[0:12]Bismillah-hir-Rahman-nir-Rahim. Assalamu Alaikum Wa Rahmatullahi Wa Barakatuhu. Islamic Teacher ke pyare dosto, aaj bahut hi khaas topic par baat karne ja rahe hain. Jis par bahut saari behnon ne yeh request ki hai... ...ke jadu ki nishaniyan kya hain aur usko hum kaise khatam kar sakte hain? Muashre mein bahut saare log aise hain jinko jadu nahi hota, magar phir bhi kisi ne bata diya ke tum par jadu hai... ...to woh uski suni sunai baat ko haq aur sach maan kar yaqin kar lete hain. Mere dosto, jab tak aap par makhsus nishaniyan jo baar baar zahir na ho, us waqt tak aap kisi ki baat par yaqin na karen ke jadu aap par ho chuka hai. Agar aap par jadu ki nishani zahir ho chuki hai, to aapko ek aisa amal bataayenge, Insha'Allah, jisse aapko jadu karne wale insan ka chehra aapke samne aa jayega aur aapke ghar mein jahan jadu dafan hai... ...taweezat dafan hain, woh sab aapki aankhon ke samne aa jayenge aur iske ilawa aaj hum aapko Bab-e-Ilm Sayyedna Ali Raziallahu Tala Anhu ka jadu se juda ek waqia bhi sunayenge. Aap se guzarish hai ke video ko ikhtitam tak zaroor dekhiyega. Baat ka aaghaz karte hain, lekin is se pehle Islamic Teacher ke dosto, bhaiyon aur behno, agar aapne abhi tak hamara channel Islamic Teacher subscribe nahi kiya, toh aap se guzarish karte hain ke aap sabse pehle hamare channel Islamic Teacher ko zaroor subscribe kar lein aur sath hi lage bell icon par bhi click karein takay aapko hamari videos ka notification waqt ke sath-sath milta rahe. Imam Abu Hanifa ki nazar mein Jadugar Murtdid se bhi bada mujrim hai. Woh kehte hain ke ek murtadid ka jurm sirf uski zaat tak mahdood rehta hai, lekin Jadugar ki wajah se pura muashra fasaad ki lapet mein aa jata hai. Jadu ka itna bada gunah isliye hai ke usmein barah-e-rast Shaitan yaani Iblis aur uski aulaad se madad maangi jaati hai. Jo mantar padhe jaate hain, unmein Allah aur uske Rasool ka inkar aur unki shan mein gustaakhi ki jaati hai. Phir Iblis ya uski aulaad ko Ma'bud ya madadgar maan kar usse madad maangi jaati hai. Sakht tareen jadu mein toh na'uzubillah Quran Pak ko ulta likha ya padha jata hai, ya haraam aur ghaleez siyahi ke saath likha jata hai. Aur unhi wajuhaat ki bina par Sayyedna Hazrat Ali Razi Allahu Ta'ala Anhu ne aise afraad ko jo ke jadu karne mein mulawis the, unko chun-chun kar unki gardanein uda dene ka hukm diya tha. Aur us daur mein bahut saare Jadugaron ki gardanein udai thi. Is se aap khud yeh jaan sakte hain ke yeh amal kitna bura amal ho sakta hai. Aajkal toh har takleef aur har pareshani ka zimmedar jadu ko qaraar de diya jata hai. Kisi ke rishte nahi aate, woh samajhta hai ke jadu ho gaya hai. Koi badparhezi ya mausami tabdeeli ki wajah se bimaar ho jata hai toh woh samajhta hai ke kisi ne jadu kar diya hai. Kisi ki susti aur kayeli ki wajah se dukan nahi chalti, woh samajhta hai ke kisi ne jadu kar diya hai. Kisi ko naukri nahi milti toh woh samajhta hai ke jadu kiya hai aur iske zariye bandish kara di hogi. Al-arz, har pareshani ka zimmedar jadu ko qaraar diya jata hai aur yuun lagta hai ke goya Allah Ta'ala ne kainat bana kar Jadugaron ke rehm-o-karam par chhod di hai. Yeh janne ke liye ke jadu hua hai ke nahi, iski khususi alamat dekhna zaruri hongi. Agar in alamat mein se 70% kisi shakhs mein zahir ho, to usse is baat ka yaqin kar lena chahiye ke us par kala jadu kar diya gaya hai. Jadu ki alamat har marhale mein mukhtalif hoti hain. Jadu jab ibtedai marhale mein hota hai to uski sabse badi pareshaniyan yeh hain. Darinde, sher, kutta, jangli janwar, saamp, bichhu, chipkali, billi, qurbani