[0:00]يا ترى، منهدّم المدينة، ومنعمر وحدة أرخص وأشياف وأحسن؟ ولا منغوص بتفصيلاتها، وبالتخطيط تبعها ومنفهم المجتمع شو حاجته بالزبط منها؟
[0:11]أو لا، دقيقة شوي، منتركها عجنب ومنروح لجنبها ومنعمر وحدة تانية من أول وجديد بدون ما يكون في عليها أي مشاكل.
[0:19]أو آخر خيار عندنا، منروح ومنعمر مدن فوق البحر وخلص، ما في تكنولوجيا وفي تطور وفي أدوات لها.
[0:50]بلشت الثورة الصناعية ولحقها اكتشاف الحديد، فبالتالي بلشت ثورة البناء ولحقها كمان وكمان ثورة نظريات تخطيط المدن. وتعريفها أنه هو مجموعة من النظريات الهندسية يلي ارتبطت بالثورة الصناعية في أوروبا. الهدف منها كان أنه هي تساهم بتطوير الوسائل يلي بدهم يعملوها بتخطيط المدن من أجل إعادة بنائها أو بناء مدن جديدة تمامًا صالحة للعيش البشري بعد طبيعي ما يخلصوا من تنفيذها على أرض الواقع. ها يعني أول جزء منهم كانوا عم يستنونا لتصير الحرب وبدنا إعادة بناء، وثاني جزء قالوا لنا أنه نحن منستنى ونوقف عن التكاثر وما نعمل شيء بس ليخلصوا لنا تعميرها بنرجع نتكاثر من أول وجديد وبينقلونا أو بلفه لهونيك. بتعرف في عندنا اضطراب المدينة الصناعية يلي طلع بعد منتصف القرن التاسع عشر فبالتالي صار في ردة فعل ليصير في اصلاحات عمرانية هائلة وتغيير وتطوير على نظريات التخطيط يلي كانت موجودة. وهي حرفيًا كانت نظريات مكتوبة على الورق بس ما بتشبه الواقع. خلونا نشوف أكثر كيف كانوا عم بيفكروا وقتها، فظهرت شكل النظريات العقلانية. منها هي النظرية الخطية، سوريا ماتا بالـ 1822 بلش يحكي لنا أنه المدينة هي سبب البلاوي وما بصير يكون في مدينة كاملة موجودة وكبيرة على مساحة أرض واسعة. فقال تعالوا ندمج المدينة بقلب الريف عن طريق خط خطي طويل بيربط بين الريف والمدينة ولازم كل عائلة يكون في عندها جزء ريفي وجزء بسيط بيربطها بالمدينة مل عن طريق خط مواصلات طويل بيمدها. وما تعود المدينة تتوزع مركزيًا وإنما تمتد بشكل طولي وخطي بيسمح لها بأنه تندمج مع المحيط. بمدريد تم تنفيذ الفكر الخطي تبع سوريا ماتا، واجوا قالوا أنه نحن بده يكون في عندنا مثال كلاسيكي بيشبه حدوة الحصان. ويبنوا هي المدينة على مستوى خط الترام عرضه ما بيتجاوز الـ 500 متر. وهاد خط الترام ببلش ينمو شوي شوي طولي يلا يطلع أو ينزل. هاوورد حكى لنا عن النظرية الحدائقية بالـ 1800 ودقيقة 98. أجى هاوورد قال لنا أنا ما بدي أكون عم باخد لا سيئات المدينة ولا سيئات الريف، وبالتالي رح أعمل شيء جديد اسمه المدينة الحدائقية. وقال أنه نحن مندمجهم سويًا بهي الطريقة ومنخلص كل السلبيات اللي طلعت بعد الثورة الصناعية، وبالتالي رح يخف مني مشاكل الازدحام والتلوث البيئي. واقتراح أنه يتكون مجتمع متكامل ثقافيًا واقتصاديًا ومجتمعيًا لدرجة حتى خلى ملكية الأراضي عامة ومالها تابعه أبدا لأفراد. فنحن منتلافا سلبيات هون وسلبيات هونيك لنطلع بسلبيات جديدة. بس هذا الطبيعي. واحد من تطبيقات هاوورد لمدينة الغد الحدائقية كانت لتشرت جاردن سيتي يلي صارت وبلشت تنبنى بالـ 1903، وكانت بعيدة 34 ميل عن لندن. هاوورد حط لنا حزام أخضر كبير بقلب لتشرت وخلاهم يكون في عندهم كثير مساحات خضرا، وبالتالي أمن لهم نقل سريع لكل الصناعات الموجودة بجوارها. كان المجتمع بيتراوح عدده بين 12 لـ 18 ألف نسمة، وبالتالي ما كانوا بدهم سيارات. بنروح عند بيري كلارنس لما أجى بده يحكي لنا عن المجاورات السكنية، بلشوا يتفتحوا عيونهم بالـ 1910 بأنه بلش الناس تتفكك والمجتمعات تبعد عن بعضها، وكثير صار في تضخم سكاني. فقال بجي بخلق كم دائرة سكانية صغيرة بخليهم يمشوا بس بدون ما يستخدموا أي مواصلات ثانية، وبحط بالمركز المدارس اللي هو الاحتياج الأول وخلى الناس ترجع تندمج اجتماعيًا سويًا بس ضمن هي المجاورة الصغيرة. بدي إياكم تتخيلوا معي كثير منيح أنه نحن عم نحكي بوقت ما كان في مدن لسا، فهن هون طلعوا بنظرية هائلة سموه السوبر بلوك اللي هن بنوها على أساس نظرية المجاورة السكنية. اثنين واحد اسمه هنري رايت والثاني اسمه كلارنس ستين