[0:00]Mumbai Indians ne jab aakhri baar apne IPL ke season opener jeeta tha, Rohit Sharma is team ke captain bhi nahi the. Is team ne ek bhi trophy nahi jeeti thi. Jasprit Bumrah setup ke saath nahi jude the. Hardik Pandya ki toh scouting bhi nahi hui thi. Baat thi 2012 ki. 2012 aakhri baar tha jab Mumbai ne IPL season ka pehla match jeeta tha. Lekin kal sham ko utre aur samne Kolkata Knight Riders ki pareshani jiski preview mein baat maine ki thi, shayad sabne ki hogi, that bowling is going to be a weak suit Kolkata ke liye. Isi ke liye 200 se upar run banane ke baavajood aap mukabla ant mein haar gaye. Mumbai ke liye zyada shikan nahi hui after Rohit Sharma and Ryan Rickelton set the stage on fire. Lekin ye bhi khoob baat hai na, do din do 200 se upar target chase ho gaye hain. Do legends ne apne irade saaf kar diye hai. Day one was Virat Kohli and Company, Day Two was Rohit Sharma and Company. Waise Day Three MS Dhoni and Company ki hum baat kar rahe hote, lekin MS Dhoni nahi dikhe. Do hafton ke liye bahar hain. Uske maayine kya hain? Lekin aaj ki problem ye hai Chennai ke liye ki Dewald Brevis bhi unfit hain aaj ke match mein. Toh Rajasthan hold the Aces, lekin in dono matches ki baat kar lete hain fat se. One Tip One Hand with Jatin Sapru.
[1:18]Ajinkya Rahane ne dikhaya hai ki he can also turn back the clock. Wankhede ko bahut acche se jaante hain, open karne aaye, which was another good thing Ajinkya Rahane ke liye kyuki sahi jagah unki wahi hai. Cameron Green ne bowling nahi ki yaar aur Ajinkya Rahane ne post-match interview mein kaha ki is sawaal ka jawaab hamare paas nahi hai. Cricket Australia se maange. Matlab Australian Board ne abhi approval nahi diya hai Cameron Green ko bowling karne ka, this is very interesting. Aap IPL mein aaye hain, aapka chayan toh hua hai as an all-rounder, lekin agar aap bhi bowling karna chahte hain, abhi tak aapko apne Board se permission nahi mili hai. So is that really fair that entire prize matlab bowling nahi kar rahe hain sirf as a batter toh itne paise nahi milte. Khair Angkrish Raghuvanshi utre, humne teen option banaye the Kolkata ke liye, unmein se ek almost hoobahu wahi team kheli. Lekin itne run banane ke baad bhi kahani kam reh gayi Kolkata ki. Lekin Mumbai ko apna ek local hero mila na Palghar Express ne. Shardul Thakur is an incredible cricketing story. Mujhe toh seedha pichla season yaad aa gaya, shayad kaiyon ko yaad aa gaya ho, kyuki Shardul Thakur jab Lucknow Super Giants ke liye utre the toh ek record bana tha. Pehle khiladi jo auction mein unsold jaate hain aur apne return pe when he was signed as a replacement player Mohsin Khan ke liye, apni us performance mein seedha player of the match ban jaate hain. Chaar wickets nikali thi Shardul ne us samay, do matches mein chhe wickets leke Purple Cap bhi unke sar pe saji thi kuch der ke liye. Aur yahan Mumbai Indians ki jab hum preview bana rahe the aur maine kaha tha ki ho sakta hai aath pe aap Shardul Thakur ko dekhe, agar Mitchell Santner nahi khelte toh kaiyon ne kaha kya baat kar rahe ho yaar. Lekin khele and Shardul Thakur kyu aise performances generate kar paate hain? Kyuki Shardul Thakur hamesha pura domestic cricket khelte hain. Har format khelte hain, jahan chance milta hai khelte hain. He is an absolute fighter. Unka instinct hai, you know kabhi kabhi Shardul Thakur ka aap interview dekhte hain ya kisi aur player se baat karte hain toh sab yeh kehte hain bhai apne mann mein na Shardul Thakur ko lagta hai ki yeh kisi West Indian fast bowler se kam nahi hai, jinki baat 80 aur 90 ke dashak mein duniya bhar mein ki jaati thi. But that's the fighter. Bhai khud mein vishwas nahi karoge toh bahar koi aap mein vishwas kaise karega? And that's the story of Shardul Thakur. Aap Lord Thakur kahiye, aap memes banaiye, kuch bhi kahiye. Lekin banda mehnat nahi chhodta aur isi liye aise karname Shardul ko nahi chhodte. 