اشكال💚 وروحانيات نادرة✨ لاتحدث الا مع اية الكرسي🦜

[0:00]السلام عليكم ورحمه الله وبركاته، اخباركم ايه اصدقائي الروحانيين؟ يا رب تكونوا في افضل صحه وحال. النهارده ان شاء الله حنتكلم عن عجايب روحانيه روعه تحفه بجد حرفيا ما بتحصلش الا مع سيده ايات القران الكريم اللي هي ايه الكرسي. في فيديو كنت متكلمه فيه قبل كده عن ايه النور اللي هي رقمها 35 داخل سوره النور. كنت قايله لكم ان ايه الكرسي تماثلها في القوه الروحيه وفي كمان سوره الاخلاص. بس في ملحوظه بخصوص روحانيات ايه الكرسي. ايه الكرسي ليها فضل عظيم في القران والسنه. ما فيش شيخ الا وتكلم عنها حتى ابليس نفسه وصى بايه الكرسي لابي هريره والقصه دي معروفه. الايه ليها من الاسرار اللي تنكشف لو بتقولها كورد لكن الاسرار دي ما بتتقالش في الاحاديث النبويه ولا بتتقال حتى في المناهج الدينيه. ليه؟ لان القران زي الصاحب زي الصديق ما يعطيش اسراره لصديقه من اول قاعده. كل ما قعدتك تطول وتكثر معاه، كل ما بتلاقي منه اسرار كتير جدا. بتكون في اسرار مشتركه بينك وبين اي حد اخذ الايه ورد له اسرار عامه يعني وبتكون اعراض مشتركه بتظهر بشكل عام وفي اسرار واعراض خاصه بتختلف من شخص للثاني. بتكون زي تجربه كده فرديه، كل واحد طبعا حسب ظروفه وحياته. طيب، اولا طريقه ايه الكرسي انا كنت متكلمه عنها في فيديو قبل كده في قناتي عشان وقت حضراتكم تقدروا تبحثوا عنها في قناتي او في اي قناه يوتيوب اخرى. لكن بقى المره دي انا عايزه اقول لكم تقولوها بعدد مفتوح. ويفضل جدا جدا يفضل لو قدرت يعني انك تكون في جلسه لوحدك في غرفه مع نفسك. طبعا غرفه ما فيهاش تماثيل ولا صور فيها بني ادمين او حيوانات او طيور او العاب فيها اشكال مجسمه لكن لو نباتات مش مشكله. لو شفتوا الفيديوهات في اليوتيوب اللي بيدخل فيها العوارض الشيطانيه جوه الالعاب والله العظيم هتحرموا تحطوها حتى لو بدون خلوه حتى لو مش بتعملوا اذكار. العوارض الشيطانيه لازم تهيج وتتضايق خصوصا لو كانوا كتير اصلا في بيتك وانت ما كنتش واخد بالك. وطبعا بيبتدوا يتجسدوا جوه اللعب او يحركوا لك حاجات عشان تخاف بمجرد ما بتبدا اي ذكر. لازم هيلعبوك ويخوفوك عشان تبطل ان انت تتكلم في الورد لانك بتؤذيهم بالذكر. المهم الخلوه بتكون مريحه اكتر وبتساعد على التركيز اكتر ما يكونش طبعا معاك بني ادمين او لو في بيبي نايم او شخص نايم ما فيش مشكله. هتقولوها بعدد مفتوح وانت مستشعر الكلمات بصوت مسموع ليك مش لازم صوت عالي قوي مايكروفون يعني بس يكون مسموع ليك ما يكونش وشوشه. قولها فوق ال 50 مره، فوق ال 60 مره، فوق ال 100 مره انت وكيفك. وحط مبدا عندك انك مش بتقراها عشان تشوف العجائب اللي انا هقولها. لانك لو بتقراها عشان تتفرج وتشوف فمش هيظهر لك حاجه اصلا. الايه دي بتتقرا يا اما عشان تمجيد لله سبحانه وتعالى يا اما للحمايه وتنظيف هالتك الروحيه من العوارض يا اما لقضاء الحوائج. ناهيكم طبعا انكم لازم تكونوا ملتزمين بالصلوات والبعد عن المحرمات والكلام اللي بناكد عليه كل حلقه. الاعراض بتظهر بسرعه للي بيقراها تمجيد لله وحبا في الله وبتكون طبعا اسرع من اللي بيقراها عشان قضاء حاجه. ونادرا ما بتظهر للي عايز يتفرج ويجرب عشان يشوف التجليات بتاعتها. لما الاعراض دي تجيلك ممنوع تحكيها لاي شخص مهما كان حتى لو كان شيخ. ممنوع منعا بتا ولما بتحكيها بتروح تجلياتها وما فيش طريقه ترجعك ثاني بيها اصلا. هتقولوا لي امال الاعراض اللي انت هتقوليها دي بتقوليها ازاي ما هي هتروح منك اه