[0:00]بسم الاب والابن والروح القدس الاله الواحد امين كل سنه وحضراتكم طيبين هندرس مع بعض في الصيام الكبير سفر اشعياء النبي. سفر اشعياء 66 اصحاح لكن في اصحاحات صغيره ممكن نضمها لبعض وبنعمه ربنا نخلصه في ال 55 يوم. اشمعنى سفر اشعياء لان سفر اشعياء محبوب جدا للكنيسه في صيام الكبير. اولا لانه بيتكلم عن التوبه وبيتكلم عن الام المسيح لكن كمان هو بيمثل رحله تصاعديه يبتدي بها الانسان من اول اسبوع في الصيام لحد اخر اسبوع في الصيام يعني ايه؟ الكنيسه بتقسم سفر اشعياء على مدار الصيام كله في النبوات رفع بخور باكر. هنلاقي في الاسبوع الاول الكنيسه بتقرا الاصحاح الاول من سفر اشعياء وفي الاسبوع الاخير بتقرا الاصحاح الاخير وفي حد النص بتقرا الاصحاح ال 40 اللي يعتبر نص السفر. يعني الكنيسه نفسها بتحب تقرا سفر اشعياء في الصيام الكبير لانه بيبدا بالتوبه وترك العالم بشهواته وتتدرج معانا تدريجيا من خلال القراءات لنصل في الاخر للاستناره ونقاوه القلب. يعني مثلا في الاسبوع الاول نسمع الكنيسه بتقرا من سفر اشعياء كل الراس مريض وكل القلب سقيم. كأنها بتوصف انسان مريض بالخطيه لكن تيجي في الاسبوع الاخير من الصيام وتقرا من الاصحاح 58 حينئذ ينفجر مثل الصبح نورك وتنبت صحتك سريعا يعني الصحه ترجع للانسان في اخر الصيام يبتدي وهو مريض وينتهي وهو صحيح. تعالوا بقى ندرس سفر اشعياء وفي اخر كل اصحاح ناخد تامل من الاصحاح يرفعنا درجه واحده في طريقنا في التوبه او طريقنا للسماء. فافي اخر كل اصحاح هناخد وصيه تقدر ترفعنا خطوه علشان نيجي في اخر الصيام ونكون خدنا فضائل كثيره ووصايا كثيره متدرجه وبشكل بسيط وبشكل عملي يعني تدريب عملي علشان نرتفع واحده واحده ونوصل في الاخر نحتفل مع الكنيسه ونقول معاها فعلا نبوت صحتنا سريعا زي ما انت بتعلمينا يا كنيسه. بسم الاب والابن والروح القدس الاله الواحد امين مقدمه عن سفر اشعياء. اشعياء عاش في الفتره ما بين السبيين يعني حضر سبي اشور بتاع المملكه الشماليه وما حضرش سبي بابل بتاع المملكه الجنوبيه هو جه في النص. احنا عارفين المملكه الشماليه اتسابت تقريبا سنه 700 قبل الميلاد على ايد اشور. وبعد كده ربنا صبر على المملكه الجنوبيه لعلها تتضعظ بنبوه الانبياء زي اشعياء وتوب لكنها لم تتب فربنا سمح لها بسبي بابل تقريبا 600 قبل الميلاد يعني بعد 100 سنه او اكثر. في الوقت ده جه اشعياء حضر السبي بتاع المملكه الشماليه وشافه بعينه وابتدا يحذر المملكه الجنوبيه انها لازم تتوب عشان ربنا ما يسمحش بسبيها او باسرها. اشعياء النبي حضر ست ملوك من ملوك يهوذا يعني ملوك المملكه الجنوبيه. اولهم اماصيا بس ده كان اشعياء لسه صغير وما كتبش اي نبوات ايام اماصيا وبالمناسبه اماصيا ده يعتبر عم اشعياء لان اشعياء اسمه اشعياء ابن عاموس وعاموس في الاغلب اخو اماصيا الملك. بعد كده حضر اشعياء عزيا الملك اللي تنبا في ايامه وكتب من الاصحاح الاول للاصحاح الخامس ايام عزيا. عزيا كان ملك كويس في الاول وبيستجيب لاشعياء لكن بعد كده زاغ عن ربنا ومش بس كده ده طمع في الكهنوت ودخل قدم ذبيحه لدرجه ان ربنا اتضايق منه جدا وضربه بالبرص ومات في خطيته.
