تعلم المحادثة الإنجليزية : محادثة إنجليزية في المطار : ١

[0:00]ناس كثير بتدور على كورس محادثه يكون كامل وبعيد عن الملل، والحقيقه ده أول حاجه جات في بالي وأنا بحضر الكورس ده. وزي ما انت متعود من قناه زي أمريكان إنجلش إن حلقاتها دائما بتكون مختلفه عن الموجود على اليوتيوب سواء كان في الكلمات أو الجرامر. إن شاء الله برده هو ده هيكون الانطباع اللي عندك بعد الكورس ده. وطبعا لان ما فيش أي عمل في الدنيا كامل، فأنا بطلب منك ان انت بعد ما تتفرج على الحلقه دي تساعدني ان انا افهم ايه اللي أزوده أو أشيله عشان يبقى الكورس ده زي ما انت عايزه. الناس اللي معايا بقالها فتره عارفين إن أنا بستمع جيدا لاقتراحاتكم فياريت ما تبخلوش علينا بيها. القناه دي بعد فضل ربنا أولا وأخيرا بيكم وليكم فاعتذر على المقدمه الطويله دي يلا بينا.

[0:40]السلام عليكم انا ابراهيم عادل وانت بتتفرج على كورس تعلم اللغه الانجليزيه على قناه زي أمريكان انجلش الجزء الخاص بالمحادثه. حلقات المحادثه هيكون نظامها كالاتي الأول هنشوف الكلمات اللي ممكن تكون جديده عليك. اعرفك ازاي تقولها طريقه نطقها ازاي ومعناها ايه. وبعد كده أوريك المحادثه جمله جمله الجمله اللي ناخذها أوريك المقطع اللي ظهرت فيه. هعرض لك المقطع مره بطيء ومره سريع عشان برده أدربك على السماع. زائد أقول لك شويه طرق مختلفه ممكن تؤدي لنفس المعنى فيبقى عندك حصيله لغويه كبيره. ونمشى على النظام ده لحد ما نخلص الجمل اللي في المحادثه جمله جمله. بعد كده يبقى انت جاهز تشوف المحادثه كلها من غير اي مساعده او ترجمه. هعرض لك المحادثه كلها مره بطيء ومره سريع. والنظام ده هنمشى عليه الا طبعا إذا الناس اجمعت على نظام ثاني يكون أفيد وأفضل لكم فهنعمله. طبعا انت أكيد عارف ناس كثير جدا بتدور على كورسات محادثه فياريت ما تبخلش عليهم إن انت تشير معاهم الفيديو ده ده لو عجبك طبعا لو ما عجبكش خلاص ارحمهم من الزن بتاعي. المحادثه اللي معانا النهارده هتكون في المطار كده من أول حلقه المطار على طول داخلين سخن كده ما تقلقش. هتلاقيها سهله وخفيفه وفيها التعارف والكلام الحلو ده. والمحادثه دي حصلت بالليل فطبعا تحيه المساء معروفه. جود ايفنينج. جود ايفينينج جود إيفنينج. طبعا في كورسات المحادثه كلها أنا عايزك برده تتدرب على النطق معايا والسماع زي ما حضربك على السماع عايز أدربك على النطق. فحاول تنسى إن شفويه في الكلام زي قبل كده في الكورس القديم اللي احنا كنا قلناها قلنا ممكن تسترجى وتشرب بريل وبرده تقول. سوري مش سوري سوري تمام. تعالى نسمع Good evening Good evening Good evening Good evening زي ما انت شايف إن الجزء الأولاني من المحادثه بيكون بين الست المسافره دي والموظفه بتاعه المطار. الموظفه دي شغلتها ان هي تتأكد إن كل الناس اللي تعدى النقطه دي هم الناس المسافرين فقط وليس ذويهم يعني. فأول حاجه بتسأل عليها هي بطاقه الصعود للطائره اللي هي بيبقى شكلها كده. البطاقه دي بيبقى فيها طبعا الاسم وبيبقى بيكون فيها رقم المقعد وبوابه الصعود والكلام ده كله يعني. البطاقه دي اسمها بالإنجليزي بوردنج بااس. بوردنج بااس. بوردنج بااس. لو انت أخدتها كلمه كلمه عشان تفهمها هتلاقي بوردنج بوردنج اللي هي جايه من بورد اللي هو يصعد على متن يعني يركب وسيله مواصلات يعني يصعد على متن السفينه يصعد على متن الطياره كده يعني. وباس معناها لوحدها كده يمر أو يسمح بمرور حتى تلاقيها في كلمه باسبورت اللي هو جواز السفر بيجيز لك ان انت تسافر بيسمح لك ان انت تسافر جواز السفر باسبورت. الجزء الأولاني باس وبعد كده بورت اللي هي ميناء أو مكان عبور يعني باسبورت فيبقى اللي بيسمح لك المستند اللي بيسمح لك بالعبور. برده بوردنج بااس يعني البطاقه اللي بتسمح لك ان انت بورد تصعد على متن الطياره فاسمها بوردنج بااس. فالموظفه هنا هتسالها على البوردنج بااس فهتقول لها بوردنج بااس بليز بوردنج بااس بليز تعالى نسمع. Boarding pass please Boarding pass please فالست المسافره دي هتقول لها هترد عليها هتقول لها هير ات از هير ات از. هير ات از هير ات از. هير يعني هنا ات از هذه فكده هير ات از معناها ايه دي بلوك على بعضها كده هير ات از يعني هنا اهي أو معايا اهوت أو تفضلوا. أو هديهولك اهوت. خذ كده يعني. هير ات از. ها هو باللغه العربيه الفصحى ها هو هديهولك اهوت خذ تفضل. في له طرق ثانيه نقولها في طرق ثانيه بس تعالى نسمع دي الأول. Here it is Here it is طيب أنا لو مش عايز أقول هير ات از ممكن اقول ايه ممكن اقول حاجات ثانيه كثير ممكن أقول مثلا. هير يو أر.