هي راحت من عندي فعلا. وراحت من اغلب الناس اللي اتكلمت عنها الاغلبيه مش الكل وبما انها راحت من اي حد اتكلم عنها فاحنا بنفيدك عشان انت تفهم وتطعص وتاخد حظرك وما تبقاش زينا. اول عرض بيظهر معاك في المنامات اولا دايما دايما بتشوف مسجد الرسول عليه الصلاه والسلام. صحيح المسجد النبوي بيظهر في اوراد كتير جدا ثانيه ممكن يظهر من غير ورد اصلا لكن بيتكرر بشكل واضح وملفت للنظر لما تداوم على ايه الكرسي. بتلاقي نفسك يا اما داخل المسجد النبوي قاعد او بتصلي او بتتجول فيه ودايما برده بتشوف قبه المسجد الخضراء. ايه الكرسي روحانياتها وطاقتها دايما بتعطي اللون الاخضر والابيض زي روحانيات سوره ياسين. فبرده هتشوف رجال لابسين عمه خضراء او ملابس خضراء في المنام ولما بتزيد مدتك مع الورد بتبتدي كمان تشوفهم في الواقع. قدام نظرك لمده ثواني وبيكون الاخضر بتاعهم بينور جدا. مش بس كده في طيور لونها اخضر برده غالبا عددهم يا اما ثلاثه او اربع طيور. بيكون اجنحتهم متصله ببعض يعني تحسي ان هم طيور متشابكه في بعض ودي اكثر من شخص شافها. بيظهروا في المنام وممكن كمان يظهروا في الواقع حسب بقى اندماجك وانت بتقرا. ناهيك طبعا عن حدوث الاعراض الجسديه زي الرعشه في الجسم وثقل في بعض مناطق الجسد وارتفاع السبابه وبعض الدوار وغيرها من الاعراض ايا كان نوع الاعراض دي. ايا كان نوعها عشان ما حدش يكتب لي طب انا حصل معايا كذا كذا تفسيره ايه هعتبره معلش يعني سؤال مش ذكي لان كلامي واضح كل انواع الاعراض. انت بقى خمن مع نفسك بدايه بقى الكشوفات السمعيه من اهم الاعراض اللي بتظهر مع ايه الكرسي. انت فجاه يا اما خلال ترديدك للورد او في اي وقت خلال اليوم حتى وانت مش بتردد بس انت يعني خلاص دخلت سكه الورد ده. وفي يوم بقى انت قاعد مع نفسك ولسه ما ردتش الورد او لسه معاد الورد ما جاش ممكن تحس ان ودنك اتقفلت فجاه. بالذات الودن اليمين ممكن الشمال بس غالبا اليمين او حصل جواها كتمه كده. وبعدها بتسمع زي زن او رنين وبعدها بتتفتح تاني بس اتاكد ان ما عندكش اي مشاكل عضويه الاول. الكشف السمعي مش زي ما الناس معتقده ان هو بقى هتسمع ناس قاعده بترغي معاك ويقولوا لك افعل كذا ولا تفعل كذا. الكشف السمعي الطبيعي النوراني ان هو بيكون كلمات ما قل ودل. يعني مثلا انت في حاجه محيراك في بالك قوي وبتفكر فيها طول الوقت ومش عارف الاجابه عليها بنعم او لا يعني مثلا هل اعمل المشروع ده عايز مثلا تسمع كلمه نعم او لا. فتسمع كلمه نعم وممكن تكون دوشه في الشارع انت سامعها من بعيد بس ملقطتش منها غير كلمه نعم حد قالها وسط الخناقه وانت سمعتها هي لوحدها. او تلقط من مسلسل تلفزيوني شغال في الصاله بعيد عنك كلمه اصبر. تلاقي كده كلمات معينه بترن في ودنك وبتكون اجابه قصيره وواضحه على سؤالك. مش هقول لك بقى الكشوفات المناميه عباره عن ايه ايه الكرسي بتكشف حاجات كتير قوي مستوره. بس خاصه بيك انت او خاصه بالناس اللي بتفكر تجاهك بطريقه معينه الاجمل من ده كله ان هي ايه بتكسر السحر. بتحميك من الجن بتحميك حتى من شرور الانس مش شرط الشر يجي من الجن بس. انت بتحس كده انك مدرع يعني كان معاك درع حمايه. وبتكتشف ان في بلاوي كتير كانت ممكن تحصل لك وبتعرف انك نجوت منها بعجوبه. ايه الكرسي يا جماعه وسوره البقره يخلوك تستغنى عن اي معالج اصلا. بس للاسف الناس كسلانه بتحب تستسهل تروح لمعالج وهو اصلا ما يقدرش يعمل حاجه لو المريض نفسه ما عندهوش اراده. انا ياما سمعت عن رقاق شرعيين يقولوا احنا بنعمل اللي علينا وزياده