[0:00]هاد النوع د الانثى بين الناس عاطيه العين، واحد الملحه والسر عليها عجيب، ملفتة للانظار، شمعتها شاعله واطلالتها سالبت القلوب والعقول. كاع البنات يعياو يتقادوا باش يغطيو على جاذبيتها ولكن مايقدروا. كانت عزبه، اي راجل كيتسحر بها ويقولوا عليه مسحور مسكين. كانت مزوجه كتكون معمره بلاصتها في قلب راجلها ولا بنت المراه تقدر تعوضها. ونزيدك عندها الزهر في اي حاجه بغاتها في هذه الدنيا كتجي حتى بين يديها. هذه هي المراه الفتاكه التي لا تقاوم. اهلا وسهلا يا معشر النساء الفتاكات القتالات ديال القناه، كي دايرات الكبيدات لاباس عليكم. فيديو اليوم الفيديو الموعود المشحر المبخر المششط اللي غتقدي عليه شي كليسه وغتحطي شي كويس العصير او لا اتاي. وخدي لا جوندا ديالك ستيلو ديالك باش تنوتي هذا الشيء اللي كنقول لك. البنات اللي كيقولوا لي اختي كتهضري بزاف، اختي ديري فيديو قصير. تقولي كتستناها الطوبيس اللي يمشي عليها اختي هذه المواضيع راه ماشي ديال اربع دقائق ولا خمس دقائق. ديك الزربه ديك الزربه هي اللي قتلاتك وما خلاتكش تعطي الوقت حتى لراسك باش تستافدي. كيفاش تفعلي الانوثه المظلمه فيك؟ نعطيك الصفات اللي تبع باش كتولي لافام فتال او المراه الفتاكه الفاتنه التي لا تقاوم. لافام فتال او المراه الفتاكه راه ماشي اللي كطيح الرجاله طايح اكثر من نايض. اللي كتلبس لباس فاضح وتستعمل الجنس في التلاعب والتحايل على الضحيه. غنيا فغ مع هذا الشيء حيت مصطلح لافام فتال مصطلح اصله فرنسي هو المراه اللي مفعل الانوثه ديالها المظلمه اللي شويه سلبيه. اللي كيشيروا ليها في السينما وفي الافلام انها واحد المراه اللي شريره ومؤذيه وطيح الضحيه بالجنس. احنا لافام فتال اللي احنا غادي نفعلوه بالصيغه ديالنا اللي نفعله الانوثه المظلمه الايجابيه. باش تكوني الانثى التي لا تقاوم الفام فتال خاص تخدمي مزيان على الانوثه الظلاميه ديالك. الفام فتال هي واحد الانثى فاتنه جذابه مغناطيسيه غامضه، كتشع منها الهاله ديال الثقه بالنفس والقوه. كدير شنو ما بغات و كتحصل على شنو ما بغات حيت خدمت على راسها. ماشي حيت تولدات مع هذوك الصفات او لا حيت طاح عليها الوحي من السماء. هي عرفت راسها شكون وعرفت البوان فورغ والبوان فيبل ديالها. اذا حتى انت راه فيك الفام فتال غير خاصك تفيقيها وتبركي على البوطونه. كل انثى فينا راه عندها القدره انها تخرج من راسها لافام فتال المراه التي لا تقاوم. غير هو كل وحده والفام فتال ديالها مختلفه على الاخرى. راه ما كاينش شي قالب او لا واحد النموذج ديال هاد الفام فتال اللي خاصك تكوني بحالو. بالعكس الاناث المراه بصفه عامه راه بحال الورد كل وريحتها كل والشكل ديالها. غير هو خاصك تخدمي على راسك بهذه الخطوات البسيطه كل نهار. كديري بحال التمارين بساط باش كتولي النتيجه في الاخر كبيره انتي كتبهري في راسك. انتي غتقولي واش انا هي هذيك اللي كانت اولا لا حيت ما كايناش شي حاجه كديريها كتعطيك النتيجه من الاول. انتي راه الكيكه الكيكه شتي غير الكيكه بغيتي تقادها خاصك خطوات ومقادير وتقنيات باش كطلع. راه حتى انت كذلك نقطه بنقطه كيحمل الواد انتي