[4:20]ومن هنا ده يعتبر ابن عم اشعياء عزيا يبقى ابن عم اشعياء وبما انه مات بالخطيه وعمل اعمال لا تليق اشعياء كان متضايق جدا وبكى على هذا الانسان وكان حاسس بالذنب جدا تجاه ابن عمه اللي مات من غير ما يتوب. والكلام ده يعبر عنه روح الضيقه والمضايقه اللي موجوده في الاصحاح من الاول للخامس. وبكده يبقى اول ملك تنبا ايامه اشعياء ما استجابش للتوبه. فنلاقي اشعياء في الاصحاح السادس متضايق جدا وحاسس انه ما يصلحش للنبوه ولا انه يخدم الشعب ولا انه يكرز بالتوبه اذا كان ابن عمه نفسه ما تابش. فنلاقي ربنا بيظهر له في الاصحاح السادس بمنظر مهيب ورؤيه مشهوره ويقول له انا هلمس شفاتيك بالجمه وبعد كده تروح تبشر فقال له يا رب ها انا ذا ارسلني. فكتب الاصحاح السادس ده بعد موت عزيا نقدر نقول بقى في ايام الملك اللي بعده عزيا اللي هو اسمه يوثام. وده استجاب شويه لاشعياء وكان انسان كويس والشعب ايامه كانوا كويسين. بعد كده جه ملك تاني اسمه احاز كتب ساعتها اشعياء النبوه في ايامه من الاصحاح السابع للاصحاح 14 واحاز نفتكره كده انه انحاز انحاز لمين؟ انحاز لارام ولاشور يعني لناس وثنيين ونسي ربنا واتحامى في الشعوب الغريبه دي فطبعا ربنا برضه غضب عليه وكان عايش في حياه ما فيهاش توبه وما استجابش لنبوه وتوبه اشعياء. كده يبقى اشعياء حضر لحد دلوقتي اماصيا اللي يعتبر عمه وما كانش ساعتها كتب اي نبوه لانه كان صغير سنا. بعد كده حضر عزيا اللي يعتبر ابن عمه اللي مات بالبرص. بعد كده حضر يوثام وده كان معقول اللي كتب ايامه الاصحاح السادس. بعد كده حضر احاز اللي كان انحاز لارام ولاشور وكتب ساعتها اشعياء نبواته من الاصحاح السابع ل 14. اخيرا بقى يجي ملك قديس يحب جدا اشعياء ويعتبر ساعتها اشعياء هو ابوه الروحي او اب اعترافه. مين ده؟ ده حزقيا الملك اللي قعد من الاصحاح 15 للاصحاح 66 اشعياء بيكتب في ايامه وكان انسان عظيم وانسان كويس جدا وعاش مع اشعياء حياه روحيه جميله انقذه من خلالها شعبهم من السبي. لكن للاسف يجيب بعد كده ابنه اللي اسمه منسى ومنسى كان انسان شرير جدا لدرجه انه منع اشعياء من النبوه ومش بس كده ده امر بقتل اشعياء فمات اشعياء على ايد منسى بالمنشار منشورا.
[7:21]وده اللي قال عنه قدس بولس الرسول في رساله العبرانيين الاصحاح ال 11 ان في انبياء وابطال ايمان نشروا نشروا ده المقصود بهم اشعياء اللي موته منسى بهذه الطريقه البشعه. صحيح بعد كده منسى تاب وكتب توبته في صلاه جميله بنصليها يوم سبت النور او ليله ابو غمسيس اسمها صلاه منسى لكن اثناء حياه اشعياء كان بيعامله بمنتهى الشر وقتله اخيرا. فنقدر نقسم سفر اشعياء للخمس اجزاء دول من الاصحاح الواحد للخامس ايام عزيا السادس ايام يوثام من السابع ل 14 ايام احاز من 15 للاخر يعني 66 ايام حزقيا. في تقسيمه تانيه جميله لسفر اشعياء. من الاصحاح الاول للاصحاح 39 يعني تقريبا نص السفر تحت عنوان الله المؤدب. ربنا بيقول وعيد شديد لشعبه من سبب شرهم وعدم توبتهم. فنلاقي من الاصحاح الاول ل 12 نبوات وعيد خاصه باليهود من 13 ل 23 نبوات وعيد خاصه بالامم