[0:00]21 شتنبر 2014, اليمن عمرهم ما غادي ينسوه عبد الملك الحوثي، زعيم جماعة الحوثيين اللي تيسميو ريوسهم أنصار الله غادي يعطي أمر أنه الوقت جا باش اليمن تولي ديالنا. وبتحالف مع الرئيس اليمني المخلوع علي عبد الله صالح اللي مرضاش وبغى يرجع الحكم ولو يتحالف مع الشيطان. الحوثيين من بعد أيام ديال المعارك الطاحنة وبالقيادة الميدانية ديال محمد علي الحوثي غادي يهجموا هجمة قوية بدباباتهم وبسلاحهم وغادي يقتحموا العاصمة صنعاء. وغادي يتقاتلوا قتال شرس مع الجيش الرسمي للدولة ديال اليمن اللي كان الرئيس ديالها عبد ربه منصور هادي. ومع الميليشيات ديال الجنرال القوي علي محسن الأحمر ومع المسلحين ديال الحزب الإصلاح السني، التقاتيل والتفركيع. الحوثيين سيطروا على المعسكرات وعلى مقر الإذاعة والتلفزيون وعلى جميع مؤسسات الدولة في العاصمة اليمنية صنعاء. اشتبكوا مع الحرس الرئاسي حاصروا القصر الجمهوري اللي فيه رئيس الوزراء اقتحموا المعسكرات ديال الجيش ومجمع دار الرئاسة ومعسكرات الصواريخ ووقع الانقلاب. صنعاء طاحت في يد الحوثيين الحوثيين ولاو القوة العسكرية المسيطرة.
[1:21]الرئيس عبد ربه منصور هادي حط سوارت وقدم استقالته الدولة اليمن ما بقاتش دولة ولات بلاد مقسومة. الشمال الغربي وصنعاء كيسيطروا عليها الحوثيين الحوثيين اللي مامعترفينش بهم دوليا كحكومة شرعية. وإنما فقط كجماعة مسيطرة على الأرض بل وأمريكا كتصنفهم كجماعة إرهابية والعجيب أنهم مدعومين من إيران. أما الشرق والجنوب كتسيطر عليه الحكومة اليمنية وحلفاءها اللي معترف بهم دوليا كيقولها مجلس القيادة الرئاسي برئاسة رشاد محمد العليمي. ومدعومين من السعودية أما في الجنوب كييطر عليه المجلس الانتقالي الجنوبي برئاسة عيدروس الزبيدي. هي حركة انفصالية بغى دولة مستقلة في جنوب اليمن ومدعومين من شكون من الإمارات وهذو تيسميو ريوسهم احنا هما الجمهورية اليمنية. هذو تيسميو ريوسهم لا راحنا هما الجمهورية اليمنية والأخرين تيقولوا لا راحنا اللي عندنا الحق. وإيران كتدعم الحوثيين السعودية كتدعم رشاد محمد العليمي والإمارات كتدعم الانفصاليين في الجنوب. وعاد مازال عندك بقايا ديال تنظيم القاعدة باق مسيطرة على شوية ديال الأراضي في وسط اليمن. واليمن ما بقاتش اليمن ولات دولة مقسومة حرفيا ممزقة كلشي باغي يحكم كلشي باغي يفرض راسه وكل كيدعم اللي بغى. لكن مؤخرا في حرب ديال أمريكا إيران ناضوا الحوثيين الحوثيين أولا جماعة أنصار الله اللي شعارهم الرئيسي الموت لأمريكا الموت لإسرائيل. نفس شعار إيران وهم شيعة زيديه مختلفة شويه على شيعة إيران الاثنا عشرية. الحوثيون منين بدات حرب إيران وأمريكا وإسرائيل وهما تيقولوا هادني منكم راحنا يدينا على الزينات وغادي ندخلوا للحرب. وأكدوا أن أيدينا على الزناد للتدخل العسكري المباشر في أي من الحالات الآتية. وأقبل يومين وركوا على الزنات ودخلوا فعليا على الخط يحيى السريع الناطق الرسمي ديال الحوثيين. اعلن على أول هجوم مباشر على إسرائيل بصواريخ باليستية من اليمن نحو إسرائيل في اتجاه أهداف عسكرية حساسة في جنوب إسرائيل. وزادوا هاجموا على السفن الإسرائيلية اللي دايزة من البحر الأحمر على الحدود ديال اليمن. ودخلت بوارج أمريكية وسفن حربية أمريكية باش تعترض الهجوم. وإلا لاحظتوا أن يحيى السريع ماتيسميش راسه الناطق الرسمي باسم الحوثيين أو لا بجماعة أنصار الله لا. بل تيسمي راسه المتحدث باسم القوات المسلحة اليمنية على أساس هي الجيش اليمني الرسمي.
