[0:00]Hello and welcome to episode 2 of Grow Algo Trading Series. Pichle episode mein humne algo trading ke basics aur API ke bare mein samjha. Aur is episode mein hum focus karenge sabko setup karne mein. Dekho is series mein hamara aim hai ki aapke liye algo trading ko bahut hi simple banaya jaye. Isi ke chalte ye episode ek step-by-step guide hone wala hai jo ki aapko apni trading algo banane ke liye jo bhi tools zaroori hain unko install karne mein madad karega. Isko aisa samjho ki agar aapko ek spreadsheet banani hai to pehle Excel to install karna padega na. Aisi agar aapko API use karni hai to kuch tools install karne padenge jo ki aapko apne broker ke sath connect karne mein madad karenge. Toh aaj ke episode mein na hum do cheeze karne wale hain. Pehla hai Python ka installation aur dusra hai Visual Studio Code ka setup. Ab aap soch rahe hoge kya hai ye do cheeze pehli bari sun rahe hain hum iske bare mein. To don't worry aapko bahut hi simple way mein batane wala hu ki inka use hoga kya. Dekho hum sari apni coding na Python programming language mein karenge jo ki ek bahut easy to understand aur use language hai. Ab isko aisa samajhte hain ki agar do logon ko aapas mein baat karni hai to ya to wo Hindi mein baat karenge ya English mein baat karenge ya kisi aur language mein baat karenge. Similarly agar aapko ek computer system ke sath baat karni hai jaise ki Grow ka server toh aapko ussi ki language mein baat karni hogi. Aur Python ek aisi computer language hai jo ki aapko software applications aur computer systems ke sath communicate karne mein madad karti hai. Toh dosto hamara pehla step yahi rahega ki Python ko install karein kyunki Python ke through hi hum Grow API ko use karke Grow servers ke sath baat cheet karenge. Okay so guys main apni screen share karunga aapke sath aur aapko detailed way mein hand hold karke ye dikhane wala hu ki Python ko download kaise karna hai aur kaise set up karna hai aur finally confirm kaise karna hai ki aapke system mein Python theek se install ho chuka hai. Toh chalo aao karte hain Python ka setup shuru. So first thing that we'll do is hum log Python ko download karenge. Iske liye humein Python ki website pe jana hoga aur yahan pe simply jaise hi aap website open karoge yahan pe likha aayega Download the latest version for Windows. Dekho agar aapka Windows system hai to obviously aap Windows version download karoge. However if you are using Linux ya aap Mac use kar rahe ho to uske versions bhi available hain. Toh guys let's download the Python file. Now one important thing Grow API requires you to have Python 3.7+. Yaani ki jo version of Python hai wo minimum 3.7 hona chahiye. Ab aap bologe 3.7 kya hai, jaisa ki you know software applications mein versions hote hain. For example iOS 16, 17, 18 is tarike se aata hai. Aise hi Python ke bhi versions hote hain ya incremental updates hote hain. So filhal yahan pe Python 3.13.3 dikh raha hai. Minimum aapka 3.7 hona chahiye. Now jaise hi aapka installer download ho jaye isko hum open karne wale hain. Ab installation window mein na aap dekhoge do teen options hote hain. Ek toh niche use admin privileges while installing isko aapko tick rakhna hai. Ek option aur hai make sure aap isko bhi tick karo. Add python.exe to PATH. Ye make sure karega ki Python command line mein bhi accessible hai. Toh dosto once you have ticked both of these, aap install now pe click karo. And the installation will begin. Bahut chhota sa iska setup hota hai zyada time nahi lagta toh ye quickly install ho jayega. So guys jaise hi installation complete hogi setup was successful likha jayega aapki screen mein. Ab isko close karte hain. Now installation to complete ho gayi hai lekin hum log na verify bhi karenge ki kya Python actually install ho gaya hai jo ki most likely ho gaya hoga. But let's let's check it out once. Toh start menu mein jaake aap CMD type karo jo ki aapka command prompt open karega. Now yahan pe hum type karenge Python hyphen and capital V. Aap iske baad enter dabaoge toh likha aayega Python 3.13.3 ya jo bhi version aapne download kiya hai wo yahan pe likha aayega. That means aapki installation successful ho gayi hai aur setup complete ho gaya hai. Congratulations, step one hum complete kar chuke hain. Ab hum chalte hain step two pe installing Visual Studio Code. Ab aap sochoge Visual Studio Code kya hota hai? Toh dosto Python ek language hai like English. Ab hum apne systems pe jab type karte hain English mein to ya toh aap Notepad mein type karte ho ya aap MS Word mein type karte ho ya aap koi aur aisi application mein type karte ho. Now ye ek application hai jahan pe aap apni language ko input kar sakte ho ya type kar sakte ho aur visually dekh sakte ho. Aise hi Visual Studio ek application hai jahan pe aap apna code likh sakte ho aur usko chala ke dekh sakte ho ki output kya aa raha hai. Toh dosto hum Visual Studio Code ab install karenge aur dekhenge ki actually mein ye kaisa dikhta hai aur kaise kaam karta hai aur ismein kya-kya functionalities hain jo hamare kaam ki hain aur jinhe humein abhi enable karna hai. Okay guys, Visual Studio install karne ke liye hum similar to Python ek Google search karenge and we'll simply type download Visual Studio Code. Ab search results mein ek website aayegi code.visualstudio.com. Simply click on this. Kuch aisa ek page khulega. Ab depending on your system whether it is Windows, Mac ya Linux aap respective version download kar sakte ho. So main simply Windows wala version yahan pe download karne wala hu.