المحيطه باليهود من 24 ل 35 نبوات وعيد للعالم كله بسبب عدم توبته. يجي من الاصحاح 36 ل 39 ده جزء تاريخي بيحكي قصه جميله هنتعرض لها لما نوصل لها وعلى فكره كل سفر اشعياء مكتوب بالشعر ما عدا الاصحاح من 36 ل 39 لانه جزء تاريخي. نرجع تاني للتقسيمه قلنا من 1 ل 39 الله المؤدب بيقول وعيد لليهود وللامم وللعالم كله. من اول بقى الاصحاح 40 ل 66 ده الله المعزي مش بيقول وعيد لكن بيقول وعود كلام معزي وجميل جدا اي انسان متضايق يقرا هذا الجزء يتعزى جدا. من الاصحاح 40 ل 44 عزاء شعبي من 45 ل 59 خلاص شعبي من 60 ل 66 سلام شعبي. وبكده يبقى سفر اشعياء زي ما يكون مقسوم نصين من 1 ل 39 الله المؤدب وده وعيد ومن 40 ل 66 الله المعزي ودي وعود. في ناس شافوا التقسيمه دي وقالوا فعلا دي تقسيمه تشبه ملخص الكتاب المقدس كله. من 1 ل 39 زي العهد القديم لان العهد القديم 39 سفر في الطبعه اللي معانا وفعلا بتبين الله المؤدب. ومن 40 ل 66 يعني 27 اصحاح ده يمثل العهد الجديد لان فعلا العهد الجديد 27 صفر وفعلا رسالتهم الله المعزي ده سر من اسرار سفر اشعياء النبي. وبكده يبقى سفر اشعياء مليان وصايا ومليان وعود ومن هنا تعالوا ندرس سفر اشعياء من خلال هذا المعنى من كل اصحاح ومن السفر نطلع وصايا وعود. وصايا يعني ربنا بيرشد شعبه علشان يتوبوا من خلال وصيه محدده وعود معناها انهم لما يتوبوا في وعد وفي جزاء عشان يديهم رجاء للتوبه. وفعلا ده يتمشى مع اسم اشعياء لان كلمه اشعياء معناها يهوى يخلص او الله يخلص طب وربنا يوصل خلاصه للناس ازاي؟ بصراحه من خلال وصايا ووعود عشان يقود الانسان للتوبه فيخلص اخيرا. بسم الاب والابن والروح القدس الاله الواحد امين سفر اشعياء النبي الاصحاح الاول. الرؤيه اللي شافها اشعياء ابن عاموس اللي شافها على يهوذا واورشليم في ايام الملوك عزيا ويوثام واحاز وحزقيا ملوك يهوذا اسمعي ايتها السماوات واصغي ايتها الارض لان الرب هيتكلم.
[11:45]ربيت بنين وناشاتهم اما هم فعصوا عليا الدور يعرف الانسان اللي بيقتنيه والحمار يعرف صاحبه اللي بيديله العلف اما اسرائيل فاقل من كده ما عرفنيش.
[12:03]شعبي ما بيفهمنيش يا ويل الامه الخاطئه الشعب اللي اسموا خطاياه تقيله نسل فعل الشر اولاد مفسدين تركوا الرب استهانوا بقدوس اسرائيل ارتدوا لورا بتتزايدوا زيغان كل يوم كل الراس مريض وكل القلب سقيم.
[12:34]من اسفل القدم للراس مفيش صحه روحيه مش لاقي غير جروح سببها لكم عدو الخير وكمات وضربات لم تنقوا لم تعصبوا لم تلين بالزيت محدش قدر يلينها لكم بالزيت. بلادكم خراب قلوبكم خربت مدنكم محروقه بالنار ارضكم غريبه بيأكلوها قدام عينيكم سابوها لكم خرابه كانقلاب الغرباء لما بيكسروا المدينه فضلت ابنه صهيون زي مظله مكشوفه في كرم زي خيمه في حقله زي مدينه محاصره لولا ان ربنا ابقى لنا بقيه صغيره لصرنا زي سدوم وشبه عاموره.
[13:45]اسمعوا بقى كلام الرب يا قضاه سدوم اصغوا لشريعه الهنا يا شعب عموره ليه بتقدموا لي ذبائح كثيره انا تخمت من المحرقات كباش شحم مسمنا دم عجول وخرفان وتيوس مبقاش يسرني مجرد مظهر من الخارج.
