[0:11]السلام عليكم اليوم راح تكون المحاضره الثانيه من محاضرات مساق وسائط متعدده ثلاثه الجزء العملي. المحاضره الماضيه تعرفنا على اهم الاشرطه والادوات ومراحل العمل داخل البرنامج. محاضره اليوم ان شاء الله راح نتعرف على اهم الاختصارات الموجوده داخل البرنامج. راح نحكي عن الاكسترود راح نتعرف كيف نغير الوان الاوبجكت. ايه بدايه الاختصارات، يعني ليش احنا بنستخدم الاختصارات داخل البرنامج. برنامج المايا مليان ادوات ومليان قوائم، فانا لما بدي اتنقل من مرحله لمرحله داخل البرنامج او لو بدي اتنقل من امر لامر، الموضوع شوي متعب، ايه لانه زي ما بتعرفوا لما يكون في عندي شكل شويه بدي اعمل له موف وبعد شوي اعمل له روتيت وبعد شوي اعمل له سكيل. فكل مره بدي اروح على اداه السكيل وبدي اروح على اداه الروتيت وبدي اروح على اداه الموف، طبعا لا. راح اعطيكم اختصارات على الكيبورد بتقدروا تشتغلوا عليها ولو تعودتوا عليها من بدايه البرنامج هتروحكم كثير لقدام وهتحسوا الشغل صار اسهل بكثير واسرع بكثير. ايه قبل ما نبدا نحكي عن الاختصارات بدي احكي لكم ملاحظه صغيره، الاختصارات بتلاقوها على الاداه يعني مثلا لو انا ضغطت في الماوس عملت بس تاشير اشرت بس على الاداه راح يظهر عندي وصف للاداه واسم للاداه والاختصار للاداه. يعني مثلا هذه اداه السيلكت تول لما اشرت عليها بالماوس اعطاني انه اختصارها كيو ووصفها انها بتعمل سلكت للاوبجيكت اند كومبوننت انها بتعمل اختيار للاجزاء الموجوده داخل المشهد. رحنا على الامر الثاني والثالث نفس الشيء. الموف تول مثلا اختصارها دبليو
[2:09]هنا الروتيت تول اختصارها اي. هنا سكيل تول اختصارها ار هذه اهم الاختصارات طبعا انا الان راح اعطيكم كل واحده منهم ايش اختصارها بالاضافه انه راح نطبقها على مثال عشان الامر يكون واضح لكم اكثر خليني نبدا.
[3:55]النقطه الثانيه اللي بدنا نحكي عنها تغيير الخصائص للاوبجكت. شو المقصود بالخصائص لما انا ارسم اي شكل سواء كان كره او مكعب او اسطوانه انا بحتاج اغير بخصائصه بحتاج اغير لونه بحتاج اغير موقعه اغير مكانه مثلا على الاكس بدي اعمل له ازاحه شويه بدي اغيره على الواي اعمل له ازاحه شويه بحتاج اغير عدد السب ديفينجنز اللي بنحكي عنها اللي هي التقسيم تبعت الاوبجيكت بشكل عام. هذه الخصائص كلها وخصائص غيرها بنقدر نغيرها. طب من وين بنقدر نغيرها؟ لما نرسم اي شكل يظهر عندي على الجنب اسمه. ومن هنا لو ضغطنا على بولي كيوب وان بطلع لي مجموعه من الخصائص لو غيرناهم.
[4:54]من هنا بنلاحظ التغيير اللي بيصير على الاوبجيكت راح اوضح لكم الان مثال بنحاول نغير الطول العرض الارتفاع بنحاول نغير اللون اليوم راح نحكي فقط عن تغيير الالوان في المستقبل ان شاء الله في المحاضرات القادمه راح نحكي عن اضافه الخامات التيكشر يعني بدي اضيف خامه خشب بدي اضيف خامه معدن اضيف لمعه هذا كله ان شاء الله راح نحكي عنه لقدام ولكن اليوم فقط هنتعلم كيف نضيف لون على الاوبجيكت.
[7:31]النقطه اللي بدنا نحكي عنها الان الاكسترود. ايش المقصود بالاكسترود؟ الاكسترود هو امتداد جزء من جزء.
[7:44]لما بدي اعمل طاوله بدي اعمل الرجلين، الرجلين عباره عن امتداد من المتوازي المستطيلات اللي انا رسمته. فبنشوف كل مره انا بدي اكمل شكل بدي اروح اجمع اشكال مع بعض زي ما عملنا المحاضره الماضيه. رحنا عملنا متوازي مستطيلات عملنا ارتفاع ومش كثير عالي بعدين عملنا ارتفاعه عالي ورحنا جمعنا الرجلين مع بعض وعملنا لهم كنترول دي وطلع عنا طاوله في النهايه. هذه مش الطريقه الصح ولكن انا عملتها بهذه الطريقه عشان لسه كنتوا في البدايه ومش شارحين الاكسترود. الطريقه الصح انه احنا نرسم متوازي مستطيلات ويكون ارتفاعه مش عالي في حاجه اللي حكينا عنها اللي هي تقسيم الشكل. بحدد الفيس اللي تحت بعمل تقسيم له اخذ الاربع مربعات اللي على الجنب اعمل لهم اكسترود لتحت بصير عندي اربع رجلين للطاوله هذه هي الطريقه الصحيحه. فالاكسترود كثير مهم وكل شغلنا بيعتمد على الاكسترود يعني ما فيش اي شيء ممكن تعملوه موديلنج ما فيش شيء ممكن تعملوه موديلنج بدون الاكسترود لازم الاكسترود الان راح نوضح ايش المقصود بالاكسترود حاعطيكم مثال عليه هنعمل تطبيق عليه عشان تكون الامور اسهل بالنسبه لكم لازم تطبقوا وتشتغلوا بايدكم مره ومرتين وثلاثه وعشره. كل ما طبقتوا اكثر كل ما تمكنتم من الامر اكثر، خلينا نبدا.
[39:25]وهيك بنكون انتهينا من عمل موديلنج للنحله. في نقط جديده اشتغلنا عليها حابه اوضح لكم اياها بشكل تفصيلي. اي اوبجيكت او اي كاركتير احنا بنشتغل عليه بيتكون مجموعه من الفيسز. مش دائما احنا لما نلون بنلونهم كلهم بنفس اللون. بعض الاحيان بنحتاج انه نلون كل جزء بلون مختلف نعمل له ماتيريال جديد. فكيف بنعمل هذه الشغله؟ زي ما شفتوا لو ضغطنا بالزر الايمن على الفيس بنختار حاجه اسمها اساين نيو ماتيريال. بتطلع لي هذه القائمه. شو هذه بنعمل فيها؟ بقدر اختار الخامه اللي انا بدي اضيفها. بتكون مثلا زجاجيه او تكون معدن حسب انا ايش بدي اعملها. فانا اخترت فونغ بتكون في لمعه بختار لونه. بختار مثلا اي لون هذا الشكل بتلاحظوا انه في لمعه كانه زجاجي. طب لو انا ما عملت هيك اخترت اوبجيكت مود مثلا وبالزر الايمن عملت اساين نيو ماتيريال واخترنا لامبيرت بتكون مطفيه واخترنا لون مثلا هذا اللون بتلاحظوا انه عمل اللون على المكعب بالكامل ولكن في المره الاولى طبق لي اياه فقط على الفيس فهذا الفرق ما بين اختيار الامر فيس واوبجيكت مود. اما بالنسبه لاضافه التاثيرات لما انا بدي احذف مثلا بختار اوبجيكت مود بيحذفوا كله ولكن لو اخترت فيس هيبدا يحدد لي فيس فيس، فانا بختار مثلا بدي اعمله زي صندوق وبحذف الفيس اللي فوق. لو انا اخترت ايدج بتلاحظوا بنحدد الايدج حذف الخط الموجود هون، صار هذا وهذا عباره عن فيس واحد يعني لو رحنا على فيس هذا كله فيس واحد. لو طبقت عليه اساين نيو ماتيريال حيعطيهم الاثنين نفس اللون. اخر نقطه بدنا نحكي عنها بخصوص الماتيريال الماتيريال اتريبيوت. شو بنقصد فيها؟ بنقصد فيها جميع الخصائص المتعلقه بالخامه او باللون اللي انا ضفته على الفيس او على الاوبجيكت. هاي الخصائص بتشمل اللون نوعها هل هي مطفيه فيها لمعه شففيتها الدرجه للون هذه الخصائص كلها انا ممكن اعمل لها ضبط واحفظها عندي. وكل مره بدي استخدم نفس الدرجه اختار امر اللي احنا نحكي عنه الان و بيطبق لي نفس الخصائص على الاوبجيكت او على الفيس اللي انا اخترته. هذه الطريقه بتسهل على حالكم كثير خطوات وبهيك بنكون انتهينا من المحاضره الثانيه في الجزء العملي من مساق وسائط متعدده ثلاثه.
