Business Model Canvas 03 Channels : قنوات التواصل

[0:08]بعد ما بينا شرائح العملاء والقيم المقترحه جا الوقت باش نتعرفوا على قنوات التواصل. يبين حجر البناء هذا كيفاش تواصل المنشاه مع شرائح عملائها لتحقيق القيم المقترحه. تظهر الاهميه الكبيره تاعو في انه الواجهه اللي يلمسها العملاء وتلعب دور كبير في تجربه العميل. بالمختصر لهنا راح تبان الاحترافيه تاعك. لانه لهنا راح تعرف بالمنشاه منتجاتها او خدماتها. راح تمنح العملاء الفرصه لتقييم المنتجات وشرائها. راح تحدد طرق التوصيل. وتبين خدمات ما بعد البيع. لهنا راح نجاوبوا على الاسئله التاليه: ما هي القنوات اللي العملاء تاعنا حابين نوصلوا لهم بها؟ هل قنواتنا كافيه او نحتاجوا قنوات اخرى؟ وما هي القنوات اللي تعطينا اكبر فعاليه بالنسبه لكلفتها؟ عموما يمكن تلخيص قنوات التواصل في خمسه مراحل رئيسيه. اولا الوعي. هنا نقصد جذب انتباه شريحه العملاء المستهدفه الى العلامه التجاريه او المنتج تاعك. لتحقيق هذا نستعملوا وسائل الاشهار المختلفه. كما وسائل التواصل الاجتماعي، التلفزيون، الراديو، وغيرها من الوسائل اللي تحقق لنا الغايه هذه. ثانيا التقييم. كاين بعض المنتجات اللي تحتاج للتجربه قبل بيعها. لذلك لازم نخليو العميل يجرب المنتج. يكون الامر هذا ساهل اذا كان عندنا محل لبيع الملابس مثلا. العميل راح يجي يقيس ويشري الى عجبته. لكن اذا كنت تبيع عبر الانترنت الامر هذا راح يكون صعيب شويه. مثلا نفرض انك تبيع كتب الكترونيا. لو كان تخلي العميل يقرا الفهرس وشويه صفحات راح تخليه يدي تقييم للكتاب المعروض. وهذه هي الطريقه اللي تبعها العملاق امازون. او كما يديروا شركات بيع برامج الحاسوب اللي تمد مده تجريبيه للبرامج تاعها. او تعطيك فتره معينه كضمان تقدر ترجع فيها دراهمك اذا ما عجبكش المنتج. كل هذه الطرق باش تخلي العميل يقيم المنتج او الخدمه تاعك. ثالثا اليه الشراء. الامر هذا راح يكون ساهل في محل تجاري راح يكون بالطريقه التقليديه تسليم ودفع. لكن لما يكون البيع عن طريق الانترنت لازم نلقاو طرق اخرى للدفع. كما مثلا فيزا او ماستر كارد. سي سي بي بريد موب او حتى الدفع عند الاستلام. المهم ان نلقاو طريقه لتحصيل المداخل تاعنا وتكون مريحه للعميل. النقطه الرابعه هي التوصيل. هنا راح نتحدثوا عن اليه توصيل المنتج من البائع الى العميل. دائما في حاله محل تجاري ومنتج صغير الحجم مش راح يكون عندنا مشاكل. صح. لو كان يكون البيع اون لاين ولو كان يكون حجم المنتج كبير بزاف والعميل ما يقدرش يديه في يده. لهنا لازم علينا نلقاو حلول لتوصيل المنتجات. مثلا نقدروا نتعاملوا مع شركات التوصيل. او نديروا وسائل نقل خاصه بالشركه. حاله واحده اخرى بالنسبه للمنتجات والخدمات الالكترونيه. هنا التسليم راح يكون سهل وما يحتاجش وسائل مكلفه لانه كل شيء راح يتم اون لاين. النقطه الخامسه والاخيره هي التواصل بعد البيع. هنا لازمنا نخموا في طريقه توصيل هذه الخدمه. لانه كاين منتجات تحتاج الى الصيانه مثلا. ومنتجات اخرى تحتاج انك تبين للعميل كيفاش يخدم بها. اكبر مثال للصيانه ما بعد البيع هي شركات صناعه الاجهزه الكهروم منزليه. اللي دائما يديروا نقاط تصليح خاصه بهم ويوزعوها في اماكن مختلفه. باش يقدروا يوفروا الخدمه هذه لاكبر فئه ممكنه من الزبائن. هذه باختصار هي مراحل القنوات. اذا ركزت على النقاط هذه وطورتها المشروع تاعك راح يكون عنده قنوات تواصل قويه. الشيء اللي راح يمكنك من بيع وتسويق القيمه المقترحه تاعك الى الفئه المستهدفه بفعاليه واحترافيه كبيره. نتلاقاو في الفيديو الجاي ان شاء الله مع السلامه.