المقطع الأول من سورة يس حسب الإطار المرجعي | التربية الإسلامية بكالوريا أحرار | أجي تنجح 🔥

[0:00]السلام عليكم معكم الاستاذ صهيب المالح في فيديو جديد من سلسله اجتهد ونجح ولكن هذه المره غندويو على التربيه الاسلاميه ماشي ديال اولى بكالوريا ولكن ديال الناس ديال البكالوريا احرار الاحباب الكرام انا عارف باللي قدامكم واحد التحدي كبير هذه السنه لان بزاف منكم منقطعين على الدراسه مده طويله وبزاف منكم حتى وصلوا الملخصات واللايفات والفيديوهات فما بقاوش عارفين منين يبداو وفين يسالوا ولذلك قررت انني نهنيكم مبدئيا من هذه الماده ديال التربيه الاسلاميه ان شاء الله باش تحصلوا فيها على اعلى النقط فما تنساوش انكم تديروا جيم دابا للفيديو باش يطلع المحتوى للناس وحد اخرين وتديروا كومونتير وتابوناو في القناه وبطبيعه الحال بارطاجيو مع الناس اللي حتى هما مترشحين احرار قبل ما نبدا بغيت نشير لواحد النقطه دغيا دغيا وهي انك انت ايها المترشح الحر راه عندك واحد الحاجه ما عندش الناس اللي متمدرسين انا عارفك باللي كتقول انا انقطعت اذا ما بقيتش غادي نقرا مزيان دماغي ما بقاش كيعاوني ولكن راك عندك واحد الحاجه ما عندش المتمدرسين واللي هي الاراده والرغبه في النجاح لانك انت ماشي شي واحد قال لك سير المدرسه والدين ولا لقيتي النظام غادي بحال هكا وانما انت من راسك بغيت تقرا وبغيتي تستافد وبغيتي تاميوري النيفو ديالك باش باذن الله تفتح قدامك افاق واحده اخرى ولذلك شدوا العزم مع يا اخوان في هذه السنه هذه ان شاء الله لانني باذن الله جميع دروس ماده التربيه الاسلاميه بكالوريا احرار غادي نشرحهم لكم باذن الله مزيان ولا ان هذه اول حصه خليوني نقول لكم دغيا البرنامج ديال ماده التربيه الاسلاميه شنو هو في ماده التربيه الاسلاميه ايها الاحباب الكرام واللي بزاف منكم كيقولوا نخليوها حتى اللخر لان هي ثقافه عامه عندكم 26 درس اه 26 درس سته ديال الدروس متعلقه بالصوره المركزيه اللي هي سوره ياسين و20 درس متعلقه بدروس المداخل اللي هي خمسه المداخل وفي كل مدخل عندكم اربعه ديال الدروس شنو هما هذه المداخل هذو بسهوله بحال اللي قلت وحدات دراسيه بكل اختصار شنو هما هذه المداخل اول مدخل هو واحد المدخل سميت التزكيه مدخل اللي كيخلي علاقتك مع الله سبحانه وتعالى مزيانه وتيرفع لك الايمان ديالك ثانيا مدخل الاقتداء واللي كنحطوا فيه نماذج يتاسى ويقتدى بها لذلك سمي مدخل الاقتداء ثالث مدخل هو مدخل الاستجابه وهذا المدخل يا اخوان راه لابد تلقاوه في الامتحان الجهوي باذن الله وي فيه على الجانب التطبيقي للشريعه الاسلاميه رابع مدخل هو مدخل القسط وكنتكلموا فيه على الحقوق حق الله حق النفس حق الغير وحق البيئه واخيرا مدخل هو مدخل الحكمه واللي كنتعلموا فيه بعض الاخلاق المعينه على اكتساب الحكمه مزيان اول حاجه خصني نفهمها الى بغيت نبدا نراجع ماده التربيه الاسلاميه هي انني خصني نركز مزيان على شي حاجه سميتها الاطار المرجعي شنو هو الاطار المرجعي هو واحد الوثيقه كتصدرها الوزاره