zehen me hota hai. Is wajah se wo apni mehnat me bahut aage badhta hai aur lagan se aur acche andaaz se mehnat karta hai. Lekin jab insan maqsad se hat jata hai, maqsad se kya ho jata hai? Hat jata hai. To maqsad se hatne par yaqinan uski us taraf tawajjo nahi rehti. Aur usko jo nafa milna hai jis andaaz se milna hai, us nafe se wo khaali ho jata hai. Masalan, dukan par agar tawajjo na de, kaam kaaj par wo sahi tarike se na jaye. Aur sahi nahaj par dukan na chalaye ya sahi nahaj par wo kheti badi na kare to use wo maqsood hasil nahi hoga. To maqsad hasil karne ke liye jo sabab hota hai, to jis qadr maqsad ahem hota hai, to uska sabab bhi utna hi ahem hota hai. Maqsad jitna ahem hota hai, to sabab bhi utna hi ahem hota hai. Ke un asbaab ko ahmiyat di jaye sahi nahaj par. To aisi surat me maqsad bhi sahi nahaj par hasil ho jata hai. Allah Ta'ala ne agarche jo ibadat ka Allah pak ne hume mukallaf banaya hai,
[4:10]wo ibadat apne apne aitbar se alag maqaasid rakhte hai. Isse pehle baat aa chuki hai. Lekin majmui taur par tamam ibadat ka ek hi maqsad hai. Majmoi taur par tamam ibadat ka ek hi maqsad hai. Aur wo maqsad kya hai? Taqwa. Insan namaz padhe taqwe ke liye, zakat de taqwe ke liye. Haj kare taqwe ke liye, roza rakhe taqwe ke liye. Saari ibadat ka majmui maqsad ek hi hai. Aur wo kya hai bhai? Taqwa hai. Isi liye Quran-e-Kareem me jo taqwe ke mauzu ko chheda hai, sabse zyada agar Quran-e-Kareem me jis mauzu par tazkira hua hai, wo taqwe ka hai. Sabse zyada. Aur alag alag andaaz se Quran-e-Kareem me taqwe ko bayan kiya hai. Kabhi to taqwa kya hai use pesh kiya. Kabhi to taqwe se kya milega use pesh kiya. Taqwe ki kya taarif hai use pesh kiya. Hatta ke tamam Anbiya alaihimussalam jo duniya me tashrif laye, ek lakh se zaaid nabiyon ki dawat hi dawat-e-taqwa thi.
[5:37]Ab dekhiye har nabi ki dawat ko Quran-e-Kareem ki nazar se har nabi ne yahi kaha, Alaa yattaqun tum taqwa ikhtiyar nahi karte. Chahe wo Hazrat Shoaib alaihissalam ho, Hazrat Loot alaihissalam ho. Hazrat Hud alaihissalam ho. Jo bhi nabi ho, har nabi ne imaan ke sath taqwe ki dawat di. Kis ki dawat di? Taqwe ki. Fa'ttaqullaha wa ati'u. Allah ka taqwa ikhtiyar karo. Wa ati'u, aur meri itaat karo. Har nabi ki dawat taqwe ki dawat thi. Har nabi ki dawat.
[6:13]Isi liye Sahaba-e-Kiram ka bhi ye mamool tha ki jab kabhi wo safar me jaya karte, jab koi safar darpesh hota kisi Sahabi ko, to Sahaba ka ye mamool tha ke pehle agar Masjid-e-Madina-e-Munawara me Nabi-e-Kareem Sallallahu alaihi wasallam tashrif ho, tashrif farma ho. To safar me jaane se pehle Allah ke Rasool Sallallahu alaihi wasallam ki khidmat me Sahaba haazir hote the. Aur kehte the Ya Rasoolullah Sallallahu alaihi wasallam mujhe kuch wasiyat kijiye, kuch nasihat kijiye. Safar me jaane se pehle. Us mauke par Nabi-e-Kareem Sallallahu alaihi wasallam Sahaba-e-Kiram ko taqwe ki wasiyat kiya karte the. Kis ki wasiyat kiya karte the? Usi kun bi taqwullah. Mai tumhe ussi ka taqwa, mai tumhe Allah ke taqwe ki wasiyat karta hu. Har Sahabi ko Allah ke Rasool Sallallahu alaihi wasallam taqwe ki wasiyat kiya karte the.