ke janwar, bada gosht dekhna, bandar, bail, ount, khanzir wagaira dekhna. Neend mein rona, cheekhna ya hansna, awaazein dena, jhatke lagana jaise kisi ne pakad pakad kar hilaya ho, kisi ko apna peecha karte dekhna aur khaufzada hokar bhagna, darawni shaklein dekhna, khud ko buland jagah se girta dekhna... ...neend ka kaccha hona, raat ko neend ka na aana, neend mein sakhti ke saath honth chabana, insani ghalazat dekhna, qabrein, murde dekhna, khandrat mein khud ko dekhna, veeran jagahon par khud ko dekhna, sote mein dekhna ke usse koi cheez khilayi ja rahi hai aur jaagne ke baad usko mahsus karna ke kuch khaya hai. Yeh jadu ki ibtedai alamat hain. Jab yeh zahir hon, toh aap samajh jayen ke kisi ne aap par abhi taza-taza jadu kiya hai. Aur abhi jo alamat main aapko batane ja raha hu, woh alamat intehayi sakht hain aur in alamat se maut bhi waqe ho sakti hai. Jab yeh alamat zahir hon toh fauri tor par aapne kya karna hai, us se bachna kaise hai, uska bhi mukammal tareeqa aapko zaroor batayenge. Jaagne ke baad jism ka dard karna, bahut thakawat mahsus karna, chhoti-chhoti baaton par shadeed gussa aana aur agar ghalti apni bhi ho, tab bhi iqraar na karna, rishtedaron, ghar walon aur dosto-ahbaab se bilawajah achanak bade-bade jhagde paida ho jana, bahut zyada shukuq paida hona... ...izdawaaji mamlaat munqata ho jana, ghar walon, biwi, bachchon, waldein, behan-bhaiyon se nafrat mahsus hona, sar, seene, kamar ke nichle hisse ya kandhon mein dabao, bojh aur dard mahsus hona, aisa mahsus karna jaisa ke sar par aur kamar par suiyan chub rahi hon. Namaz, Quran, Azan wagaira se qirahat, tangi mahsus hona, aur Deen ke bare mein kufriya khayalaat ka aana, masjid jaane se ghabrana, dil ka tang padhna, jism mein cut lagna, khoon ke chheete girna, jism par baal nazar aana, bahut sakht badbu ka mahsus hona, muuh se ya jism se, pet mein bahut zyada gas ka hona... ...baaz logon ke chehre bure nazar aana, unke dekhte hi nafrat ke jazbaat paida hona ya kisi ek shakhs ki na chahte hue bhi bedam ghulami karna. Aisa jadu amuman kisi ladki ya ladke par shadi ke liye kiya jata hai. Aisa mahsus hona ke kisi ne sui chubhoi hai, uski takleef ka mahsus karna, yuun lagna jaise kisi ne sar mein koi thandi, bareek, nukeeley cheez dakhil ki hai. Agar mareez jismani taur par bimaar ho aur doctor uski bimari ke bare mein hatmi raye na de rahe hon, har ek ki mukhtalif raye ho, doctory reports clear hon, toh yeh bhi jadu ki wazeh nishani hai. Jodon mein bojh mahsus karna, ghar mein dil na lagna. Baaz dafa mian-biwi mein mushtarqa nafrat ki bajaye yak-tarfa nafrat ka amal kiya jata hai. Agar mian par jadu kiya gaya ho, to woh biwi se nafrat karne lagega. Aur biwi par kiya gaya ho, to woh khawand se nafrat karne lagegi. Kisi-kisi waqt jab woh shakhs ya mian-biwi usi sehri jaal se bahar aata hai, to usse ehsaas hota hai ke main yeh kya kar raha hu, lekin baad mein be-ikhtiyar woh dobara wohi harkat karta hai.
[7:50]Rishte ki bandish. Ladki khubsurat bhi hai, ta'aleem-yaafta bhi hai, jahez ki bhi problem nahi hai, umar bhi munasib hai, rishte maujood bhi hain, lekin rishta kahin tay nahi ho pata. Ya toh rishta ghar tak pahunchta hi nahi. Agar koi bhoole se aa jaye, toh rishta tay nahi hota. Aulaad ki bandish. Mian-biwi dono ki medical reports sahi hain, magar aulaad nahi hoti. Ya bachche pet mein mar jaate hain, doosre teesre mahine mein hi D&C karna pad jati hai. Ya bachcha paida hone ke 40 din ke andar-andar peele aur sabz rang ke dast karta hua mar jata hai aur marte waqt uska aksar jism bhi