[0:00]لا اله الا الله كمية العظمة والرجولة في قصتنا لليوم
[0:10]كيف لا وقصتنا اليوم عن الفاروق عمر بن الخطاب رضي الله عنه. طبعا هذا الكلام في عمر بن الخطاب رضي الله عنه يطول واقدر اسوي لحاله عنه كذا بس عن عمر بن الخطاب. سلسله قصص لحالها من قوه الاكشن اللي صارت في حياته. لكن اليوم راح اكتفي بالتركيز على واحده من اكثر الجزئيات المثيره. مو بس في حياه عمر بن الخطاب بل في عالم القصص كلها من يوم ما بنتكي في القناه. قصتنا اليوم غير. سلام عليكم يا جماعه الخير، انا عمر عبد الرحمن وحلقتنا لليوم عن الشخص اللي قال عنه الرسول محمد صلى الله عليه وسلم. لو كان بعدي نبي لكان عمر. بن الخطاب. تفجير كواكب يا اخوان، النبي محمد صلى الله عليه وسلم بيقول لو كان في نبي، لو كان في نبي بعدي هو عمر بن الخطاب. اعتقد كذا يكفي يا جماعه الخير، ننهي القصه، ننهي المقطع والله والله لانه الكلام ايش اقول اكثر من كذا؟ لسه نحن بس بنسخن يا اخوان، بس خلوا معي كذا واضغطوا على زر اللايك. نبي الحلقه هذه تفجير لايكات، اللايكات ببلاش وتساعد القناه مره كثير، انا كل يوم بطلع في اليوتيوب بحكيكم قصه وبقعد اتكلم وانبح. وانتم ابسط شيء تقدروا تسووه ما ياخذ من وقتكم ثانيه واحده هو زر اللايك يساعد القناه مره كثير وانكم تشتركوا في القناه وتنضموا معنا في هذه الرحله. قصه كل يوم في رمضان الساعه 10 مساء بعد صلاه التراويح. قصتنا لليوم عن الفاروق عمر بن الخطاب رضي الله عنه، فجاهزين ولا ما انتم جاهزين؟ توكلنا على الله. الاحداث اللي راح اتكلم عنها في قصتنا اليوم غيرت مجريات التاريخ، والشخص المسؤول عن هذا التاثير بعد توفيق الله سبحانه وتعالى طبعا ولد بعد ولاده النبي محمد صلى الله عليه وسلم ب 13 سنه. عمر بن الخطاب كان اصغر من النبي محمد صلى الله عليه وسلم ب 13 سنه، ولد في مكه في اسره متواضعه في قريش. ونسبه واصله يرجع لقريش نفسها اللي هو عمر بن الخطاب. ونروح للخطاب اللي هو ابوه اللي كان معروف بشدته، كان معروف بغلظته، كان ابوه شديد، ابوه كان ذكي وكان له مكانه في قومه. وربما هذه واحده من الاسباب اللي كونت لنا شخصيه عمر بن الخطاب. حتى ابو عمر بن الخطاب كان فارس من فرسان العرب، وبطبيعه الحال الفاروق مشي على نهج ابوه. عمر بن الخطاب من طفولته تعلم ركوب الخيل والرمي وكان انسان رياضي جسمه مشدود. وكان معروف بقوته وخفته في نفس الوقت. قوي وخفيف، ومو بس كذا كان مصارع. يب يا جماعه الخير عمر بن الخطاب كان مصارع من قوته وخفته كان يطلع على ظهر الخيل بدون ما يستند على حاجه خارجيه. يقال انه كان يمسك اذن الخيل بيد وهوبا يطلع على الخيل. يا جماعه الخير انا كم مره في حياتي ركبت خيل، عمري ما قدرت اطلع بدون ما اتكي كذا واتشعبط وكرباج ودنيا وفيلم طويل. الخيالين فاهمين النقطه دي مضبوط وفاهمين كيف مستحيله وصعبه، ومو بس كان بدنيا قوي، حتى دماغه كانت قويه. عمر بن الخطاب في طفولته كان محظوظ، محظوظ جدا، لانه