[7:18]Yahi wajah hai ki hafte ka jo Sardar hai Jumma, aur jis Jumma ki khususiyaat hai ke baqaida namaz ke sath khutbe ko joda gaya hai. Ke baghair khutbe ke Jumma ka tasavvur hi nahi hai. Khutbe ko laazim aur farz qaraar diya gaya hai. To us khutbe ki takmeel ussi waqt ho sakti hai. Khutba karam ne masla zikr farmaya hai ki jab tak khateeb apne khutbe me taqwe ki wasiyat na kare. Allahu Akbar. Jab tak khateeb apne khutbe me taqwe ki wasiyat na kare, aapka khutba hi naqis aur adhoora rahega.
[8:05]Chahe pura khutba namaz se mutalliq ho, rozo se mutalliq ho, deen ke ahem mazmoon se mutalliq ho. Aapne pura khutba deeni khutba diya hai. Zahir hai ke deeni khutba hoga. Lekin agar aap ne laffz taqwa pesh nahi kiya us khutbe me aur taqwe ki wasiyat nahi ki, to Fuqaha-e-Kiram ke bayan karda masle ke mutabiq aapka khutba hi naqis aur adhoora rahega. Itni ehmiyat hai taqwe ki. Quran-e-Kareem ka ek mustaqil, ek markazi mazmoon taqwa hai. Markazi mazmoon kya hai bhai? Taqwa hai. Lihaza is taqwe ki haqiqat ko samajhna bahut zaroori hai. Ki ye taqwa kehte kisko hai? Hamare zehen me ye tasavvur agar baithe ke taqwe ka matlab ek makhsus shabahat hai. Taqwe ka maqsad aur taqwe ka matlab ek makhsus qism ka libas hai. Taqwe ka matlab makhsus qism ki shakal hai. To ye galat khayal hai. Agar mai ye samjhu ke taqwe ka matlab chand tasbihat ko pabandi se padh lena. Taqwe ka maqsad tahajjud se lekar awabeen tak ki pabandi kar lena. Baat samajh me aa rahi hai ki nahi? Taqwe ka matlab tahajjud se lekar awabeen ki pabandi kar lena. Agar mai ye samjhu taqwe ka matlab ek saaf shaffaf amama apne sir pe saja lena. Agar mai ye samjhu taqwe ka matlab saaf shaffaf sufaid kapde pehen lena. Agar mai ye samjhu taqwe ka matlab ek ghani dari apne chehre par saja lena. Yaqinan ye bhi taqwe ke ausaf hai, usse inkar nahi kiya ja sakta. Lekin yahi taqwa hai, ye khayal galat hai. Yahi taqwa hai, ye khayal kya hai bhai? Galat hai.
[10:12]Isliye insan beshumar duniya me aamal kare, behtar se behtar amal anjam de. Wo namazo ka dher, wo haj aur zakat aur umre ka dher aur zakheera. Tasbihat ka be inteha khazana aur zakheera, ke hamesha meri zuban Allah ke zikr se ratbul lisaan rehti hai. Haan. Aur mahine me na jane me do se teen se chaar quran khatam kar raha hu. Ye saare aamal ka majmua. Lekin zahir hai ke taqwe ki haqiqat ko na samajhne ki buniyad par, meri baat aur meri taabir ko tawajjo se suniyega. Ke taqwe ki haqiqat ko na samajhne ki buniyad par mera ye zakhira-e-aamal kal qiyamat me muflisi ke darje me mujhe le ja sakta hai. Yaani mere ye aamal barbad aur zaaya ho sakte hai, khatam ho sakte hai. Is liye ke maine taqwe ke matlab ko samjha hi nahi. Maine taqwe ki haqiqat ko samjha hi nahi.
