[0:00]هي التقنيه اللي بتعتمد على الذكاء الاصطناعي رح توفر عليك كثير وقت، مو بس هيك ممكن تفتح لك باب رزق وباب دخل من خلال استخدام هي الميزه. بتقديم الخدمات الفنيه يلي طالبها، إذا حابب تعرف كيف تستخدم هي الميزه يلي هي تحويل اي صوت لنص مكتوب تابع معي الحلقه.
[0:27]مرحبا يسعد اوقاتكم انا محمود الجبلي وراء الكاميرا زوجتي راما طحان ص صناع افلام وعم نحاول نفيدكم بهي المعلومات القصيره والسريعه في عالم صناعه الافلام وعالم الصوت والصوره. الحلقات اللي عم تيجي ضمن سلسله سينماتك واللي عم يتم انتاجها من قبل فريق كوميرا، فريق كوميرا فريق فني بيقدم لكم خدمات صناعه الفيديو والاعلان التجاري وكل ما يتعلق بالانتاج المرئي من الالف للياء. اصدقائي اذا عم تعجبكم هي الحلقات لا تنسوا الاشتراك في القناه وتفعيل زر الجرس لحتى تضلوا على اخر معلومات في عالم صناعه الافلام وعالم الصوت والصوره. اما موضوع حلقتنا اليوم يا اصدقائي بدنا نحكي عن تقنيه جميله جدا وراح اعطيك تطبيقين فيك تنزلهم على الجوال مباشره وبتشتغل عليهم. هي الميزه بكل بساطه بتحول اي صوت لنص مكتوب ان كان باللهجه العاميه او باللغه العربيه او باللغه الانجليزيه او اي لغه بدك اياها. في عندك كثير لغات متعدده فيك تحولها لنص مكتوب، مو بس هيك الصوت فيك انت تسجله مباشره عن طريق التطبيق او تجيب صوت جاهز وتحول هذا الصوت مباشره. طبعا بالبدايه رح اشرح لكم هي التطبيقات وبعد ما نخلص شرح عن هي التطبيقات رح اقول لكم كيف تستخدموا هي الميزه لتحققوا دخل اضافي منها. وطبعا يا اصدقائي هي الخدمه تعتبر من اكثر الخدمات المطلوبه في عالم الميديا، لهيك لازم تعرفها وتستغلها صح لحتى تكسب من خلالها فلوس. خلوني ننتقل للتطبيقات ونبلش باول تطبيق وبعدين ننتقل لثاني تطبيق، لا يروح عليكم هي التطبيقات وعرفوا كل ميزاتهم لحتى تستخدموهم بشكل صحيح ونشوف سوا اليه عملهم. وهذا هو تطبيقنا الاول يا اصدقائي مثل ما شايفين اوديو تكست وهذا التطبيق فيه كثير ميزات مو بس يحول الصوت لتكست او لنص. فيه ايضا ترجمه فوريه ممكن نستفيد منها وايضا ترجمه للنصوص وكثير اشياء وبيقبل اللغه العربيه وباكثر من لهجه رح نعمل له اوبن. يا اصدقائي بيطلع لي بهذا الشكل مثل ما شايفين وبعدين تحول لهي الصفحه بنروح على شيء اسمه اوديو تو تكست. طبعا اوديو تو تكست عندنا اكثر من ميزه موجوده فيه مثل ما شايفين سبيك اند ترانزليت يعني بنحكي باي لهجه وباي لغه وبترجم لي اياها للغه انا بختارها. اما هون عندنا سبيتش اند تكست يعني بنحكي وبحوله لنص، ايضا في عندنا تكست ترانزليت يعني ترجم لنا النصوص، خلونا نشوف اول ميزه بنضغط عليها هون. بنشوف يا اصدقائي عندنا هون بنختار اللغه اللي بدنا اياها، في عندنا بنضغط هيك بنشوف في عندنا اربك باكثر من لهجه وعندنا اللغات اللي بدنا اياها. وعندنا هون الانجلش ايضا في عندنا اكثر من لغه نحكي وبحول لنا اياها للغه ثانيه باللغه اللي بدنا اياها. طبعا يا اصدقائي هذا فيك تستفيد منه للترجمه المباشره، اما بنرجع هيك برجوع لورا وبنشوف الميزه الثانيه سبيتش اند تكست. يعني فينا نضغط هون تاب تو سبيك ونبلش نحكي وهذا الحكي رح يتحول عندي لنص مكتوب