كتقول للتلميذ ولا للمترشح الحر انا ها اش طالب منك في الامتحان الجهوي بالنسبه للدروس اللي عاطيك مثلا عندنا درس التوحيد والحريه الدرس اللي يعطى الله ما يتقال فيه ولكن الوزاره كتجي وكتحدد لك ثلاثه المحاور اللي خاصك تقراهم في هذا الدرس هذا وللاسف ايها الاحباب الكرام 70 مليار ملخص كاين في الانترنيت وبزاف منهم الاغلبيه الساحقه لا تحترم الاطر المرجعيه ولذلك تلقى بنادم كيمشي تييحفظ وفاش كيمشي لللامتحان مالقى والو من ذاك الشيء اللي حفظ ثاني حاجه ايها الاخوان الكرام ماده التربيه الاسلاميه تعتمد بشكل كبير على الفهم وفهم منهجيه الاجابه على اسئله الامتحان الجهوي ولذلك انا في سلسله اجتهد ونجح ان شاء الله غادي نشرح لكم الدروس ونضبطها لكن اللي بغى ملخصات بي دي اف ابداعيه وفق الاطار المرجعي ولايفات تفصيليه كل اسبوع حول الدروس اللي كنربطوا فيها الدرس بالامتحان الجهوي وكنعلمكم كيفاش تجاوب على الاسئله مع اختلاف اشكالها وبغى الخدمه المكثفه على الامتحانات الجهويه فيتواصل معنا في الرقم ديال مبادره اجتهد تنجح باش يلتحق بالعرض الخاص ان شاء الله ديال ماده التربيه الاسلاميه وبالمناسبه ايها المترشحون الاحباب الاحرار راه كندرسكم ايضا ماده الفلسفه ومع اساتذه متميزين ما شاء الله في جميع المواد سواء كنت ادبي سواء كنت علم مزيان دابا ندخلوا للمسكي كيف كنقولوا احنا المغاربه في هذه الحصه الاولى ان شاء الله سنتطرق الى شرح المقطع الاول من سوره ياسين وهنا قبل ما نبداو في الشرح ديال هذا المقطع الاول لابد نركزوا مع واحد الحاجه اشنو طالبه مني الوزاره في الاطار المرجعي فيما يتعلق بسوره ياسين خمسه ديال الحوايج عقلوا عليها الله يرضي عليكم اول حاجه انا مطالب نضبط التوثيق الصوره ولا ما يسمى بتعريف الصوره وسهله هذه كنكتبوا اسمها نوعها عدد اياتها نوعها زعما واش مكيه ولا مدنيه سبب نزولها علاش نزلت هذه الصوره هذه شنو هي الموضوعات ديالها ثاني حاجه كطلب مني الوزاره يا اخوان هي المضامين والمضامين انا غادي نعلمكم باذن الله كيفاش تستخرجوا مضمون المضمون باختصار هو انك كدير المصدر كتبدا به الجمله ديالك وكتكتب ملخص الايه ما كتزيد حتى شي معلومه ما كايناش في الايه مزيان ثالث حاجه كطلب منا الوزاره في الاطار المرجعي الخاص بسوره ياسين هي معرفه كيفيه استخراج القيم والقيمه ايها الاحباب الكرام بزاف منكم غادي يسحاب باللي ماشي مشكل نكتب شي حاجه زوينه ولا شي حاجه معبره وصافي جمله لان التربيه الاسلاميه فقط ثقافه عامه وللاسف غادي تحصل ورا هذه الهضره هذه اللي كتقول دابا الشفنج لان القيمه ايها الاخوان الكرام عندها شروط منها الا تتجاوز كلمتين بمعنى القيمه كتكون في كلمه او كلمتين كذلك القيمه كتكون عباره عن خلق شي حاجه زوينه كيديرها الانسان وخصها تكون ايجابيه ما تكونش سلبيه ما معنى ما تكون سلبيه بمعنى ما تكونش فيها عدم شي حاجه خايبه مثلا الله سبحانه وتعالى قال ولا تقربوا الزنا شنو هي القيمه ما تمشيش تكتب لهم انت عدم الزنا ولا عدم الوقوع في الفاحشه علاش