العقلية النامية | حقيقة الفشل | الحلقة الأولى

[0:00]انك تفشل كل مرة بشكل افضل. لما بيغلطوا بينظروا نظره ايجابيه لاخطائهم، وان هي فرصه للتعلم، فرصه للتعلم. السلام عليكم ورحمه الله وبركاته. في الحقيقه النهارده هي حلقه جديده ولكن بدايه لسلسله من اهم السلاسل اللي حضراتكم ممكن تشاهدوها في حياتكم. لانها بتتعرض للمعضلات والافكار والوعي اللي بيؤدي للاكشن، للفعل، للدراسه، للاجتهاد، للمثابره، للمعافره. فاحنا بنروح بالسلسله دي نمسك الجذور جذور اي مشكله، جذور اي معضله في حياتنا بتخلينا نريح، بتخلينا نرضى بالاخفاق، ونعتبره نهايه الدنيا. العلماء بيقسموا عقول البشر ما بين طريقتين، ما بين وعيين. انا كرمزي عبد العزيز بسميهم العقليه النايمه والعقليه الناميه. ففي واحد عقليته نمو، عقليه تطوير، عقليه مبنيه على التحديات والايجابيه وانه بيشوف الاشياء بمنظور اخر. وفي عقليه ثانيه انا بسميها عقليه النوم او عقليه النايمين هم بيقولوا العلماء عليها العقليه الثابته. ليه الثابته؟ لان هي مش هتفضل ثابته، لو غيرنا الوعي بتاعها، لو اشتغلنا عليها، لو غيرنا افكارنا وفهمنا احنا زي مخنا بيشتغل هنبدا نغير طريقه تفكيرنا وبالتالي الاكشن اللي احنا بناخده الفعل اللي احنا بناخده هيتغير بسهوله شديده. لو اتنين قاعدين مع بعض جالسين مع بعض في اي موقف معين، فهتجد واحد شايف مشكله معينه في حياته معضله، وبيقول انا وقعت في المشكله دي، بيبدا يفكر ان المشكله دي ليها حل هو في دماغه كده ان ليها حل وان هي تشالنج، وانا همشي خطوه بخطوه من تماما اني هوصل للحل ده، وان انا هتعلم من المشكله دي شيء،. مع الوقت طول ما هو بيوصل في طريقه للحل بيقول لسه شويه، لسه شويه محتاج اتعلم، لسه شويه محتاج اقرا، انا قفلت الحته دي، لكن الحته دي لسه ما جاتليش، لكن انا عارف ان هي هتتحل في الاخر لان مفيش مشكله الا ولها حل يعني، بفضل الله عز وجل. ده عقليه اللي بنقول عليهم الجروث ماين سيت. العقليه الثانيه لا، انا بذلت كل طاقتي، انا شايف ان دي النهايه، انا مش ذكي، انا لو كنت ذكي كان زماني خلصتها، ده فلان ده بيعملوها في ثانيه، تك تك تك بتنتهي بسرعه، الشهاده اللي انا قاعد مطول فيها دي والكورس اللي انا مطول فيه ده، والجامعه اللي انا مطول فيها دي لا، ده في ناس ثانيه بتاخدها بصباع رجليها هم اصلا مولودين اذكياء يعني. اصل انا ما عنديش الوضع اللي يخليني او يسمحلي ان ابقى زي الناس اللي نجحت، بمعنى يشك في قدراته العقليه، يشك في امكانياته، الاب والام، اصل انا تربيتي، توجيهي، مدرستي، كليتي، أأ، المهم نجري ندور نفتش على حاجه. هو اصلا تعليم دوني، تعبان، مش هيوصلني لاي حاجه، كل اللي بحكي فيه ده العلماء بيسموها او في الكتب الفيكسد ماين سيت. الناس الثانيه بقى اللي هي الايجابيه اللي بيدوروا على الحلول يفكروا ازاي يتعلموا وان تعلمهم يخليهم يوصلوا لحلول، لحلول لاي مشكله في حياتهم مهما كانت صعبه وهم عارفين هم يوصلوا لها ويتعلموا منها. دول الجروث مايند سيت. افضل واحده شفتها صنفت الموضوع دوت واتكلمت فيه ودخلت فيه بالعلم فعلا بالساينس ودراسات هي عالمه اسمها كارول دويك. ولها كتابين، الكتاب الأول ذا نيو سايكولوجي اوف سسيس والكتاب الثاني اللي نشرته سنه 2012 ذا واي يو