[3:55]الحوثيون الحوثيون اللي من قبل كانوا غير مسلحين مدقدقين تيتقاتلوا بخردة وبأسلحة بالية وملابس متسخة. لكن في 2023 غادي يديروا استعراض عسكري كان ضخم كان فعلا استعراض نيت استعراض خلى العالم يتصدم. في ميدان السبعين صنعاء ترسانة عسكرية ضخمة طائرات حربية وصواريخ فتاكة وزوارق بحرية وأنظمة دفاعية متطورة. ايواش هذ الربيج اشهد اليمن كيفاش هذا البلاد وصلت لهذ الوضع المأساوي وشكون هذا الحوثيين وكيفاش من جبال صعدة حتى سيطروا على مفاصل الدولة اليمنية. شكون هذا الحوثيين اللي قلبوا الموازين في المنطقة وشنو القصة ديالهم سيداتي سادتي حلقة اليوم غادي نغوصوا في أعماق حرب اليمن. الحرب اللي نساها العالم قصة حرب اليمن وصعود الحوثيين وكيفاش سيطروا على اليمن. الفيديو ديال اليوم غادي يكون طويل شويه لكن غادي يكون ممتع اعطونا لايك اشتركوا في القناة أنا خوكم وحبيبكم يونس مسرار وعلى بركة الله نبداو.
[5:02]باش نفهموا مزيان شنو هما هذ الحوثيين خاصنا ولابد نرجعوا للتاريخ ونفهموا تاريخ ديال اليمن. في 1000 قبل الميلاد في واحد الأرض اللي قاحلة ما فيها لا ماء لا حياة جات المملكة ديال سبأ إمبراطورية ديال التجارة مع الملكة بلقيس. ملكة بلقيس في مملكتها سبأ في اليمن كانت من أغنى الممالك في ذاك العصر وأوتيت من كل شيء ولها عرش عظيم. كانت كتحكم في أهم حاجة في ذاك الوقت اللي هي البخور والتوابل والذهب اللي جايين من الهند وغاديين حتى الروم. والقوة الحقيقية كانت جاية من سد مأرب وهنا خاصك توقف شويه كيفاش سد سد في ذاك الزمان في أرض اللي صحراوية. نعم واحد من أبرز المعجزات الهندسية في التاريخ القديم سد اللي عطى الحياة وحول الصحراء الجنة. وخلى سبأ تولي دولة غنية مستقرة وقوية وفين كاين الغنى كاينه الهوج وكاين الصراع وكاينه المقاتلة. في القرن السابع الإسلام غادي يدخل اليمن الإمام يحيى بن الحسين غادي يجي وغادي يحكم وغادي يفرض فكرة وحدة أن الحاكم ماشي غير سياسي وإنما خاصو يكون إمام ديني. بالضرورة وهاد القاعدة خلت اليمن عمره يتوحد كل قبيلة كتعادي القبيلة الأخرى. الإمامة الزيدية ماكانتش دولة عادية كانت نظام تيقول أن الحكم هو حق ديني الحاكم خاصو يكون جاي من واحد السلالة عنده شرعية دينية. وتخيل أن هذه الإمامة الزيدية في اليمن هي اللي بقات النظام المعمول به في اليمن من 900 ميلادية حتى ل 1962. وسقوط أخر حكام الدولة المتوكلية اليمنية المنصور محمد البدر حميد الدين. اليمن بتضاريسها القاسية وبصحراءها والطقس الحار ماكانتش محط أطماع الدول ولا الإمبراطوريات الاستعمارية. يعني ماكاينلاش لأن مافيها والو بحال السعودية حتى هي ماعمرها تستعمرات وهذا الشيء كنهضروا على قبل النفط علاش لأنها صحراء شنو غادي تستعمر في الصحراء. لكن في 1839 العالم غادي يتبدل أوروبا ولات كتقلب على التجارة البحر ولى أهم من الأرض. وفي اليمن كاينه واحد المنطقة اللي كتحكم في طريق التجارة ما بين الشرق والغرب وهي بالظبط عدن. عدن اللي كطل على خليج عدن وبحر العرب فالإمبراطورية البريطانية جات وخدات عدن. بسهولة دارت محطة ديال السفن في عدن دارت مركز ديال تجارة وقاعدة عسكرية الدولة العثمانية شافت بريطانيا دخلات لليمن ف حتى هي رجعات ليها ودخلات بقوة وشدات صنعاء. لكن العثمانيين داروا خطأ قاتل شنو هو وهو حاولوا يفرضوا واحد النظام مركزي على بلاد اللي قبلية. كل قبيلة متعصبة لراسها والنتيجة تمردات حروب نزيف مستمر وفي الأخير خرجوا وخلاو وراهم الفوضى. وهكا ولات اليمن مقسومة على جوج الجنوب هو مستعمرة بريطانية منظمة كتحكم بالقانون أما الشمال فيه الإمامة الزيدية أو المملكة المتوكلية اليمنية. كيحكمها الإمام يحيى حميد الدين المتوكل وكتحكم بالدين قبائل وصراع على الحكم. ابتداء من الخمسينات والستينات غادا تبدا ثورات في الدول العربية والإفريقية وغاتبدا الدول كتاخذ في الاستقلال ديالها من الاستعمار وحدة مورا الأخرى. المغرب الجزائر تونس الكويت البحرين الإمارات العراق وحتى اليمن وهنا غادي تبدا القصة ديالنا. 1963 غادا تخرج حركات ديال المقاومة مسلحة ضد الاستعمار البريطاني. ومنهم الجبهة القومية لتحرير جنوب اليمن وجبهة التحرير جنوب اليمن المحتل وغاتبدا الاغتيالات والتفجيرات وحرب في شوارع عدن. حتى لدرجة أن بريطانيا فقدت السيطرة بريطانيا استسلمت لأن كل نهار كيموتوا ليها جنود كل نهار كييطر ليها هجوم. و1967 فجأة بريطانيا هزت قلوعها وزادت خلفه وخلات الفوضى بريطانيا خرجت لكن خلات دولة ضعيفة. مافيهاش مؤسسات قوية مافيهاش استقرار سياسي وفي نفس الوقت في اليمن الشمالي.
[8:54]26 شتنبر 1962 مجموعة من ضباط الجيش بقيادة المشير عبد الله السلال غادي يديروا انقلاب على الإمام محمد البدر حميد الدين وغادي يعلن على سقوط الملكية المتوكلية اليمنية وقيام الجمهورية في اليمن. كان كييحسب ليهم أن الإمام تقتل لكن الإمام ماتش الإمام محمد البدر هرب للجبال ومن بعد هرب للسعودية. وثما دار أخطر حركة جمع القبائل اعلن الحرب وقال أنا هو الحاكم الشرعي. والسعودية دعماته ومن ثم غادي يبدا الثورة المضادة والانقلاب ولى حرب أهلية وغادا تبدا حرب اليمن. أخبرنا حربنا منها والتي رفضناهم وركلناهم بأحذيتنا ودفلناهم وهلنا عليهم التراب. الإمام البدر والأنصار ديالو اللي باغيينه يبقى هو اللي حاكم غادي يجيه الدعم من الدول الملكية منهم السعودية ومن الأردن وبريطانيا وحتى من إسرائيل. أما الجمهوريين في اليمن غادي يجيهم الدعم من مصر بقيادة جمال عبد الناصر وغادا تبدا الحرب الأهلية في اليمن الشمالي. معارك طاحنة في المدن وفي الأرياف جمال عبد الناصر كان من أشد الأعداء ديال الملكيات. معركة اليمن معركتنا ثورة اليمن ثورتنا. وغادي يرسل 70 ألف جندي مصري غادي يقاتلوا مع الجمهوريين ضد الملكية في اليمن. الوجود ديال 70 ألف عسكري من القوات المصرية في اليمن الشمالي ب 13 لواء مشات مع فرقة مدفعية وفرقة دبابات وقوات الصاعقة وألوية المظلات. وجود هذ الجنود على الحدود ديال السعودية خلى ملك السعودية فيصل بن عبد العزيز يجن جنونه. وغادي يدير مع ملك المملكة الأردنية الحسين بن طلال والملك المخلوع الإمام محمد البدر اتفاقية ديال الدفاع المشترك التعاون العسكري اللي تسمات باتفاقية الطائف. المشكلة المحزنة وهي مشكلة اليمن هذه المشكلة التي فرضت فرضا. أما نحن أيها الإخوة.
[11:02]15 مليون دولار اللي عطاتها السعودية كدعم للقبائل اليمنية اللي باغى الملكية باش تسلح. شرات مئات المرتزقة من أوروبا صافطت العناصر من الحرس الوطني السعودي باش تقاتل في جيش الإمام. إيران براسها كانت كتدعم الملكيين مع الإمام ومع ذلك كانت القوات المصرية في اليمن هي اللي شبه مسيطرة. لكن في 1967 غادي يتبدل كل شيء جمال عبد الناصر غادا تجيه الدقة من لهيه من إسرائيل. حرب الستة أيام اللي تسمات بحرب النكسة.
[11:41]إسرائيل غادا تحتل شبه جزيرة سيناء المصرية هنا خاصني نقول ميمتي ميمتي. عبد الناصر مايقدرش يخلي الجنود ديالو كيقاتلوا في اليمن وهي أرض محتلة كتحتل من طرف إسرائيل. وقرر يسحب القوات المصرية من اليمن ومشى الجيش المصري ودا معاه الأسلحة الثقيلة وبقوا الجمهوريين ضعاف. غير بوحدهم في العاصمة صنعاء الملكيين بانت ليهم هذه هي الفرصة وغادي يديروا أكبر حصار على صنعاء. هنا دخلات الصين ودخلات سوريا ودعمات الجمهوريين الجمهوريين كانوا في أصعب الظروف فقط تخيل تخيل أنه فقط 4000 مقاتل. أسلحة اللي قليلة أما الملكيين كانوا 50 ألف مسلح 8000 جندي نظامي دعم ديال السعودية وما أدراك ما فلوس السعودية. ومع ذلك واجهوا مقاومة شرسة حصار لددام 70 يوم الملكيين بقوا صامدين وبقات الأمور هكاك حصار شديد والأخرين كييقاوموا لا هذو استسلموا ولا الأخرين استسلموا. كلشي عيا وغادي يدخل شكون الاتحاد السوفياتي وغادي يصيفط طيارين حاربين باش يساندوا الجمهوريين ويفكوا الحصار وفي الأخير الجمهوريين انتصروا وفكوا الحصار.
[13:24]في نفس العام كانت بريطانيا خرجت من اليمن الجنوبي وقامت جمهورية اليمن الجنوبية الشعبية والرئيس ديالها قحطان الشعبي. هذه الدولة ماكانتش بحال الدولة ديال الشمال الدولة اليمنية في الجنوب كانت اشتراكية ماركسية. ومن بعد غير عامين غادي يدار انقلاب على الرئيس وشد الحكم عبد الفتاح إسماعيل وكان أكثر التشدد. وهكا في الجنوب ولات الدولة العربية الوحيدة اللي تبنت الشيوعية بشكل رسمي نظام حزب واحد تأميم الاقتصاد وعلاقات قوية مع الاتحاد السوفياتي ومع المعسكر الشرقي. تنقول لك نظام شيوعي متشدد ضد القبيلة ضد الدين في السياسة وبالتالي ولوا عندنا جوج ديال الدول مختلفين 380 درجة. شمال اليمني جمهورية فيها قبائل قوية فيها تأثير ديني أما الجنوب اليمني هو اشتراكي ماركسي نظام مركزي ضد القبيلة ضد الدين في السياسة. في عندنا جوج ديال الدول لا مجال للتشابه إذا فكيفاش غادي يتوحدوا سنة 1999 كي غايديروا لهذو الدول بجوج حتى غايوليوا دولة واحدة. هاد البطل ديال القصة هنايا هو علي عبد الله صالح هذا هو اللي فهم مزيان القواعد ديال اللعبة.