[4:36]هير يو ار مش معناها انت هنا هو لا معناها اتفضل او هديهولك او اعطيهولك هوت. هير يو ار هير يو ار ممكن واحد يقول لي مثلا ناولني الكتاب ده فأقول له هير يو ار. تمام. هير ات از هير يو ار هير يو جو ثلاث معاني معناهم اتفضل خذ الحاجه اللي انت سالتني عليها خذ.

[5:11]طبعا فبعد ما الموظفه بصت في البوردنج باس البطاقه بتاعه صعود الطياره. بصت فيها عرفت هي رايحه فين وهتمشي في انه اتجاه فبتدل لها بقى فبتقول لها. جو ستريت أهاد آند ذن تيك أ ليفت. جو ستريت أهاد آند ذن تيك أ ليفت. جو ستريت يعني امشي على طول مستقيم جو ستريت. أهاد يعني إلى الامام مش في الخلف. ولا يمين ولا شمال إلى الأمام جو ستريت أهاد. آند ذن ثم بعد ذلك آند ذن تيك أ ليفت تيك أ ليفت يعني خذ شمال. حتى بالعربي احنا بنقول خذ شمالك خذ شمال. تيك خذ ليفت شمال تيك أ ليفت فتعالى نلحمها ببعضها كده هتقول ايه. جو ستريت أهاد آند ذن تيك أ ليفت. جو ستريت أهاد آند ذن تيك أ ليفت. Go straight ahead and then take a left Go straight ahead and then take a left طيب في طرق ثانيه نقول نفس الكلام في بس الأول تعالى أقول لك إن احنا أخذناها في المدارس سمعنا جو ستريت. يعني انت لو طالب أكيد لسه برده عندك في الكتاب لو بصيت في دلوقتي هتلاقيه موجود جو ستريت مش موجود جو ستريت أهاد. طب ايه الفرق بين جو ستريت اللي هي امشي مستقيم وجو ستريت أهاد امشي مستقيم للأمام خلاص كده الفرق وضح. أهاد يعني امشي مستقيم للأمام انت كده ماشي صح خليك ماشي على طول بقى في نفس الاتجاه ده كده ولا يمين ولا شمال ولا وراء. جو ستريت يبقى هشاور لك بقى أقول لك مثلا جو ستريت ذس واي ولا جو ستريت ذات واي. امشي مستقيم هنا او امشي مستقيم هناك كده. إنما جو ستريت أهاد في المكان اللي انت باصص له حالا كمل طوالي. هو ده الفرق. آند ذن تيك أ ليفت تيك أ ليفت يعني خذ شمال تيك أ ليفت. طب في طريقه ثانيه في في طريقتين كمان ممكن أقولهم لك دلوقتي في كذا طريقه بس أقول لك اتنين كمان. ممكن أقول آند ذن ترن ليفت يعني أحوت شمال ترن ليفت أو ممكن أقول لك ميك أ ليفت. ميك أ ليفت يعني خذ شمال برده تيك أ ليفت ميك أ ليفت يعني خذ شمال ترن ليفت يعني احود شمال. فأنت عايز تقول تيك أ ليفت ميك أ ليفت ترن ليفت انت حر. بعد كده الست المسافره دي هتقول لها اوكيه ثانكيو. تعالى نسمع. Okay. Enjoy your flight Okay. Enjoy your flight فأنت تلاحظ ان الجزء الثاني من المحادثه بيسافر نفس الرحله اللي الست اللي قبليها كانت رايحاها فبالتالي ردوده زي ردود الست. فانت تلاحظ ان الست الموظفه بعدها قالت لها ان جوي يور فلايت انجوي يور فلايت انجوي يعني استمتع يور فلايت يعني بالرحله الجويه بتاعتك استمتعي بالرحله الجويه بتاعتك فلايت يعني رحله جويه. انجوي يور فلايت يعني استمتعي بالرحله الجويه اللي هي بالعربي احنا بنقولها رحله سعيده. تمام. ممكن برده نقول توصل بالسلامه ان شاء الله هم طبعا ما يقولوش ان شاء الله بيقول توصل بالسلامه تقدر تقولها ازاي بالانجليزي تقدر تقول هاف أ سيف تريب. هاف ا سيف تريب تريب اللي هي رحله رحله عامه بقى يعني مش رحله جويه بس تريب رحله وخلاص. هاف ا سيف تريب يعني رحله رحله امنه. اتمنى لك رحله امنه هاف ا سيف تريب اللي هي توصل بالسلامه. بعد كده الست الموظفه دي هتاخذ المسافر اللي بعده. فهتقول بوردنج باس بليز أخذناها قبل كده مش هنكرر بقى بوردنج باس بليز. Boarding pass, please Boarding pass, please الميزه ان الراجل هنا هيرد رد مختلف عن الست ردتوه هيقول. سيرتلي هير ات از. سيرتلي سيرتلي سيرتلي معناها بكل تاكيد. طبعا.