حيت باختصار قلنا بلي القيمه ما تكون فيها عدم غادي تمشي انت ودير العكس ديال ديك الحاجه اللي ما مزيانش نبقاو مع المثال اللي فات ولا تقربوا الزنا في بلاصه ما نكتب في القيمه عدم الزنا نشد ديك الزنا وندير العكس ديالها شنو هو العفه اذا القيمه هي العفه مزيان رابع حاجه طالبنا الوزاره في الاطار المرجعي فيما يتعلق بسوره ياسين الاحكام باش تعقلوا عليهم الا جيت سولتك وقلت لك شنو هو عفاك الحكم ديال الحاجه كتقول لي واش حلال واش حرام واش واجبه واش حرام مزيان مع ان الاحكام التكليفيه هي خمسه وهذا موضوع اخر الا ان الاحكام اللي انتما مطالبين بها فيما يتعلق بسوره ياسين هي يا اما وجوب يا اما تحريم شفتي شي حاجه في ديك الايه زوينه كتقول وجوب ديك الحاجه اللي زوينه شفتي في الايه شي حاجه خايبه كتقول تحريم ديك الحاجه اللي خايبه مزيان بقاو لنا الدروس والعبر وهي مجموعه ديال الفوائد كتكون عباره عن جمل كيستخلصها الانسان وهذه كيتساو معها المصححين يوم الامتحان الجهوي ان شاء الله اذا الله يرضى عليكم راه الى مشيتي وحفظتي سوره ياسين وبديتي كتحفظ معها المضامين والقيم والاحكام والدروس والعبر راك بحال اللي حفظتي ثلاثه المواد ماشي ماده واحده ولذلك تعلم مهاره استخراج هذا الشيء هذا ان شاء الله وهذا الشيء اللي كنخدم مع الاخوان في العرض الخاص ديال المبادره اجت نجح اذا على بركه الله نبداو ان شاء الله المقطع الاول من سوره ياسين وغادي نبداو بتوثيق السوره بطبيعه الحال اسمها سوره ياسين نوعها مكيه وكنقصدوا بهذا الشيء انها نزلت على النبي عليه الصلاه والسلام قبل ما يهاجر للمدينه لان الصور اللي نزلت ملي النبي عليه الصلاه والسلام كان في مكه قبل ما يهاجر للمدينه كنسميوها مكيه والصور اللي نزلت من بعد الهجره ديال النبي عليه الصلاه والسلام للمدينه كنسميوها صور مدنيه مزيان عدد اياتها 82 ايه عقلوا على عفاكم 82 ايه واخا شنو هما استاذ المواضيع ديال سوره ياسين ثلاثه ديال المواضيع مركزيه اللي هي الايمان بالبعث والنشور زعما قيام الناس من القبور بعد ان كانوا امواتا قصه اهل القريه هذه قصه جميله سنتعرف عليها ان شاء الله وثالثا الادله على وحدانيه ووجود الله سبحانه وتعالى اوا سيدي اش بقا لنا دابا بقا لنا سبب النزول علاش نزلت سوره ياسين كان واحد مسخوط الوالدين من صناديد قريش اللي كانوا كيعادوا النبي عليه الصلاه والسلام وتيحاربوه هذا خونا هذا سميته ابي بن خلف واحد النهار اسيدي وللا بطبيعه الحال جاب واحد العظم راشد حتى قدام النبي عليه الصلاه والسلام ويمشي حتى قدام النبي عليه الصلاه والسلام ويفرتو ما بين يديه ويقول لي يا محمد يبعث الله هذا بعد ما ارن ارن زعما تفرتت فقال له النبي صلى الله عليه وسلم نعم يبعث الله هذا ويميتك ثم يحييك ثم يدخلك نار جهنم فنزلت سوره ياسين وفيها قول الله سبحانه وتعالى وضرب لنا مثلا ونسي خلقه قال من يحيي العظام وهي رميم اوا دابا ايها الاحباب الكرام نقراو الايات ان شاء الله لان المقطع الاول عندكم فيه من الايه واحد حتى الايه 11 