[5:01]And the download will start aur ye download hone lag gaya hai. Now guys once the setup for Visual Studio Code is complete isko hum open karenge. We'll go ahead with the setup. Simple settings hain ismein kuch khaas nahi hai aap next next kar sakte ho. Yahan pe aapko kuch karne ki requirement nahi hai, default settings rehne do. And you hit install. Now let's wait for the installation to complete. Toh dosto jab ye ek bari install ho jaye to hum Visual Studio ko launch karenge. Now let's see ye kaisa dikhta hai. Okay so it looks like this. Theek hai. Ye ek aapki dark window khul jayegi. So this is your Visual Studio Code editor. Yaani ki ye aapki coding karne mein madad karega. Yahan pe aap apna code type kar sakte ho, run kar sakte ho and dekh sakte ho uska output kya hone wala hai. So badhte hain setup mein aage. Aap simply next kar sakte ho yahan pe. Uh now ye aapko bolega code with extensions. So basically ye ek code editor hai aur agar aapko ismein kuch aur functionality dalni hai ya aapko iske features enhance karne hain toh yahan pe extensions available hoti hain. Aap isko aisa samjho jaise aapke Google Chrome mein extensions hote hain. Aise hi VS Studio bhi aapko kuch extensions offer karta hai. Now hum basic kuch extensions install karne wale hain jo ki humein help karenge aage coding karne mein. Now maine click kiya browse popular extensions. Ab yahan pe top pe aap dekhoge Python likha aayega. Ab dekho humne Python ka setup toh kar liya hai. Yahan pe humein sirf Python install karna hai so that wo sari functionality VS Code mein bhi aa jaye. Toh guys simply agar aap install pe click karoge aur aap dekhoge maine click kiya aur yahan pe installing likha aa gaya hai. Toh this will make VS Studio install Python. Toh guys once installation khatam ho jayegi toh yahan pe installing hat jayega and that means ki aapka Python install ho chuka hai. Once you click on this aapko yahan pe disable dikhega ya uninstall dikhega which means installation successful thi. Now apart from Python hum ek aur extension install karne wale hain jiska naam hai Jupyter Notebook. Ab shayad aap mein se kuch logon ne Jupyter Notebook already use kari bhi hogi. Maybe VS Code mein na kari ho but wo sari functionality VS Code mein bhi available hoti hai. Ab jisne nahi kari wo puchega ki Jupyter kya hota hai. Dekho yahan pe simply likha hai Jupyter Notebook supports interactive programming. Dekho hota kya hai Jupyter Notebook na VS Code ka ek part ban jata hai aur aapke coding experience ko enhance karta hai. Yaani ki jab aap code likh rahe hote ho toh ye auto suggestions dene lag jata hai yaani ki aapka code jaldi complete karane mein madad karta hai. And simply ye aapko output bhi dikha deta hai ek ek line ka. Yaani ki aapne suppose koi line likhi aur aap uska output dekhna chahte ho yaani ki kya hoga jab main usko run karunga toh ye wahin pe hi show kar deta hai.
[7:56]Toh what we'll do right now is kyunki hum sirf setup kar rahe hain toh hum install pe click karenge aur yahan pe Jupyter ko install kar denge. Ab aap dekhoge yahan pe Jupyter install ho gaya hai and likha aa gaya hai create new Jupyter Notebook. So let's click on this. Aur aap dekhoge right mein ek tab khul gaya hai. Ab main yahan pe ye baaki ke tabs band kar deta hu sare. So ye ab aapki window khul chuki hai jo ek Jupyter Notebook hai. Basically aap yahan pe kuch bhi code type kar sakte ho. Print hello from Grow. And agar isko main run karunga toh ye mujhe kahega ki running cells with Python requires ipykernel package. Basically ye bhi ek requirement hai Python ko run karne ki. Toh hum isko bhi install kar denge. So niche likha aa raha hai installing ipykernel. Toh ye bhi ho jayega. So basically guys ye kya hai VS Code mein agar humein coding karni hai Python mein toh wo kehta hai ki mujhe bhi kuch functionality import karne ki zaroorat hai toh wo main apne end pe install kar raha hu. So basically hum yahi sab karwa rahe hain. So just waiting for it to install. Okay ye installation complete ho gayi hai aur ab aap dekhoge yahan pe ye move ho raha hai yaani ki ye code run ho raha hai. Ab aap dekhoge simply maine ek print command di thi. Abhi aapko kuch janne ki zaroorat nahi hai kya hota hai but in short agar batau toh print ke andar jo bhi aap likhte ho is tarike se wo actually aapko ek output text output ki form mein dikh jata hai. Toh agar aapko kuch aisa output dikh raha hai yaani ki Python successfully install ho gaya hai, Jupyter Notebook kaam kar rahi hai aur hum VS Code mein coding karne ko taiyar hain. Toh aaj ke episode mein humne do cheeze cover kari hain. Pehla Python kaise install kara jaye aur dusra Visual Studio kaise setup kara jaye. Now agle episode mein na hum Grow ki API use karna seekhenge aur ye janenge ki agar aapko live market data fetch karna hai toh wo kaise karo. Orders place karne hain toh kaise karo, unhe modify kaise karo aur sath hi sath apna M2M live kaise fetch karo. Iske sath hi sath aur bhi bahut sare features hum janenge. