[0:00]السلام عليكم ورحمه الله وبركاته، اهلا بكم في فيديو جديد على قناه سامح رمضان. ده بقى الفيديو الاول من سلسله فيديوهات هشرح فيها كورس كومتيا نيتورك بلس. وفي الفيديو ده هكلمكم عن انتكشن تو نيتوركس. تعالوا في الاول نتعرف على الاوت لاين او التوبيكس اللي احنا هنتكلم فيها. اول حاجه هنتعرف على نيتورك ديفينيشن تعريف النيتورك، ليه محتاجين النيتورك او اهميه النيتوركس في حياتنا. نيتورك كومبون العناصر او مكونات النيتورك الاساسيه، انواع النيتوركس وحاجه اسمها النيتورك توبولوجيز. تعالوا نبدا مع بعض بيعني ايه كمبيوتر نيتورك؟ كلمه نيتورك معناها او كمبيوتر نيتورك هي عباره عن مجموعه من الديفايسز وعاده بتبقى يعني اهم ديفايس لازم يبقى موجود في النيتورك هو الكمبيوتر ديفايسز. فاساسي لازم يبقى فيه مجموعه من الكمبيوتر ديفايسز كونكتد تو ايتش اذر يعني لازم يكونوا متوصلين او في كونكشن او شيء بيربط ما بينهم. ممكن الكونكشن ده يكون عن طريق كيبلز او اللي هو الوايرد كونكشن او ممكن يكون من غير كيبلز او بيسموه الوايرلس كونكشن. المهم ايا كانت وسيله الاتصال اللي بتربط الاجهزه ببعضها البعض في الاخر هي دي تعريف النيتورك ان انا عندي مجموعه من الديفايسز اللي بترتبط ببعضها البعض. طبعا انا قلت ان اجهزه الكمبيوترز هي العامل الرئيسي في الاتصال لكن في الوقت الحالي يعني اصبحت فكره الكمبيوتر بس بقت صعبه جدا. لا دلوقتي في اجهزه كثيره وفي ديفايسز كثيره دخلت في عمليه الكونكشن بقى ممكن نلاقي مثلا في الموبايل ديفايسز بنلاقي في التابلتس بنلاقي في حتى كمان السمارت ووتشز هنلاقي في اجهزه كثيره جدا دلوقتي دخلت وبقت جزء لا يتجزا من منظومه النتوركس او الشبكات. فده كده بمنتهى البساطه تعريف النيتورك. طيب دلوقتي بقى بعد ما اتعرفنا على تعريف النيتوركس ضروري جدا نسال طب ايه هي البنفتس او ايه هي الاهداف الرئيسيه من النيتوركس. طبعا فكره وجود النيتوركس او انشاء النيتوركس ليها اهداف كثيره جدا لكن اشهرها واهمها هدفين شير هارد وير وشير داتا. هارد وير ديفايسز اشهرها مثلا البرينترز والداتا بمختلف انواعها، الداتا دي اللي هي ممكن تكون فايلز فولدرز ممكن تكون ابليكيشنز ممكن تكون حاجات كثيره. او في بعض الاحيان بيسموها الشير ريسورسز اللي هي مشاركه مصادر اللي داخل الاوفيس او الشركه او ايا كان المؤسسه اللي انا شغال فيها فعمليه الشير هي اساس او الهدف الرئيسي عاده من انشاء النيتورك.
[2:30]يعني عايز اقول لكم ان اكبر شبكه في العالم اللي هي شبكه الانترنت في البدايه وفي بدايه تاسيسها اتعملت عشان موضوع الشير. ان يبقى فيه مشاركه للمعلومات على مستوى العالم حتى في بدايه ظهور الانترنت تم استخدام مصطلح وحتى احيانا بيتم استخدامه في الوقت الحالي بيسموها شبكه المعلومات الدوليه. فشبكه المعلومات الدوليه المصطلح ده جه من فكره ان الهدف الرئيسي من انشاء الانترنت والانترنت يعتبر هو اكبر شبكه في العالم الهدف الرئيسي اتعمل عشان خاطر عمليه مشاركه المعلومات على مستوى العالم. ايه هي بقى الادفانتجز او مزايا وجود النيتورك؟ في مزايا كثيره جدا في وجود النيتورك زي ان انا اقدر في وجود النيتورك او من خلال النيتورك اوفر فلوس كثير. كمان بيزود او بيعلي فكره الورك جروبس كولابوريشن او التعاون الوظيفي داخل الشركات والمؤسسات. كمان بيعلي البروداكتيفيتي او الانتاجيه كمان بيحمي او اقدر من خلالها احمي الداتا بتاعه الشركه ومزايا ثانيه كثير. عشان نفهم وندرك اهميه النيتوركس تعالوا ناخذ مجموعه من الاكزامبلز عباره عن مجموعه من السيناريوهات سيناريو مثلا من غير النيتورك او شركه او مؤسسه من غير النيتورك وفي وجود النيتورك ايه اللي هيحصل؟ فتعالوا نبدا باول سيناريو نو نيتورك سيناريو هفترض دلوقتي ان انا مثلا في شركه والشركه ديت بدات بحجم صغير بدات مثلا باربع موظفين كل موظف قدامه جهاز كمبيوتر. فالموظفين بيشتغلوا عادي جدا بيفتحوا برامج زي برامج الاوفيس وورد اكسل غيره بيكتبوا والكلام ده كله ففجاه ادركوا كلهم ان هم محتاجين عمليات او عمليه البرينتنج او الطباعه. فكلموا المسؤول اللي موجود فالمسؤول دوت ادرك ان كل واحد فيهم محتاج عمليه الطباعه بشكل ضروري فبالتالي المسؤول دوت اشترى لكل موظف جهاز برينتر. فاصبح ان دلوقتي يبقى عندي اربع موظفين وكل موظف جهاز برينتر. فانا مثلا دلوقتي لو هقول ان متوسط سعر البرينتر مثلا يعني 1000 جنيه فبالتالي انا نزلت اشتريت ل اربع موظفين اربع برينترز ب 4000 جنيه. طيب لو حجم الشركه دي كبر هبص الاقي ان لو جه موظف جديد جبت له جهاز كمبيوتر وجبت له البرينتر بتاعته وهكذا فهتبص هتلاقي ان انت جبت عدد برينترز بعدد افراد الشركه. فلما تبص للتوتال كوست او اجمالي التكلفه بتاع الموضوع ده هتبص هتلاقي الموضوع ده مكلف جدا. جميل ده غير كمان في حاجه اسمها الافيشينت يوز اوف ريسورسز المبدا ده يعني برضه لازم تحطه في اعتبارك ايه الافيشينت يوز اوف ريسورسز؟ اللي هو الاستخدام الامثل للموارد انا مثلا دلوقتي الموظف اللي عنده برينتر متصله بجهازه هل هو طول الوقت بيطبع؟ اكيد لا يعني هو مثلا ممكن بي بيطبع مثلا في اليوم مره مرتين ممكن ما يطبعش خالص فهتبص هتلاقي نسبه استخدامه ل المورد ذات نفسه او الحاجه اللي هو شاريها او المتصل بيها نسبه قليله جدا. فبالتالي انت كده المنحنى ذات نفسه قليل جدا فهتبص هتلاقي ان السيناريو ده سيء جدا فكل ما زاد حجم الشركه كل ما زادت التكلفه. طيب تعالوا بقى نشوف دلوقتي لو انا جيت اتكلمت على سيناريو اخر في وجود النيتورك. انا مثلا دلوقتي برضه الشركه دي بدات باربع اجهزه بس الاربع اجهزه دول اتوصلتهم ببعضهم البعض ايا كانت وسيله الاتصال. طبعا انا عايز برضه الناس يعني ايه ما تركسش معايا قوي في شكل الاتصال ذات نفسه هل فعلا الاجهزه هتتصل بالكيبلز بالمنظر ده ولا لا القصه دي هنتكلم فيها قدام شويه. انا دلوقتي بتكلم على الفكره الرئيسيه المهم الاربع اجهزه وصلتهم ببعضهم البعض وانشات نيتورك وجوم الموظفين احتاجوا لموضوع البرينتنج. هل دلوقتي انا محتاج اعمل زي من شويه ان انا اجيب لكل موظف برينتر؟ فالاجابه لا طالما في نيتورك فبالتالي يكفي ان الاربع موظفين اجيب لهم برينتر واحده والبرينتر ديت اوصلها بالنيتورك وكل الموظفين يطبعوا من خلال نفس البرينتر. طب لو انا زودت عدد الاجهزه ما عنديش اي مشكله ممكن لو لو الحجم زاد قوي ممكن اشتري كمان برينتر يبقى اثنين برينترز بدل واحده. فهتبص هتلاقي في النهايه انا وفرت فلوس كثيره جدا. جميل يبقى بالنسبه لي اول عامل او اول بنفت او اول ميزه حصلت عليها من وجود النيتورك ان انا وفرت فلوس. طيب تعالوا نشوف مثال ثاني برضه في عدم وجود النيتورك انا مثلا دلوقتي عندي مجموعه من الموظفين والمجموعه دوله شغالين على بروجيكت معين. والمفروض ان الاربعه بيحصل بينهم اسوسيشن او زي يعني تنسيق ما بينهم. ان مثلا في فايل او في بروجيكت معين كل واحد ليه دور في البروجيكت دوت فهفترض ان في موظف من الموظفين عنده مجموعه من الفايلز شغال عليها وفي زملائه المفروض بيعملوا ايديتنج او ان هم مثلا بيبقى ليهم بعض الاضافات او الكلام ده كله في الفايل. طيب في عدم وجود النيتورك هيعملوا الكلام ده ازاي؟ هيضطر كل موظف محتاج ان هو يعدل في الفايل او يشوف حاجه في الفايل ان هو لازم مثلا يبقى معاه فلاش ميموري وياخد الفلاشه بتاعته ويروح لزميله ويقول له من فضلك انا عايز كوبي من الفايل فياخذ كوبي من الفايل ويرجع يقعد على الجهاز بتاعه ويعدل فيه. بس هنا بقى في مشكلتين المشكله الاولى ان انا في يعني او اكثر من مشكله كمان مش مشكلتين ده ممكن يكونوا اكثر كمان. المشكله الاولى ان انا في الفتره دي انا عطلت زميلي عن شغله ليه زميلي كان قاعد شغال فانا لما قلت له حط لي الفايل ولا حاجه فهو عقبال ما بيحط الفلاشه وبيعمل كوبي وبيست والكلام ده كله فانا عطلته عن شغله ده رقم واحد. رقم اثنين فكره ان طول الوقت فلاشات بتنتقل من جهاز لجهاز دي فيها ريسك لان لو في واحد فلاشاته متفيرسه ممكن ننقلي فيروس على الجهاز. جميل فده المشكله الثانيه المشكله الثالثه ان دلوقتي زميلي اللي هو شغال على البروجيكت اللي هو الاخ ده تمام ده عنده الفيرجن الرئيسي من الفايل. فالموظف ده اخد كوبي من الفايل ونقله عنده واشتغل وعدل فيه فاصبح دلوقتي بقى فيه تو فيرجنز من الفايل فيرجن الاصلي اللي موجود في عند الجهاز ده وفيرجن او كوبي من النسخه موجوده على الجهاز ده. طب دلوقتي لما يجي يرجع الداتا يرجعها فهتبص هتلاقي الموضوع معقد وكله مشاكل برضه نفس الكلام لو في واحد برضه عايز داتا لازم يبقى معاه فلاشه وياخد كوبي منها واحد ثاني عايز نسخه فلازم يبقى معاه فلاشه ياخد كوبي منها فالموضوع هيبقى مرهق ومتعب جدا. طيب حل الموضوع ده ايه؟ حل الموضوع بسيط جدا ان انا احل الموضوع دوت عن طريق ان انا اربط ما بين الاجهزه عن طريق نيتورك واجيب جهاز ايا كان بقى على حسب امكانياتي ممكن يبقى سيرفر ممكن يبقى ستوريج ديفايس عادي.
[9:25]تمام ويبقى سنترايزد لوكيشن اقدر من خلاله اخزن فيه الملفات المهمه بتاعه اليوزرز كلهم.
[10:30]طبعا بقى في الانترنت شيرينج وفي مزايا كثير جدا جدا جدا في النيتوركس هتتعرفوا عليها من خلال دراستكم لكورس النتورك بلس وان شاء الله اللي هيكمل بعد كده في اي مسار بقى سواء مسار خاص بمايكروسوفت او مسار خاص بسيسكو او غيرهم. طول ما هو بيدرس هيلاقي نفسه ان هو طول الوقت بيتعرف على مزايا وجود النيتوركس تمام فمن خلال الثلاث امثله شفنا مع بعض قد ايه وجود النيتوركس مهم جدا جدا في حياتنا. دلوقتي هنتعرف على النيتورك كومبوننتس ايه هي العناصر او الالمنتس الرئيسيه اللي المفترض تبقى موجوده في اي نيتورك؟
[11:14]الكومبوننتس ديت هي عباره عن اول حاجه الكمبيوتر سيستمز.
[11:20]لازم طبعا اتفقنا مع بعض ان ممكن يبقى في عندي مالتيبول ديفايسز ممكن يبقى عندي تابلتس ممكن يبقى عندي موبايل فونز ممكن يبقى عندي حتى السمارت ووتشز لكن اساسي لازم يبقى فيه كمبيوتر سيستمز. طيب فالكمبيوتر سيستم هو عنصر رئيسي من العناصر اللي موجوده في اي نيتورك العنصر الثاني نيتورك ميديا والميديا هي عباره عن الوسيط او وسيط نقل البيانات. هو دلوقتي فكره النيتورك ايه؟ ان انا بربط الاجهزه ببعضها البعض عشان خاطر يحصل انتقال للداتا يعني بالبلدي كده الاجهزه بتكلم بعض. فطالما الاجهزه هتتكلم بعض فلازم يبقى فيه وسيط لانتقال البيانات ما بين الاجهزه ببعضها البعض فالوسيط ده اللي هو الميديا. خذوا بالكم ان الميديا دي بتختلف يعني ايه؟ يعني مثلا انا دلوقتي لو هتكلم على سبيل المثال ان انا بربط ما بين الاجهزه عن طريق كيبلز فالكابل ذات نفسه فيه منه انواع في مثلا عندي في حاجه اسمها الكفر كيبلز اللي هي الكابلات النحاسيه. وفي مثلا عندي نوع من الانواع اسمه الفايبر اوبتكس طبعا الكلام ده ان شاء الله كله هناخذه بالتفصيل في فيديو مستقل كده هنتكلم فيه على انواع الكيبلز. ففي حاجه اسمها الفايبر اوبتكس الفرق ما بينهم ايه؟ ان الفرق ده كابلات نحاسيه فالداتا اللي بتمشي بتمشي في شكل حاجه اسمها الكتريكال سيجنالز بينما الفايبر اوبتكس الداتا بتمشي في شكل نبضات ضوئيه لايت بالسز. طيب في مثلا كمان ممكن ما استخدمش كيبل في الاساس ممكن استخدم الوايرلس او اللي هي الراديو فريكوانسيز اللي هي موجات الراديو اللي موجوده في الهواء الجوي. خلاص يبقى من غير كيبلز خالص فكل دولت دي اسمها نيتورك ميديا او وسائط نقل بيانات. الكومبوننت الثالث هو النيتورك انترفيس طيب ايه بقى دور الانترفيس؟ الانترفيس بيقوم بدور مهم جدا ايه هو؟ ان هو بيحول البيانات للفورمات او الشكل الملائم للميديا اللي البيانات هتنتقل فيه. يعني ايه الكلام ده؟ احنا دلوقتي اتفقنا مع بعض ان انا دلوقتي عندي اجهزه كمبيوترز واجهزه الكمبيوترز ديت هتنقل بيانات عن طريق ميديا. خلونا الاول نقول هي اجهزه الكمبيوترز ديت بتفهم الداتا في شكل ايه؟ او ايه شكل الداتا اللي الكمبيوتر بيفهمه؟ الكمبيوتر ما بيفهمش غير شكل واحد من الداتا اللي هو الشكل الديجيتال او الباينري اللي هو الداتا في شكل زيرو وونز فاي كمبيوتر في الدنيا ما بيفهمش غير زيرو ون. تمام اللي هو الباينري ساعات بيقولوا عليها ديجيتال طيب الفكره بقى ان انا دلوقتي لما هنقل البيانات ديت من خلال وسائط الوسائط بتختلف يعني ايه؟ يعني احنا قلنا من شويه ان انا لو بستخدم الكبر كيبلز او الكابلات النحاسيه فالداتا هتنتقل في شكل الكتريكال سيجنالز اشارات كهربائيه. لو هستخدم فايبر اوبتكس فالداتا هتنتقل في شكل اشارات ضوئيه. لو انا هستخدم الوايرلس فالداتا هتنتقل في شكل ايه؟ الراديو فريكوانسيز فبالتالي هتلاحظوا الداتا شكلها بيختلف او الفورمات بتاعها بيختلف على حسب الايه؟ على حسب نوع الميديا هنا بقى بيجي دور مين؟ بيجي دور الانترفيس فالانترفيس وظيفته ايه؟ ان هو بياخد الاشارات الزيرو والونز ويعمل لها عمليه كونفرت او تحويل لشكل داتا ملائم على حسب الميديا اللي انا بستخدمها. يعني ايه؟ يعني مثلا انا دلوقتي لو بستخدم كابلات نحاسيه او كبر كيبلز لازم يبقى في انترفيس معين بستخدمه الانترفيس دوت بيحول الاشارات الزيرو ل 1 ل الكتريكال سيجنالز. لو انا هستخدم كابلات فايبر يبقى لازم في انترفيس مختلف عشان يحول الداتا لاشارات ضوئيه. لو انا هستخدم شبكه الوايرلس يبقى لازم انترفيس خاص بالوايرلس فده دور الانترفيس الانترفيس بيحول الداتا اللي هي زيرو ل 1 بيحولها لشكل ملائم لشكل او نوع الميديا اللي انا بستخدمها. الكومبوننت الرابع هو النيتورك بروتوكول. البروتوكول دوره مهم جدا في الشبكه لان هو ده اللي بيحدد الرولز او اللانجويج اللي الاجهزه هتتفق عليها عشان يقدروا يفهموا بعض.
[15:12]يعني ايه؟ يعني النت زي ما قلنا قبل كده ان بمنتهى البساطه معناها ان الاجهزه بتكونيكيت اذر او الاجهزه بتتكلم بعضها البعض وبيحصل تحاور ما بينهم. طيب دلوقتي ينفع في طرفين او اي اطراف بيكلموا بعض ومش متفقين على لغه واحده او لغه مشتركه يقدروا يفهموها هم الاثنين صعب. يعني مثلا لو واحد بيتكلم بالانجلش والثاني بيتكلم بالعربي وده ما يعرفش يعني كل واحد فيهم ما يعرفش غير اللغه اللغه بتاعته بس الاثنين عمرهم ما هيفهموا بعض فبالتالي اي طرفين عشان يقدروا يتواصلوا بنجاح لازم يكونوا متفقين على لغه معينه للحوار ما بينهم يقدروا من خلالها يفهموا بعض فدي فكره البروتوكول. طبعا النيتورك بيبقى مش فيها بروتوكول واحد لا بيبقى فيها مجموعه من البروتوكولز لكن من اشهر البروتوكولز اللي موجوده في النيتورك واللي بتخلي الاجهزه تقدر بسهوله تتواصل مع بعضها البعض بروتوكول مشهور جدا اسمه الاي بي فالاي بي او الانترنت بروتوكول هو من اشهر البروتوكولز المستخدمه في الشبكات. فدول هم العناصر الاساسيه اللي لازم يبقوا متوفرين في اي نيتورك في الدنيا بعد كده هنتكلم على النيتورك تايبس او انواع الشبكات. دي من اكثر المشاكل اللي بتقابل اي حد مبتدئ ان هو لو جه مثلا اتعرض لكتاب معين او مثلا توتوريال معين هيبص هيلاقي ان هو عند النقطه دي بالذات هيلاقي فيه انواع شبكات كثيره ومختلفه وفيها تفاصيل كثيره وساعات بتبقى متناقضه فبيتوه ويبقى محتار. فانا شايف ان افضل طريقه عشان اقدر افهم من خلالها انواع الشبكات ان انا اقسم انواع الشبكات ديت على حسب عوامل مختلفه يعني ايه؟ يعني اقول والله على حسب العامل ده في عندي انواع كذا وكذا وكذا على حسب العامل ده في عندي انواع كذا وكذا فدي افضل طريقه نقدر من خلالها نتعامل مع موضوع انواع الشبكات بيعني بسهوله. من اشهر العوامل اللي ممكن نقسم بيها الشبكات العامل الاول اسمه الجيوجرافيكال اريا او النطاق الجغرافي والعامل الثاني اسمه الهوست رول او الدور الوظيفي للهوست. والهوست هنا مقصود به يعني انواع اجهزه من اشهرهم جهاز الكمبيوتر فخلونا نقول مبدئيا كده انا هنا اقصد جهاز الكمبيوتر اللي هو الهوست رول.
[17:24]طيب يبقى في تو فاكتورز او عاملين النطاق الجغرافي والهوست رول تعالوا نبدا مع بعض بالنطاق الجغرافي على حسب النطاق الجغرافي في عندنا نوعين من انواع الشبكات والمصطلحين دولا من اشهر المصطلحات اللي بتسمعوهم دائما في النيتورك المصطلح الاول هو اللوكال اريا نيتورك او اللان. والنوع الثاني هو الوايد اريا نيتورك او الوان تعالوا نبدا بالنوع الاول مشهور جدا والمنتشر جدا على مستوى العالم اللي هو اللان. اللان بمنتهى البساطه يا جماعه ان انا عندي مجموعه من اجهزه الكمبيوترز المجتمع مع بعضها البعض وبيتم توصيلها باي طريقه توصيل ايا كانت طريقه التوصيل. لكن اهم ما يميز اللان ديت ان هي بتبقى موجوده داخل مساحه بتبقى محدوده او صغيره نسبيا يعني ايه؟ يعني ان انت في الاخر هتلاقي مجموعه الاجهزه دي داخل مبنى داخل شقه داخل نطاق جغرافي بيبقى صغير او محدود نسبيا. من اشهر الامثله عليها هتلاقي الانواع الشبكات ديت موجوده في مثلا في الكوربريتس او موجوده في الكامبانيز في الشركات في الاوفيس بيدز هتبص هتلاقي مثلا موجوده في المدارس في الجامعات في العيادات في المستشفيات في الهوتيلز حتى في البيوت. يعني انت مثلا يعني انت مثلا لو في البيت عندك اكثر من جهاز كمبيوتر وموصلهم ببعضهم البعض فانت كده عامل لان. عارفين السايبر كافيهز لما بيبقى فيه سايبر كافيه وجمع مجموعه من الاجهزه فدي تعتبر لان فاي مجموعه اجهزه داخل نطاق جغرافي محدود او صغير نسبيا فدي بيتقال عليها لان او لوكال اريا نيتورك. بينما النوع الثاني اللي هو الوان عشان نفهمه تعالوا نتخيل مثلا ادي خريطه مصر وانا مثلا دلوقتي عندي او انا كشركه مثلا عندي مالتيبول برانشز او فروع متعدده. عندي مثلا في فرع في محافظه الاسكندريه وعندي فرع مثلا في محافظه القاهره وعندي فرع مثلا في الصعيد. الثلاثه دولت لان يعني او الثلاثه دولت لانز كل واحده فيهم لان مجموعه من الاجهزه داخل نطاق جغرافي محدود نسبيا انا في الاخر اللانز ديت كلها تبع شركه او تتبع شركه واحده. فانا عايز اوصل ما بين اللانز ديت عشان يحصل تواصل ما بين الفروع كلها. في الحاله دي عشان اقدر اوصل ما بين اللانز المختلفه بستخدم نوع من انواع الشبكات اسمه الوان او بعمل حاجه اسمها وان لينك. فالوان اللي هي عباره عن ايه؟ هي بتبقى شبكه بتربط مجموعه من اللانز يعني تو لانز او اكثر عبر نطاق جغرافي متسع نسبيا او متسع يعني طبعا مش شرط يبقى نسبيا بيبقى متسع ممكن يبقى داخل او من خلال مدن ممكن يبقى من خلال دول كمان. فالوان دايما يعني حتى وايد جايه من كلمه وايد جايه من الاتساع او معناها اتساع او متسع فالوايد اريا نيتورك هي بتبقى شبكات متسعه بتربط ما بين ما بين شبكات لان مختلفه. عبر النطاق جغرافي متسع هنا مثلا ربطت ما بين فرع اسكندريه وفرع القاهره اقدر كمان اربط ما بين فرع القاهره وفرع الصعيد مثلا طب افرض مثلا الشركه دي توسعت وطلعت بره مصر فاقدر اربط ما بين الفرع اللي بره مصر والفرع اللي جوه مصر فهتبص هتلاقوا فكره الوان ان انت بتربط ما بين مجموعه من اللانز عبر النطاق جغرافي متسع اللي هي يعني حتى لما بدات تظهر فكره الوان لما بدات تتسع بقى وتنتشر عبر مستوى العالم لما بقى عندنا حاجه اسمها ديستريبيوتد وان ظهر عندنا اكبر شبكه وان في العالم اللي هي شبكه الانترنت فالانترنت هي بتصنف انها اكبر شبكه وان في العالم لان الانترنت بمنتهى البساطه يعني انت عندك مجموعه من الشبكات اللي بتربطها عبر نطاق جغرافي متسع او كبير نسبيا ولكن الكلام ده على مستوى العالم كله. ماشي يا جماعه ده كده بالنسبه ل الوان او شبكه الوان. يبقى دلوقتي احنا اتكلمنا على انواع الشبكات من حيث النطاق الجغرافي تعالوا بقى نتكلم على انواع الشبكات من حيث الهوست رول او الدور الوظيفي اللي بيقوم به الهوست. عندنا نوعين من انواع الشبكات من حيث الهوست رول او الدور الوظيفي نوع اسمه البير تو بير ونوع اسمه الكلاين سيرفر البير تو بير اللي هم بالعربي بيقولوا عليها الند للند ونوع اسمه الكلاينت سيرفر اللي هي ما يسموها شبكه الزبون والخادم. قبل ما اتكلم على البير تو بير تعالوا الاول نقول ايه هو موضوع الهوست رول؟ الهوست عندي داخل الشبكه بيقوم بادوار متعدده من اشهر هذه الادوار دور اسمه الكلاين ودور اسمه السيرفر دور اسمه الكلاينت ودور اسمه السيرفر الكلاينت ده عاده بيوصف اي جهاز داخل النيتورك الجهاز دوت بيكوست سيرفيس او بيطلب خدمه معينه داخل النيتورك اي جهاز بيطلب خدمه او بي بيحصل على خدمه معينه داخل النيتورك ده بيتقال عليه كلاينت بينما السيرفر هو اي جهاز بيفايد سيرفيس فالجهاز ده بيتقال عليه بيقدم خدمه يعني فالجهاز ده بيتقال عليه ايه؟ بيتقال عليه سيرفر جميل فدي فكره الهوست رول. تعالوا بقى نرجع للموضوع بتاعنا نبدا باول نوع من انواع الشبكات من حيث الهوست رول هو البير تو بير او شبكات الند للند في النوع ده من انواع الشبكات تتميز بان مفيش دور واضح ومحدد لاي جهاز داخل النيتورك مفيش سلطه محدده مفيش اداره مركزيه يعني ايه؟ يعني كل جهاز داخل النيتورك ممكن احيانا تلاقيه بيقوم بدور الكلاينت وممكن احيانا تلاقيه بيقوم بدور السيرفر فعشان كده حتى اتسمى الند للند ليه؟ لان الاجهزه ساعات بتبقى ند لبعض انا كلاينت النهارده انت سيرفر بكره انا سيرفر النهارده انت كلاينت بكره فهتبص هتلاقي الموضوع ايه؟
[23:03]بيحصل زي تبادل في الاوثوريتي او تبادل في السلطه جميل عشان نفهم الموضوع ده تعالوا ناخد مثال او اكثر من مثال على القصه ديت. المثال الاول انا هفترض جهاز ده ايه والجهاز ده بي والجهاز ده سي والجهاز ده دي الموظفين دول زي ما انتم شايفين في كونكشن بيربط الاجهزه ببعضها البعض فزي ما اتفقنا قبل كده ان مع الاستخدام اليوزرز ادركوا ان هم محتاجين عمليات طباعه. فبالتالي هنا بقى الاي تي يعني شخص بيفهم لقى ان طالما في نيتورك فبالتالي انا مش لازم اجيب برينتر لكل واحد يكفي ان انا اجيب برينتر واحده واوصلها باي جهاز من هذه الاجهزه. فالاي تي دوت او الشخص اللي هو المسؤول عن الاي تي فراح اشترى برينتر ووصلها في جهاز الموظف ايه. جميل فاصبح ان الموظف اي دلوقتي بقى عنده برينتر وعامل لها شيرينج او مشاركه عشان اي حد يقدر يطبع من خلال البرينتر دي. طيب بي دلوقتي عنده دوكيمنت مهم والدوكيمنت دوت محتاج يطبعه بس هو مفيش برينتر دايركت اتش ل الكمبيوتر بتاعه لكن هو عارف ان هو يقدر يبعت ريكويست للموظف بتاع اي عشان يقدر يطبع. فدلوقتي بي وهو بيقدم ريكويست بقى دوره ايه او ايه الدور اللي هو بيقوم بيه داخل النيتورك؟
[24:23]بقى بيقوم بدور دور كلاينت جميل طيب ايه دلوقتي بقى دوره ايه في داخل النيتورك؟ يعني هو دلوقتي اللي بيقدم او بيفايد السيرفيس بتاعه الطباعه بقى دوره سيرفر لان هو اللي بيقدم هذه الخدمه. فاصبح دلوقتي بي يعتبر كلاينت وايه يعتبر دلوقتي ايه؟ يعتبر سيرفر مع الوقت الناس الاجهزه الكمبيوترز بتاعتهم مساحات التخزينيه بدات تفضى فبداوا يكلموا الاي تي سبيشاليست فلا فعلا ان الهاردات او الهارد ديسك بتاعه اجهزتهم المساحات بتاعتها قليله. فعد يفكر يعمل ايه يعمل ايه فلاقى ان افضل طريقه ان هو بدل ما يجيب هارد ديسك لكل واحد لا هو هيجيب هارد ديسك مساحته كبيره ويوصله عند احد الاجهزه وكل الناس تخزن ملفاتها عند الشخص دوت. فجاب الهارد ديسك ووصله عند بي جميل وقال للناس كلها يا جماعه لو عندكم ملفات مهمه وخصوصا لو حجمها كبير خزنوه عند بي فاصبح ايه دلوقتي اللي هو امبارح كان سيرفر دلوقتي بقى ايه؟
[25:39]دلوقتي بقى كلاينت جميل وبي امبارح كان كلاينت دلوقتي بقى ايه؟ بقى سيرفر هو اللي بيقدم خدمه الاستورج فهتبص هتلاقوا زي ما انتم شايفين حصل تبادل في الايه؟ حصل تبادل في الادوار اللي كان كلاينت امبارح بقى سيرفر النهارده واللي كان سيرفر امبارح بقى كلاينت النهارده عشان كده بيسموها الند للند تمام مفيش دور واضح ومحدد مفيش اوثوريتي او سلطه محدده وثابته طول الوقت بيحصل تبادل في الادوار طول الوقت ما بين الكلاينت والسيرفر وهكذا. النوع ده من انواع الشبكات هو مناسب جدا في الشبكات او الانفارومنتس اللي بيبقى حجمها صغير. احنا بنتكلم مثلا في شركه الشركه دي عندها اوفيس كده او واخده مثلا يعني مثلا شقه وحاطه فيها مجموعه من المكاتب وفي مجموعه من الموظفين شغالين فعدد الناس او عدد الامبليز اللي بيشتغلوا مثلا 10 15 نفر او 20 نفر بالكثير فالكلام ده بيبقى مناسب جدا جميل فبالتالي تعالوا نتعرف على المزايا والعيوب بتاعه البير تو بير. اول حاجه نتكلم على المزايا ان هي سهله في الانشاء سهل جدا ان انت تعمل بير تو بير. طالما في اجهزه كمبيوترز هات اي حد حتى من على اي سايبر على اول الشارع اقول له تعال بس ارجلي كيبلز ووصل لي الاجهزه دي ببعضها البعض هتبص هتلاقي ان هو عمل لك الكلام ده فالموضوع سهل جدا ما فيهوش اي مشكله تمام.