[11:25]Is liye taqwe ka matlab ye batlaya gaya hai, aur taqwe ko is baat ki taraf tawajjo zyada dikhlai gai aur batlai gai hai, ke karne ke muqabale me zyada se zyada tawajjo bachne ki taraf. Meri baat sunne me aa rahi hai? Namaz padhna taqwa hai. Roza rakhna taqwa hai. Haj karna, zakat dena aur acche aamal karna taqwa hai. Lekin iske muqabale me gunaho se bachna, Allah ki nafarmani se bachna, masiyat se bachna, ye dar haqiqat taqwe ki asal hai. Baat samajh me aa rahi hai? Ye dar haqiqat kya hai bhai? Taqwe ki asal hai. Agar ye cheez nahi hai. Gunaho se bachna, nafarmaniyon se bachna, Allah ki masiyat se bachna. Allah ke hudood ko tajawwuz karne se bachna. Agar ye sifat aur ye khastat mere andar nahi hai. Chahe namazo ka dher ho, chahe aamal ka dher ho. Lekin kal qiyamat me us shakhs ko ummat ka sabse bada muflis qaraar diya gaya hai. Are hai ki nahi? Mai kasrat se namaz bhi padh raha hu, magar mai jhoota hu muashre me. Mai haj pe haj kar raha hu, lekin apne behno ko property aur virasat me hissa nahi de raha hu. Mai tahajjud ka paband hu, lekin mera padosi meri taklif se mehfuz nahi hai. Mai zikr-o-azkar me na jane kitni tasbihat padhte baith raha hu, lekin dusri taraf mai apne bhai ki gibat kar raha hu. Gunaho me aage badh raha hu. To zahir hai ke ye aamal kal qiyamat ke din kaam nahi degi. Ye aamal to muflisi me le jane wale hai. Isi liye wo hadith jo mashhur hai jo hum fazail me sunte hai taalim me. Ke Allah ke Rasool Sallallahu alaihi wasallam ne Sahaba se pucha. Meri ummat ka muflis kaun hai? Al-muflis. Sahaba ne kaha ke jiske paas na dirham ho, na dinar ho, na mal ho wo ummat ka muflis hoga bhai. Hum bhi yahi samajh rahe hai. Kaha na, meri ummat ka muflis wo hai ki ek taraf taqwe ki buniyad par nekiyon ke ambar le aaye. Lekin taqwe ka jo asal pehlu tha. Taqwe ka jo asal pehlu tha jise usne faramosh kar diya. Ke bhai dusro ke huqooq ko zaya karne se bachna, ye asal taqwa hai. Allah ki nafarmani se bachna ye asal taqwa hai. Ab ye ke wo isme usne tawajjo nahi di, dusre ke huqooq ko mara. Aisa shakhs meri ummat ka sabse bada muflis hai. Wo hadith yaad karne ke qabil hai, wo waqiya yaad karne ke qabil hai. Ke Nabi-e-Kareem Sallallahu alaihi wasallam ke samne do aurato ka tazkira kiya gaya hai, hai na hadith me. Allah ke Rasool Sallallahu alaihi wasallam ke samne do aurato ka tazkira kiya gaya hai. Kaha ke fulani aurat jo tahajjud se awabeen tak ki saari chizon ki pabandi kar leti hai. Uski koi namaz chutti nahi. Nawafil ka to inteha ehtimam hai. Lekin uska padosi usse mehfuz hai, wo kisi ko taklif nahi pahunchati. Nabi-e-Kareem Sallallahu alaihi wasallam ne farmaya ke wo aurat jahannami hai. Kya kaha? Wo aurat kya hai? Jahannami hai. Oh. Kahan gai namaze? Kahan gai tahajjud? Kahan gai faraiz? Kahan gai nawafil? Kahan gai roze? Kahan gai? Wo aurat jahannami hai. Is liye ke usne taqwe ki haqiqat ko nahi samjha. Aur uske bil muqabil us aurat ka tazkira kiya gaya hai ki jo aurat ba zahir nawafil me itni aage nahi hai. Faraiz ka faqat ehtimam kar leti hai. Nawafil me itni aage badhi hui nahi hai, lekin uska padosi usse mehfuz hai. Wo kisi ko taklif nahi pahunchati. Nabi-e-Kareem Sallallahu alaihi wasallam ne farmaya ke wo aurat jannati hai. Allahu Akbar. To taqwe taqwa dar haqiqat sikke ke do pehluo ka naam hai. Sikke ka ek pehlu taqwe ka aamal ki pabandi karna, ye bhi maqsood hai. Lekin sikke ka dusra pehlu jo taqwe ka asal pehlu hai, aur wo hai Allah ki nafarmani aur Allah ki masiyat se bachna. Iska naam kya hai bhai? Taqwa hai.
