[0:00]السلام عليكم ورحمه الله وبركاته. البحر الميت واللي اسمه مخالف لطبيعته على عده مستويات بدا يموت بالفعل، وفي ناس بتساهم بشكل حرفي في قتله واختفاءه من على وجه الارض. وساعتها هيستحق اسمه عن جداره، في الوقت اللي بيرتفع فيه منسوب مياه البحار على مستوى العالم بينخفض منسوب البحر الميت بشكل مخيف. البحر الواقع في اخفض نقطه على اليابس على وجه الارض، ويعتبر من اهم مناطق السياحه العلاجيه على مستوى العالم كله. ده غير انه من اهم الركائز الاقتصاديه في المنطقه، وبالرغم من كل ده في توقعات باختفاءه تماما من على الخريطه خلال سنين معدوده. بل ان المحيطه بيه وبسبب قرب اندثاره بدات تتحول تدريجيا من اروع المناطق الطبيعيه على وجه الارض لواحده من اخطرها على الاطلاق. اهلا بكم انا عمرو عابدين والحلقه دي هنتكلم عن البحر الميت. وقبل ما نبدا لو لسه جديد في القناه ما تنساش تعمل سبسكرايب وتفعل الجرس علشان توصلك فيديوهاتنا اول باول.
[1:04]بالرغم من اسمه الغريب الا ان البحر الميت عباره عن بحيره مالحه مغلقه موجوده بين الاردن وفلسطين في جنوب غرب اسيا. والمصدر الرئيسي لمياه البحيره بيتمثل في نهر الاردن واللي بتدفق مياهه من الشمال وصولا للبحيره. وبترجع تبعيه الشاطئ الشرقي من البحيره للاردن والشاطئ الغربي لفلسطين، وان كان الاحتلال الصهيوني هو اللي فارط سيطرته على الجزء الجنوبي والشمالي من الشاطئ الغربي. والجزء الشمالي من الشاطئ الغربي ده موجود بالضفه الغربيه بفلسطين، وطبيعتها غير الساحليه وعدم اتصالها باي محيطات او بحار خارجيه بيخلي الميه تتبخر وتسيب وراها كميات مهوله من الملح محصوره في البحيره وعلى شواطئها. والعمليه دي بتؤدي لكثافه مياه البحيره بصوره غير طبيعيه، لدرجه انها من اكثر المسطحات المائيه على وجه الارض اللي ممكن تطفو عليها بمنتهى السهوله. وبيعتد الزائرين انهم يسيبوا نفسهم تماما في سطح الميه وهي ترفعهم بكل بساطه ويستمتعوا بالاجواء من غير ما يحتاجوا للسباحه او يخافوا من الغرق. وفي الوقت نفسه الملوحه الزائده للبحيره واللي بتوصل لما يقرب من تسع اضعاف ملوحه مياه المحيط بتخلي الحياه في البحيره للاسماك والنباتات مستحيله. ومن هنا اخذ البحر الميت اسمه، بس الحقيقه البحر مش ميت بالكليه. اكتشف العلماء وجود انواع من الطحالب والبكتيريا بتعيش في قاع المياه، والبحر الميت مش هو الاسم الوحيد اللي تم اطلاقه على البحيره. وقديما كانت معروفه باسم بحر الموت او البحيره المنتنه بسبب الريحه النفاذه للمياه وشواطئها، ومن الاسماء اللي اتعرفت بيها كمان هي بحيره ظغر وبحيره لوط. وبيقال ان نبي الله لوط عليه السلام سكن هو وقومه بالقرب منها، وبالرغم انها واحده من املح الاجسام المائيه على وجه الارض الا انها وعلى عكس الشائع بين الناس مش بتحتل المرتبه الاولى على مستوى الملوحه بين المسطحات المائيه. واللقب ده بيرجع لبحيره دان خوان الموجوده في القاره القطبيه الجنوبيه، واللي بتوصل نسبه ملوحتها لاكثر من 40% مقارنه ب 34% للبحر الميت. والبحيره دي عمرها ما بتتجمد بسبب ملوحتها العاليه والكلام ده بالرغم من ان درجات الحراره هناك ممكن توصل ل 50 درجه مئويه تحت الصفر. وشده ملوحه البحر الميت بتؤدي لانتشار اشكال عجيبه من الملح على الشاطئ، زي القالق الملحيه واللي بتتشكل نتيجه الرياح وحركه المياه. ده غير كمان مكعبات الملح العجيبه والمعروفه باسم الماس الملح واللي بتتكون بسبب ضغط التربه جوه الطبقات الطينيه للبحيره. يعتبر البحر الميت واحد من اشهر وانشط مناطق السياحه العلاجيه على مستوى العالم، الاملاح الموجوده فيه بتساعد على تخفيف امراض جلديه مختلفه زي الحساسيه والصدفيه والاكزيما وحب الشباب. والمعادن الوفيره الموجوده في الميه زي المغنيسيوم والصوديوم والبوتاسيوم بتعزز من قدره الجلد على الاحتفاظ بالرطوبه وده بيساعد على صحه الجلد ونعمته. ونفس الامر بينطبق على طين البحر الميت واللي بيعتاد الزائرين انهم يدهنوا على جسمهم علشان يستفادوا من فوائده الصحيه.