sabz ho gaya hota hai. Mian-biwi ki judayi. Baaz dafa jadu ki wajah se mian aur biwi ke darmiyan nafrat aur phoot paida kar di jaati hai jo chalte-chalte talaq tak ja pahunchti hai. Agar dekhein ke mian aur biwi baat be-baat pe lad padte hain ya bilawajah ek doosre par nuqta-cheeni karte hain aur aitrazaat ki bochhad karte hain aur baad mein sar pakad ke baith jaate hain ke yeh humne kya kiya. To paani saron se ooncha hone se pehle kisi maahir moalij se raabta kar lein ya jo aamal hum aapko is video mein batane wale hain, unka intekhab kar lein. Na-maloom bimari. Kuch log kisi se inteqam lene ke liye us par na-maloom bimari musallat kar dete hain. Be-jehad, be-simt aur na-maloom bimari ka koi sira pakda nahi jata. Kabhi sar mein takleef hai, toh kabhi ghutnon mein. Kabhi maide mein dard hai, toh kabhi kamar mein. Ek bimari jati nahi ke doosri pahunch jati hai. Aksar auqaat bimari doctors ki samajh se bhi bahar hoti hai aur medical test mein bhi zahir nahi ho rahi hoti. Yeh hamara rozmarra ka mushahida hai. Mere dosto, agar yeh saari alamat aap par zahir hon, toh yeh jadu purana jadu hai aur bahut nuqsan pahuncha sakta hai. Ab aate hain isko khatam kaise karna hai. Jab yeh alamat zahir hon, to kisi aamil ke paas, kisi peer ke paas, kisi Maulvi ke paas jaane ki zarurat hargiz nahi hai. Yeh sab aapki madad toh nahi karenge, albatta aapko mazeed mushkilaat mein daal denge. Aapne kya karna hai? Aapne yeh karna hai ke apne ghar mein Surah Baqarah 10 baar khatam karke paani par dam kar dein aur us paani ko sab ghar wale nehaar muuh pee lein. Insha'Allah, jism ke andar maujood jadu peshab ke aate hi khatam ho jayega. Ab jadu ke asraat jo ghar ke andar maujood hain, unko khatam karne ke liye ghar ke har kone mein usi paani se chhidkao kar dein aur ek martaba har kone mein Azan de dein. Insha'Allah, is amal se jadu ka mukammal khatma ek hi din mein ho jayega. Yaad rahe ke aapne ek hi din Surah Baqarah 10 baar mukammal padhni hai. Aap khud padhein ya phir sab ghar wale milkar yeh amal kar sakte hain. Doosra amal jiske liye aapko ijazat lena lazmi hai... ...aur uske liye aapko hamari video ke neeche apna naam likhkar comments karein. Jaise hi ijazat milti hai, toh hum comments mein aapko reply de denge. Ijazat milte hi, sath hi yeh amal ghar mein aap khud kar lein. Insha'Allah, jisne jadu kiya hoga, woh khwab mein nazar aa jayega aur jahan jadu dafan hoga... ...us jagah se taweez aapko zahir ho jayenge. Amal yeh hai ke aapne raat sone se qabl paanch baar awwal aakhir Durood Sharif padhna hai... ...phir Ya Jabbar Ya Qahhar ko 300 martaba vird karke kisi se baat kiye bagair hi so jana hai. Insha'Allah, khwab mein aapko woh jagah aur woh chehra nazar aa jayega jisne jadu kiya hoga. Yeh amal aapne char din tak musalsal karna hai. Ya toh pehle hi din aapko woh nazar aa jayega, warna doosre, teesre ya phir chauthe din toh zaroor aapko sab kuch nazar aa jayega. Jaise hi us jadu ke taweez aap nikalenge, aapka jadu mukammal taur par khatam ho jayega. Lekin iske liye ijazat lena lazmi hai. Phir bhi dobara main aapko bata raha hu ke aap is video ke neeche comments kar dein aur hum un comments mein aapko ijazat ka hum aapko reply karenge, uske baad aapne yeh amal karna hai, theek hai. Aakhir mein hum aap sab se guzarish karte hain ke agar aapko hamari aaj ki yeh video pasand aayi hai, to sabse pehle is video ko like karein... ...aur sath hi hamare channel Islamic Teacher ko subscribe kar dein aur is video ko zyada se zyada dosto ke sath share karein. Allah Pak aapka haami-o-nasir ho. Allah Hafiz.