[14:16]مين طلب منكم انكم لما تجوا تقدموا الذبائح دي تقدموها بالمنظر الخارجي؟ رؤساء شهوركم واعيادكم بغضتها نفسي صارت علي ثقل مللت حملها عشان كده بتبسطوا ايديكم وانا بستور عيني عنكم ولو كسرتوا الصلاه انا مبسمعش ايديكم مليانه دم انا مبسمعكم ازاي وانتم طالبين مصلحتكم وما بتنقوش ايديكم.
[15:13]اغسلوا تنقوا اعزلوا شر افعالكم من امام عيني كفوا عن فعل الشر اتعلموا فعل الخير اطلبوا الحق انصفوا المظلوم اقضوا لليتيم حاموا عن الارمله اقول ايه؟ برغم كل الخطايا دي انا بقول لكم يلا نرجع تاني نتكلم ونتحاجج يقول الرب. متقلقوش حتى لو كانت خطاياكم كرموز تبقى بيضاء زي التلج لو كانت حمراء زي الدودي تصير بيضاء زي الصوف. اذا شئتم وسمعتم تاكلوا خير الارض وان ابيتم وتمردتم تؤكلون بسيف الشر ده فم الرب تكلم انا حزين عليكم ازاي صارت القريه الامينه القلب الامين زاني رؤسائها متتمردون وكل واحد منهم بيحب الرشوه ويتبع العطايا ولا يقضون لليتيم ودعوه الارمله ما بتوصلش ليا.
[16:47]عشان كده بيقول السيد الرب رب الجنود عزيز اسرائيل اه انا هريحكم من خصامكم الشياطين وهنتقم من اعدائي اعداء الخير انا همد ايدي ناحيتك وهنقي كل الشوائب اللي فيك.
[17:15]انا هعيد قضاتك زي الاول ومشيريك زي اللي ابتدا زمان هيجي يوم يرجع اسمك المدينه العدل القريه الامينه انا هفدي صهيون بالحق وهفدي اللي يتوب بالبر.
[17:42]اما المذنب والخاطي هيكون عقابهم سوا اللي يترك ربنا هيفنى لان هيجي يوم وهيخجل كل الخطاه من اشجار الباطن اللي كانوا بيعبدوها وهيحزوا من الحدائق اللي كانوا بيشتهوها لانكم بتختاروا الخطايا اللي انتم بتحبوها لنفسكم وهيزبل ورقه وهتصيروا زي الحديقه اللي من غير ميه تسقيها. وساعتها القوي اللي كان زي الوقود وعمله زي النار هيشعل النار فالعصيان هيقتل العصيان والكل هينحرق ومحدش هيطفيه.
[19:04]بسم الاب والابن والروح القدس الاله الواحد امين في الاصحاح الاول ربنا بيقدم حاله شعبه قد ايه هو بعيد عنه والبعد عن الله ربنا سماه انه مرض انه سقم. فعلا الانسان البعيد عن الله كانه مريض عشان كده الاباء يسموا الخطايا الاوجاع او الالام الالام الحقيقيه والاوجاع الحقيقيه مش الام الجسد لكن الام الروح في الانفصال عن الله بالخطيه لان بينشا عنها الام ضمير او اوجاع في النفس الداخليه ودي اوحش بكتير واصعب جدا من الام الانسان الجسديه الخارجيه. وعلى قد ما الشعب بعيد على قد ما ربنا بالراحه كده قال له لكن انا بقيت عندك بقيه لسه فيك امل ممكن تتوب ويجي كمان في الايه 12 ويقول طب يلا نتحاجج ده ممكن خطاياكم لو زي الكرمص تبيض لو كانت حمراء زي الدودي تبقى زي الصوف. وابتدى بعد كده يحثهم على التوبه عشان كده يا احبائي في بدايه هذا الصوم يلا نفتش في قلوبنا على شيء واحد عامل لنا سقم زي المرض عامل الم ووجع يلا ننزعه النهارده ونفرح قلب ربنا. الحاجه دي ممكن تكون افكار متلخبطه ممكن تكون مشاعر غير نقيه ممكن يكون غضب عصبيه شهوه احد اخطاء الحواس او الافعال او السلوك يلا ندور على شيء واحد بيسموه الخطيه المحبوبه. يلا نفتش جوه قلوبنا النهارده ونكتشف هذه الخطيه المؤذيه ونقدمها قدام ربنا ونقول له يا رب في بدايه الصوم نبدا اول سلمه معاك في الصيام الكبير وهي بنزع الخطيه المحبوبه.