ينك تو فولفيل يور بوتينشال. لو غيرت تفكيرك هتقدر توصل لامكانياتك الحقيقيه. وليها تيت توك بروفيشنال جدا على تيدكس. العلماء عملوا مسح لمجموعه بتفكر بالطريقه دي ان كل مشكله ولها حل وهم في الطريق دائما للحلول وايجاد حلول اللي هم بيتقال عليهم الجروث مايند سيت، والناحيه الثانيه اللي هم الفيكسد مايند سيت. الناس اللي عندهم جروث مايند سيت بيقول لك ان الفشل ما هو اصلا الا خطوه ان انا اطور بيها نفسي. في دراسه اتعملت سنه 1998 جابوا 128 طفل. الدراسه دي عملتها كارول دويك وال 128 طفل دول كانوا في سنه خامسه، وجابوا لهم زي مساله رياضه كده ومسائل رياضه، قسموهم لمجموعتين، مجموعه لما جم يحلوا المساله قالوا لهم انتوا اذكياء انتوا نوابغ انتوا شطار. المجموعه الأولى قدروا الذكاء بتاعهم، والمجموعه الثانيه قدروا المجهود، تعبهم والرحله، احسنتم اجتهدتم فعلا لحد ما وصلت وبداوا يدرسوا سلوك الاطفال دول في امتحانات لاحقه، يعني مسائل ثانيه يمتحنوهم فيها، فوجدوا بالتبعيه ان الاطفال كل ما بيمدحوا فيهم حته الذكاء والعبقريه، لما جم في مسائل صعبه ما قدروش يحلوا. ليه؟ فقدوا الثقه بانفسهم ليه؟ ما بقوش اذكياء، من الاخر انحضر درجاتهم وتققهرت، بينما الناس اللي مدحوا فيهم اجتهدهم ومثابرتهم ومعافرتهم، الناس دي اشتغلت على نفسها وبدات تطور في نفسها شيئا فشيئا، وحتى لو هم ما وصلوش للحل ما عندهمش اي مشاكل ما تهزتش ثقتهم بنفسهم. ما تهزتش ثقتهم بنفسهم. عشان كده حتى واحنا مع نفسنا، احنا احنا ككبار مع انفسنا، لازم نقدر نفسنا ونشجع نفسنا لاجتهادنا والرحله تعلم، مش الزلت والنتيجه وان احنا اذكياء ولا مش اذكياء حتى احنا من نفسنا، مش بس مع اطفالنا يعني ان احنا لازم نمدح دايما اجتهدهم ومثابرتهم. البروسيس هي اللي تبقى محل التقدير وليست الريزلت النتيجه، وما ننسيبش النتيجه ونربطها بالذكاء. في تجربه ثانيه اتعملت على 10 فتيات من فنلندا من هنا، وجدوا ان الناس اللي عندها جروث مايند سيت لما بيغلطوا بينظروا نظره ايجابيه لاخطائهم، وان هي فرصه للتعلم، بينما الناس الثانيه اللي عندها فيكس مايند سيت بينظروا ان دي نهايه المطاف وان احنا اغبياء وخلاص الموضوع خلص على كده. في كاتب ايرلندي له مقوله في غايه غايه غايه الروعه، بيقول حاولت فشلت، حاول مره ثانيه، فشلت، حاول مره ثالثه، المهم انك تفشل كل مره بشكل افضل. يعني هو شايف ان الفشل ما عندوش اي مشكله ابدا، هو الفشل هو فرصه كبيره جدا الله سبحانه وتعالى منحها لينا للتعلم. احنا كده شرحنا ازاي ان الوعي وازاي ان الفكر اشتغلوا الاثنين مع بعض، السلسله بقى اللي انا عايز اتكلم عنها ان هيكون معانا في سبع انماط للناس اللي عندها جروث مايند سيت، ازاي بيفكروا، ازاي بيوصلوا للحلول، ازاي بيشتغلوا، ازاي بييروا التحديات والعقبات والمشاكل بشكل مختلف عن فيكسد مايند سيت. فلو حضرتك من دول او من دول تابع السلسله دي السبع حلقات دي هتكون قصيره وهتكون مركزه جدا وبتدلك على ايه هي مواصفات الناس اللي هم عندهم جروث مايند سيت وايه طريقه تفكيرهم واشوفكم ان شاء الله كل يوم الساعه 6:00 واوعوا تنسوا تفعلوا الجرس وتعملوا سبسكريبشن واستنونا كل يوم الساعه السادسه على قناتنا على اليوتيوب والسلام عليكم ورحمه الله وبركاته.