[16:09]Iska naam dar haqiqat taqwa hai. Allah Ta'ala ne Quran-e-Kareem me ahle taqwa ke mutalliq ek aayat zikr farmayi. Jo yaqinan is mauzu par bahut badi dalalat pesh karti hai. Allah Ta'ala ne Quran-e-Kareem me zikr farmaya. Inna ladhina ttakaw. Khatarak ke bilashuba jo taqwe wale hai. Unki pehchan ye hai ke jab shaitan ki taraf se gunah ka khayal unke dil me aata hai. Aur gunah ka khayal unhe chhu leta hai. Allah ki nafarmani aur masiyat ka khayal aur irada unke dil me aa jata hai. Tazakkaru. Thodi der ke baad wo apne aap ko chhinjod dete hai. Allahu Akbar. Kya behtareen ta'bir hai taqwe ki. Quran-e-Kareem me pesh kiya. Ke muttaqi wo nahi hai ke uske dil me gunah ka khayal hi na aaye, wo to farishta hai. Wo insan hi nahi.
[17:21]Taqwe ka ye matlab nahi hai ke dil me gunah ka khayal hi na aaye. Agar dil me gunah ka khayal hi nahi aa raha hai, to fir duniya me use to bhai zahir baat hai ki dusri makhlooq me shumar hona chahiye. Wo to farishta hai jiske dil me to koi gunah ka khayal hi nahi aata hai. Insan ki pehchan hi yahi hai ke uske dil me gunah ka khayal aaye. F'alhamaha fujuraha wa taqwaha. Allah ne insan ke khasuse ko Surah ash-Shams me aur Amma Paare me Allah ne zikr farmaya hai. To kya keh raha tha? Ke insan ke dil me gunah ka khayal aayega, lekin aane ke baad ab us gunah ko mai karu ya na karu. Tazakkaru. Ab wo Allah ko yaad karta hai. Wo apne aap ko chhinjodta hai ke nahi ye gunah hai. Ye nafarmani hai, isse mera Rabb naraaz hoga. Allah mujhe dekh raha hai. Allah ka dar aur khauf use gunah ki taraf le jaane se rok raha hai. Fa'idha hum mubsiroon. Fir use us gunah se bachne ki bahut si tarkibe nazar aa jati hai. Fir Allah khud dikha dete hai. Insan jab gunah se bachne ka irada kare na, insan kya bache bhai, insan ki taqat me nahi hai ke gunah se bache. Ki insan jab gunah se bachne ka irada karega, to Allah Ta'ala uske samne bachne ke asbab bhi dikhla dete hai. Qissa-e-Yusuf hamare liye bahut badi rehnumayi aur rehnumayi ka sabab aur zariya hai. Hazrat Yusuf alaihissalam gunah se kaise apne aap ko unhone bachaya. Ba-wajood ye ki asbab muqaffal the. Darwaze par tale the, band the. Jaante the ke darwaza asbab ke tehth hi khul sakta hai. Lekin fir bhi unka yaqin aur tawakkal aur taqwa ye tha, ke bhai gunah se