بس المريض مش عايز يساعدنا فعشان كده السحر عمال يتجدد له. ما حدش هيصلح علتك غيرك وكل اللي جربوا الكرسي وسوره البقره عموما تشافوا ذاتيا عادي جدا وقاموا الصعوبات اللي كانت بترهبهم بيها الشياطين وخفوا عادي. من الاعراض برده انك يعني ما فيش داعي تستعجل انك ممكن تلاقي الغرفه منوره فجاه كده نور غريب. طبعا ده لو الغرفه مضلمه حتى لو الغرفه منوره بنور الشمس هتلاقي فيها نور ثاني غريب. ما تعرفش مصدره منين تحس ان الهواء او الفراغ بتاع الغرفه نفسه هو اللي منور وعلى فكره نفس العرض ده مشابه في ايه النور. اللي هو ورد ايه النور هتلاقي كمان عندك حواس بدات تشتغل كانت خامله في الاول. الحواس دي بتختلف من شخص للثاني انت بتكتشفها بنفسك يعني مثلا حاسه قراءه الافكار ممكن تلاقيها اتنشطت فجاه عندك. حد ثاني اتنشطت عنده حاسه انه يعرف حاجات من المستقبل القريب او قدره مثلا انه ينجز اعماله بمنتهى النجاح والكفاءه والسرعه كل واحد بقى والقدره اللي هتظهر له فجاه. في حاجات كده بتنشط عندك انت ما تعرفش تنشطت ازاي مش هاقول لكم طبعا استجابه الدعاء وتحقيق الامنيات من اهم الاعراض اللي بتحصل في ايه الكرسي وحتى لو مش هتتحقق. يا اما بيجيلك هاتف في المنام او اشاره في الواقع انه الطريق اللي انت ماشي فيه مش هيؤدي للامنيه ويبتدوا يرشدوك واحده واحده للطريق الصح للامنيه. او يخلوك تحس ببرود وجمود تجاه الامنيه لان هي اصلا مش مكتوبالك وهتكون شر ليك. او في امنيه ثانيه افضل هتكون بدالها عرض كمان بيحصل من الاعراض بس العرض ده متشابه مع اوراد ثانيه برده اللي هو سماع صوت التسبيحات او سماع حد بيقرا ايه الكرسي حواليك. بتحس كده في فريق قاعد بيقرا معاك وده طبعا لو حضرتك مثلا وصلت ل 1000 عده من عداد ايه الكرسي يعني وصلت القرايه في الترديد ل 1000 مره بتقول فيها ايه الكرسي مثلا يعني. ممكن تشوفهم جنبك وهم بيرددوا انت هتشوف كيانات مضيئه يا اما بالابيض يا اما ابيض في اخضر. ومش هتتفاجئ على فكره انت اصلا بتكون في حاله روحانيه عاليه جدا من الاندماج هتستغرب نفسك ان انت مش خايف هتقول هو انا ازاي مش مفجوع. في واحده ثانيه حصل معاها نفس الموضوع ده ان هي شافت الكائنات دي جنبها وهي بتسبح ان هي كانت قاعده على السجاده بتاعت الصلاه وكانت بتسبح بس بعد ما وصلت ل 5000 عده تقريبا. هي عايشه لوحدها وقضت اليوم كله تقرا فيها وما كانش عندها مشاغل فشافت المنظر ده برده. في عرض اخير ده بيكون بعد مده قصيره ممكن مثلا بعد مرور شهر او كم اسبوع على الورد انك بتبتدي تشوف في المنامات انك بتعالج مصابين بايه الكرسي او بتحرق جن بايه الكرسي وممكن حتى قبل ما تدخل ورد ايه الكرسي او انت ما تعرفش حاجه عن الورد ده. ممكن تشوف نفسك ان انت بتقرا ايه الكرسي على حد او بتحرق جن بالايه دي فده برده اشاره ان انت يا اما تبتدي ورد ايه الكرسي يا اما تستمر في الايه لو انت اوريدي دخلت في الورد عشان تكتسب مهاره العلاج او القتال. واخيرا في اوقات كتير جدا هتحس برائحه طيبه جدا نفاذه في الغرفه رائحه تشبه عطر او ورق الغار. صحيح الرائحه دي ممكن تكون في اوراد ثانيه بس بتكون ظاهره بشكل واضح قوي جدا ومستمر في ايه الكرسي. دي اغلب العلامات العامه والمشتركه لكن طبعا في علامات ثانيه تخص الفرد نفسه وبتختلف من شخص للثاني بتعرفوها بنفسكم وبالتجربه وزي ما قلت ونبهت ممنوع حكي اي حاجه تحصل لك من الكرامات دي سواء تجليات او منامات اتمنى الحلقه تكون عجبتكم يا رب تكون فتحه خير عليكم في رعايه الله ومع السلامه.