[0:00]طيب تعالوا نتكلم بقى على كابل اليو تي بي كده باستفاضه شويه كابل اليو تي بي هو اسمه العلمي 10 بيز تي دايما الكابلات كلها بانواعها كلها بتبقى حاجه بيز حاجه. اللي قبل كلمه بيس بيدل على السرعه القصوى اللي بينقلها الكابل ده في الثانيه بتبقى بالميجا بت فلما اقول لك 10 يبقى 10 ميجا بت بير سكند. اللي بعد كلمه بيس ده بيدل على نوع الكابل يعني بيس تي تي دي اختصار لتوست بير يبقى ده كابل اليو تي بي. لما اقول لك بيز 5 يبقى الكابل الكو اكسيال التخين اللي هو كابل الدش التخين لانه كان بيستخدم زمان في الشبكات دلوقتي بيستخدم في كاميرات المراقبه. فده اسمه البيس 5 في عندي البيس اف اللي هو اف دي اختصار لفاايبر كابل الفايبر اللي قبل كلمه بيس بيدل على السرعه القصوى عندنا في كابل اليو تي بي ال 10 بيز تي ده اللي هو كابل الكاتيجوري 5 او الكات 5. في بعده ال 100 بيز تي يعني 100 ميجا ده اللي هو كات 5 اي اي دي اختصار لان هاسد. اللي بعد الكات 5 اي كات 6 1000 ميجا اللي هو 1 جيجا في الثانيه في عندي بقى كات 7 وكات 6 اي وكات 8. ده فعليا مش هيفرق معايا كتير لان الكابلات دي اه بتنقل سرعات عاليه والكابل بيبقى متين وجامد وكل حاجه فده يفضل انه يتعمل في البنيه التحتيه ماشي. لكن مفيش داعي او احتياج لاستخدامه احتياج ملح يعني لاستخدام حاجه اعلى من الكات 6 الا ممكن لو هنتكلم على الكات 6 اي لانه بيتكلم في سرعه 10 جيجا. لكن كات 6 لوحده جميل جدا وعملي جدا وبالتالي الكابلات الاخرى تصلح للبنيه التحتيه لكن مفيش بورت اساسا في السويتشات هيستوعب كابلات يو تي بي اعلى من كات 6 اي ل 10 جيج لان مفيش بورت بيقرا اكثر من 10 جيجا هنخش بعد كده في بورتات الفايبر. فبالنسبه لكابل الكات 5 بنقول عليه مجازا كات 5 لكن هو طبعا المفروض يبقى اقل حاجه كات 6 دلوقتي في السوق علشان يناسب اي بنيه تحتيه وتبقى السرعه مناسبه جدا. فبالنسبه لكابلات الكات 5 ليها طريقه توصيل خلي بالك الكابلات كلها شبه بعض. لو قشرت اي كابل هتلاقيهم كلهم شبه بعض وكلهم عاملين تويست عشان كده اسمهم تويست بير عشان كده اسمهم تويست بير او الازواج الملتفه. كلهم شبه بعض مش هتعرف تفرق بين انواع الكابلات غير باللي مكتوب على الكابل من بره وكلهم بيركبوا مكان بعض يعني ممكن تركب كابل كات 5 في اي بورت كابل كات 5 اي في نفس البورت كات كابل كات 6 في نفس البورت وكلهم بيركب لهم نفس الكونكتور عادي جدا. اللي هو ال ار جي 45 اللي هو شبه سوكه التليفون ده بس الاعرض شويه اللي هو ليه تمن سنون نحاس. كابلات الكات 5 كلها او كابلات اليو تي بي كلها بتتتتوصيل بنفس الطريقه وبنفس المبدا ايه هو المبدا ده. لو هتوصل كابل بين جهازين شبه بعض يبقى هنستخدم طريقه التوصيل اللي اسمها كروس اوفر. وخلي بالك ده كلام ستاندرد ينطبق على اي فندور او اي شركه سواء شركه ديفايسز الاجهزه او شركه الكابلات. والالوان كلها ثابته زي ما قلنا في اي شركه بتصنع كابلات. ليه الالوان ثابته علشان لما طرف يتقطع او يحصل فيه مشكله خلاص انا عارف الترتيب الصح لان الكابل