[4:09]وبيدخل طين البحر الميت في عدد من مستحضرات التجميل المنتشره على مستوى العالم، والفوائد العلاجيه والصحيه للبحر الميت مش بس بتقتصر على الميه والطين لكنها بتشمل الهواء كمان. يعتبر البحر الميت اكثر بقعه منخفضه على وجه الارض، وده بسبب انخفاض اراضيه على مستوى سطح البحر ب 430 متر. ولان الضغط الجوي بيقل مع الارتفاع عن سطح الارض ومعاه بتقل معدلات الاكسجين فمش هتلاقي بقعه على وجه الارض فيها كميه اكسجين كبيره زي منطقه البحر الميت. وبترتفع نسبه الاكسجين في الجو هناك عن معدلات الاكسجين الطبيعيه على مستوى سطح البحر بنسبه تتراوح من 3.3% ل 4.8%. واكثر ناس بتحس بالفرق ده هم اللي بيعانوا من امراض الصدر اللي زي الرب واللي بيحسوا بقدر واضح من الاختلاف اثناء وجودهم بالمنطقه. بل ان شده الضغط الجوي بيخليك تحس بضغط في ودانك وانت رايح ناحيه البحيره بشكل مماثل للي بتحس بيه لو راكب طياره وبتهبط بيك من الجو. وبخلاف اهميته على المستوى السياحي فالبحر الميت ليه اهميه اقتصاديه كبيره وبترتكز عليه عدد من الصناعات سواء الخاصه بمستحضرات التجميل او المتعلقه بالفوسفات والبوتاس والملح. وبالمناسبه اهميه ملح البحيره على المستوى الاقتصادي بترجع لقديم الزمن، واثناء تواجد الرومان في منطقه الشرق الاوسط فرضوا سيطرتهم على الطرق الواقعه بالقرب من البحر الميت بسبب اهميه الملح بالنسبه لهم. والرومان وقتها كانوا بيتعاملوا مع الملح زيه زي اي عمله نقديه، وكانوا احيانا بيقبضوا جنودهم كميات من الملح بدل العملات المعدنيه. لكن بالرغم من اهميته الكبيره في المنطقه الا ان البحر الميت بيواجه خطر الاندثار ومن الممكن يتلاشى تماما من على خريطه العالم. بالرغم من ان البحر الميت بينخفض عن مستوى سطح البحر ب 430 متر الا ان الرقم ده ما كانش كده في السابق وهيفضل يزيد في المستقبل. منطقه البحر الميت بتمثل جزء من صدع اخدود، والصدع الاخدودي ده هو الصدع اللي بينشا نتيجه حدوث صدعين متوازيين وفيه هبوط ما بينهم. ومن قبل ظهور الصدع ده بملايين السنين كان البحر الابيض المتوسط بيغطي بلدان عربيه زي سوريا وفلسطين، لكن مع تصادم الصفيحه العربيه مع الصفيحه الاوراسيه بالشمال ارتفع بقى قاع البحر وادى لظهور مرتفعات شرق الاردن ووسط فلسطين. واللي بدورها اثرت على هبوط السطح الاخدودي، وبصور الصدوع وحركه الالواح التكتونيه ما زال البحر الميت بينخفض سنويا بمعدل متر تقريبا. وبدايه من ستينيات القرن الماضي بدا الاحتلال الصهيوني يحول مياه نهر الاردن واللي تعتبر المصدر الرئيسي لمياه البحر الميت الى منطقه النقب جنوب فلسطين. والعمليه دي كمان ادت لانخفاض حاد في مستوى مياه البحيره، وبالمره القصه دي اثرت كمان على اللي اتبقى من مياه النهر اللي بيتتدفق داخل الاردن. وحرمت وادي الاردن من المياه الصالحه لري مساحات شاسعه من الاراضي، ده غير انه في نفس الفتره بدا الاحتلال