كان من الاطفال اللي كان يعرف يقرا ويكتب. في قريش كلها على بعضها عدد اللي كانوا يعرفوا يقرا ويكتب 17 شخص فقط كان من ضمنهم الطفل عمر بن الخطاب. مستحيل مستحيل هذا البني ادم، شباب عمر بن الخطاب كان يشتغل في الرعي وحبه حبه راح للتجاره، والتجاره بدات تاكله عيش، بدات تدخله مدخول رهيب. حتى في فتره من الفترات كان من اكثر الناس في قريش مالا، كان عنده فلوس كان عنده خير. لكن قبل اسلامه عمر بن الخطاب ما كان افضل شخص في العالم. كثير من الصحابه قبل اسلامهم كانوا طايحين في اللهو، طايحين في الشراب والخمر، حتى من ناحيه شخصيته، شخصيته كانت كذا ناشفه. ما تقدر تاخذ وتعطي معاه، لو عنده راي انسى تغيره، ولو كثرت معاه الله يكون بعونك عمر بن الخطاب. هذا الشيء خلى قريش كلهم يهابوه، وفي يوم من الايام النبي محمد صلى الله عليه وسلم دعا بدعوه. اللهم أعز الإسلام بأحب هذين الرجلين إليك. مين هم هؤلاء الرجلين؟ كان يا اما ابو جهل او عمر بن الخطاب، فالرسول كان يدعي انه يا رب اهدي واحد فيهم الاقرب منهم اليك للاسلام. لانه الاثنين ابو جهل وعمر بن الخطاب كانوا من اعظم الناس شانا في قريش ومن اقواهم، فيا سلام لو واحد منهم اسلم. ينضم لفريق المسلمين اللي كانوا قلائل وقتها ايام الدعوه السريه، وفي نفس الفتره هذيك عمر بن الخطاب وصلوا خبر عن انه في واحد بيقول انا نبي وعندي ايات من الله. وينهى اهل قريش عن عبادته الاصنام، فعمر بن الخطاب سمع عن النبي محمد صلى الله عليه وسلم، وسمع عن رسالته. بل بالعكس كان يفكر يقتله، اهل قريش وقتها باتوا نيه على النبي محمد صلى الله عليه وسلم، كانوا يبوا يقتلوه. حتى في فترات كانوا حاطين جوائز على راس النبي محمد صلى الله عليه وسلم للي يقتلوه، فعمر بن الخطاب قال عندي طلع سيفه في يوم شديد الحر في عز الظهر. وتوجه على الرسول محمد صلى الله عليه وسلم، وللي يتابع حلقاتنا يعرف النبي محمد صلى الله عليه وسلم فين كان يتعبد الله سبحانه وتعالى هو والجماعه القليله اللي امنوا معاه في بدايه الدعوه. نسوي لكم اختبار بسيط، وقفوا المقطع واكتبوا لنا في التعليقات فين كانوا يتجمعوا المسلمين في وقت الدعوه السريه. خلينا نشوف مين اللي حيجاوب صح، نكمل، وصل خبر لعمر بن الخطاب ان المسلمين والنبي محمد صلى الله عليه وسلم كانوا موجودين في دار الارقم. وخلاص رايح يب يقتل النبي، يب يشيل راسه، فهو ماشي كذا ومعاه السيف فجاه في نص الطريق مين يجي في وجهه. الصحابي نعيم بن عبد الله النحام، هذا واحد من الصحابه اللي اسلموا من القله القليله. بالصدفه شايف عمر بن الخطاب موجه على ناحيه النبي محمد صلى الله عليه وسلم، على ناحيه دار الارقم. فوقفه كذا يب يحمي النبي محمد صلى الله عليه وسلم، كان واضح انه عمر بن الخطاب عنده مبيت نيه ما هي كويسه، على وين يا عمر بن الخطاب؟ عمر بن الخطاب ما يخاف، قال وانا رايح للنبي محمد صلى الله عليه وسلم، النبي هذا يسب الهتنا اللي هم الاصنام ويصفه ديننا. عمر بن الخطاب حرضوه اهل قريش عشان يقتل النبي، جاي راسه مليان، فصار يتصايح هو والصحابي والصحابي يحاول يوقفه. تحسب عمر بن الخطاب خاف، من متى يخاف عمر بن الخطاب؟ راح الصحابي نعيم بن عبد الله استخدم عقله وشتت عمر بن الخطاب. قال له انت رايح للنبي محمد صلى الله عليه وسلم لانه قاعد ينشر الاسلام وينصح الناس يوقفوا يعبدوا الاصنام. قالت اختك وولد عمك اللي هو زوجها تراه ماسلموا، روح عندهم من باب اولى. شتت على النبي محمد صلى الله عليه وسلم، سوى حركه في قمه الروعه. صراحه اهنيه عليها عمر بن الخطاب قال ها اسلموا. راح لبيت اخته معصب يبغى يتضارب، يبغى يصرخ، فاتجه لبيت اخته فاطمه وزوجها سعيد. اللي هو ولد عام عمر بن الخطاب رضي الله عنه، وكان معاهم الصحابي خباب. خباب هذا كان يعلمهم القران، يعلم فاطمه وسعيد زوجها، فعمر بن الخطاب قبل ما يفتح الباب يدخل عليهم في البيت سمع صوت ايات القران. فاستغرب ايش هذا الصوت وايش هذه الايات، ايش هذا الكلام الغريب؟ دخل فتح الباب، ولما دخل فتح الباب الصحابي خباب اللي يعلم فاطمه وسعيد زوجها ايات القران راح تخبى كذا بسرعه تخبى، خاف من عمر بن الخطاب، يخافوا منه. يا حبيبي عمر بن الخطاب جاء الحقوا الحقوا، فراح عمر بن الخطاب سال اخته وزوجها ايش الصوت هذا اللي انا بسمعه، مين هذا اللي بيتكلم، ايش هذا الكلام؟ راحوا ردوا عليه قالوا اه نحن بس نتكلم بينا كلام كلام عادي. رد عليهم عمر بن الخطاب: لعلكم قد صبوتم، ايش الصوت هذا؟ اتكلموا، فرد عليه سعيد زوج اخته. قال له يا عمر بن الخطاب: أرأيت يا عمر ان كان الحق في غير دينك؟ عمر بن الخطاب قاعد يفكر يقول الحق في غير ديني، راح جاي يضرب سعيد زوج اخته. راحت اخته كذا غطته كذا، راح ضرب اخته. عصب عمر بن الخطاب عصب، ما حد يمزح مع عمر بن الخطاب، فردت عليه اخته بعد ما ضربها وهي معصبه: يا عمر ان كان الحق في غير دينك. عمر بن الخطاب قال لهم اعطوني الكتاب اللي كنتوا تقراوا منه هذا اللي تقولوا قران وايات. اخته رفضت تعطيه الكتاب، قالت له لازم تتطهر اول، فاستجاب لها عمر بن الخطاب وصار عنده فضول يب يعرف ايش هذا الكتاب. وكيف ممكن يكون الحق في غير دينه، فبدا يقرا عمر بن الخطاب القران والايات عجبه القران ارتاح للايات. طاها ما أنزلنا عليك القرآن لتشقى إلا تذكرة لمن يخشى. وقتها خرج الصحابي خباب اللي كان يعلمهم القران اللي تخبى قبل شوي. قال له ترى هذا هذا القران وترى رسول الله صلى الله عليه وسلم ترى دعا لك انك تسلم. وسبحان الله اللي شرح قلبه للاسلام، حب القران بعد ما كان رايح يقتل النبي محمد صلى الله عليه وسلم، فجاه قرر انه يبغى يسلم. شيء عجيب، سبحان الله، بطل عمر بن الخطاب من بيت اخته فاطمه وتوجه لدار الارقم عند النبي محمد صلى الله عليه وسلم بس هذه المره بدون سيف. ما هو رايح يقتل، فدق باب دار الارقم ففتحوا الصحابه شافوا عمر بن الخطاب خافوا انخرشوا، كلهم يخافوا منه. الا انه حمزه رضي الله عنه