ده موصل بين جهاز كمبيوتر وسويتش وانا عارف ان جهاز كمبيوتر وسويتش الترتيب الالوان بتاعه كذا كذا كذا فاقطع الار جي ده واوصل ار جي جديد بنفس ترتيب الالوان. فلو عندي جهازين متشابهين من نفس النوع بنوصل توصيل بينهم اسمه كروس اوفر ترتيب الوان معينه. لو عندي جهازين مختلفين مش من نفس الكيان يبقى بوصل بينهم كابل اسمه ستريت او ستاندرد. من نفس الكيان ده يعني هوصل سويتش بسويتش راوتر براوتر جهاز كمبيوتر بجهاز كمبيوتر. اما من كيانين مختلفين يعني جهاز كمبيوتر بسويتش جهاز كمبيوتر سويتش براوتر. القاعده الوحيده اللي بتشذ عندي وهي ان احنا لما بنيجي نوصل راوتر بجهاز كمبيوتر بالرغم ان هم مختلفين الا ان احنا بنوصل بينهم كابل كروس اوفر وهنعرف ليه. دلوقتي كل نوع توصيل ليه ترتيب الوان معينه ايه هي الحكمه بقى ان انا بوصل بين الاجهزه التوصيلات دي او بيحصل تبديل زي ما هنشوف في الفيديو كده ازاي بنوصل الكابل. ليه بيحصل تبديل في بعض الحالات زي زي ما نيجي نعمل كابل كروس اوفر كده اللي هو يصلح لتوصيل الاجهزه المتشابهه ببعض في كابل بنجيبه في ناحيه من الناحيتين بنجيبه مكان فرده ثانيه بنبدل الفرد مكان بعض ليه. عندنا جهاز الكمبيوتر اول سنه فيه او اول بنايه نحاس دي سند ارسال لازم يستقبلها في نفس البنايه او نفس السن قصادها في السويتش استقبال يبقى ارسال بيبعت لاستقبال وهو فعلا كده السويتش اول بنايه فيه استقبال. علشان كده الكابل اسمه ستريت مستقيم يعني بيخرج من البنايه الاولى كابل رايح مباشره للبنايه الاولى في السويتش فارسال بيبعت لاستقبال. طب دلوقتي لو حصل جهازين كمبيوتر ببعض البنايه الاولى هنا ارسال وهنا برده ارسال ازاي بقى ارسال هيبعت لارسال ما ينفعش عشان كده بناخذ الوصله من هنا بنوديها للطرف الثالث اللي هو استقبال في جهاز الكمبيوتر. فده السبب اللي بيخلينا بنعمل عمليه التبديل بتاعه الكروس اوفر هنشوف الفيديو دلوقتي وهنعرف ازاي بنوصل الكابل وهنشرح عليه وهو شغال يلا بينا. طيب زي ما احنا شايفين كده الكابل قدامنا كابل الكات 5 وزي ما قلنا سواء اسمه كات 5 كات 5 اي كات 6 كات 6 كلهم شبه بعض. مكتوب عليه من بره اهو كات 5 اي والكات 6 نفس الكلام والكات 5 نفس الكلام كلهم شبه بعض وكلهم لما هتقشرهم هتلاقيهم عباره عن تمن فرد كل جوز ملفوفين حوالين بعض يعني اربع ازواج عشان كده اسمه تويست بيرز وادي الار جي الكونكتور بتاعنا. شبه السوكت او الكونكتور بتاع التليفون الارضي بس التليفون الارضي يبقى اثنين او اربعه ده ثمن سنون نحاس. الالوان بتاعتي دي الوان ثابته بتلاقي دايما لون ساده وملفوف حواليه كابل ابيض وفيه خط من اللون ده فبتلاقي الاورنج والملفوف حواليه كابل ابيض وفي خط اورنج فبنقول عليه ابيض برتقاني او ابيض وايت اورنج. والازرق نفس الكلام البني الاخضر الاورنج بيستخدم للارسال والاخضر للاستقبال. كان الاول لما كنا بنشغل بمبدا اسمه الهاف دوبلكس الهاف دوبلكس يعني يا نرسل يا نستقبل في نفس الوقت. كنا بنستخدم فرده واحده بس ارسال واستقبال وبعد كده عندي فردتين للباور موجب