منهج مقترح لطالب العلم الشرعي 👌💖 _ م/ علاء حامد

[0:05]أخيرا هقول لكم منهج لطلب العلم المنهج ده منهج مقترح ممكن في مناهج كويس برضو مفيش مانع ده شيء مقترح

[0:16]مش هو نهاية العالم ولا هو ده الحاجة الوحيدة اللي لو أي خلافات حصلت معاه هتبقى مشكلة لا هو منهج مقترح لطلب العلم هحاول إن أنا أركز فقط على المستوى الأول والتاني بس

[0:26]لإن اللي عدى المستوى الأول والتاني هو لوحده هيبقى عارف هيعمل إيه بعد كده

[0:30]لكن هي إشارات إلى الكتب المهمة في كل فرع من فروع العلم ممكن أنت أنا هقول بسرعة ممكن ما تلحقش تكتب معايا لو ما لحقتش تكتب معايا

[0:39]فالمادة دي هتنزل يعني على النت ممكن تسمع آخر 10 دقايق من الإيه من الدرس هتكتب بقى على مهلك الإيه الكتب ديت

[0:46]أنا اخترت كتب تعمدت إن هي تكون كتب متوفرة سواء في المكتبات أو على الأقل موجودة على النت pdfات والشروحات سهلة ومشهورة والناس كلها عارفاها ولو إنسان سأل في الشرح ده بعد كده هيجد أغلب طلبة العلم

[1:03]يطوف حوالين الكتب دي فهو كتب سهلة وميسرة لو جينا للعقيدة اتكلمنا عن المستوى الأول يبقى كتاب ثلاثة الأصول

[1:10]وأنا دايما هقول دايما هحاول أقول الشرح معاه ثلاثة الأصول بشرح الشيخ ابن عثيمين رحمه الله وده موجود على النت

[1:19]كتاب أصول الإيمان أصول الإيمان يعني هو احنا بنشرحه وأنتم عارفين فأنا يعني لو إنسان سمع الشرح اللي أنا شرحته فهو شرح بإذن الله تعالى مناسب للمستوى الأول وشرح جيد

[1:32]وموجود على اليوتيوب نعم وكتاب 200 سؤال وجواب في العقيدة ده المستوى الأول

[1:38]المستوى الثاني هيبتدي يدرس كتاب التوحيد للشيخ محمد ابن عبد الوهاب

[1:44]كتاب التوحيد في شرح صوتي ليه جميل لشيخ اسمه خالد المصلح شرح صوتي للشيخ خالد المصلح وبعد كده يقرأ كتاب فتح المجيد

[1:54]شرح كتاب التوحيد وهو مهم جدا في المرحلة الثانية لو قولنا المرحلة الثالثة في عجالة هيسمع

[2:02]شرح الواسطية للشيخ الإسلام ابن تيمية لابن عثيمين وبعد كده هيقرأ الفتوى الحموية والرسالة التدمرية لشيخ الإسلام ابن تيمية وساعتها سهل جدا هيعرف الشروح المناسبة لمستواه

[2:16]بالنسبة للفقه في المستوى الأول

[2:19]الفقه ليه طريقين يعني لو هو مثلا عايز يرفع الجهل عن نفسه ويعرف الأحكام ويدرس دراسة عامة للفقه

[2:25]في دراسة عامة وفي دراسة مذهبية هو هياخد مذهب ويدرسه يعني مذهب الشافعي مذهب الحنبلي

[2:32]لو هو عايز مجرد إن هو يدرس الفقه مجموعة من الأحكام ويعرف بس إيه ما يصلح دينه ويعني يبقى رفع الجهل عن نفسه في قضية الإيه الفقه ممكن يدرس كتاب الفقه الميسر

[2:44]للدكتور أو شرح الدكتور محمد إسماعيل المقدم بعد كده ممكن يقرأ كتاب فقه السنة

[2:52]وممكن بعد كده لو عايز يمشي في نفس المسار ده ويبقى متقدم في المسار دوت يسمع شرح كتاب منار السبيل للدكتور أحمد حطيبة

[3:00]لا أنا عايز أمشي آخد مذهب هاخد المذهب الشافعي مثلا لو هياخد المذهب الشافعي يبقى المستوى الأول

[3:10]هيسمع شرح متن أبي شجاع للشيخ خلف المطلق وبعد كده يشرح متن عمدة السالك

[3:18]برضه للشيخ خلف المطلق لو هو عايز يمشي في المسار الحنبلي هيسمع شرح كتاب متن أقصر المختصرات

[3:28]للدكتور علي باجابر محمد باجابر وبعد كده يسمع شرح منار السبيل أو شرح كتاب دليل الطالب للدكتور محمد باجابر