فوق، طبعا هون بنختار اللغه العربيه. بنرجع برجوع لورا وبنشوف هون تكست ترانزليت ايضا يا اصدقائي فينا نكتب اي نص بدنا اياه وبحولنا للغه اللي بدنا اياه. طبعا تجربتي بالنسبه لتحويل الصوت لنص مكتوب او الترجمه الفوريه عم بياخذ حتى اللهجه. يعني شو ما كانت لهجتك عم يلقطها بشكل كبير وذكي جدا، اما تطبيقنا الثاني يا اصدقائي مثل ما شايفين هذا هو اسمه ترانسكريب سبيتش تو تكست. طبعا كثير رائع هذا التطبيق وذكي جدا وبلقط بشكل كبير الكلام اللي محطوط او النص او حتى الصوت اللي بنضيفه له بحولنا اياه لنص مكتوب. طبعا هذا التطبيق يا اصدقائي هو مجاني ومو مجاني يعني فيك تحط صوت لمده خمس دقائق بحول لك اياه مجانا اكثر من خمس دقائق لازم تشتري الخطه الاحترافيه. بس بتوقع خمس دقائق كافيه او ممكن اذا الصوت عندك اياه 20 دقيقه بتقسمه لخمس دقائق خمس دقائق وتفوت بشكل متتالي على التطبيق. خلونا نعمل اوبن، وطبعا هون في عندنا خيارين يا اصدقائي، الخيار الاول ريكورد يعني نسجل نحن مباشره من التطبيق ويحول لنا اياه. وفي عندنا هون فيديو او اوديو يعني فيك تدخل له فيديو او تدخل له صوت وطبعا هذا اللي عجبني بهذا التطبيق انه مو بس تسجيل ومو بس ايضا حكي مباشر. ومو بس ايضا اضافه صوت وانما فينا نضيف فيديو وهذا رح نحكي عليه كيف رح نستفيد منه لحتى نربح من خلال هذا التطبيق ونعمل دخل اضافي طبعا للاشخاص اللي عندهم شغف واللي حابين يستغلوا هذا الامر. خلونا نعمل ريكورد، طبعا يا اصدقائي مجرد ما ان ستارت ريكوردينج رح يبلش يسجل ونشوف هل رح يحول الكلام اللي بدنا نحكي نحوله لنص ولا لا. نضغط ستارت ريكوردينج وبنحكي مرحبا يا اصدقاء ان شاء الله تكونوا بخير انا محمود الجبلي لا تنسوا تعملوا اشتراك في القناه فعلوا زر الجرس. نعمل ستوب وهلا هذا الصوت اللي سجلناه وبنعمل بكل بساطه انه نشغله او نقول له ستوب او نضغط هون نشوف شير. هلا لحتى نحوله لنص بنعمل ترانسكريب هلا رح يحول لنا اياه لنص ولا لا وقبل ما نجرب يا اصدقائي بدي اذكرك انه في دوره مجانيه بالسيناريو وايضا دوره مجانيه في المونتاج فيك تستفيد منهم وتاخذ شهاده مجانا. وهذا الشيء موجود بكوميرا اكاديمي ما عليك الا تسجل بالاكاديميه تحضر الدروس وتعمل الاختبارات وتاخذ شهادتك مجانا في السيناريو والمونتاج على الجوال. وهلا خلينا نعمل ترانسكريب، بنشوف يا اصدقائي حددنا اللغه العربيه وبنقول له كونفيرم وبلش يعمل ابلودينج للصوت اللي سجلناه. طبعا عم يقول لي بعد ثواني جر الصفحه لتحت وخليها تتحدث، خلونا نعمل هيك وبنشوف يا اصدقائي مباشره فعل لي اياها وحول لي اياها لنص. خلونا نقرا هل صحيح النص اللي ولده ولا لا، وبنحكي مرحبا يا اصدقاء ان شاء الله تكونوا بخير انا محمود الجبلي لا تنسوا تعملوا اشتراك في القناه فعلوا زر الجرس. نعمل ستوب انا مو قلت نعمل ستوب كتب لي اياه نعمل ستوب، رائع جدا فيك انت تعمل اديت فيك تحدثه وفيك تنسخه وهون كاتب لك ايضا لحد الخمس دقائق التطبيق مجاني فيك تستفيد منه. رائع جدا وفين نستفيد منه لكثير اشياء وكثير امور بتفيدنا خلال عملنا. وهلا خليني احكي لكم يا اصدقائي كيف تستفيد من هذا التطبيق لحتى تحقق دخل، طبعا التطبيق الاول