bachna mera kaam aur bachana Allah ka kaam. Gunah se bachna mera kaam aur bachana Rabb ka kaam. Yahi wajah hai ke ba-wajood darwaza band aur muqaffal taala laga hua hai. Magar fir bhi apne aap ko gunah se rokte hue us band darwaze ki taraf bhaage. Fa'idha hum mubsiroon, Allah unke liye rasto ko khol rahe hai. Ke wo darwaza jo band tha jo khulne se hi khul sakta hai, Allah Ta'ala apne is mehboob aur muttaqi bande ke liye un darwazo ko rasto ko khulte chale ja rahe hai. Allahu Akbar. To ye hai dar haqiqat taqwe ki haqiqat. Taqwe ki kaifiyat. Hamara ye faqat samajhna ke chand aamal ko japna aur chand aamal ka ikhtiyar karna hi faqat taqwa hai, ye galat hai. Ek insan kisi bhi libas me ho, basart ye ki wo libas libas-e-haram na ho. Ek insan kisi bhi mahol me ho. Baat samajh me aa rahi hai? Ek insan kisi bhi mahol me ho, kisi bhi libas me ho, wo taqwe ki sifat se muttasil ho sakta hai. Wo saahib-e-taqwa ban sakta hai. Bashart ye ki wo muttaqi banne ka irada kare. Allah Ta'ala ne apne nek logo ki aur Awliya Allah ki pehchan isi taqwe se bayan ki hai. Ala inna Awliya Allahi la khaufun alaihim wa la hum yahzanoon. Ke Allah ke wali to wo hote hai, ladheena amanu wa kaanu yattaqun. Ke jo imaan wale bhi hote hai aur jo taqwe wale bhi hote hai. Apne aap ko bachate hai gunaho se. Apne aap ko nafarmani se bachate hai. Sahaba-e-Kiram me taqwe ka kaisa jazba tha. Allahu Akbar. Kaise taqwe ko ikhtiyar kiye the Sahaba-e-Kiram. Isi liye to Allah Ta'ala ne Sahaba ko miyar-e-imaan qaraar diya hai. Aaminu kama amana nnas. Allah keh raha hai. Ke imaan le aao jaise logo ne imaan laya. Kon logo ne? Sahaba ne. Agar imaan sikhna hai, imaan ko samajhna hai, to Sahaba ke imaan ko padho. Sahaba ke imaan ko samjho. Allah Ta'ala tumhe us darje ka to nahi, lekin waisi shakal wala imaan Allah Ta'ala tumhe naseeb karega. Haan. Sahaba ka kya jazba-e-taqwa tha? Wo mashhur bahut se waqiyaat hai. Bahut sharab ke mutalliq. Sharab Sahaba ki gutthi me dakhil thi. Aur kuffar aur mushrikeen aur ahle Makka ki gutthi me sharab dakhil thi bhai. Bade bade Sahaba sharab ka hukm to baad me nazil hua, bade bade Sahaba sharab piya karte the. Chuki hurmat nazil nahi hui thi. Lekin wahi taqwa tha ki itni kimti sharab ghar me hone ke ba-wajood jab Allah ki hadd jari ho gai.