غنقسموا هذا المقطع ثلاثه ديال الاجزاء نقراوه ونجبد المضامين والقيم والاحكام اللي كاينين ان شاء الله من الايه واحد للايه خمسه ومن الايه سته للايه تسعود والايه 10 و11 أعوذ بالله من الشيطان الرجيم بسم الله الرحمن الرحيم يس والقران الحكيم انك لمن المرسلين على صراط مستقيم تنزيل العزيز الرحيم لتنذر قوما ما انذر اباؤهم فهم غافلون مزيان نبداو بشرح الايات ثم نستخرجوا المضامين والقيم ونشوفوا الاحكام الى كاينين ياسين بطبيعه الحال من الحروف المقطعه التي لا يعلم معناها الا الله وهي ماشي اسم كيف بزاف ديال الناس كيسحبهم وكيسوا ياسين اولا طه جوج حروف الاولين اللي كاينين في سوره طه مزيان قال الله سبحانه وتعالى والقران الحكيم فوصف الله سبحانه وتعالى القران بانه حكيم وهذا حكيم اما ان تعني الحكم فهو الحاكم فوق كل شيء او الحكمه اي ان القران قد تضمن الحكمه وبطبيعه الحال ذيك الواو اللي في البدايه ديال والقران الحكيم هي واو القسم فالله سبحانه وتعالى هنا يقسم بالقران تسولوني سؤال وتقولوا لي ياك استاذ خصني نحلفوه غير بالله سبحانه وتعالى غادي نقول لكم ايها الطيبون والطيبات راه الله سبحانه وتعالى احيانا يقسم بمخلوقاته تنبيها على عظمتها اما المخلوق اللي هو احنايا الانسان فلا يجب ان نقسم الا بالله سبحانه وتعالى ما تقولش وحق القران وحق الطعام اللي تشاركنا وحق ما شنو جميل قال ربنا سبحانه وتعالى بعد هذه الايه انك لمن المرسلين فهو يخاطب النبي صلى الله عليه وسلم ويبين انه رسول من عنده ثم قال بعد ذلك على صراط مستقيم بمعنى ان الطريق الذي يمشي عليه النبي عليه الصلاه والسلام واتباعه من بعده هو طريق مستقيم لا عوج فيه قال ربنا سبحانه وتعالى تنزيل العزيز الرحيم اي ان هذا القران انما نزل من عند رحمن عزيز ثم بين ربنا سبحانه وتعالى الغايه التي لاجلها انزل القران على محمد صلى الله عليه وسلم فقال لتنذر قوما ما انذر اباؤهم فهم غافلون اي لتحذر هؤلاء الناس هؤلاء الشعوب التي لم يحذر اباها فصاروا من الغافلين اتفقنا اذا هنا كيسالي الجزء الاول من هذا المقطع الاول خصنا نجبد ليه مضمون ونشوف واش كاين شي قيم ولا احكام مزيان دابا اهبط لي كومونتير وحاول تكتب ليا مضمون وقيمه و لقيتي شي حكم حتى هو كتبه اش قلنا حنايا في المضمون خصنا نبداو بمصدر هنا المصدر خصه يبدا باول معنى كاين في الايه وبطبيعه الحال اول معنى كاين في الايه هو القسم هو الحلف ديال الله سبحانه وتعالى بالقران في قوله سبحانه وتعالى والقران الحكيم مزيان علاش جاء هذا القسم جاء لتاكيد ان النبي صلى الله عليه وسلم رسول من عند الله ثم بين الغايه التي لاجلها بعث واللي هي تحذير الناس كيف قلنا اذا المضمون غادي يكون على الشكل الاتي اقسام الله سبحانه وتعالى على ان محمدا رسول من عنده مع تاكيده على الغايه التي بعث من اجلها مزيان اجي نشوف واش كاين شي قيمه شنو قلنا حنا قيمه شي حاجه زوينه شي خلق زوين شي حاجه المهم ماخصهاش تفوت كلمه او كلمتين ياسين ما فيها والو والقران الحكيم ما فيها حتى شي