[26:59]ثاني حاجه مش مكلفه يعني انت كل اللي محتاجه شويه كيبلز وشويه ديفايسز حاجه اسمها سويتشز او هابس يعني طبعا هي اكيد هتبقى سويتشز ممكن يبقى راوتر فالموضوع بيبقى التكلفه مش عاليه قوي جميل مش محتاج سبيشال اوبريتنج سيستم كده كده كل جهاز نزل عليه اوبريتنج سيستم هنفترض مثلا ويندوز النوع ده من انواع الشبكات بيشتغل مع الكلاينت اوبريتنج سيستم زي ويندوز 7 او 8 او 10 الموضوع شغال مش محتاج عماله مدربه قوي انت ممكن تكتفي بشخص واحد او حتى ممكن ما تجيبش الشخص دوت يبقى في اي حد من الموظفين اللي قاعدين فاهم في القصه دي هو اللي يمانج القصه دي يعني فالموضوع يعني في المزايا زي ما انتم شايفين مفيش اي مشكله بالنسبه للعيوب بتاعها اول عيب انها نون سكيلبل نون سكيلبل يعني ايه؟
[27:43]غير قابله للتمدد بمعنى انا دلوقتي لو بدات بحجم معين انا مثلا بدات بحجم عباره عن 10 15 موظف وجت الشركه بتاعتي كبرت وحبيت اكبر حجم الشركه في نفس النظام البير تو بير وعايز اوصلها مثلا ل 50 او 100 فهل يعني مش هينفع؟ لا هو هينفع لكن عمليه المانجمنت وعمليه الادمنستريشن على النوع ده من الشبكات هيبقى صعب جدا وكل ما يكبر الحجم كل ما العمليه هتبقى اصعب واصعب واصعب فنون سكيلبل يعني معناها ان هي يعني غير قابله للتمدد لان كل ما تتمدد وكل ما حجم النيتورك تزيد كل ما صعوبه يعني هيحصل صعوبه في ادارتها والسيطره عليها وده بيحصل نتيجه العيب الثاني ان مفيش اداره مركزيه مفيش سلطه مركزيه تقدر من خلالها تمنج النيتورك كلها لا هي ديستريبيوتد زي ما يعني اتفقنا ند للند تمام فبالتالي يعني دي من اشهر العيوب بتاعتها فالنوع ده من انواع الشبكات مناسب جدا في الاحجام الصغيره لو انا بتكلم بقى على احجام كبيره يعني دلوقتي بدات او يعني بتكلم بقى في احجام مثلا 50 و100 واكبر بقى في الاحجام الكبيره في النيتوركس فيفضل بقى ان انا استخدم النوع الثاني اللي هو الكلاينت سيرفر نيتورك.
[28:56]طيب الكلاينت سيرفر اتسمى كده نتيجه ان الادوار واضحه ومحدده طول الوقت طول الوقت بيبقى في اجهزه تسمى الكلاينتس وفي اجهزه تسمى السيرفرز. اجهزه الكلاينتس اللي هي بتبقى عاده اجهزه اليوزرز او الناس اللي هم المستخدمين داخل الشركه الموظفين يعني تمام الناس ديت طول الوقت بتبقى شغلها الاساسي بيعتمد على عمليه التعاون في الكمبيوتر مع برامج زي برامج الاوفيس عمليه البراوزنج الايميلات الكلام ده كله تمام. وفي اجهزه بقى او يعني جهاز او اكثر داخل النيتورك ليها دور واضح ومحدد طول الوقت ان هي بتقوم بعمليه السيرفنج او ان هي بتخدم على اليوزرز دوله عشان كده بيسموا السيرفرز ففكره السيرفر هو بيبقى جهاز والجهاز دوت عاده بيبقى يعني ل مواصفات خاصه ومختلفه عن اجهزه اليوزرز العاديين طبعا يعني مواصفات من حيث الهارد وير من حيث السوفت وير والسيرفر دوت بيقوم بادوار مختلفه.
[29:51]طبعا ايه هي الادوار اللي بيقوم بيها السيرفرز؟ في ادوار كثيره جدا في عندنا مثلا حاجه اسمها فايل سيرفر فايل سيرفر ده بيبقى جهاز بيبقى امكانياته كارد وير وسوفت وير عاليه بيبقى في ستوريج ديفايس الكاباستي بتاعته عاليه وبيبقى في الملفات والداتا الخاصه بالشركه وبيبقى مكان مركزي اليوزرز بيتعاملوا معاه وانا كاي تي بقدر طول الوقت بعمل باك اب من مكان واحد وهكذا.
[30:16]في عندنا الويب سيرفر في عندنا ايميل سيرفر كل الكلام ده برضه هتكلم فيه بالتفصيل في الفيديو اللي جاي باذن الله الكلاينت سيرفر فيها مزايا وفيها عيوب نبدا بالعيوب العيب الاول في الكلاينت سيرفر هو هارد تو انستول صعوبه انشاء النوع ده من انواع الشبكات. بقى ليها متطلبات هارد وير خاصه بيبقى ليها يعني مش اي حد او يعني مش اي حد يقدر ينشئ النوع ده من انواع الشبكات. ثاني حاجه بتبقى غاليه او مكلفه ليه؟ يعني التكلفه اولا من حيث الهارد وير مثلا لو هتكلم على السيرفر فالسيرفر ده مش جهاز كمبيوتر عادي السيرفر ده بيبقى جهاز كمبيوتر امكانياته عاليه يعني مثلا مصدر بورد بتبقى يعني امكانياتها عاليه ممكن يبقى في اكثر من بروسيسور البروسيسور ذات نفسه بيبقى من الانواع العاليه والغاليه يعني فال هارد وير بتاع السيرفر دايما معروف ان هو حاجه سبيشال او حاجه خاصه يعني كمان الاوبريتنج سيستم اللي بينزل على السيرفر هو اساسا كلمه سيرفر عاده بتطلق على يعني الجهاز اللي فيه اوبريتنج سيستم خاص بالسيرفرز اي اوبريتنج سيستم فيه منه نوعين في حاجه اسمها كلاينت اوبريتنج سيستم وفي حاجه نتورك اوبريتنج سيستم او ساعات بيقولوا عليه سيرفر اوبريتنج سيستم ده بيبقى اوبريتنج سيستم او نظام تشغيل فيه تولز وفي فيتشرز معموله خصيصا عشان تقدر او اقدر من خلالها اماج النيتوركس زي مثلا مايكروسوفت عند مثلا بتنزل ويندوز 10 ويندوز 8 ويندوز 7 ده كلاينت وبتنزل السيرفر مثلا حاجه اسمها ويندوز سيرفر يعني في نسخه من الاوبريتنج سيستم مايكروسوفت بتنزلها اسمها ويندوز سيرفر وعلى فكره ان شاء الله هيبقى في فيديو عملي هوريكم ازاي تعملوا انستول للويندوز سيرفر لان برضه في فيديوهات عملي كده هنشتغلها مع بعض هنحتاج او هنتعامل فيها مع الويندوز سيرفر فده فكره الايه؟ ده فكره اكسبنسيف او ان هو غالي من ناحيه طبعا في حاجات ثانيه يعني بالنسبه بقى للمزايا في مزايا كثير اول حاجه ان هو سكيلبل النوع ده من انواع الشبكات سكيلبل ازاي؟ تقدر تتمدد وحجمها يزيد بدون اي مشاكل انت بادئ ب 40 او ب 50 وعايز تكبر تبقى 100 مفيش مشكله.
[32:21]عايز تبقى 200 300 يعني فكره ان انت تكبر حجم النيتوركس مش مشكله خالص جميل ثاني حاجه ودي اهم ميزه بقى في الكلاينت سيرفر ان في سنترالايزد ادمنستريشن. في اداره مركزيه ودي من اجمل الحاجات اللي موجوده في الكلاينت سيرفر ان انت من مكان واحد تقدر تستول سوفت وير تقدر تستول ابديتس تتحكم في خروج الناس او تعامل الناس مع الانترنت تقدر تعمل باك اب من مكان واحد ريستور من مكان واحد فالموضوع او اداره النوع ده من انواع الشبكات افضل بكثير جدا جدا جدا من البير تو بير. يبقى تعالوا بقى نلخص كده انواع الشبكات اول نوع من انواع الشبكات طبعا احنا من حيث العامل اللي هو النطاق الجغرافي قلنا ان اول نوع اسمه اللان. طيب في بعض الكتب هتبص هتلاقوا ان هو يذكر مصطلح مشابه شويه لللان الناس ساعات بتتخبط فيه مصطلح اسمه الدبليو لان والدبليو لان هنا يقصد به الوايرلس لوكال اريا نيتورك وكل الصفات وكل اللي انا قلته في اللان ينطبق على الدبليو لان بس الفرق ان الاجهزه بدل ما هتتصل ببعضها البعض عن طريق الكيبلز لا هتتصل ببعضها البعض عن طريق الراديو فريكوانسيز او موجات الراديو اللي هي بتاعه شبكات الوايرلس. فالوايرلس لان يعني معناها مجموعه من الاجهزه بتتصل ببعضها البعض داخل نطاق جغرافي محدود او صغير نسبيا ولكن من غير كيبلز عن طريق شبكه الوايرلس النوع الثالث وده برضه مصطلح من المصطلحات اللي هتلاقوها في بعض الكتب خصوصا كتب النيتورك بلس مصطلح اسمه الكان ومصطلح الكان يعنى به هنا الكامبس اريا نيتورك والكامبس اريا نيتورك فكرته ايه؟ احنا قلنا من شويه ان اللان هي عباره عن مجموعه من الاجهزه جميل بتبقى موجوده داخل ايه؟
[34:07]داخل لوكيشن معين طيب هفترض ان في شركه عندها تو بيدز مبنيين داخل نفس النطاق او داخل نفس المساحه وكل مبنى فيه لان يعني ايه؟ يعني دي لان ودي لان بس اللان دي في مبنى واللان دي في مبنى وانا جيت ربطت المبنيين دول ببعض في الحاله دي النوع ده من انواع الشبكات بتسمى الكان فالكان هي يعتبر فاريشن من اللان او ساعات حتى في بعض الكتب يعني ما بيفرقوش ما بين اللان والكان تمام فالكان والمان الكان تعتبر فاريشن من اللان والمان تعتبر فاريشن من الوان. يعني هي اللخبطه عاده بتبقى ما بين المان والوان ازاي بقى؟ المان بتبقى عباره عن نفس الفكره او نفس الكونسبت بس المباني بدل ما هتبقى جنب بعض لا هتبقى متباعده شويه عن بعض يعني ايه؟ يعني شركه مثلا عندها مبنى يعني مثلا هفترض نفس السيتي يعني مثلا دلوقتي هتكلم مثلا على مستوى اسكندريه مثلا فاحنا عندنا مثلا في اسكندريه في شركه مثلا الشركه دي عندها مبنى تمام في منطقه اكس وعندها مبنى في منطقه واي بس منطقه واي دي بعيده شويه وعندها مبنى في منطقه زد وربطت المباني دي كلها ببعضها البعض جميل فانت بتتكلم ايه؟
[36:02]ان هم بعيد عن بعض ولكن برضه ايه؟ يعني عدد المباني او عدد اللي هي السايتس او اللي انت ربطتها بعضها البعض مش كبير وكمان ما طلعتش برا يعني ما ما بتكلمش في نطاق جغرافي بعيد قوي بقى بمدن ودول لا يعني مثلا ممكن يبقوا داخل مدينه او هكذا فالنوع ده من انواع الشبكات بيتسمى ايه؟ بتسمى المان وده اللي بيلخبط الناس ما بين المان والوان لان الوان احنا قلنا ان الوان عباره عن ايه؟ الوايد اريا نيتورك ان انت عندك مجموعه من اللانز بتربطهم ببعضهم البعض عبر نطاق جغرافي متسع بس هنا الاتساع حتى لما ضربت مثلا كنت قلت دي في مدينه ودي في مدينه ودي في مدينه فاللاتساع بيبقى كبير جدا بينما المان او المتروبوليان بيبقى الاتساع مش بالكبر ده يعني بتبقى المباني بعيد عن بعضها البعض ولكن ممكن يبقوا في نفس المدينه ممكن يبقوا حتى في نفس الحي فالمسافات اللي بينها بتبقى مش متسعه قوي فده الفرق ما بين الايه؟ الفرق ما بين المان والوان بصوا يا جماعه عشان ما تتلخبطوش مينلي انا عايزكم تركزوا قوي مع اللان والوان دولت اهم حاجتين خلاص الدول طبعا والدبليو لان يعني ما فيهاش كلام هي هي اللان بس الفرق ان الدبليو يعنى بيها الوايرلس والمان دي قصه ثانيه الكان والمان انا حبيت اشرحهم عشان لما تلاقوهم في بعض الكتب ما تتلخبطوش تمام فالكان والمان الكان تعتبر فاريشن من اللان والمان تعتبر فاريشن من الوان. في طبعا بعد كده خدنا البير تو بير وفي اخذنا الكلاينت سيرفر دولت بقى انواع الشبكات الاساسيه اللي احنا هنشوفهم وهنتعامل معاهم باذن الله. اخر توبيك عندنا بقى هو حاجه اسمها النيتورك توبولوجيز طيب ايه هي التوبولوجي؟ بيقول لي ان التوبولوجي هي عباره عن اللي اوت بتاع النيتورك او الشكل التخطيطي بتاع النيتورك طيب قبل ما نبدا في انواع التوبولوجيز لازم تبقوا عارفين حاجه مهمه جدا ان في نوعين من التوبولوجيز. في حاجه اسمها الفيزيكال توبولوجي وفي حاجه اسمها لوجيكال توبولوجي الفيزيكال توبولوجي ده اللي بيحدد المخطط بتاع الشبكه او يعني بشكل اخر ده اللي بيحدد الوايرد او مثلا لو هتكلم على مستوى كيبلز ده اللي بيحدد كيفيه ربط الاجهزه عن طريق الكيبلز يعني الكيبلز هتبقى بتربط الاجهزه ببعضها البعض ازاي؟ اللوجيكال توبولوجيز هو اللي بيحدد عمليه الفلاوينج او عمليه انسياب او مسار الداتا هيمشي ازاي؟ عشان نفهم الكلام ده تعالوا ناخد امثله انا مثلا دلوقتي فيزيكال توبولوجي هفترض مثلا الشكل اللي قدامي ده مخطط لطريق معين فالمخطط بيقول ان الطريق ده هيبقى فيه مسارين او فيه مثلا حارتين وهيبقى فيه مثلا خط متفرع هيبقى فيه دوران يعني الفيزيكال توبولوجي ده يعتبر زي الماب او الخريطه بتاعه الطريق او الشارع. عشان نفهم بقى الفرق ما بين الفيزيكال واللوجيكال توبولوجيز انا مثلا هفترض عندي شارعين التخطيط بتاعهم يعتبر متقارب جدا لدرجه ان هم تقريبا واحد فهم الاثنين متماثلين في الفيزيكال توبولوجي الفيزيكال توبولوجي ان المخطط بتاع الطريق ان هو ماشي وفي يمين ويسار وهكذا جميل فالاثنين متساويين في الايه؟ في الفيزيكال توبولوجي لكن اللوجيكال توبولوجي هبص الاقي ان الشارع ده مثلا بيقول ان الطريق ده مثلا مسار واحد العربيات كلها هتمشي في مسار واحد يعني هم مثلا هنا حارتين فالعربيات كلها هتمشي في مسار واحد ده كده اسمه لوجيكال توبولوجي اللوجيكال توبولوجي يعني معناها ان مسار السيارات داخل الطريق هيبقى مسار واحد بينما الشارع ده بالرغم ان هو متماثل معايا في الفيزيكال توبولوجي ولكن مختلف معايا في اللوجيكال توبولوجي يعني ايه؟ يعني هلاقي الشارع ده مثلا بيقول ان الشارع ده فيه ذهاب وعوده يعني مثلا في عربيات هتمشي في الخط ده وفي عربيات هتمشي في الخط ده فبالتالي هبص الاقي ايه؟ هبص الاقي ان الاثنين بالرغم ان هم متماثلين في الفيزيكال ولكن اللوجيكال اختلف وده برضه ممكن يحصل في الشبكات يعني ايه ممكن يحصل في الشبكات؟ يعني ممكن تلاقي مثلا شبكه تلاقي شبكتين تلاقي مثلا الفيزيكال توبولوجي بتاعهم واحد لكن في شبكه مثلا الداتا بتمشي في مسار معين وشبكه اخرى واخده نفس الشكل او نفس التخطيط ولكن الداتا بتمشي بمسار مختلف خالص تمام فتلاقي الشبكتين ليهم نفس الفيزيكال توبولوجي ولكن بيختلفوا في اللوجيكال توبولوجي وبالتالي تعالوا بقى نتعرف على اشهر انواع النيتورك توبولوجيز اول نوع من انواع النيتورك توبولوجيز هو الباص توبولوجي. الباص توبولوجي او هيئه الناقل دي من اوائل واقدم انواع التوبولوجيز اللي تواجدت منذ نشاه النتوركس. زي ما انتم شايفين شكلها بمنتهى البساطه انا عندي بيبقى مجموعه من الاجهزه وبيتم توصيل الاجهزه ديت عن طريق ان انا بيبقى عندي سنترال كيبل السنترال كيبل دوت بيطلع منه حاجه اسمها دروبد كيبل. الدروبد كيبل كل دروب كيبل بيطلع عشان يوصل جهاز داخل السنترال كيبل ولابد ان السنترال كيبل ده يتم يحصل له عمليه تيرمينيشن عن طريق حاجه اسمها تي تيرمينيور.
[41:06]تي ترمنيتور تمام وطبعا هي بتقوم بدور مهم جدا ايه هو الدور؟
[41:13]ان الداتا دلوقتي لما هتيجي من غير التي ترمنيتور ممكن يحصل لها انعكاس وترجع تعمل حاجه اسمها كوليجن فدور التي ترمنيتور ان هو بي اوبزرف او بيمتص الداتا ديت عشان ما ترجعش تاني في الكيبل اللي بيحصل بقى الداتا او يعني الاجهزه دي بتتكلم بعضها البعض ازاي من خلال الباست توبولوجي؟
[41:30]هفترض مثلا دلوقتي ايه عايز يبعت مسج المسج ديت عايز يبعتها لبي طيب فاللي بيحصل ايه؟ ان هو بيكتب الرساله بتاعته وبوجهها لبي بس اللي بيحصل ان الرساله دي لما هتطلع من ايه هي هتروح لبي فبي هيستلم الرساله وفي نفس الوقت هتروح لسي فسي هيستلم الرساله وفي نفس الوقت برضه هتروح لدي فدي برضه هيستلم الرساله وفي نفس الوقت برضه هتروح لاي فاي برضه هيستلم الرساله فهتبص هتلاقوا ان كل الاجهزه داخل النيتورك استلمت الرساله وعلمت ان في رساله داخل النيتورك.
[42:16]طيب الوحيد طبعا اللي هيرد على الرساله هو مين؟ الوحيد اللي هيرد على الرساله هو بي لكن بقيه الاجهزه هتشوف الرساله وهتعرف ان الرساله ديت غير موجهه ليها فكل باقي الاجهزه غير بي هيعملوا ديسكارد او تجاهل لهذه الرساله الوحيد اللي هيرد هو بي النوع ده من انواع الكوميونيكيشن اللي بيحصل ما بين الاجهزه اسمه ايه بقى؟ اسمه البرودكاست كوميونيكيشن برودكاست يعني ايه؟ كلمه برودكاست اساسا لو انت اخذتها ودخلتها ديكشنري هتلاقي معناها اذاعه فالبرودكاست عباره عن ايه؟ عباره عن ان انت بيبقى عندك جهاز او مجموعه من الاجهزه داخل النيتورك فالبرودكاست معناها ان الرساله اللي بتطلع مني بتروح او بتسمع في كل الاجهزه اللي داخل النيتورك ده البرودكاست فالبرودكاست يعني معناها ان انا لما ببعت رساله بتوصل لكل الاجهزه اللي داخل النيتورك بس اللي بيرد هو اللي مقصود به. تمام يعني مثلا تخيل الموضوع ده انت مثلا دلوقتي مدير عامل اجتماع للموظفين بتوعه فكل الموظفين قعدين قدامه فبيسال موظف معين عن حاجه يا محمد انت ما عملتش كذا ليه؟ كل الموظفين استلموا الرساله كل الموظفين سمعوا السؤال بس هل الموظفين كلهم هيردوا؟ لا هيرد بس هو محمد هتبص هتلاقوا ده اسمه البرودكاست طيب في نوع تاني اسمه اليوني كاست اليوني كاست اللي هو عباره عن بوينت تو بوينت كوميونيكيشن يعني ايه؟ يوني كاست يعني معناها ان الرساله بتاعتي هتطلع موجهه لشخص واحد او طرف واحد في بقى حاجه اسمها المالتي كاست كوميونيكيشن ايه المالتي كاست؟ انا عندي مثلا في جهاز تمام وفي مجموعه من الاجهزه انا هنا الرساله بتاعتي هوجهها او هقصد بيها مجموعه داخل مجموعه اكبر دي اسمها المالتي كاست المالتي كاست يعني انا دلوقتي عندي مجموعه كبيره انا وجهت رسالتي لمجموعه صغيره داخل المجموعه الكبيره يعني مثلا مثال على كده حضراتكم مثلا ساعات بتبقوا في بعض الهايبر ماركت تبص تلاقوا الاذاعه الداخليه فتحت فيقولوا مثلا لزوار قسم مثلا الجبن او زوار قسم مش عارف ايه في تخفيض كذا فهتبص هتلاقوا ان الرساله بدل ما كانت موجهه لكل الزوار لا هي موجهه لناس معينه داخل الهايبر خلاص يبقى انا كده وجهت رسالتي لمجموعه داخل مجموعه اكبر فدي اسمها المالتي كاست ماشي طبعا خذوا بالكم ان معظم الوقت او طول الوقت الاجهزه داخل الباس بوجي بتتكلم بعضها البعض عن طريق البرودكاست والبرودكاست لما بتحصل كثير بتقلل البرفورمانس بتاعه النتورك وبتعمل حاجه اسمها بوت النيك و بيؤدي لحاجه اسمها كوليجنز وليها مشاكل كثيره يعني برضه تفاصيلها هنعرفها قدام ان شاء الله عشان كده النوع ده من انواع الشبكات ليس هو المفضل وحاليا بقى نادر وجوده الا في بعض السيناريوهات النادره جدا ويعني فكره ان انا اشوفها