100 se upar IPL wickets liye, he can contribute in all departments, Syed Mushtaq Ali Trophy mein bhi 10 matches mein shayad 13 wickets leke aaye the 8.5 ki economy pe. And he was ready for the season, teen wickets, player of the match, season ki shuruaat Shardul Thakur, Mumbai Indians ke us star-studded lineup mein, pehla player of the match award Shardul Thakur ke naam jayega. Yeh kisne prediction ki hogi? Lekin uske baad Rohit Sharma aur Ryan Rickelton, 81 aaye Ryan Rickelton ke bat se.
[3:54]Again we had said ki Quinton de Kock ke upar khelenge Rickelton, unke paas wo form aur wo touch dekha tha World Cup mein South Africa ke liye aur saath mein Rohit Sharma 78 banaye 38 gendon mein, chhe chauke aur chhe chhakke, 205 ki strike rate. Vintage Rohit Sharma jo as an impact player bhi khele. Ab Rohit Sharma ke transformation ki itni baat hui hai. Transformation ke liye kya hum bole thank you to the target of 2027? Ek andar se inspiration jo bhi obviously played a role, Abhishek Nayar ne bataya tha. Lekin usi ke saath-saath na transformation ke liye sabse bada jo weight loss ka factor hota hai, time. Time aur routine, routine jismein aath ghante ki neend bahut important hai. Aur jab aap actively teeno formats khel rahe hote ho, it is almost impossible kyuki utna lamba time aapko milta nahi hai. So invariably aap kahin na kahin kabhi niggle carry kar rahe hote ho, koi chot carry kar rahe hote ho, lekin ab jo Rohit Sharma transformation karke aaye hain, impact jo pichle do-teen saal se dene ki koshish kar rahe hain ki strike rate 150 ke aaspaas ho, average season ka jo pichle do season mein 150-145 ke aaspaas tha. Lekin run toh aur aaye na kyuki phir jab aap batting kar rahe hain, aap yeh nahi soch rahe ki body ko manage kar rahe hain, kahin hamstring ki pareshani hai, kahin ghutno pe zyada weight hai. You're enjoying yourself. Aap almost float kar rahe ho, your feeling like the best version of yourself aur Rohit Sharma was the best version of himself, 2008 mein khelna shuru kiya tha, 2013 mein captain bane the. 2013 wo iklauta season tha IPL ka jahan 500 se upar run banaye the Rohit Sharma ne. Kya un tak yeh baat nahi pahunchti hogi ki kitne log baat karte hain ki dekho run toh 500 se upar sirf ek hi season mein bane na. As a batter he is yet to kind of light up that tournament jaise kaiyon ne kiya hai, toh is baar wo, wo kya hai wo, wo, wo Orange Cap contenders ki list. Uski predictions mein Rohit Sharma ka naam rakhiye because I think this will be one of those big blockbuster seasons. Lekin dono hi teams ka I think ek jo dekhne yogya paksh hai ki ek team mein khele Sunil Narine aur Varun Chakravarthy, doosri mein khele Allah Ghazanfar. Hum almost ye teen mystery spinners ki baat kar rahe hain. Varun Chakravarthy 48 run aur main ismein jod raha hu chaar matches World Cup ke toh ab paanch matches jahan Varun Chakravarthy pe samne wali team ne dominate kiya hai. Kal ke preview mein bhi kaha tha, Kolkata ke preview mein bhi kaha tha not entirely sure ki yeh mystery jo chalti aayi hai utni chal paayegi Varun Chakravarthy ki. Start mein aisi wickets pe Mumbai Indians ne dikhaya koi wicket nahi di, 48 aaye. Sunil Narine ek wicket unko mili 30 run aaye, lekin Allah Ghazanfar jo Mumbai Indians ko