خلينا نسميه هو حكي فوري بحول لنا اياه. هذا بيفيد الناس اللي بدها تترجم ترجمه فوريه او بدها تترجم نصوص، اما التطبيق الثاني هو لحتى يعملوا تفريغ صوتي وهذا الشيء فيهم يستفيدوا منه بشكل كبير. شو هو التفريغ الصوتي يا اصدقائي في كثير عالم عندهم برامج تلفزيونيه عندهم حلقات بدهم يحولوا هي الحلقات لنصوص مكتوبه ممكن بدهم يعملوا عنها مقاله او بدهم يعملوا عنها كتيب ما. فانت شو بتعمل بتحول هي الفيديوهات وهي الاصوات بتحولها لنصوص مكتوبه بتعطيهم اياها، وهذا الشيء موجود بكثير مواقع وكثير خدمات بتطلب التفريغ الصوتي. بكل بساطه انت بتجيب هذا الفيديو بتجيب هذا الصوت بتحطه على هذا التطبيق الثاني، اذا اكثر من خمس دقائق بتقلله للخمس دقائق بتقطعه بتعمله اكثر من دفعه وبعدين بيعطيك نص مبدئي. هذا النص المبدئي بتفوتوا على الملاحظات وبتعدل الاشياء البسيطه مثل ما شفنا احيانا بصير خطا بهمزه بحرف معين انت بتعدله وبوفر عليك وقت كثير من انه انت تحط الفيديو او تحط الصوت وتبلش تستمع وتكتب حرف حرف وكلمه كلمه كان على الجوال او الكمبيوتر. الامر راح يكون مرهق، انت راح يقطع عليك هذا التطبيق مشوار 90% تقريبا ضل عندك 10% انت بدك تقعد تشتغل على الكمبيوتر على الجوال وتبلش يا صديقي تفرغ صوتيا وتسلم هذا الملف الصوتي اللي طالبه. بدك هلا تسالني انه طيب اوكي هي التقنيه عرفتها وعرفت كيف اشتغل فيها لكن الزبائن منين بتجي. رح اقول لك يا صديقي بتنزل على الوصف انا تارك لك حلقه قديمه حكيت عن كثير مواقع بتستفيد منها لحتى تبيع اعمالك لحتى تعرض اعمالك لحتى تعرض خدماتك الفنيه وتسجل فيها. الموضوع مو سهل مو هلا تقول انا مباشره رحت سجلت بالموقع ثاني يوم ما اجاني زبائن الموضوع بده تطوير وبده شغل وبده متابعه وتشتغل على حالك لحتى تحقق دخل. وهي اول خطوه واول فكره بلش من هلا وبحاث على الموضوع وبلش طور حالك واعمال دخل اضافي من خلال هي الميزات اللي عم نطرحها بهي القناه مو بس هي الميزه. طبعا بدي اذكرك انه ايضا فيك تتعلم المونتاج عن طريق الجوال وتتعلم كتابه السيناريو وهذا الشيء مجانا وتاخذ شهادات، الشهادات شو بتستفيد منها هي شهادات الدورات. فيك تضيفها لسيرتك الذاتيه وهذا الشيء بيرفع من اسهمك بالسوق الاعلامي وسوق الميديا وهذا الشيء طرحناه باكاديميه كوميرا فيك تفوت على الاكاديميه اللي موجوده بالوصف وتسجل فيها. تحصل على هي الدورات مجانا وتاخذ شهادات فيها والدورات مجانا لحتى الان هي دوره السيناريو ودوره المونتاج على الموبايل، فاستفيد منهم يا صديقي. بتمنى اكون عفتكم هي المعلومات اللي بتفيدكم من سلسله سينماتك اللي عم يت منتاجها من قبل فريق كوميرا، وريك كوميرا فريق فني بيقدم لكم خدمات صناعه الفيديو والانتاج التجاري وكل ما يتعلق بالانتاج المرئي من الالف للياء. اصدقائي اذا عم تعجبكم هي الحلقات لا تنسوا الاشتراك في القناه تفعيل زر الجرس لحتى تضلوا على اخر معلومات في عالم صناعه الافلام وعالم الصوت والصوره. انا محمود الجبلي ور الكاميرا زوجتي راما طحان ص صناع افلام وعم نحاول نفيدكم بهي المعلومات القصيره والسريعه في عالم صناعه الافلام وعالم الصوت والصوره، بحييكم وبقول لكم سلامات.
