[0:04]إلى سولتي شي واحد علاش ما كتقدرش تقرا، غيقول لك كن عكاز. إلى سولتي شي واحد علاش ما كتلعبش الرياضة، غيقول لك كان عكاز. إلى سولتي شي واحد علاش ما كتخدمش وعلاش ما كاتقاتلش على الحلوم ديالك، غيقول لك كان عكاز. هاد العكاز شنو هو؟ وماله داير فينا هذا الشيء كامل؟ واش نقدروا نديروا شي حاجة ونغلبوه؟ واش نقدروا نواجهوه؟ علاش كاينين شي وحدين ماشي معكزين وشي وحدين معكزين؟ شنو خاصني ندير باش ما نبقاش معكز؟ خويا اختي معرفتكش واش أنت معكز ولا لا، وإلى كنت معكز فمعرفتكش شحال هي الدرجة ديال العكز ديالك. ولكن في الأخير ديال هذا الفيديو غادي يكونوا عندك خطوات ساهلين وخطوات تطبيقية اللي إلى درتيهم كنضمن لك 100% بلي العكز غيولي من الماضي. تفرج حتى الأخير حيث هذه الكلمات الصغيرة اللي غتسمعني كنقول لهم راهم عصارة ديال دراسات علمية وبحوث علمية. غادي تلقاوهم كاملين في الدات كريبسيون. أخي أختي مرحبا بك في الطريق اللي غتخليك تسالي من شي حاجة سميتها العكز. لايك وسبسكرايب ونبداو.
[1:10]أولًا: لا وجود للكسل. شوف معايا هذا الراجل، خلينا نسميوه إكس. شوف معايا هذه المرة نسميوها إغريغ. وشوف معايا هذا الدري ونسميوه زيد. نشدوا إكس ونفترضوا أنه عنده خدمة فيها تمارة، كيدوز النهار كامل معذب. نقولوا مثلا خدام فلاح، كيفيق في الصباح وكيمشي للأرض وكيبقى النهار كامل تما مقاتل. ناخذوا دابا إغريغ، نفترضوا أنها أم وفي نفس الوقت ربة بيت. كيدوز النهار كامل ومقابلة أولادها، كتغسل المواعن، كتشطب إلى آخره من الخدمة ديال الدار. أجي لينا دابا لإغريغ، هذا خونا ما خدامش وكيدوز أغلب الوقت كيقرا كتبا، هاز كتاب ومتكي وقاعد كيقراو وكيستافد منه. دابا إذا جينا عند ذاك الفلاح وعطيناه له مواعن وقلنا له غسلهم. في 99% غادي يقول لك اه لا بزاف وغادي يعكز وما غاديش يقدر. ولا شدينا وعطيناه الكتاب وقلنا له هاك جرب قرا هذا الكتاب. فغايقول لك لا بزاف 200 ورقة غيطيع بزاف ديال الوقت وتمارة. واشوف دابا معايا شحال ديال تمارة كيضرب الفلاحة النهار كامل. ولكن إلى عطيتيه له مواعن ولا شغل الدار غادي يعجز عليه. وهذه راه بصح راه ماشي شي مثال من السماء هذا، راه 90% ديال الرجال اللي ما مولفينش يخدموا في الدار راهم دايرين بحال هكا. يقدروا كاع يمشوا يخدموا في البني 8 السوايع في النهار وما يقدروا يغسلوا حتى كاس. وكذلك الكتوبة شوف تمارة اللي كيضرب ولكن ما غاديش يقدر يقرا كتاب وغيعكز عليه. وهكا حتى إغريغ كتقدر دير شغل الدار ولكن ما غتقدرش دير ذوك الجوج اللعبات الآخرين وهكا حتى زيد. ما غاديش يقدر يخدم فلاح وما غاديش يقدر يخدم في الدار. دابا شوف معايا هذا المثال مزيان اللي نقدروا نخرجوا منه هو أن كل واحد ومنهاياش