Elon Musk is creating GOD 😱

[0:00]Dosto, Elon Musk ne jo bomb afford hai na, shayad ye samajhne ke liye aapko ye video do baar dekhna pade. Elon Musk ne na kal apni ek nayi factory, Terrafab, ka inauguration kar diya hai. Aur na yahan par woh itni chips banane wale hai na ki woh prithvi par use nahi hongi, woh use hongi aasman mein, space mein. Elon Musk ka agar idea sunoge, dimag chakhra jayega. Keh raha hai, jo itni sari chips banegi na, in chips ko main aasman mein SpaceX through bhejunga. And sath mein jayenge mere Optimus robots, ye bhi jo Elon Musk hi bana raha hai. Aur aasman mein moon par ya kisi asteroid par ya kisi aur jagah par, wahan jaake ye apna jo thikana lagaayenge, factories banayenge. Khud se aur factories se aur chips banengi, aur chips se ye aur robots aur satellites banayenge. Karte karte karte ye itna sara yahan par robots aur itni satellites ban jayengi ki sun ke aas paas ek swarm banayenge, jisko kehte hai Dyson swarm. Swarm ka matlab pata kya hota hai, jaise madhumakhiyon ka jhund hota hai na, ki woh ek dam se aas paas fail jaati hai. Aise hi kehte hai hum satellites ka itna bada ek jhund banayenge jo ki humne aasman mein hi create kiye honge. Sun ke aas paas ek pura swarm bicha denge aur swarm bicha denge to sun ki energy capture karenge. Itni energy capture hone wali hai na ke isse prithvi mein jitni energy chahiye na hume, uski 20 crore guna zyada energy hum capture karke prithvi pe lasers aur microwaves ke through bhejenge. Elon keh rahe hai, ye karne mein 50 saal ke aas paas lagenge, lekin woh keh rahe hai ki hum usse pahunch jayenge Kardashev level 2 civilisation. Iska matlab pata kya hai? Dekho level 1 ka matlab hota hai aisi koi civilisation, aisi koi prajati, aisi koi manav jaati jo ki apne planet ki puri energy use kar sakti hai. Abhi to hum na bahut hi kam apni planet ki energy use kar pate hai, yahan pe geothermal, nuclear, solar, wind kitni sari energies hai, hum bahut kam use kar pate hai. And kehte hai jab level 1 ke baad aati hai level 2 jo ki uske sun ki, uske star ki aisi puri energy le sakti hai, usko level 2 civilisation kehte hai. Then level 3 hoti hai jo ki puri galaxy ki, jaise maan lijiye hamari prithvi milky way galaxy mein hai, agar hum uski puri galaxy ki energy le payenge to ye level 3 civilisation kehlati hai Kardashev scale mein. Level 4 mein aap pure universe ki energy capture kar pate hai, level 5 civilisation woh hai jo ki multiple universes exist karte hai uski energy le pati hai. Toh kehte hai main chahta hu ki 50 varshon mein hum Kardashev level 2 pe pahunch jaaye. Kyuki jo Kardashev type 2 pahunchne ka simple ek karan hai ki hume chahiye Matrioshka brain. Matrioshka brain bhi aise hi Dyson swarm ke jaise, imagine karo chhote chhote computers lage pade hai, itne sare computers bichhe pade hai jo ki infinite energy se power ho rahe hai. And itna tez dimag chalta hai inka ki pure brahmand ki computation kar sakte hai. Toh Elon ne kadam utha liya Terrafab se Dyson swarm banane ka, Dyson swarm se Matrioshka brain. Aur ye Matrioshka brain to dosto mujhe lagta hai aur kuch nahi hai, bhagwan hi to hai.