[3:39]لو هيبدأ في التفسير يبقى ينصح الأول يقرأ التفسير الميسر اللي هو الهامش دوت هامش المصحف التفسير الميسر

[3:46]بعد ما يخلصه يقرأ السعدي تفسير السعدي أو تفسير أيسر التفاسير للدكتور أبو بكر الجزائري

[3:52]وبعد كده يقرأ مختصر لابن كثير وينصح بكتاب المصباح المنير اختصار ابن كثير وبعد كده يقرأ ابن كثير نفسه ويقرأ فتح القدير للشوكاني ويقرأ أضواء البيان للشنقيطي رحمه الله

[4:08]ومع التفسير يقرأ كتاب في أسباب النزول هو في كتاب جميل في صحيح أسباب النزول اسمه الصحيح المسند من أسباب النزول للعلامة مقبل ابن هادي مقبل ابن هادي

[4:20]بعد كده في الحديث هيقرأ الأربعين النووية بشرح ابن عثيمين ويقرأ رياض الصالحين بشرح ابن عثيمين

[4:29]ويقرأ عمدة الأحكام وبعد كده ينتقل إلى شرح إلى صحيح مسلم يقرأه وبعد كده شرح صحيح مسلم للإمام النووي وبعد كده يكمل في كتب السنة الستة المعروفة

[4:40]لو هيبدأ في علوم القرآن هيبدأ بكتاب رسالة أصول التفسير رسالة أصول التفسير للشيخ ابن عثيمين بشرح ابن عثيمين

[4:50]بعد كده يقرأ كتاب اسمه المحرر في علوم القرآن للدكتور مساعد الطيار

[4:57]المستوى الثاني هيقرأ كتاب اسمه فصول في أصول التفسير للدكتور مساعد الطيار وبعد كده يقرأ مقدمة

[5:06]أصول التفسير لابن تيمية بشرح مساعد الطيار الدكتور مساعد الطيار يعني لازم الإنسان يشوف كل ما كتبه في علوم القرآن لإنه رائع جدا في علوم القرآن

[5:16]فيقرأ زي ما قولنا في النهاية مقدمة أصول التفسير اللي هي بتاعة ابن تيمية بس بشرح مساعد الطيار

[5:22]لو هيقرأ في السيرة يقرأ الأول كتاب روضة الأنوار وبعد كده يقرأ الرحيق المختوم وبعد كده يقرأ تهذيب سيرة ابن هشام تهذيب سيرة ابن هشام لعبد السلام هارون

[5:37]وبعد كده يقرأ شرح الشمائل المحمدية للبدر لو أدرك أصول الفقه فيبدأ الأول بشرح الورقات كتاب اسمه الورقات

[5:45]يسمع شرح ليه وبعد كده يقرأ كتاب الوجيز في أصول التشريع لمحمد حسن هيتو لو مصطلح الحديث

[5:53]يبقى يبدأ بالبيقونية هو الكتاب اسمه كده البيقونية ويقرأ شرح الشيخ ابن عثيمين

[6:01]وبعد كده يقرأ نزهة النظر شرح نخبة الفكر لو هيقرأ في الآداب يقرأ كتاب اسمه مختار جوامع الآداب للإمام القاسمي وده هيلاقيه pdf على النت

[6:14]جوامع الآداب للإمام القاسمي ويقرأ مختصر منهاج القاصدين

[6:21]لابن قدامة المقدسي لو بقى هينشغل من النحو هيسمع شرح الآجرومية للشيخ ابن عثيمين

[6:27]وبعد كده يخش في كتاب قطر الندى قطر الندى يسمع له أحد الشروحات ليه هينتفع بإذن الله سبحانه وتعالى فده يعني منهج مقترح للي عايز يطلب المستوى الأول مع المستوى الثاني وبعد كده ربنا يفتح عليه ويعرف بعد كده مدارك الطلب في العلم بعد ذلك

[6:44]ويعني ده كده حولنا إن احنا نلم ببعض النصائح مع منهج ميسر لطلب العلم نسأل الله سبحانه وتعالى أن ينفعنا بهذا الدرس وأن يعلمنا ما ينفعنا

[6:54]اللهم إنا نسألك علما نافعا ورزقا طيبا وعملا متقبلا اللهم إنا نعوذ بك من علم لا ينفع ومن قلب لا يخشع ومن دعاء لا يرفع ومن ومن نفس لا تشبع اللهم إنا نعوذ بك منها هؤلاء الأربع سبحانك اللهم ربنا وبحمدك أشهد أن لا إله إلا أنت أستغفرك وأتوب إليك