يلي بلشوا يقولوا تعالوا نجرب بمدينة رادبورن بنيو جيرسي بأمريكا كيف ممكن تكون. والدنيا قامت وقعدت أنه يا محمد في ناس كثير قراب ساكنين على بعضهم، عندهم طرقات قريبه بيوصلوا بسهل للمواصلات وباخرتها في مكان بيتسلوا فيه مع بعض كلياتهم. وهذا الشيء خلاهم يستغلوا بالمنتزهات بشكل كثير منيح. هلا جبت لكم نظرية ضربت ضرب بوقتها معلم مثل البوم عمرو دياب. المهم، نظرية الغد بقى هاي لمعلمكم لو كوربوزييه. لو كوربوزييه قال لنا بالـ 1922 أنه أنا بدي ابني لكم ناطحات سحاب يا معلم وبدي أخلي لكم إياها تولع ويصير في شيء اسمه داون تاون وسط المدينة. فقال لو كوربوزييه أنا بعمل لكم داون تاون وببني لكم حواليها مباني أعلى بشوي وبعدها مباني أكثر وأكثر عالية، وهيك برا منطلع المدن الصناعية ومنطفسها. بالمناسبة هي أكثر نظرية تأثرت فيها مناطقنا وبلشوا يقصقصوا بالشوارع لنبلش بالأوتوسترادات الكبيرة المحيطة بالمدينة. الكبير كثير فرانك لويد رايت لازم يكون أكيد عنده نظرية بهذا الخصوص، فبلش يقول على المدينة الأفقية عفونًا لحتى تنبنى فيها المدن وتتوزع بحيث أنه المدن تمتد بهي الطريقة. فقال بالتالي تعال ندمج مع المناطق الزراعية المحيطة، والطرقات بقى اللي على الجوانب أو بالمنتصف منزد عليها المصانع والخدمات والأسواق. هون حنشوف المقاربات اللي على مستوى شكل الخطوط بين لوكوربوزييه وفرانك لويد رايت بين مبانيهم وخطوطهم العمرانية. في واحد من المخططين بهداك الوقت بلش يقول لنا أنه نحن لازم نفكر بالبعد الرابع اللي هو بعد الزمن وكيف المدن عم تكبر بأبعاد كثير مختلفة، والموضوع ما منقدر نقيسه فورًا. وما منقدر نبني مدينة كاملة بدون ما نفكر ونحط بالحسبان أنه في بعد رابع نحن ما لنا قادرين نشوفه. بالنصف الثاني من القرن العشرين بلش يصير ثورة تقنية جوهرية كان لها تأثير كثير كبير بفكر تخطيط المدن. وبالتالي بلشوا يحفروا تحت الأرض ويستغلوا المساحات تحتها، أراضي زراعية بلشت تنخفض كثير ويطلعوا بأبراجيات طويلة كثير وزاد الإنتاج بشكل فظيع. هون بلشت اختراعات فظيعة طلعت لكم مدينة القموع ومدينة المقارط ومدينة الكابلات طبعًا طبعًا ونرفع وش الأرض وطلعوا لنا بالمدن العائمة. حكينا هلا عن نظريات التخطيط العقلانية ونظريات التخطيط التقنية الجديدة الفظيعة. هلا الجزء الثالث صاروا يحكوا أكثر عن نظريات التخطيط التدريجي، وصاروا يشوفوا أنه المدينة هي مثلها مثل النباتات بحيث هي بتنمو تدريجيًا ولازم نفكر فيها بهي الطريقة. نظريات التخطيط التدريجي بلشوا يكونوا شوي أكثر وعي بقديش معقدة الكيانات العمرانية، وقديش معقدة أكثر المدن وبالتالي صاروا يجونا بحلول شوي أكثر عقلانية. فصار عنا مثلًا نظرية التخطيط الوظيفي يلي بتقول كل منطقة بنقسمها لشيء شيء سكني شيء صناعي وشيء إداري. بلشوا يحكوا لنا بالنظم البيئية يعني المدينة فيها كثير أجزاء، هدول الأجزاء بدهم يتفاعلوا كلهم مع بعض. بالقرن الـ 21 بلشوا يفكروا بأهمية المشاركة العامة لكل فئات المجتمع بعمليات تخطيط المدن. وهون طلعوا بالتخطيط التشاركي اللي هو بيقول أنه كل العالم لازم يتم اشراكها بعمليات التخطيط، وبالتالي السكان والمسؤولين الحكوميين لهم دور وحتى أصحاب مصلحة ثانيين ممكن يكونوا مسؤولين مع المدينة. بعدين طلع عندنا تخطيط التعاوني اللي قال أنه نحن لازم نعمل تغييرات اجتماعية من خلال التخطيط. بعدين أجى التخطيط الإنصافي، وبالتالي الناس بلشت بدها تحقق عدالة اجتماعية من خلال التخطيط وتخلي في حقوق ومساواة لكل العالم ولكل السكان. نحن عن جد عم نتعلم من كل نظرية، وما بننفي أن ولا نظرية منهم كانت هي ما بتسوى بهذا الوقت أو عم نقيمها، هو كله شيء تراكمي عم بيوصلنا للمعرفه. بس المهم نكتشفه أنه هلا الوقت نحن بحاجة نفكر بكثير أبعاد مرتبطة بالمدينة لما بدي أقول تخطيط عمراني ونظرياته الجديدة. أنا ماسة الموصللي، عمرانية بآمن بفكرة تخطيطي التراكمي، رح أحكي لكم أكثر عن المدن والتمدن والتنظيم العمراني.
[9:40]البرندا، البرندا، شو عم أول مره بتشوفوا هالبرنامج.