وسالب. دلوقتي الموضوع اتطور بقينا شغالين بحاجه اسمها الفول دوبلكس يعني في فرده ارسال بس وفرده استقبال بس. بس السرعه 10 ميجا طب عايزين نضاعف السرعه سواء سرعه الارسال او سرعه الاستقبال. فضفنا كابل زياده او فرده زياده فبقى الاورنج في كابل ابيض معاه بيساعده في الارسال. والاخضر في كابل ابيض معاه بيساعده في الاستقبال فالسرعه الضاعفت لما بقينا شغالين بمبدا ال 1000 ميجا او 1 جيجا دخلنا معاهم الكابل البني. سواء البني والابيض بني علشان نوصل السرعه لواحد جيجا فبقى مستخدم معايا البني والابيض بني في سرعه الجيجا اما الازرق والابيض ازرق فدول الباور موجب وسالب. ده شكل الكابل لما بنقشره هنبدا عمليه التوصيل طبعا احنا هنوصل الكابل بين جهازين مختلفين. فنوع التوصيل بتاعي هيبقى ستاندرد او ستريت وده ليه ترتيب الوان يتحفظ زي ما احنا شايفين هنا في الفيديو بيجيب لي الحاجات اللي هنستخدمها. وفي عندي هنا حاجه اسمها الكيسنج او بنقول عليه بالبلدي كده في الشغل القميص ده ملوش لازمه يعني مالوش حاجه ملحه. لكن هو ليه احتياج في ان احنا بعد ما نوصل الار جي او بنقرج بنغطي به الار جي لغرض مهم جدا انه بيحميه السوكت بتاع الار جي انه يشبك في حاجه فيتكسر. لانه لما بيتكسر السوكت او اللسان بتاع الار جي ويفضل يتهز بقى في في البورت بتاعه فيفضل الجهاز يفصل ويرجع يشتغل يفصل ويرجع يشتغل فده بيحميه السوكت ده من انه يتكسر. لكن هو ممكن ما تستخدمهوش دي الكرب او الاراجه طبعا سعرها رخيص دي عباره عن ديفايس كده زراديه فيها جزء بيقشر الكابل وفيها جزء بيقطع خالص وفيها جزء بتوصل فيه الكونيكتور او الار جي علشان تقرج الكابل او تغرز السنون النحاس في الفرد بتاعه الكابل فكده يبقى الكابل اتوصل. وده التيستر بنستخدمه في النهايه علشان نست الكابل الطرفين بتوع متوصلين وشايفين بعض تمام ولا لا قبل ما نوصله برده سعره رخيص. وادي القلم القلم مالوش اي احتياج هنا طبعا ما استخدمهوش خالص بس هو جايبه كده دلع يعني هنشوف هنستخدمه في ايه. هيركب طبعا الكيسينج الاول علشان في النهايه يغطي الار جي بعد ما يتوصل او يتجرب. هنا في جزء نص دايره كده في الارجا هيقشر بالكابل يقطع بس الكوت اللي بره. كده البيرز هتظهر قدامي وهيبقى في زي شعر حرير كده ده وظيفته بيقلل النويز. يعني تاثير الاشارات الخارجيه كابل كهرباء كابل تليفون اي حاجه موصله جنبه بيقللها. بيقلل تاثيرها يعني على الارسال والاستقبال وكمان بيحمي الكابل من انه لو حد داس عليه مثلا بيخليه الفرد اللي جوه تتزحلق من الاخر علشان ما يحصلش احتكاك ويتولد عنه حراره فيخلي الفرد دي تتقشر او تتقطع. هنا بيفرق بينهم علشان يجهز لترتيبهم الترتيب العلمي لتوصيل الكابل الاستريت. عندي ترتيب الالوان ثابت ويتحفظ في الكابل الاستريت ابيض برتقاني برتقاني ابيض اخضر ازرق ابيض ازرق اخضر ابيض بني بني. وعرفنا ان البرتقالي للارسال الاخضر للاستقبال وعندي البني والابيض بني بيساعده في الارسال والاستقبال بيضاعفوا السرعه وعندي الازرق والابيض ازرق دول للباور. لازم نضمهم جنب