حاجه واخا نقدروا نجبد منها قيمه الحكمه انك لمن المرسلين ما فيهاش على صراط مستقيم الاستقامه تنزيل العزيز الرحيم ممكن نجبد منها العزه والرحمه لتنذر قوما ما انذر اباهم فهم غافلون مزيان الا قالوا لنا اجبد حكم من هنايا كاينه شي حاجه زوينه هنايا في التنديره قوم اللي هي الدعوه الى الله اذا في الحكم حاجه زوينه هذه ولا خايبه زوينه اذا اش غادي نقولوا وجوب الدعوه الى الله اتفقنا بمعنى يا اخوان هذا الشيء كيعتمد بزاف على درجه الاستيعاب اللي عندك مزيان ندوز للجزء الثاني في هذا المقطع الاول ان شاء الله اللي هو من الايه سته حتى الايه تسعود لقد حق القول على اكثرهم فهم لا يؤمنون انا جعلنا في اعناقهم اغلالا فهي الى الاذقان فهم مقمحون وجعلنا من بين ايديهم سدا ومن خلفهم سدا فاغشيناهم فهم لا يبصرون وسواء عليهم انذرتهم ام لم تنذرهم لا يؤمنون جيد اذا ربنا سبحانه وتعالى هنا قال لقد حق القول على اكثرهم بمعنى ذوك اللي كذبوا النبي صلى الله عليه وسلم وقع عليهم القول اي صدق عليهم الوعيد اللي هو العذاب قال ربنا سبحانه وتعالى فهم لا يؤمنون ممكن نجبد هنا قيمه الايمان والا قالوا لنا حكم هنا واش كاينه شي حاجه زوينه ولا خايبه لا يؤمنون خايبه اللي هي الشرك اللي هي الكفر اذا خصنا نقولوا تحريم الشرك ولا تحريم الكفر بالله ثم صور لنا ربنا سبحانه وتعالى العقاب الذي سيتلقاه هؤلاء فقال انا جعلنا في اعناقهم اغلالا فهي الى الاذقان فهم مقمحون ما معنى الايه؟ لان الله سبحانه وتعالى في اعناقها الذين كفروا جعل الاغلال اللي هي القيود هذه القيود هذه شاده الاعناق ديالهم كاملين واصله حتى للاذقان اللي هي تحت الفم ثم وصفهم ربنا سبحانه وتعالى بانهم مقمحون ومقمحون تعني انهم هازين راسهم بحال هكا ولكن عينيهم تيشوفوا لتحت كنايه على الذل والهوان وقال ايضا ربنا سبحانه وتعالى وجعلنا من بين ايديهم سدا ومن خلفهم سدا فاغشيناهم فهم لا يبصرون ثم قال وسواء عليهم انذرتهم ام لم تنذرهم لا يؤمنون فبين ربنا سبحانه وتعالى ان من تغشى قلبه بظلمات الكفر كان صعبا على النبي صلى الله عليه وسلم وعلى امته بالتبع ان يدعوه الى الاسلام مزيان الى بغينا نبينوا مضمون غادي نحاولوا نفهموا الايات بطبيعه الحال هذا الشيء كله من باب التحذير للمشركين باش ما يوقعش لهم هذا الشيء اذا المضمون هو تحذير الله سبحانه وتعالى للمكذبين برساله النبي صلى الله عليه وسلم مع بيان عذابهم ودابا طيبون وطيبات ندوزوا للجزء الاخير من المقطع الاول ديال سوره ياسين اللي فيه الايه 10 والايه 11 قال ربنا سبحانه وتعالى انما تنذر من اتبع الذكر وخشي الرحمن بالغيب فبشره بمغفره واجر كريم انا نحن نحيي الموتى ونكتب ما قدموا واثارهم وكل شيء احصيناه في امام مبين جميل هنا ربنا سبحانه وتعالى سيجيب نبيه صلى الله عليه وسلم عمن هم مستعدون لقبول دعوه الاسلام فقال ربنا سبحانه وتعالى انما اللي هي اداه حصر انما تنذر من اتبع الذكر وخشى الرحمن بالغيب سبحان الله العظيم هذه هي شروط الاهتداء بالقران وبالاسلام ان تتبع ما