[22:06]Aur Allah ka hukm nafiz ho gaya ke ab Allah ne sharab ko mukammal haram qaraar diya hai. Mazal kya kisi Sahabi ki ki jo ek ghunt faqat ab tak muh me ho use halaq me dala ja sakta tha hukm sunne ke ba-wajood. Aur fir ab nahi Allah se sacchi pakki tauba karke ab sharab se bacha ja sakta tha, lekin mazal ke wo jo ghunt faqat muh me hai, halaq me utarne nahi diya. Wahi par kulli kar diya aur phenk diya aur apne ghar ki saari sharabo ko baha diya. Ye hai taqwa. Allah ki hadd se aage nahi badhna hai. Wa tilka hudoodullah. Ye Allah ke hudood hai. Wa ma yata'addahududallah. Aur jo Allah ke hudood ko tajawwuz karega. Fa qad zalama nafsah. Wo apna hi nuqsan karega. Ek Sahabi haazir ho rahe hai Allah ke Rasool Sallallahu alaihi wasallam ki khidmat me. Badkari ka mamla, kuch nafarmani ho gai, kuch khata aur galati ho gai. Ha? Kaha Allah ke Rasool Sallallahu alaihi wasallam mai ne zina kiya. Allahu Akbar kabeera. Kis se keh rahe hai? Allah ke Rasool Sallallahu alaihi wasallam ki khidmat me haazir hokar keh rahe hai. Mamla tha Allah ka aur bande ka khamosh reh jaate Allah se tauba kar lete. Are hai ke nahi? Lekin nahi, wahi taqwa tha jo unhe bechain kar raha tha. Aur yahi asal taqwa hai ke insan ek to gunah se bache, aur agar gunah ho jaye, to wo gunah use bechain kare, yahi muttaqi ki sifat hai. Yahi muttaqi ki kya hai bhai? Sifat hai. Nabi-e-Kareem Sallallahu alaihi wasallam ne apna chehra us shakhs se mod diya. Dusri taraf aaye. Kaha Allah ke Rasool Sallallahu alaihi wasallam mujhse zina hua hai. Teesri martaba Nabi-e-Kareem, dusri martaba Nabi-e-Kareem Sallallahu alaihi wasallam ne apne chehre ko pher liya. Har taraf chehre ko pher le us shakhs se. Wapas Sahabi aur samne aakar keh rahe hai Ya Rasoolullah Sallallahu alaihi wasallam mujhse zina hua. Nabi-e-Kareem Sallallahu alaihi wasallam ne Sahaba se pucha. Are kuch ye shakhs ye shakhs majnoon hai, paagal hai jo is tarah ki baat kar raha hai. Kaha ke aye Allah ke Rasool Sallallahu alaihi wasallam paagal nahi, hosh-o-hawaas me keh raha hai. Us shakhs ne bhi kaha ke Allah ke Rasool Sallallahu alaihi wasallam mai hosh-o-hawaas me keh raha hu ke haa mujhse zina hua hai. Mujhpar hadd jari kijiye. Lihaza uske kehne par aur iqrar-e-gunah par Nabi-e-Kareem Sallallahu alaihi wasallam ne us par hadd jari ki. Use ssaqsaar kiya gaya hai, use qatl kiya gaya hai. Bhai kya chiz thi? Ye jazba-e-taqwa tha. Aise kai waqiyaat hai. Ye tha jo jazba-e-taqwa Sahaba ka. Ki bhai Allah ke hadd se aage badhne ka kabhi wo soch bhi nahi sakte the. Soch bhi nahi sakte the. To taqwa naam hai gunaho se bachne ka. Nafarmaniyon se bachne ka. Ye dar haqiqat taqwa hai. Ye taqwe ki kaifiyat hai. Aur kya baat hai ki jab ki humne shuru me hadith suna, saari ibadat ka maqsad taqwa hi hai. Lekin insan namaz padh raha hai, zahir hai ke muttaqi ki sifat hai. Allah ne pehle paare me zikr farmaya Al ladhina yuqimunas salah. Jo namaz ko qayam karte hai, muttaqi. Hai na? Ke muttaqi jo namaz ko qayam karte hai. Aur Allah ke raste me kharch karna ye bhi taqwa hai. Wa yu'tunas zakah. Aur jo humne diya usme se wo kharch karte hai. To