بعض كده ما بقاش في بينهم مسافات مع مراعاه ترتيب الالوان هنا بيستخدم القلم علشان يقطع مكان في مكان معين. هيعلم بالقلم يقطع فين طبعا احنا نقدر نميزها بالنظر نقطع فين ازاي لازم لما نيجي ندخل الكابل في الار جي شايفين في فتحه كده في الار جي اللي هي دي. حفره كده لازم جزء من الكوت الخارجي يعدي الفتحه دي لمجرد بس انه يديله متانه هو مش حاجه ضروريه بس هو الافضل عشان يدي الكابل متانه ويديله طوله العمر شويه يعني يفضل ان احنا نعدي جزء من الكود ده ندخله ويعدي الفتحه دي. فهنا بيحدد هيقطع فين لازم يقطع بالتساوي صف واحد ما بقاش في فرده طالعه فرده نازله. فهيقطع كده الفرد صف واحد بالتساوي مع مراعاه ترتيب الالوان خلي بالك وهيقوم مدخلهم في الار جي بنفس ترتيب الالوان بس تراعي ان الار جي السوكيت بتاعه يبقى لتحت. يعني من الشمال لليمين والسوكت او اللسان بتاع الار جي من يبقى لتحت وزي ما احنا شايفين اهو الكوت عدى الفتحه اللي احنا بنقول عليها في الار جي عشان بس يديله متانه. وكده الار جي جاهز انه يدخل في الاراجه ونغرز السنون النحاس في الفرد فكده يبقى الكابل اتوصل طبعا الار جي مالوش غير مكان واحد في الاراجه. نضغط بقى للاخر عشان نغرز السنون النحاس في الفرد كده يبقى الكابل تارج معايا. تمام هنغطيه بقى بال للقميص او الكيسنج علشان نحمي السوكت السوكت ده لما بيشبك في حاجه ويتكسر بيطلع عيني في الشغل. فاحنا كده بنحميه من انه يشبك في اي حاجه بنجيب التيستر بعد كده نوصل طرف في ناحيه دايما التيستر بيجي جزئين. بنوصل طرف في جزء وطرف في الجزء الثاني اي تيستر بيبقى زي ما احنا شايفين كده عباره عن ليداد لمبات. لمبات من واحد لثمانيه هنرجع الجزء ده ثاني عشان الفيديو حصل فيه تزغيل زي ما انت شايف كده كل طرف فيه ليدات او لمبات من واحد لثمانيه وهنا برده من واحد لثمانيه المفروض لو الكابل سليم اول ما اشغل التيستر اللمبه رقم واحد هنا تنور في نفس الوقت مع اللمبه رقم واحد هنا وبعدها اثنين بالترتيب لو حصل لخبطه اقطع على طول ووصل ار جي جديد ما بيتعالجش. فالمفروض كده لو الكابل سليم ينوروا بالترتيب قصاد بعض بص كده كده الكابل سليم مفيش اي مشاكل بس خلي بالك ده كده كابل ستريت او ستاندرد يصلح لتوصيل الاجهزه المتختلفه. اما الكابل الكروس اوفر فبنعمل فيه حركه بسيطه جدا اللي هو الكابل اللي بيصلح لتوصيل الاجهزه المتشابهه. بنجيب الطرف رقم واحد مكان الطرف رقم ثلاثه والطرف رقم اثنين مكان الطرف رقم سته خلي بالك ده بيبقى في ناحيه واحده بس يعني كانك هتوصل كابل ستريت عادي. في ناحيه بتوصلها الترتيب بتاعنا ابيض برتقاني برتقاني ابيض اخضر ازرق التوصيل العادي الطبيعي. الناحيه الثانيه بس اللي بتعمل فيها عمليه التبديل دي بتجيب الطرف رقم واحد مكان تلاته واثنين مكان سته ليه عشان زي ما قلنا رقم واحد هنا هيبقى سند فانا عايزه يبعت لرسييف طب وبعدين اللي قدامي نفس النوع بتاعي انا يعني عنده الطرف الاولاني برده سند ازاي سند هيبعت لسند لا بنخلي الطرف الثاني الكابل بتاع السند يروح للفتحه رقم