وقال لهم ان يرد الله به خيرا يسلم، وان يرد غير ذلك يكن قتله علينا هينا. صح ان عمر بن الخطاب قوي بس ممكن جاي يسلم، واذا مو جاي يسلم ترى احنا جماعه ندق ونقتله، الموضوع بسيط ان شاء الله. فطمنهم، فراحوا اثنين من الصحابه مسكوا عمر بن الخطاب من يده كذا، مسكوه من يده كذا ودخلوه على النبي محمد صلى الله عليه وسلم. النبي قال لا لا لا فكوه لا تمسكوه، فساله النبي محمد صلى الله عليه وسلم انه انت ايش جابك عندنا، فرد عليه عمر بن الخطاب انه انا جاي والله اسلم يا رسول الله. ممكن اسلم، فكبر النبي محمد صلى الله عليه وسلم الله اكبر، رب استجاب دعوته، وعمر بن الخطاب راح يدخل الاسلام والاسلام حيصير وقتها قوي، حيبداوا الناس يخافوا من المسلمين. وحتى الصحابه كذا كبروا وفرحوا وعرفوا انه عمر بن الخطاب اسلم، راح عمر بن الخطاب لما شاف الصحابه كلهم محتفين به ومبسوطين به. سال نبي الله محمد قال له يعني السنا على حق، مو نحن ديننا على حق، احنا صح؟ قال له النبي نعم بلا، فرد عليه عمر بن الخطاب وقال له ففما الاختفاء ليش نحن متخبيين كذا ودعوه سريه وفي دار الارقم ما نطلع برا. شجاع عمر بن الخطاب والصحابه تحمسوا، اي والله ليش نتخبى؟ معانا عمر بن الخطاب، وهذيك المره كانت اول مره يطلعوا فيها المسلمين مع بعض كذا ويتمشوا مع بعض يخرجوا للمسجد قدام كل المشركين. والمشركين كلهم ولا كلمه واحده، عمر بن الخطاب وحمزه رضي الله عنهم موجودين، مين يقدر يقرب من المسلمين حتى لو عددهم قليل كانوا. فانتشر خبر اسلام عمر بن الخطاب بين المشركين يا حبيبي والمسلمين خلاص صاروا اقوياء صاروا ما يخافوا. وحتى انه ابن مسعود قال ما كنا نقدر ان نصلي عند الكعبه حتى اسلم عمر. لما عمر بن الخطاب رضي الله عنه اسلم صاروا المسلمين عادي يمارسوا شعائرهم في الشارع. ما يحتاج انهم يتخبوا عشان يصلوا او يتخبوا عشان يقروا قران، خلاص ما حد يقدر يقربها. ومن لحظه اسلامه وفي هذاك الوقت سمى النبي محمد صلى الله عليه وسلم بالفاروق لانه كان يفرق بين الحق والباطل. فدخول عمر بن الخطاب غير الكثير في المعادله حتى انه صار صاحب النبي محمد صلى الله عليه وسلم وصار مستشاره حتى. صح انه كان عمر بن الخطاب شديد وكان هيبه لكنه كان ذكي ومن شده هيبته في يوم من الايام. النبي محمد صلى الله عليه وسلم كان قاعد مع نساء من قريش، والنساء هذول كانوا يكلموه، تعرفوا احيانا في جماعات تجتمع عند النبي محمد صلى الله عليه وسلم يدعوهم للاسلام يسالوه الى اخره. فكانوا في مجموعه نسوه مجتمعين عند النبي محمد صلى الله عليه وسلم، وكانت اصواتهم عاليه. اصواتهم اعلى من صوت النبي، كان يعلوا صوتهم في الكلام، فجاء عمر بن الخطاب يعني جاي داخل عليهم بس قبل ما يدخل لازم يستان من النبي. فاستاذنوا والنبي سمح له بالدخول قال له تفضل، وعمر بن الخطاب داخل لما عرفوا النساء اللي من قريش انه عمر بن الخطاب جاي. راحوا يخبوا نفسهم كذا ويتخبوا ويروحوا تجننوا، خايفين من