fir kya baat hai ki Allah Ta'ala ne personally aur khususiyaat ke sath. Roze ko taqwe se joda hai. Hai na? Khususiyaat ke sath Allah Ta'ala ne roze ko taqwe se joda hai. Halanki namaz taqwe ke liye. Zakat taqwe ke liye, haj taqwe ke liye. Puri ibadat ka maqsad taqwa hai bhai. Lekin roze ko taqwe se jodne ki hikmat aur falsafa kya hai? Yahi falsafa hai jo mere aaj ke khitaab ka mauzu hai. Roze ko taqwe ke sath jodne ka falsafa aur maqsad bhi yahi hai ke roze me jis taqwe ki Allah Ta'ala basharat de rahe hai. Kutiba alaikumus siyam, tum par roze farz kiye gaye hai. Kama kutiba alalladhina min qablikum jaise pichle logo par roze farz kiye gaye the. Uska falsafa, uski hikmat aur uska maqsad aur uski basharat aur uski fazilat ye hai, la'allakum tattaqun. Tum taqwe wale ban jao. To kon sa taqwa? Roza jis taqwe ki baat kar raha hai. Huzur mere dosto, roza isi taqwe ki basharat de raha hai, jo taqwa insan ko gunaho se bachaye. Jo taqwa insan ko nafarmaniyon se bachaye. Ye roza is qism ke taqwe ke liye ek behtareen mashq aur training hai. Baat samajh me aa rahi hai? Is qism ke taqwe ke wusool ke liye roza ek behtareen mashq aur ek training hai. Ki zahir hai ke Allah ne us training ko itna hamare liye sahal aur aasan kar diya warna Allah Ta'ala shaitano ko chhode rakhte. Ek taraf Allah Ta'ala ne shaitano ko jakad diya, band kar diya. Kyu? Maqsad kya hai? Shaitan khule rehte jaise aam dino me khule rehte, na. Mere bando ki mashq ho jaye, practice ho jaye. Wo taqwe ko hasil karne wale ban jaye. Iski Allah ne asbab ye kiya ke shaitano ko jakad liya. Ki ab tum mere bande ke darmiyan aur samne na aao. Aur fir banda ab full usko mauqa hai, ke kis tarike se mai taqwe ko hasil karu. Is roze ki sifat ke zariye se gunaho se apne aap ko bachate hue. Isi liye Allah ka fazl hai ki saal bhar jo jo bade bade gunah hote hai, lekin isi roze ka tasavvur, isi roze ki kaifiyat hume un gunaho se rokti hai. Hum nahi karte. Hum kya kehte hai? Roza hai. Roze me ye kaam bhi nahi karte. Saal bhar mai sharab peeta tha, drink karta tha, roze me Ramzan me mai drink karu? Nahi karunga. Ye tasavvur roza hume kya karta hai? Gunaho se bachata hai. Ha jiski mat hi maari jaye Allah hifazat farmaye ke jiske liye Ramzan aur ghaire Ramzan dono barabar ho. Ramzan me bhi sharab piye, Ramzan me bhi, yani ghaire Ramzan me bhi sharab piye aur nafarmaniya kare, aur Ramzan me bhi sharab piye aur nafarmaniya kare. Bhai us shakhs ke taalluk se to hum bich me nahi aa sakte. Hum kya keh sakte hai? Uska Rabb ka mamla hai. Uske liye bas wahi hadith kaafi hai ke halak ho wo shakhs jo Ramzan paye magar apni maghfirat na karaye. Jis par ek ek farishte ki baddua aur ek Nabi ki dua, ab ispe tisra koi darmiyan me dakhil ho hi nahi sakta. To baharhal taqwe ki asal shakal yahi hai ke banda gunaho se apne aap ko bachaye. Nafarmaniyon se apne aap ko bachaye, aur roza uski behtareen shakal hai. Allah Pak ye roza hamare haq me isi qism ke taqwe ko hasil karne ka zariya aur sabab banaye aur hum apne is maqsad me kamyab ho jaye. Aameen ya Rabbul Alameen wa akhiru da'wana anilhamdulillahi Rabbil Aalameen.