lagega unke trump card hain, unka toh 50 paar ho gaya. So are batters just very used to now ye mystery spinners, itna aap khel chuke hain kyuki mystery spinners ball ko utna turn nahi karate. Toh ab jab sabko thoda formula pata chal gaya hai toh kya mystery spin chalegi is tournament mein ya phir jo traditional spinners hain, khaas karke wrist spinners unka dab daba hoga? This could be a fascinating story line is IPL ki. Lekin Mumbai Indians at the end of it, unhone runs ko chase kiya, Ajinkya Rahane ke dono taangon mein cramp tha unke calf mein. Kolkata will be hoping ki aane wale matches mein kaptan maidan pe ho jab bowlers ko bhi chalana ho, puri tarike se involved ho because Ajinkya Rahane ki captaincy pe koi bhi doubt nahi karega. He's a sharp, astute captain, lekin Kolkata there are problems a plenty, khaas karke jab tak Matheesha Pathirana fit nahi hote. Lekin aaj ke match pe aa jaate hain. Ab aaj ka jo mukabla hai, pehla match RCB ne jeet liya chase karke, doosra match Mumbai ne jeet liya chase karke, aaj Guhawati mein kaun chase karne wala hai aur Guhawati mein kya due aati hai ya nahi. Lekin chase karna bilkul chahegi teams, 200 run you just back yourself, lekin Chennai Super Kings ke liye Dewald Brevis ka side strain hai, Mahendra Singh Dhoni is not available for almost two weeks. Kahin yeh bhi ek theory thi ki yeh ek tarika hai dekhne ka ki dekhte hain team kaisa karti hai. Ki aapne practice puri attend ki, aap sare practice sessions khelte aaye hain, lekin he is not available now. Aur do hafte agar team accha kar jaati hai char-paanch matches mein toh phir kya Mahendra Singh Dhoni seedha bolenge that slot back into the team ya waiting game chalega. Bahut sare sub-plots umad ke aa gaye hain Chennai Super Kings ke liye, but who they'll miss the most today is Dewald Brevis, jinhone shayad 17 chhakke 125 balls mein lagaye the jo pichla season chhe matches khele Chennai Super Kings ke liye. Ab itni badi kya samasya hai ki Dewald Brevis is also one of the few experienced players jo team mein bache hain. Kyuki upar aapke paas Sanju Samson aur Ruturaj Gaikwad hain, uske baad Shivam Dube hain, phir ek Dewald Brevis wo naam tha jo pure batting order mein char international standard ke aapke paas players hain. Baaki toh aap uncapped army bane hain, toh Chennai Super Kings is department ko kaise handle karti hai kyuki yeh bhi aisi team hai jahan pe death bowlers ki kami hai. Anshul Kamboj, Khaleel Ahmed, yeh sab aapke shuruati daur ke bowlers hain. Playing XI kya ho sakti hai kyuki saamne mujhe lag raha hai Rajasthan Royals are actually favorites for this game, kyuki zyada behtar settled aur front-line jo players hain wo Rajasthan Royals ke liye upalabhdh hain. Ab Chennai Super Kings kare toh kya kare? Aapke paas Urvil Patel ka ek option hai, aapke paas international option Matthew Short ka hai, lekin Matthew Short jo Adelaide Strikers ki kaptani kar rahe the wahan pe open karte hain, wo Australia ke liye khelte hain wahan pe open karte hain, unke best show numbers hain wo open karte hue aaye hain. Toh kya aap Matthew Short ko middle order mein dalenge, finishing ka role denge jahan pe agar aapko lag raha hai that you are not very well equipped with experience ya phir aap thoda pray karein ki jo youngsters ko aapne sign kiya hai, total 28 crore 40 lakh deke, both of them come good. Seedha ekdam agni pariksha ke saath shuruat hogi Kartik ki aur Prashant Veer ke career ki because I think is lineup mein dono saath mein khelte hue dikhenge. Aur Sarfaraz Khan ka naam bhi conversation mein rahega, mujhe toh lag