عمر بن الخطاب. فنبي الله محمد صلى الله عليه وسلم بدا يضحك، عمر بن الخطاب شاف النبي محمد صلى الله عليه وسلم يضحك فاستغرب كذا انه اذا يضحك. فيما معنى الحديث النبي محمد صلى الله عليه وسلم وقتها قال لعمر بن الخطاب لما دخل قال يا اخي هذول لما سمعوا صوتك راحوا يتخبوا كذا يدخلوا بكل مكان اول ما سمعوا صوتك من شده ما يهابوك. عمر بن الخطاب عصب عصب، كيف يهابوني اكثر مما يهابوك، وانت نبي الله وصار يقول يا عدوات انفسهن اتهبنني ولا تهبن رسول الله. تخافوا مني ما تخافوا من الرسول، فردوا عليه النساء قالوا ايوه انت افض واغلظ من النبي محمد صلى الله عليه وسلم، فالكل كان يخاف منه. في حديث النبي محمد صلى الله عليه وسلم: ايها يا ابن الخطاب، والذي نفسي بيده، ما لقيك الشيطان سالكا فجا قط الا سلك فجا غير فجك. حتى الشياطين كانوا يخافوا من عمر بن الخطاب ويهابوه، فاذا عمر بن الخطاب مشي في طريق الشياطين تروح طريق ثاني، تتبق على طول يا حبيبي ما تقرب منه. هيبه هيبه، ومرت الايام والاسابيع والشهور، لين اوحى الله سبحانه وتعالى للنبي محمد صلى الله عليه وسلم بانه يهاجر من مكه للمدينه. المشركين بداوا ياذوا المسلمين وبداوا ياذوا النبي محمد صلى الله عليه وسلم، بداوا يحاربوهم وصاروا المسلمين يهاجروا كذا على دفعات بالخفيه. بالدس يطلعوا كذا بدون ما احد يدري، خايفين من المشركين، خايفين ليقتلوهم، الا مين؟ الا عمر بن الخطاب. عمر بن الخطاب لما جاء بهاجر سوى حفله. لما جاء بهاجر اول شيء جاب معاه سيف وراح جهه الكعبه. راح عند الكعبه وطاف سبعه اشواط وراح صلى عند المقام قدام المشركين. ولا احد يقدر يتكلم، لما خلص من الصلاه راح نادى جموع من المشركين. صار يناديهم ويخاطبهم المشركين، فبغاك تتخيلوا معي كذا انه المشركين كلهم متجمعين كذا ويطالعوا في عمر بن الخطاب. فعمر بن الخطاب بدا يكلمهم ما يكلمهم، بدا يهددهم وهو لحاله. وقال لهم الجمله الشهيره، قال للمشركين: من اراد ان تثكله امه او يوتم ولده. اللي يبغى ولده يصير يتيم او يرمل زوجته، اللي يبغى زوجته تحزن على وفاته وتصير ارمله. فليلقني وراء هذا الوادي، واعطاهم ظهره ومشي، فيما معنى الكلام. اذا واحد فيكم رجال مسويين تحاربوا المسلمين انا مهاجر. اللي عنده شيء يقابلني ورا الوادي.
[13:47]يا حبيبي. طبعا المشركين قريش ولا كلمه صمت، اول ما مشي عمر بن الخطاب الفاروق الحق يا اخوان نكمل ايش كنا نقول؟ العشاء اليوم. ولا احد يتجرا، ولا احد يتجرا على عمر بن الخطاب. هذه كانت قصه اسلامه، وهذه بعض من مواقف حياته. لا لا هذا عمر بن الخطاب لحاله نسوي عنه سلسله ما شاء الله تبارك الله. استمتعتوا بحلقه اليوم، لايك يا اخوان، اللايك يساعد القناه كثير، ونلقاكم بكره ان شاء الله في قصه جديده. كل يوم الساعه 10 مساء بتوقيت السعوديه ان شاء الله، انا عمر عبد الرحمن اشوفكم على خير. سلام، والله اني حسيت بالفخر انه اسمي عمر على اسم عمر بن الخطاب والحمد لله.