ثلاثه او السن رقم ثلاثه لان ده رسييف فواحد هنا في الطرف الاولاني اللي هو سند بيبعت لرسييف اللي هو الفتحه رقم ثلاثه وهكذا في باقي الكابلات فانت تحفظها كده. طرف هيبقى ستريت عادي اما الطرف الثاني فبنعمل فيه عمليه التبديل بنجيب واحد مكان تلاته واتنين مكان سته يعني بمعنى اصح بتبقى الالوان في طرف واحد بس في الكابل الكروس اوفر كالتالي ابيض اخضر اخضر ابيض برتقاني ابيض برتقاني ازرق ابيض ازرق برتقاني ابيض بني بني. ده كده الكابل الكروس اوفر وزي ما قلنا في طرف واحد بس كده نبقى وصلنا الكابل ومجهز للشغل. جزئيه اخيره عايزين نوضحها وهي سؤالين دايما ناس بتسالهم انا عندي في الشغل في سويتشات لما اجي اوصل بينهم كابلات بصل بينهم اي كابل سواء كان كروس اوفر او ستريت وبيشوفوا بعض ده ايه سببه. سببه ان في عندي خاصيه اسمها الميدكس ميدكس ام دي اي اكس ده اوبشن عندي حاجه اسمها الميدي والميدكس الميدي اللي هو التوصيلات العاديه بتاعتنا. اللي هو التوصيل الطبيعي اللي هو الستريت يعني اما لما يقول لك السويتش ده بيدعم خاصيه اسمها الميدكس ولازم السويتشين يكونوا بيدعموا خاصيه الميدكس ده معناه انه اوبشن اضافي. بيمكنك انك لو وصلت بينهم اي كابلين يشوفوا بعض فمش لازم ترتعب النظام العلمي هنا يعني مش لازم يبقى كابل كروس اوفر لا ممكن وصلت بينهم كابل ستريت برده يشوفوا بعض.
[16:27]فده اوبشن ولازم السويتشات او السويتشين المتوصلين ببعض يكونوا بيدعموا نفس الاوبشن. طيب عندي سؤال ثاني واحد بيقول لي انت بتقول لي في قاعده بتشز دلوقتي عندي ان انا لو وصلت راوتر بجهاز كمبيوتر ودول جهازين مختلفين دي الحاله الوحيده اللي بصل فيها كابل كروس اوفر زي ما احنا شايفين كده في الصور اهو اجهزه متشابهه بتوصل بكابل. سيبك بقى من الاجهزه اللي احنا مش عارفينها اللي هو سويتش بهاب لان هم يعتبروا نفس الحاجه بس الهاب ده حاجه قديمه شويه لكن هتلاحظوا ان كلهم اجهزه متشابهه ما عدا الحاله الوحيده الشاذه اللي هو توصيل راوتر بجهاز كمبيوتر نوصل كابل كروس اوفر. فواحد يقول لي راوتر الاي دي اس ال اللي بي اللي انا بجيبه كده مع خدمه الاي دي اس ال ابو اربع فتحات ده بيجي معاك بيجي معاك كابل ستريت وبيوصله عادي بينه وبين جهاز الكمبيوتر بيشوفوا بعض فكابل ستريت اهو متوصل من الراوتر لجهاز الكمبيوتر هقول لك لا. ده مش راوتر في الحاله دي انت بتوصل سويتش بجهاز كمبيوتر الراوتر ابو اربع فتحات ده ده راوتر وبلت ان في سويتش يعني جاي مدمج فيه سويتش. لان الناس اللي في البيت دول عندهم يعني نوفايس يعني ما عندهمش خبره فمش معقول هيفضلوا يقول لهم بقى جيب راوتر لوحده وسويتش لوحده وتوصل من فبيجيبوا لهم ديفايس مدمج كده عملي سهل التوصيل فبيجيبوا راوتر مدمج في سويتش فعشان يسهل عمليه التوصيل بالنسبه له فاللي انت بتوصله ده سويتش مش راوتر الراوتر انت ما بتبقاش شايفه هو مدمج مع السويتش لكن لو لقيت راوتر اي دي سي اللي جاي بفتحه واحده بس ده لازم هتلاقي معاه كابل كروس اوفر لازم لان كده هينطبق عليه بقى الكلام العلمي بتاعنا.