[14:37]في أواخر السبعينات اليمن الشمالي كيعيش فوضى اللي ما بعدها فوضى انقلابات مورا الأخرى. رؤساء كيتبدلوا تصفيات والبلاد ولات مذبحة 1974 طرا انقلاب 1977 اغتيال الرئيس إبراهيم الحمدي. 1978 اغتيال الرئيس أحمد الغشمي عام واحد جوج ديال الرؤساء ماتوا الكرسي ما بقاش كرسي للرئاسة. ولى حكم بالإعدام اللي كيقرب ليه كيموت وسط هذه الفوضى غادي يظهر واحد اللاعب غير متوقع. ضابط بسيط سميتو علي عبد الله صالح الناس في ذاك الوقت قالوا هذ خونا هذا ماغاديش يكمل حتى شهر ديالو. ولكن السر اللي كان عنده ماشي أنه قوي السر كان في الذكاء. صالح ماكان لا أقوى عسكري لا أذكى مفكر ولكن كان فاهم حاجة وحدة خطيرة أن اليمن ما كتحكمش بالقوة. ما كتحكمش بالسيطرة كتحكم بالتوازن كيفاش لعب اللعبة دار واحد الاستراتيجية عبقرية مع القبائل عطااهم فلوس عطااهم سلطة وخلاهم يكونوا حلفاء. واشنو دار مع الجيش الجيش وزع النفوذ ما خلى حتى شي واحد يولي أقوى ومع الخارج تقرب من السعودية ولعب حتى مع المعسكر الأخر. ما عطاش القوة الكاملة حتى لشي واحد الحكم ديالو كان بحال هو بنفسه قالها الحكم في اليمن بحال الرقص فوق رؤوس الثعابين. وفعلا قبائل العسكر خصوم حلفاء كلهم ممكن ينقلبوا عليك في أي لحظة وبهذ الاستراتيجية حكم اليمن لمدة 30 عام. ثلاثة ديال العقود من 1978 حتى ل 2012 أكبر ضربة دارها كانت في 1990 دار خطوة خطيرة وحد الشمال مع الجنوب.
[16:24]لكن هذا القرار ما كانش بريء كانت بداية ديال مشاكل أكبر الحقيقة القاسية أن صالح ما كانش بان دولة قوية. كان بان نظام قائم على الولاءات على التوازن على الخوف والنتيجة منين غادي يضعف هذا النظام كلشي غادي يتفركع. غادا تولي عندنا قبائل ميليشيات انقسامات وغادا ترجع اليمن لنفس النقطة صراع بلا نهاية. 22 ماي 1999 غادي يطرا واحد الحدث تاريخي توحيد الشمال والجنوب ولات عندنا دولة وحدة الجمهورية اليمنية. ولي دار هذا القرار هما جوج ديال الرجال علي عبد الله صالح من الشمال وعلي سالم البيض من الجنوب. ولكن علاش توحدوا أصلا توحدوا ماشي حب ولا حلم وطني كان مصلحة الجنوب كان غارق اليمن الجنوبي اللي كان اشتراكي. كان الاقتصاد فيه ضعيف الاتحاد السوفياتي قرب يطيح داخل في أزمة كبيرة وخصهم حل حل اللي يكون سريع. وفي نفس الوقت الشمال كان باغي يكبر كان عنده واحد الاستقرار نسبي باغي الموارد ديال الجنوب وباغي يوحد البلاد تحت النفوذ ديالو. إذا بجوج واحد محتاج وواحد طموح وتلاقوا في النص داروا اتفاق دستور جديد تقاسم السلطة انتخابات. وبان أنه غادا تولي دولة ديمقراطية جديدة لكن الحقيقة ما كانتش هكا وهنا فين غادي يبان المشكل الكبير. التوحيد كان سياسي ماكانش على أرض الواقع ماكانش حقيقي كانوا كانوا جوج ديال الجيوش الشمال عنده جيش الجنوب عنده جيش ما من دامج ما من دامجينش فعليا. وجوج عقليات ماكيشابهوش الشمال قبلي نفوذ توازنات الجنوب اشتراكي نظام صارم فراك بحال إلا قربتي الزيت من العافيه. غادا تفكرير غادا تفكرير واللي كملها وجملها هو غادي يكتشفوا النفط هنا غادي يولي الصراع على الثروة على شكون غادي يتحكم في النفط. علي عبد الله صالح غادي يدير واحد اللعبة واحد الخطوة ذكية خطيرة بدأ تيقوي راسه وبدا تيضعف في الجنوب من الداخل. 1994 غايطرا الانفجار يلاه دازت غير ربع سنين على الوحدة ولوا باغيين ينفصلوا. الجنوب قال لك بغينا نفصلوا واللي قاد هذه الحركة كان هو علي سالم البيض حرب قصيرة لكن قاسية واللي ربح فيها هو الشمال الجنوب اتسحق والنتيجة الوحدة بقات. والشمال ولا متحكم في الجنوب علي عبد الله صالح ولا شاد البلاد كلها ولكن ولكن تزاد الحقد. الثقة مابقاتش والناس بدات كتفهم أنه ماكانتش وحده بل كان اندماج مفروض وهنا بان أن الدولة فيها شرخ فيها شرخ من الداخل. ومن هذه اللقطة كلشي غادي يجي من بعد الحوثيين الحراك الجنوبي والحرب اللي كنشوفوها دابا. كلشي جاي من هذه اللقطة.