واتعامل معها ممكن ما تحصلش خالص تمام نتيجه طبعا هي ليها مزايا وليها عيوب مزاتها ان هي سهله الانشاء لكن من عيوبها ان هي بتبقى ما فيش حاجه اسمها فول تولرنس فول تولرنس يعني ما فيش تحمل في حاله حدوث الاخطاء يعني النيتورك مش بتكمل في حاله حدوث خطا يعني ايه خطا مثلا حصل مشكله مثلا في اي كيبل اي كيبل تبص تلاقي النيتورك كلها وقفت طيب لو حبيت اضيف جهاز جديد يعني مثلا عايز اضيف يعني مثلا جبت جهاز جديد هنا وعايز اضيفه داخل النيتورك لازم لازم اعمل قطع في الكابل الرئيسي عشان اضيف الجهاز ده طول ما انا بعمل القطع وبضيف الجهاز فالنيتورك كلها متوقفه مش شغاله فبالتالي فيها عيوب كثير جدا فده كده النوع الاول اللي هو الباس توبولوجي النوع الثاني اسمه الرينج توبولوجي الرينج توبولوجي من اسمها كده بتبقى على شكل رينج او حلقه ان انا مثلا بيبقى عندي مجموعه من الاجهزه من ضمن السمات بتاعتها ان كل جهاز بيبقى متصل بجهازين بشكل مباشر يعني ايه؟ يعني مثلا الجهاز ده بيبقى متصل مثلا بالجهاز ده من الناحيه والجهاز ده من الناحيه الثانيه والجهاز ده متصل بالجهاز ده من الناحيه والجهاز ده من الناحيه الثانيه وهكذا فهتبص هتلاقي في الاخر بقى عندي زي رينج او حلقه طيب الاجهزه بتتكلم بعضها البعض ازاي؟ انا هفترض ان الجهاز ده عنده رساله وعايز يبعتها للجهاز ده فبيبعتها ازاي؟ هو اساسا مش متصل بيه بشكل مباشر لكن يقدر يبعتها عن طريق ده فيروح باعت الرساله لده الجهاز ده والجهاز ده بدوره يبعت لده ممكن ده عشان يرد عليه يروح واخد الرساله وهيرد عليها انه باعتها لده باعتها لده فهتبص هتلاقي ان الشبكه دي طول الوقت بتبعت الرساله في شكل رينج او في شكل حلقه برضه زي ما انتم شايفين مش براكتيكال مش عمليه نتيجه ان فيه تكلفه في يعني الانشاء كل جهاز محتاج محتاج له تو نيتورك انترفيسز محتاج له تو كيبلز برضه مفيش فول تولرنس نتيجه برضه ان انت لو جيت عملت قطع في اي كابل داخل النيتورك فالنيتورك كلها بتتوقف تمام لو حبيت اضيف جهاز جديد فلازم توقف النيتورك كلها فهي مش براكتيكال خالص ومش عمليه خالص وبالتالي نادرا لما تلاقيها كتوبولوجي مستخدمه في الوقت الحالي الا في بعض انواع الوان تكنولوجيز بس كده يعني مش اكثر لكن فكره ان لا انا ليه جوه لان صعب جدا تمام طيب النوع اللي بعد كده اسمه المش توبولوجي المش توبولوجي بمنتهى البساطه فكرته ان كل جهاز بيبقى مرتبط مع كل الاجهزه داخل النيتورك يعني ايه؟ يعني مثلا انا دلوقتي الجهاز ده هيبقى مرتبط مع الجهاز ده من ناحيه ومرتبط مع الجهاز ده من ناحيه ومرتبط مع الجهاز ده من ناحيه جميل وهكذا بقى لما تيجي تربط كل جهاز مع بعض هتبص هتلاقي في الاخر بقى عندك الشكل ده فدي اسمها المش توبولوجي او هيئه الشبكه فهيئه الشبكه يعني معناها ان كل الاجهزه بتبقى متصله مع كل الاجهزه داخل النيتورك برضه دي مش براكتيكال طبعا هي يعني من حيث موضوع الفول تولرنس فهي بتوفر فول تولرنس بدرجه عاليه جدا لكن تكلفه عاليه بتعمل يعني بتبقى فيري كومبليكيتد ترابل شوتنج بيبقى بتاعها صعب كميه الكابلات ديت بتعمل مشاكل في الانفارومنت اللي انت فيها مكلفه ففيها عيوب كتير برضه فبرضه دلوقتي بقى فكره وجود المش توبولوجي في الواقع او في شبكات اللانز بيبقى صعب لكن برضه مطبقه في بعض انواع الوان تكنولوجيز وبالتالي ده ياخدنا بقى لاخر النوع من انواع التوبولوجيز واشهر نوع وهو النوع الحالي المستخدم في معظم الشبكات المحليه هي الاستار توبولوجي الاستار توبولوجي بمنتهى البساطه فكرتها بتعتمد على ان انا بربط الاجهزه ببعضها البعض عن طريق سنترال ديفايس السنترال ديفايس ده ممكن يكون حاجه اسمها هاب او سويتش او اكسس بوينت طبعا هنتعرف بالتفصيل على الانواع ديت في يعني محاضره او فيديو مستقل باذن الله هتكلم فيه عن النيتورك ديفايسز فكل جهاز من اجهزه الكمبيوترز بيبقى متصل بشكل مباشر مع السنترال ديفايس دوت والاجهزه بتتكلم بعض عن طريق سنترال ديفايس طبعا في مزايا كتير في النوع ده من انواع الشبكات اول ميزه ان في درجه فول تولرنس عاليه جدا ازاي؟ ان لو حصل دروب او مشكله في اي كيبل ما بياثرش على شبكه وبياثر بس على الجهاز المتصل بالسنترال ديفايس لو عايز اضيف جهاز جديد يعني مثلا جبت جهاز جديد هنا وعايز اضيفه داخل النيتورك فبالتالي ما عنديش مشكله اقدر اضيف الجهاز بدون معطل الشبكه عايز اشيله اشيله من غير ما اعطل الشبكه هي بس الدروب بتاعها او العيب بتاعها ان انا عندي سنترال بوينت اوف فيلير اللي هو الجهاز ده لو حصل فيه مشكله فبالتالي بيوقف لي النيتورك كلها لكن عايز اقول لكم ان شركات التكنولوجيا او شركات المصنعه للنيتورك ديفايسز بتحاول طول الوقت انها تخلي او تصنع اجهزه يعني مش مش بالسهل ان يحصل فيها دروب او يحصل فيها فيلور فبالتالي الموضوع ده مش بيحصل كثير يعني فعشان كده الشبكه ديت او النوع ده من انواع الشبكات فيها مزايا كتير جدا خلى الاستاندرد اورجانيزيشنز تخلي الاستار توبولوجي هي النوع المفضل ليها في اي ستاندرد حديث عشان كده بقى الاستار توبولوجي هي النوع المفضل او التوبولوجي المفضله والاساسيه داخل شبكات اللان لذلك حضراتكم لما هتيجوا تعملوا شبكه لان او تتعاملوا مع اي شبكه لان هتلاقوها بدرجه كبيره جدا جدا جدا بتعتمد الاستار توبولوجي كالتوبولوجي الرسميه او الاساسيه بتاعتها. كده اكون وصلت معاكم لنهايه الفيديو فشفنا في الفيديو دوت يعني ايه شبكه؟ ايه هي انواع الشبكات النيتورك توبولوجيز؟ وتعرفنا كده في المقدمه على شويه اساسيات مهمه لاي حد مبتدئ في الشبكات في نهايه الفيديو ارجو ان انتم تكونوا استفدتوا وما تنسوش تعملوا سبسكرايب واشوفكم دايما على خير والسلام عليكم ورحمه الله وبركاته.