الصهيوني والاردن ينشئوا مصانع لاستخراج الاملاح وانتاج المواد الكيميائيه والبوتاس اعتمادا على مياه البحيره. ووصل انخفاض منسوب الميه في البحر الميت لما يقرب من 1.5 متر سنويا، بل ان مساحه البحيره نفسها بدات تتقلص بشكل يخض. فبعد ما كانت مساحه سطحها بتوصل ل 1050 كيل متر مربع في الثلاثينيات وصلت في عام 2016 ل 605 كيل متر مربع. وعلى مدار ال 70 سنه اللي فاتوا تراجع مستوى البحر الميت بنسبه 30 متر بمعدل 70 سم سنويا. لكن التراجع ده ارتفع في السنين الاخيره ووصل لمعدل متر و20 سم في السنه، وبالرغم من ان في نظريات بتقول ان البحر الميت مش هيختفي بالكليه بسبب عمقه الا ان البعض بيشوف ان الكلام ده غير حقيقي. وادى الانخفاض في مستوى مياه البحيره وحجمها في اواخر القرن العشرين واوائل القرن الحالي لتغير شكلها بصوره كبيره. البحر الميت مكون من حوضين حوض شمالي وحوض جنوبي، الحوض الشمالي بيضم 3 اربع المساحه الكليه للبحيره وبيوصل عمقه لحوالي 300 متر. اما الحوض الجنوبي بيوصل عمقه لاقل من 3 امتار فقط، ومع مرور الوقت انقسم الحوض الجنوبي ده لعشرات من احواض التبخر الضخمه لاستخراج الاملاح او الفوسفات. ومع دخولنا في القرن ال 21 اصبح البحر الميت يقتصر تقريبا على الجزء الشمالي فقط لا غير. تراجع منسوب المياه في البحر الميت خلف وراه عواقب بيئيه واقتصاديه في منتهى الخطوره، فبعض المنتجعات اللي كانت مطله بصوره مباشره على مياه البحيره في اواخر الثمانينيات. دلوقتي بقت بتنقل الزائرين بعربات مسافه 2 كيلو علشان يوصلوا للشاطئ، والمنطقه المحيطه بالبحيره ذات نفسها بدات تكون خطر على الناس بسبب تركيبه التربه الضعيفه في المنطقه وظهور مئات الحفر الضخمه. وانتشرت اعداد مهوله من التجاويف او الحفر اللي ممكن تعرض حياه الناس للخطر، ومع انحسار المياه في البحيره انحسر معاها طبقات المياه الجوفيه على طول محيط البحيره. لان الملح اللي بتسيبه مياه البحيره وراها بيدخل في الشقوق الصغيره في الارض وبيختلط بالمياه العزبه ويخلي الارض من فوقيه تنهار بدون سابق انذار. وعلى مدار ال 15 سنه الاخيره ظهرت اكثر من 5000 حفره ما كانش ليها اي وجود على الاطلاق من 50 سنه بس. بعض الحفر دي بيوصل قطرها ل 100 متر وعمقها بيوصل ل 50 متر، وما بين العوامل الطبيعيه والبشريه لو الامر استمر على حاله وما قدرناش نحافظ على ما تبقى من مياه البحيره هيختفي البحر الميت بالكامل من على الخريطه. وهتفقد المنطقه واحده من اهم الموارد الاقتصاديه ومن اهم معالمها السياحيه على الاطلاق ووقتها هيبقى البحر الميت اسم على مسمى. وبكده نبقى اتكلمنا النهارده عن البحر الميت، تحبوا نتكلم عن ايه في الفيديوهات الجايه؟ اكتبوا لنا في التعليقات، ولو الفيديو عجبكم ما تنسوش اللايك والشير. والناس اللي اول مره تشوفنا اعملوا سبسكرايب وفعلوا الجرس علشان توصلكم فيديوهاتنا اول باول، واشوفكم الحلقه الجايه.
