خطة عملية لترك العادة السرية👌

[0:00]مسأله العاده السريه هي ما بقتش سريه، بس انا هنصح كم نصيحه كده في العاده السريه. رقم واحد، عايز تبطل العاده السريه بجد؟ رقم واحد، لازم تكون صادق جدا ان انت عايز تبطل العاده السريه بجد. ان انت ما تكونش بتتفاخر بيها، ان انت تكون شايفها معيبه وشايف ان الفعل ده دنيء، ومن جواك مستعيبه وما ينفعش تكون شايفه حاجه حلوه. حتى لو بتعمله تبقى شايفه قبيح، فرقم واحد استقباح الفعل، رقم اثنين ادعي ربنا كتير جدا واقسم بالله العظيم. الدعاء ده مش سلاح العاجز، ده سلاح القوي، يعني لو كتب الله عز وجل لك القبول الامر انتهى، ولكن اوعى تكون فاكر ان هو هيكون منتهي من غير مجاهده، لا، ربنا هيعينك عليه، بس ادعي وربك كريم. وادعي وانت موقن بالاجابه، ثلاثه، غض بصرك ما استطعت في كل احوالك، غض بصرك وانت ماسك الموبايل، غض بصرك وانت ماشي في الشارع، غض بصرك عن اي امراه. ما تبقاش عمال ان انت تبص على النساء وتقول لك انا مبتلى بالعاده السريه ابطل ازاي؟ تيجي تقول لي ايه؟ طب ما ساعات بيبقى في حاجات مش مثيره، واكل وكانت مش مثيره. يعني حتى اللي مش مثير غض بصرك عنه، احنا مامورين بغض البصر عن اي امراه ولو لم تكن مثيره طالما هي متكشفه، واضح؟ فغض بصرك ما استطعت في كل احوالك، اربعه لحظه النفس لما تقرص عليك قوي قوي قوي. ان انت دلوقتي كانك عايز تقوم تفتح موقع وتقوم تبص على اللحظه دي لحظه فارقه عند اي حد عايز يبطل. اللحظه دي قاوم وقاوم وقاوم وقاوم وجاهد نفسك ما استطعت، ما استطعت، هتلاقي قلبك بيتقطع ودماغك ما بتبطلش تفكير. وهتلاقي يا عم بتقول لك بص ادخل بص بصه واقفل، ادخل ما اعرفش ايه واعمل على المواقع الاباحيه، اوعى قاوم نفسك ما استطعت، ما استطعت على الموضوع ده. طب بجد بشعر ان انا ضعيف جدا، انزل، اخرج، قابل حد، تقول لي ما ينفعش، اقول لك ادخل نام، مش عارف انام، اعمل اي حاجه تشغلك، كلم حد في التليفون. انما اعمل اي حاجه ان اليوم ده يعدي، ووعيد نفسك ولو ان انت تبطل النهارده بس، لا بكره نشوف، انما اوعيد نفسك ان انت تبطل ولو يوم. نام اصحى هتلاقي الموضوع هدي شويه، طيب افرض اتكرر تاني يوم بالليل، اعمل كده كل يوم بالليل، اعتبر ان المعركه الوحيده اللي انت فيها دي هي المعركه الوحيده. ما تبصش على طول الطريق تقول ايه؟ هو انا هبطل 20 سنه ما تقولش كده، انا مبطل النهارده، بكره انا مبطل النهارده، بعده انا مبطل النهارده وكمل بالطريقه دي. خمسه لو الموضوع شديد عليك قوي، حاول تقفل الاسباب، يعني ايه؟ يعني لو الموضوع لابتوب، روح لوالدك وقول له خده، خد اللاب توب. لو موبايل وتعرف ان انت ويا ريت تعرف ولازم تعرف مش عارف تمسك نفسك خلاص، غيره وجيب موبايل نوكيا 3110 ابو زراير ما فيهوش انترنت. فلو تعرف ان انت تقفل الاسباب اقفلها، لو ما تعرفش اعمل اي حاجه عشان الاسباب تتقفل. كانوا زمان على ايامنا الاهالي بتحط الكمبيوترات وشها للباب وما تبقاش جوه اوضه مقفول عليها، النهارده كل واحد معاه تليفون ما ينفعش ما يكونش في رقابه. طب كبرنا ومش عارفين يكون دلوقتي في رقابه علينا او ما فيش رقابه من اهالينا علينا، احنا اللي بنراقب نفسنا، نعمل ايه؟ احنا اللي نقفل الاسباب، فاقفل الاسباب ما استطعت، ايه كمان؟ لو حصل ولقيت الموضوع اشتد عليك اشغل نفسك بعباده في ساعتها، قوم اتوضى وصلي، قوم اتوضى واقرا القران، قوم اتوضى واقعد ادعي، قوم سبح. اشغل نفسك باي عباده، اي عباده، ايه كمان؟ لو لقيت نفسك خلاص وفتحت اللاب توب وكتبت الموقع وبقيت قاعد بتتفرج، بالله عليك انت دلوقتي في نص الذنب. اللي ما عرفتش تعمله قبل الذنب جرب يمكن تعرف مش جرب اعزم واعمله دلوقتي حالا، امسك اللاب توب وقفله شيل البطاريه. قول هبطل حتى لو فتحت، طيب ما عرفتش ووقعت هتعمل ايه؟ قوم تب حالا حالا. يعني اعمل ايه؟ يعني بعد ما تخلص كده قوم اتوضى وصلي ركعتين ووعد ربنا ان انت مش هترجع تاني. تيجي تقول لي ايه؟ ده انا بعمل كده عملت كده يجي 1000 مره، اقول لك ال 1000 وواحد، ده انا عملت كده 2000 مره، ال 2000 وواحد، 100000 مره، 100000 مره وواحد ان الله يحب التوابين ويحب المتطهرين. اوعى الذنب يكسرك، لو الذنب كان اقوى منك فعملته اوعى يكون اقوى منك لدرجه ان انت ما تسيبهوش، لازم تسيبه. وفورا بعد ما تعمل الذنب لو ضعفت، بس لازم تعمل كل المجهود قبل ما تقع فيه. طيب تيجي تقول لي طب اقوم اصلي ازاي؟ ده انا لازم اخد دش، اقول لك طب بص يا فندم بقى انت لازم تقوم تاخد دش حالا، تيجي تقول لي ما هو ممكن ياخدوا في البيت بالهم. اقول لك يبقى نحترم نفسنا بعد كده، طالما انت دلوقتي جنب وعملت العاده وحصل انزال لازم فورا فورا تدخل تغتسل. وتطلع متوضي وتصلي ركعتين توبه وما تعملش كده تاني، طب افرض عملت كده تاني، تدخل تغتسل وتطلع فورا وتصلي ركعتين توبه وما تعملش كده تاني، وتعزم وربك يعلم الصادق من الكاذب، يعلم ما في قلبك. اوعى، اوعى تفتكر ان انت هتخدع ربنا، تيجي تقول لي ايه؟ لو الموضوع ده اتكرر كتير، وقادر ان هو يتكرر كتير، ممكن في البيت يبص لي بصه وحشه، اقول لك الله عز وجل اولى ان تستحي منه. لو ده هيخليك ان انت تترك الاغتسال، اولى ان انت تترك العمل لله، اعتبر ان ده حاجز يمكن يخليك تبطل. تيجي تقول لي طب انا بعمل كده كل ده وبرده بقوم واقع واقوم واقع، اعمل ايه؟ اقول لك كمل، واوعى تعدك انت تبت لله كام مره. افضل توب لغايه ما تيجي واحده ولو بعد ايا كان ممكن اللي جاي على طول وممكن بعد كتير، انما في واحده هتيجي وستصيب. انما اهم حاجه ان كل مره تتعامل معاها انها اخر مره وانها هي التي ستصيب، هي دي اللي هتصيب. فما دام هي دي اللي هتصيب تاخدها بجديه، نفعت ربك كريم وانت جبت اخرك بس اعمل مجهود والذين جاهدوا فينا لنهدينهم سبلنا. انما لو ما عملتش مجهود هتقع، طب تيجي تقول لي ما انا بعمل مجهود وساعات بقع، اقول لك يبقى تقوم تاني وتالت ورابع واقسم لك بالله هتيجي. هتيجي بس هو الجهاد كده، يوم لك ويوم عليك، وحتى لو الايام اللي عليك كتير هيجي اليوم اللي يبقى يوم لك باذن الله. بس اهم حاجه تكون قوي، تقول لي وابقى قوي ازاي؟ اقول لك ما انت كل مره لما بتيجي تجاهد بتجاهد بطولك، محتاج ان انت تبقى عندك عضلات بس عضلات ايمانيه اللي هي ايه؟ صلي كتير، صوم كتير، تصدق كتير، اقرا قران كتير، ورب الكعبه الحاجات دي بتخليك اقوى ايمانيا، يعني زي ما بقول لك لما تغض بصرك ضعفك يقل. لما تصلي اكتر قوه الترك بتاعتك تزيد، لما ان انت تغض بصرك وتجاهد نفسك ان انت ما تبصش على الحاجات الحرام، ضعفك وشهوتك تضعف شويه. لما تصوم تتعلم تترك لله، لما تقرا قران هتبقى اقوى قدام الذنب، لما تعمل الطاعات هتبقى قوي ان انت تعرف تتحكم في نفسك. ولما تترك اسباب المعاصي هتبقى قوي لان اللي هيتعرض ليك من اسباب الذنب ضعيف، فلو جمعت بين القوه الايمانيه وضعف التعرض للاسباب وتوكلت على الله ستصل. مشكلتك ان انت ضعيف ايمانيا وواقف جنب الذنب بالظبط فبتقع باي خطه، انما لما تبقى قوي ايمانيا وبعيده عن اسباب الذنب صدقني مش هتقع. ولو وقعت وقعتك هتبقى وحشه قوي، فهتقوم بسرعه لانك في مكان اصلا نظيف ما تحبش ان انت تتسخ بهذا الامر، واوعى تزهق من نفسك. انت في الدنيا بتعبد ربنا، غلطت توب، انما شيطانك يكسرك فتكمل اوعى اياك ان تصر على الذنب ولو كنت بتقع فيه في اليوم مره واتنين وتلاته. كل مره وقعت فيها مطلوب منك شرعا ان انت تقوم وتنضف نفسك بالتوبه، لو وقعت تاني اتوسخت تاني تنضف نفسك تاني. انما الدين ما بيقولكش خلاص انت كده كده مش نظيف، كمل بقى كده واعمل حسنات كتير يوازنوا بعض، كده انت ضيعت نفسك. استعن بالله، اسمع الكلام اللي انا قلته ده تاني واكتبه، نفذه، نفع معاك من اول مره اللهم لك الحمد ما نفعش تاني وتالت ورابع وغدا نلقى الاحبه في الجنه. من الاحبه؟ الناس اللي مشت على الطريق ده واستقامت، اهدنا الصراط المستقيم.