الانوثه ديالك عندك مدكدكه وكله الشحط من الصغر في هذا المجتمع. كلنا الانوثه ديالنا محطمه ومجروحه خاصنا الوقت نخدموا عليها ونرمموها باش كنخرجوا من راسنا احسن نسخه وكاينعكس لك على العلاقه ديالك بالناس وبالراجل. اول خطوه غتبداي بها هي الرعايه الذاتيه. اول حاجه كتكون في الانثى الفام فتال انها دائما مهتمه بالذات ديالها. دائما كتطور راسها الطاقه ديالها كامله اللي عطاها سيدي ربي كتستثمرها في الروح ديالها. ماضيعش هي في تبقى حاضره عباد الله وتفكر في الراجل علاش جاوبني وعلاش ما جاوبنيش و تبقى تضيعها في ارضاء الناس. هي شغلها الشاغل هو نفسها. هي خدمات على الجانب الجسدي والمظهر وعلى الجانب العقلي وعلى الجانب النفسي. هذه ثلاثه الحاجات بغيتك تركز عليهم مزيان انا مزاوكه فيك. انت واحد الكيان مكون من الماده ومن الطاقه. خاصك تحترمي هذا الجسد اول حاجه اللي عطاه لك ربي امانه. جسمك بعد جسمك موطن روحك جسمك السفينه او المركبه ديالك في هذ الكره الارضيه وخاصك تردي لها البال خارجيا وداخليا. هذه المركبه ديال الروح ديالي اللي هي الجسم ديالي غادي نعطيه اكل زوين اللي غادي ينعكس لي على الشعر وعلى البشره وعلى الظفار. ندير مره مره العصير الاخضر، نشرب الماء بزاف، نشرب ليتيزان ناخذ الحبوب اللي كيزيدوا في الهرمونات الانثويه. خارجيا نهتم بالجمال ديالي بازاله الشعر بالماسك الطبيعيه بالنظافه كل نهار. وكل نهار ملي نفيق نشوف راسي في المرايه ونقول اللهم صل عليك يا رسول الله. اش هذا الفنون اش هذه البومبا مح علي هذو توكيدات. توكيدات ديال كل نهار سمعي لراسك كلام زوين تقولي لي ويلي زعما انا قلت لراسي انا زوينه انا بومبا غنولي بصح بومبا. ايه لاله شوفي هذو تمارين غديريهم كل نهار باش الصوت الداخلي ديالك كتولي الفيليه الكلام زوين عن الذات. شوفي جربي وردي علي شوفي راه الجسم ديالك راه واعي. شتي الجسم ديالك راه عارف واعي انتي اش كتقولي عليه في راسك. ملي انت كتقولي ويلي شوف على فورمه ويلي شوف على وجه شوف على رجلين ويلي شو اش اش هذه الفورمه راه هو راه يسمع منك هذ الهضره ويفهم وتيخيب وتولي كفس من اللي هو عليه. كتولي كتشوفي راسك را اكفس وحده. ولكن ملي كتقول كتولفي الهضره زوينه كسمع منك كلام زوين راه سبحان الله راه والله حتى كتولي زوينه ديال بصح. واش فهمتيني ندير لراسي الاغاني ديال الحب. واش انا غتصنت هذا الراجل اللي صفت لي الاغاني الحب اسمعيهم لراسك انتي الاولى بعدا. كتشوفي راسك مثلا غليظه ولا رقيقه ولا شعرك ماعاجبكش او اسنانك ماعجبكش او ولا اي حاجه نتقبل هذاك العضو اللي انا كنكره. ونطلب منه السماحه وندير الامتنان. شكرا يا ربي اعطيتيني هذه الصحه كين اللي ما عندوش، اعطيتني هذ الرجلين كين اللي معاق، اعطيتني هذ العوينات كين اللي ماكيشوفش الالوان. واش فهمتي نتقبل الجسد ديالي كما هو كما عطاه ل لي الله. ونطلب السماحه منه من العضو اللي انا كنكره تنقول له تنقول له اسمح لي اسمح لي يا وجهي كانعيبك. سمحوا لي رجيلاتي ما كنحملكمش واش طلب منه السماحه وتقبلي وعاد بدي تعطيه الكلام الزوين. ونخدم عليه ديك الساعه بالعنايه نجيو دابا للجانب العقلي. المراه