raha hai shayad khel bhi jaye Sarfaraz Khan. Ayush Mahatre ke saath Sanju Samson open karte hain, teen pe Ruturaj Gaikwad. I know Ruturaj Gaikwad ne kaha hai ki wo open karne wale hain, I think that's what he has said. Lekin Ayush Mahatre aur Sanju agar open karte hain toh phir Ruturaj Gaikwad ka experience aapko number teen pe actually accha chal sakta hai kyuki wo spin acchi khelte hain aur thoda middle order mein he can carry on that experience. Phir number chaar pe aap Sarfaraz Khan ki taraf ja sakte hain ya Matthew Short ko khila sakte hain. Phir uske baad Shivam Dube ko aapne thoda sa space out kiya toh number paanch pe Shivam Dube aa gaye, chhe pe Kartik Sharma, saat pe Prashant Veer aur ab kyuki aapke paas apne sare foreign options khule hain. Aqeel Hosein jo baaye haath ki spin dalte hain, kamaal ke fielder hain, power play mein bowling karke dete hain aapko, so you can keep your pacers thoda baad ke liye in the power play. Aap Jamie Overton ko bhi khila sakte hain kyuki Jamie Overton again he's blown a bit cold with the bat lekin ek almost all-round option aapke paas banta hai aur middle overs aur death mein Jamie Overton ke paas wo options at least upalabhdh hain, cutters hain, Yorkers hain. Anshul Kamboj, Noor Ahmed aur Khaleel Ahmed as the impact player so he comes in. Toh teen aapke paas pacers ho jayenge Khaleel, Anshul Kamboj aur Jamie Overton, Noor, Aqeel Hosein aur Prashant Veer aapke paas teen spinners ho jayenge aur batting aapke paas aathwe number tak hai. Lekin Rajasthan Royals ke paas thodi si comparatively jo settled naam jo IPL mein kaafi karname kar chuke hain wo saath mein utrenge. Vaibhav Suryavanshi, Yashasvi Jaiswal, teen number pe Riyan Parag ek right-hander jo thoda combination ko break karein, jiske chalte Shimron Hetmyer ko number chaar pe dekhenge, Dhruv Jurel paanch pe, chhe pe Ravindra Jadeja ya paanch pe Ravindra Jadeja, saat pe Donovan Ferreira. I think Donovan Ferreira will be ahead of Dasun Shanaka at least meri team mein, uske baad Shubham Dube aur phir aapke do foreign fast bowlers Jofra Archer aur Nandre Burger aur Ravi Bishnoi aur Sandeep Sharma. Bishnoi aur Jadeja ka spin combination, Donovan Ferreira spin dal ke de sakte hain aapko, Riyan Parag spin dal ke de sakte hain, Nandre Burger, Jofra Archer ek doosre ko bahut acche se complement karenge, do aag ugalte pacers, ek baaye haath ka, ek daaye haath ka aur Sandeep Sharma ka experience. So Rajasthan Royals actually are looking more settled, lekin yehi toh wo samay hai Chennai ke in youngsters ke liye dikhane ka ki kyu franchise ne trials mein, domestic mein kuch khaas dekha hai wo spark dekhiye. So it's going to be a very interesting match dekhne ke liye ki kaun kahan khada hai, kaun kitna taiyaar hai. Guhawati mein yeh mukabla khela jayega so wishing both the teams all the very best, but I think Rajasthan do enter a 60-40 as favorites in my opinion. Ho sakta hai puri tarike se change ho jaye, but that's what my cricketing logic suggests. Aapka pyar, aapka support, it means a lot. Thank you very much for it, is video ko share karo yaar. If you are enjoying content here then make the presence felt, kuch aur dekhna hai, kuch aur segments ko add karna hai toh wo comment section mein batao. Two vintage performances already, lekin ab yahan youngsters ki baari hai. Toh kya Vaibhav Suryavanshi apne second season ke liye taiyaar hain, Jaiswal, Kartik, so excited. IPL ki yahi toh kahaniya hain toh I will see you right here apne YouTube channel pe aur apne Instagram pe so keep enjoying the stories, I'll see you soon.
