كل الي محتاج تعرفه عن دور البرد اعراضه وعلاجه بالتفصيل - common cold otc

[0:04]السلام عليكم واهلا بكم في حلقه جديده من كورس ال سي لو دخلك مريض الصيدليه وقال لك يا دكتور انا بشتكي من دور برد وعاوز علاج للبرد هتتصرف معاه ازاي؟ ملحوظه سريعه كده دور البرد بيكون المسبب ليه فيروس انفكشن فيروس والمضادات الحيويه مش بتشتغل على الفيرال انفكشن بتشتغل فقط على البكتريال انفكشن البكتيريا. بس في حالات بنستخدم فيها المضادات الحيويه مع الفيرال انفكشن وهقول لك عليها قدام شويه. بس الاول خلينا متفقين ان علاج دور برد ملوش اي علاقه بالمضاد الحيوي. امال بنعالج دور برد ازاي؟ دور البرد زي ما احنا قلنا بيكون المسبب ليه فيروس انفكشن وده بياخد وقته وبيروح. يعني مثلا هيقعد ثلاث ايام او سبع ايام بالكثير ويختفي احنا بس بنعالج الاعراض اللي ظاهره على المريض. طيب ايه هي الاعراض اللي ممكن تلاقيها علشان تعالجها؟ ممكن تلاقي ارتفاع بسيط في درجه الحراره، التهاب الحلق، وجع في العضلات والجسم بصفه عامه مع صداع، رشح او سلان الانف، احتقان الانف، كحه مع عطس. تعالوا كده بقى نشوف علاج الاعراض دي واحده واحده بالتفصيل. طيب دلوقتي احنا عاوزين نعالج الحراره والالتهاب والم الجسم والصداع. دول بنعالجهم بمسكن ومضاد التهاب زي الايبوبروفين وممكن كمان نستخدم الباراسيتامول. واحتقان الانف والرشح بنعالجهم بمزيل احتقان نيزل ديكوجستانت. لكن من عيوبه ان لو استخدمته فتره اطول من ثلاث ايام هو اللي هيعمل احتقان خصوصا لو كان بخاخ. فالحل انك تستخدمه وتوقفه يومين او ثلاثه وترجع تستخدمه ثاني. والنيزل دي كونجستانت في منها نوعين سودو افدرين والفينيل ايفدرين. الفينيل ايفدرين ده ممنوع مع مرضى الضغط والقلب والحامل والمرضعات ممنوع بن عنتا. كمان هنستخدم مضاد الحساسيه انتي هيستامينيك خصوصا في حالات الكحه والعطس. والانتي هيستامينك فيه منه فيست جنريشن يسبب نعاس زي الكلورفينرامين وسكند جنريشن لا يسبب نعاس زي اللوراتادين. طيب ليه احنا قلنا الكلام ده دلوقتي علشان اقول لك ان علاج البرد بنستخدم له مسكن مع مضاد حساسيه ومزيل احتقان. طيب دلوقتي عاوزين نعالج المريض اللي بيشتكي من دور برد هل هديله علبه من كل نوع ولا هنعمل ايه؟ لا طبعا احنا عندنا في الصيدليه ادويه برد زي الكومتركس والكونجستال. ودول فيهم مضاد حساسيه كلورفينرامين فيست جنريشن يسبب نعاس وفيه باراسيتامول مسكن وخافض حراره وفيه سودو ايفدرين مزيل احتقان. طيب لو قال لك يا دكتور انا عاوز علاج للبرد بس ما ينامش. وقتها ممكن تطلع له تراميد فلو وده فيه مضاد حساسيه لوات الدين لا يسبب نعاس وفيه باراسيتامول مسكن مخفف حراره وفيه سودو افدرين مزيل احتقان. لو لقيت الحاله اللي معاك بدا يظهر عليها اختناق ضيق تنفس او جلده بقى باهت او بيزرق او بيتنفس بسرعه وبينك منك وفي تزييق في الصدر هنا لازم يروح لدكتور او اقرب مستشفى. دورك هنا كصيدلي انتهى. طيب امتى بنستخدم المضاد الحيوي؟ لو ظهر اي التهاب في الاذن الوسطى مع وجع جامد جدا او لو الحراره فضلت مستمره مع المريض لاكثر من اسبوع. كمان لو المخاض اتغير لونه للون اخضر دي كلها علامات تدل ان حصل سكندري بكتيريال انفكشن. طيب لو اتاكدت ان المريض عنده حاجه من الثلاث حاجات اللي قلنا عليهم دول بنستخدم له مضاد حيوي ايه؟ ممكن تصرف له زيثرون او زيثروماكس وبيتاخد لمده ثلاث ايام او ممكن يستخدم اجمانتين لمده اسبوع. طيب لو دخل لك الصيدليه واحده حامل هي اللي بتشتكي من دور برد. ادويه ال سي في فتره الحمل تكلمنا عليها في حلقه خاصه بالتفصيل هاسيب لكم رابط الحلقه في التعليقات ان شاء الله. كمان في نصائح مهمه لازم تقولها للمريض علشان يتحسن بسرعه ان شاء الله. اهم حاجه الراحه التامه. ابعد عن اي مجهود علشان جسمك يستفاد وتشحن طاقتك اسرع فتخف اسرع. حاول تحافظ على كميه السوائل اللي في جسمك اشرب ميه بكميات كبيره جدا. ابعد خالص عن الشاي والقهوه والمنبهات لانها مضره للبول وانت محتاج سوائل في جسمك. ابعد تماما عن اللبن ومشتقات الالبان لو ربنا ابتلاك وبتشرب سجائر حاول تبطلها حتى الفتره دي عشان صحتك. اوعى تكبر نفسك على الاكل كل بس لما تجوع. ابعد عن الاكل السمين وكل مسلوق وخضار وفاكهه كتير. لو حابب توصف فيتامين سي يا ريت يكون كورس صغير علشان ما يكونش حصوات على الكلى. اهم نصيحه تقدمها للمريض شرب سوائل دافيه كتير زي النعناع حلبه يانسون زنجبيل قرفه ليمون. استخدامه للثوم والبصل سواء في الاكل او حتى لوحده كفايه جدا في العلاج بسبب المواد الفعاله اللي فيهم بس ما يكثرش منهم. ولحد هنا خلصت حلقتنا ويا رب تكونوا استفدتم والى اللقاء في حلقه اخرى والسلام عليكم ورحمه الله وبركاته.