[8:48]بتقول لك ممكن أشوف البوردنج باس بتاعك فقال لها طبعا بكل تاكيد تفضلي هير ات از تعالى نسمع. Certainly, here it is Certainly, here it is فهي هتلاقي ان الراجل ده رايح في نفس الرحله اللي الست اللي قبليها كانت رايحاها فبالتالي ردوده زي ردود الست. فهي هتلاقي ان الراجل ده رايح في نفس الرحله اللي الست اللي قبليها كانت رايحاها فهتقول له على نفس الاتجاه فهتقول له جو ستريت أهاد آند ذن تيك أ ليفت. زي ما سمعناها قبل كده مش هنكررها بقى تعالى نسمعها على طول. Go straight ahead and take a left Go straight ahead and take a left وبرده تلاحظ ان الراجل رد عليها قال لها او اوكيه ثانكيو وبعد كده هي ردت عليه فقالت له انجوي يور فلايت نفس الكلام بالظبط. Oh, okay, thank you Enjoy your flight Oh, okay, thank you Enjoy your flight

[10:05]خليك فاكر احنا بنبني الكورسات دي مع بعض وده بيحتم عليك ان انت تقول لي رايك بكل صراحه في الكومنتات تحت. قول لي كده حلو خليك ماشي على كده أو قول لي كده منيل عدل كذا. لان الكورس ده مش ليا أنا الكورس ده ليك انت فلازم اعرف انت بتدور على ايه بالظبط او عايزه محتواه يكون شكله ايه بالظبط عشان اعرف اليقه على طلبك. طبعا ما تنساش تعمل لايك وشير للحلقه دي عشان اكبر قدر من الناس يستفيد ولو دي اول حلقه تابعني فيها فاحب اقول لك منورنا. اشترك بقى عشان اشوفك في الحلقه الجايه ان شاء الله. شكرا للمشاهده والسلام عليكم ورحمه الله وبركاته. بعد كده اللي هيحصل ان انت هتلاقي صدفه عجيبه جدا ان الست الاولانيه اللي كانت مسافره دي هتبقى راكبه في نفس الكرسي اللي جنب الراجل اللي جه بعديها على طول. فالاثنين اللي احنا شفناهم دول هيطلعوا راكبين جنب بعض. ففي الطياره هتلاقي الراجل عايز يتعرف عليها بقى عايز يتكلم عايز يفتح كلام اللي هو الجزء بتاع التعارف بقى.