يخبرك به ربنا سبحانه وتعالى في القران والنبي عليه الصلاه والسلام في السنه وان تكون فيك خشيه للرحمن لله سبحانه وتعالى في الغيب ملي كتكون بوحدك شنو هو الجزاء ديالك فبشره بمغفره واجر كريم ثم قال ربنا سبحانه وتعالى انا نحن نحيي الموتى فاكد على ان هذ الاموات كلهم اللي كنشوف فيهم دابا سوف يحييهم الله سبحانه وتعالى ثم قال ونكتب ما قدموا واثارهم بمعنى هذا الشيء اللي كدير دابا سيكتبه الله سبحانه وتعالى عليك وحتى ذاك الشيء اللي خلفت وراك ولذلك هذه رساله يا اخوان ما تبقاوش تكتبوا اللي كان والتخربيق والضلالات والفضائح والغيبه وبزاف ديال الحوايج مثلا في الحائط ديالك على فيسبوك ولا المنصه ديالك على تويتر ولا انستغرام لان هذا الشيء كله الى متي غادي يبقاو وهذ هما الاثار ديالك حاول تربي وليدات زوينين لانهم الاثار ديالك اتفقنا ثم ختم ربنا سبحانه وتعالى بقوله وكل شيء احصيناه في امام مبين والمقصود بامام مبين اللوح المحفوظ مزيان شنو هو المضمون ديال هذه الايه 10 و11 اللي قرينا دابا واش كاين شي قيم ولا لا بطبيعه الحال في بدايه ديال هذه الايه 10 كنلقاو باللي الله سبحانه وتعالى تيبشر ذوك اللي تبعوا النبي عليه الصلاه والسلام بالمغفره والاجر الكريم ومن بعد كيبين لنا الله سبحانه وتعالى بانه قادر على احياء الموتى وعلى الحساب ديالو اذا المضمون غادي يكون على الشكل الاتي تبشير المؤمنين بالمغفره والرحمه مع بيان قدره الله سبحانه وتعالى على احياء الموتى وحسابه مزيان واش كاينه شي قيمه هنايا يلا فكر فيها وحاول تكتبها دابا وقف الفيديو وكتبها لي لتحت خصك لابد دوز سكانير على الايات وتشوف اش كاينه شي حاجه زوينه غادي تلقى كاينه واحد الحاجه زوينه اللي في قول الله سبحانه وتعالى انما تنذر من اتبع الذكرى تقدر تقول قيمه الاتباع ورغم وخشيه الرحمن بالغيب فتقدر تكون قيمه الخشيه الا عطاوك حكم وما عطاوكش قيمه راه بطبيعه الحال هذه حاجه زوينه اذا راه تقدر تقول وجوب الخشيه ولا وجوب اتباع النبي صلى الله عليه وسلم مزيان حتى لهنا ايها الاحباب الكرام غادي يكون سالى المقطع الاول من سوره ياسين ما تنساوش تواصلوا مع مبادره اجي تنجح الا بغيتوا تلتحقوا معي ان شاء الله في العرض الخاص اللي كيتضمن كيف قلت لكم ملخصات ديال هذا الشيء اللي قلنا بطريقه ابداعيه كتساعد على الحفظ لايفات تفاعليه التفصيل الدروس اللي كنخاطبكم فيها وكتخاطبوا معايا مع الاشتغال على منهجيه الاجابه على الاسئله والتمرين والاشتغال المكثف على الامتحانات الجهويه وما تنساوش واحد الحاجه هذا السنه هذه تحدي ان شاء الله امامكم فحاولوا انكم تجتهدوا ما تخسروش وما تلتافوش نهائيا للمثبطين والناس اللي كيقول لك وا بزاف عليك واش بغيتي بهذا الشيء وهذه وهذه لانك في النهايه باذن الله ستشعر بلذه الانجاز ولذه التفوق على النفس الى عجبكم الفيديو ما تنساوش انكم تديروا كل شيء اللي قلنا في البدايه اشتركوا في القناه واعجاب وتعليق وشاركوا الفيديو مع ناس وحد اخرين كان معكم صهيب الملح السلام عليكم ورحمه الله