التي لا تقاوم لافام فتال كتلقيها خدمات على العقليه ديالها وعلى الافكار ديالها. هي كتطور في عقليتها غاده وكتطور في عقليتها منين ما جيتيها كتلقيها بنت الوقت. منين ما جيتيها كتلقاها مسيره الوقت ومسايره العالم. ما كتبقاش محصوره في ذاك الشيء التافه ديال فلانه علاش طلقها راجلها فلانه شكون خطبها هذه هضرت علي هذه خنزرت في هذه ضحكت لي. بغي بغيتي تكوني فام فتال طلع لي واحد الشويه. نقرا مقالات نقرا كتبوبه نشوف وثائق على شي حاجه اللي انا كتعجبني نشوف افلام. نثقف شويه في علم النفس نعرف شنو هما انواع الشخصيات اللي كاينين في العالم نقرا على الذكاء العاطفي ولا نتفرج في فيديوهات على الذكاء العاطفي. نتعلم اكله جديده نتعلم لغه جديده نتعلم الصنعه نتعلم الرسم. او لا نتعلم الرقص بوحدي غير في الدار عط الله المجالات باش كتعمر داك الطنطي اللي عندك كتخليه يفكر واحد شويه. مره مره الا كنتي تافهه ماشي مشكل مره مره الا بقيتي تتبركي ولا راك عارفه احنا البنات والعيالات. كنبقاو نددي ونجيبوا في الهضره تبركي والنمن داك الشي مره مره ولكن ما يكونش هذاك الشي سائد في الوقت ديالك. واش فهمتي الا حتى الا كنتي جالسه مع الناس كلاس عندك القدره انك تهضري في اي موضوع حيت عندك ثقافه عامه واثقه في راسك. ماشي شي وحده اللي كتحشم تهضر ما عندهاش ما عارفاش الناس علاش كيهضروا. وشتي حتى الراجل اللي انتي معاه راه يلقى معك واحد التجاوب كتقدر تهضري معاه في حتى شنو واقع في العالم. في اي حاجه واش فهمتي نجيو دابا للجانب النفسي. لافام فتال علاقتها بنفسيتها اهم علاقه عندها هي دائما كتحاول تحافظ على السلام الداخلي ديالها وكتحض النفسها والمشاعر ديالها وكتعرف البوان فيبل والبوان فور ديالها والجروح ولي تروما اللي عندها. مثلا انت فيك الحسد بزاف فيك الغرامه بزاف من البنات. كتجلسي مع راسك وكتحفر في الجذور ديالك وكطرحي واحد السؤال منين جا هذا الاحساس. شنو داز علي في الطفوله واش كانت امي فاش كنت صغيره ك تقارني بالبنات بنات اخرين. واش انا عندي ثقه براسي مهزوزه انطلاقا من شي موقف زدت منه او تجربه فاشله زدت منها. ونقلب على الحل وندير واحد لاجندا ولا شي دفتر خاص ونبدا نكتب اي حاجه حسيت بها. كن كتبها كنوع من التفريغ والتنظيف وفي نفس الوقت كنشوف بحال شي كوتش انت كتكوني بحال الكوتش ديال راسك وكتقلب على الحل ونطلب ربي يعاوني. راه مع الخدمه كل نهار على نفسك راه كتلقاي راسك في الاخر تغلبتي على المشكله. نفس الشيء عندك تعلق بالاشخاص عندك ضعف الشخصيه اي حاجه عندك خاصك تعرفي ان عندك شي حاجه ماشي هي هذيك. خاصك تعرفي ان الناس ناس انعكاس لك انت يعني عندك شي حاجه ماشي هي هذيك خاصك تخدمي عليها وتقلب على السبب. عوتاني ملي واحد النوع عوتاني من التفريغ ديال النفس اللي كيفيد النفسيه ديالك. ملي تجيك الضيقه او البكيه او الخنقه بسبب او بدون سبب عرفي كيفاش تخرجي هذوك المشاعر على برا ما تكبتهمش. نخرجهم بالكتابه نخرجهم بالبكى باش ميتسبوش ل في الامراض. وهكذا دوالي ك تخدمي على راسك كترمي راسك كتدير الفاصمه للجروح ديالك. كتبني حب الذات والثقه بالذات حيت انت راه ماحطك ربي في هذ الكره الارضيه غير باش تاكلي وتشربي وتنعسي. راه جابك باش كتطور راسك وكتزيد للقدام. الخطوه رقم جوج غربله المحيط ديالك وماشي من وال يتوالى. لافام فتال او المراه التي لا تقاوم ما كتعطيها من طاقتها ما كتعطيها من طاقتها. واش عمرك شفتي واحد البنت واكيد كلكم عرفتوا هذا النوع فيها كل شيء بنت مادبه بنت الناس خدمه خدمه زوينه. كتعرف تلبس انيقه شخصيتها زوينه وتلقيها مع واحد الراجل ما كيستاهلها ما يحترمها ما يقدرها ما والو. علاش حيت هي ماحطتش واحد المعايير للاشخاص اللي كيدخلوا لحياتها حيت هي بغات غير تكون مع راجل وخلاص. ما كيهم هو اشنو من فصيله ولا حيت هي ربما عندها واحد الاحتياج وبغت تسد ذاك الفراغ باي واحد كان. عافاك اختي الا كنتي باغه تفعلي للدك فيمين ديالك وتولي فام فتال خاصك تعرفي انتي مع من سوى راجل او لا مراه. واش عمرك شفتي مثلا راجل رجل اعمال مثلا كي ترافق مع مدمن مخدرات في الشارع. لا راه حتى انتي راه لكل مقام ما قال واش انتي الا كانت عندك واحد الالماسه غاليه ونادره وبغيتي تحتفظي عليها. راه كتخليها للشخص اللي يهتم بها ويهزها بشويه ويحافظ عليها ماشي من هب ودب كتعطيه كتعطيها له. كذلك مثال طبقيه على راسك بغيتي تكوني امراه ذات قيمه عاليه كوني مع نساء قيمتهم عاليه. كوني مع صحابات في المستوى معارف في المستوى الراجل اللي انتي معاه تكون القيمه دياله عاليه ماشي مع الخشبيش والزبال. علاش كتصرفوا وكانكم رخيصات وما عندكم قيمه علاش ك تواضعوا حتى طيحوا النيفو. اللي دار راسه مع الرويوس كيكون بين الرويوس واللي دار راسه مع الرجلين كيبقى تحت الرجلين. الخطوه رقم ثلاثه لا تقارني نفسك حتى شي وحده. الفام فتال او المراه ذات القيمه العاليه ماحطش راسها في مقارنات ما قارنش الجسم ديالها مع الجسم شي وحده ولا تقارن حياتها بالحياه ديال شي وحده. حيت هي ما عندهاش الوقت فين تضيع الطاقه ديالها في هذا التخربيق. وحيت هي خدامه على راسها مركزه على الحياه ديالها اكثر من الحياه ديال الناس. اللي كتقارن راسها بحياه الناس تعرف بانها حاديه الناس اكثر من راسها. واش فهمتي قارني راسك براسك ديال هذه عام كيف كنتي وكي وليتي. قارني راسك براسك ديال هذه ثلاث سنين واش زدتي للقدام اولا باقه انت هي كما انتي. ايه ماشي انتي ماشي اجمل وحده في العالم ولكن انتي يونيك. تحفه نادره كل وحده زينها كل وحده وطاقتها كل وحده وشنو داز عليها. يكفي انك انثى عارفه راسها شكون. هذ الخطوات اللي عطيتك راه ك تساعدك لتفعيل الانوثه السوداء فيك. باش كتخرجي من راسك المراه ذات القيمه العاليه لافام فتال التي لا تقاوم اللي راقيه وناضجه وانيقه وما كتسمحش ل حتى شي واحد يخترق السلام الداخلي ديالها. او يستغلها او يمتص الطاقه ديالها وك تحترم راسها. وكتحول المغناطيس الرجل المغناطيس الحب المغناطيس الاهداف مغناطيس الحظ. كما قلت لك هذا الشيء خاصه وقت خاصه تمارين يوميه خاص واحد الوعي على الذات ديالك بشكل يومي لاعاده تجميع القطع ديال الانوثه ديالك المدمره مره اخرى.
[16:51]الهضره مازاله كثيره في هذا الموضوع الانوثه السوداء الى فيديو اخر ان شاء الله باي باي.