كيعجز. واخا ذاك الفلاح كيقدر يضرب تمارة كبيرة ويصبر عليها ولكن كتاب غادي يعكز عليه وما غاديش يقراه. يعني إلى جيتي قربتي وشفتي أكثر في هذا المثال غادي تلقى بلي بنادم ما كيعجز على تمارة ولكن كيعجز على الأفعال. تقدر تصبر على أفعال فيها تمارة بزاف وفي المقابل تقدر تعكز على أفعال فيها غير شوية ديال تمارة. وهذه الأفعال هما عادات، يعني ما كايناش شي حاجة سميتها العكز. هذا المصطلح هو مصطلح خاطئ. كاين بنادم مولف يدير شي حاجة وبنادم ما مولفش. إيه العكز كاين ولكن كيكون مرة مرة وصافي وهذاك ماشي عكز هذاك غير عيا وتعب وملل وصافي. يعني أخي أختي إلا ما كنتيش كتقدر تقرا ولا ما كنتيش كتقدر تخدم فماشي حيث أنت معكز ولكن حيث أنت ما مولفتش. يعني بغيتي تولي قراي، فسير اصبر وقرا لمدة ثلاث شهور وها أنت ما بقيتيش معكز. بغيتي تولي تلعب رياضة فإذا ما كانتش كتعجبك فسير ضرب واحد ثلاث شهور وموراها غاتولفها صافي. الخلاصة ديال هذا الشابتر ما كاينش شي حاجة سميتها أنا معكز ولا شي حاجة سميتها كيفاش نحيد العكز. أي حاجة صعيبة خاصك تولفها باش ما تبقاش كتعجز عليها. ولكن المشكلة في ديك ولف راه كاين بنادم هنا معندوش الوقت باش يبقى غادي بشوية حتى يلف. كاين اللي محتاج ينوض يبدا يقرا ولكن ما قادرش. كاين اللي محتاج ينوض دابا يخدم على شي حاجة دياله ولكن عجزاً. راه هنا كاين المشكل، غادي نعطيك خطوات ديرهم و غاتكون قادر تبدا طبقهم اليوم ولا من غدا كاع وقت ما بغيتي غاتقدر تبدا طبقهم. وغتلاحظ براسك ديك الحاجة اللي يطلقوا عليها بالكسل غتبدا تمشي بلا ما تحس. أول حاجة ركز على التغيير اللي داخل ديالك أو بمعنى آخر ركز على تغيير الهوية ديالك. زعما ملي تكون باغي دير شي هدف، ملي تكون باغي تأخذ شي عادة جديدة، حاول ما تفكرش في الأهداف الخارجية ولكن فكر في ديك الشخصية اللي باغي تبدلها. عرفتك ما فهمتينيش مزيان ذاك الشيء علاش غنجيب لك واحد الفقرة من كتاب أتميك هابيتس واللي كتشرح هذه القضية مزيان. غنقراها لكم بالدارجة. تخيل معايا هذا الجوج ديال الناس كيقطعوا الكارو، الأول ملي كيجي عنده شي واحد وكيقول له واش تكمي؟ كيقول له لا شكراً أنا كنقطع كارو دابا. غيبان لك الجواب عادي ولكن هو في الأصل دليل على أنها هذا خونا راه باقي كيحسب له بلي هو مدخن وباغي يولي واحد الإنسان آخر. هذا النوع ديال الناس كيكونوا باغيين يبدلوا التصرفات ديالهم هما باقين عندهم نفس المعتقدات. خونا الثاني ملي كيعطيه شي واحد كارو كيقول له لا شكراً أنا ما كنكميش ولا أنا لست بمدخن. الفرق كيبان بسيط ولكن راه هذا الشيء كيدل على واحد التغير في الهوية. هذه النوعية ديال الناس اللي غيجاوبوا بهذا الجواب هم ناس ما بقاوش كيعرفوا راسهم على أنهم مدخنين. وبالتالي غتسال عليهم يقطعوا الكارو. الفكرة العامة هنا هو أنك ملي كتبنى وواحد الهوية دماغك كيخدم باش يخليك تتصرف على أساس ذوك المعتقدات ديالك. السبب ديال هذا الشيء كيجاوبنا عليه روبرت تشالديني في الكتاب ديال إنفلوينس سيكولوجي اوف برسويجن في الشابتر الثالث. الإنسان بالطبيعة دياله كيحس بلي بزز عليه يتصرف بناءً على قرارات اللي دارهم شحال هذه. وكيما مكتوب في الكتاب ملي كاناخذوا شي قرار ولا شي موقف كتولدت فينا ضغوطات اللي كتخلينا نتصرفوا بطرق اللي كتبرر ذاك القرار اللي خذيناه. وكمثال ديال تطبيق هذه التقنية هو مثلا إذا بغيتي تولي تلعب رياضة. فبلاصة ما تبقى تفكر بلي خاصك تاكل ماكلة صحية وبلي خاصك تمشي تريني كل نهار ففكر بلي راك أنت إنسان رياضي وبلي الرياضة واحد الحاجة عادية. هذا القرار راه عنده واحد القوة كبيرة عليك واللي غادي يزيد من القوة ديالك باش تنوض تلعب رياضة. ثاني خطوة حيد الإغراءات، يعني حيد أي حاجة غتخليك تكون معكز. الدماغ ديالنا تبنى باش أنه يدير حاجة ساهلة ويهرب من الحاجة الصعيبة. يعني إذا جاك لاختيار بين أنك تدخل نيتفليكس ولا تجلس تخدم فأنت أوتوماتيكمون غتمشي لنتفليكس. ولكن الخدمة غتولي ساهلة إذا ما كانش عندك شي حاجة تقدر ديرها من غير الخدمة. في هذه الحالة تقدر تحيد مثلا أنسكريسبسيون ديالك من نيتفليكس ولكن إذا كنت عاود كتدخل بزاف لأنستغرام فتقدر ديزانستاليه من التليفون ديالك. ولكن هذا الشيء يقدر يكون صعيب شوية على شي وحدين وبزاف ما غايقدروش يديروه. ذاك الشيء علاش اللي خاصك تدير هو تخلي الخدمة هو اللي اختيار السهل. اسمع مزيان. إذا كنت كتخدم في الدار ولا كتقرا في الدار والناموسية بعيدة عليك بثلاثة ديال الميترو فغيكون ساهل أنك تنوض وتمشي تجلس فيها وترتاح شوية. ومن تما تدوز للماكلة واللعب والفراجة. ولكن إذا كنت كتقرا في مكتبة ولا في قهوة فأنت غاتجيك صعيبة تتفرج وتلعب ولا ترتاح. حيث كتكون في واحد البلاصة ديال الهدوء وما كايناش الثلاجة على اليسار ديالك ولا الناموسية على اليمين ديالك. حيث هنا إذا بغيتي تنوض تكى في الناموسية ديالك فخاصك ضرب الطريق باش توصل لداركم. وتم أوتوماتيكمون هذا ولا اختيار الأصعب وبالتالي الدماغ ما غايختاروش وغايختار يخدم ولا غايقرا. هذا هو الدماغ بكل بساطة. بغيتيه يدير شي حاجة خاصك تعرف القواعد دياله وتضور عليه وتستغل الثغرات اللي فيهم. القاعدة الثالثة دير شي حاجة اللي كتفكرك. جيم كاري الممثل الكوميدي ملي وصل أول مرة لهوليوود كان ممثل فقير. وناض وكتب شيك ب 10 مليون دولار وأجلوا ل 10 سنين وواحد طف بسبطام ديالو. باش تما كل مرة يجبد البسطام كيشوف ديك 10 مليون دولار وكتفكر بلي راه عنده هدف خاصه يوصل له وخاصه يخدم عليه. سو حاول تكتب الهدف ديالك سواء النقطة اللي بغيتي تجيب سواء شي طوموبيل بغيتي تشريها شي مبلغ بغيتي توصل له. اكتبوا وديروا في شي بلاصة قريبة عليك باش تبقى تفكروا ديماً. التأمل الصراحة الميديتاسيون ما منتشرش عندنا بزاف في المغرب. ولكن هي واحد الحاجة اللي كتنفع بزاف. وبغينا ولا كرهنا راه واحد الحاجة مثبتة علمياً بلي راه كتعاون باش تزيد من الانضباط الذاتي. ودراسة في 2013 من جامعة ستانفورد ودارت على شي ناس بينت بلي التأمل كتخلي بنادم يتحكم في العواطف ديالو. وبالتالي كيقدر يغلب ذوك المغريات وكيتأخذ قرارات بطريقة عقلانية وهذا الشيء طبعاً كيزيد من الانضباط الذاتي وبالتالي كينقص من العجز. كيفاش تديرو؟ كاينين بزاف ديال أنواع التأملات واللي مشهور هو زازين ميديتيشن. وهو كتسد عينيك كطلق موسيقى أهدأ وكتمركز على التنفس ديالك. وإذا حسيتي براسك بداو كينزلوا عليك أفكار من شي بلاصة أخرى فحول تجري عليهم وترجع دماغك لبلاصته وتكمل الميديتاسيون ديالك. ما تسناش اللحظة المناسبة. الدماغ ديالنا ما مصايبش باش يخدم وكيجري غير مورا المتعة اللحظية. ذاك الشيء علاش ما تسناهش يوصل لشي مرحلة اللي غيبغي فيها يخدم. يعني خاصك تحاول ما أمكن أنك تنوض وتخدم بلا ما تفكر. طبق قاعدة الخمس ثواني راه هضرت عليها في هذا الفيديو أو تقدر تخدم غير ديال ثلاثة ثواني. يعني ملي يكون خاصك دير شي حاجة حسب حتى لثلاثة وتلاح ما تفكرش وما تهز لا هم لا والو غاتلاح. خاصك تنوض تقرا واحد جوج ثلاثة ونوض تقرا. خاصك تنوض في الصباح من الناموسية واحد جوج ثلاثة ونوض من الناموسية. غير ما تحسبش بشوية وصافي حسب بالزربة وسير على الله. و سالينا الفيديو. خطوات بساط إيه ولكن عندهم تأثير كبير وتفكر ديما راه ما كاينش شي حاجة سميتها العكز. كاين أنت مولف ولا أنت ما مولفش. بغيتي تكتسب عادة جديدة، صبر من 21 يوم حتى لثلاث شهور وما غتبقاش تعجز عليها. وطبعاً هذه الأرقام ماشي مضبوطة 100%. كاينين شي حوايج اللي كيكونوا صعابين بطريقة خيالية هذيك راه خاصك تسنى أكثر من ثلاث شهور طبعاً. ولكن القراية، الرياضة، الخدمة هذا الشيء ثلاث شهور كحد أقصى راك كتولف عليه. المهم إلى وصلتي حتى لهنا فشكراً بزاف حيث عطيتيني من وقتك. ما تنساش لايك وواحد سبسكرايب وتاكتيفي ذاك الجرس باش يوصلك كل شيء. وشي كومونتير خليه فيه الرأي ديالك أو شي انتقاد إذا كان عندك وسأكون لك من الشاكرين. أنستغرام غنخليه لكم هنا إذا بغيتي تقرب مني أكثر ولا بغيتي تواصل معايا ها هو أنستغرام هنا. شكراً بزاف حيث وصلتي حتى لهنا فريمون كنقدر هذا الوقت اللي عطيتيه لي وأصلاً أنت ولا أنتي اللي واصلين حتى لهنا عليكم داير هذا الفيلم كامل. نتلاقاو في فيديو الجاي إن شاء الله و تهلاو.
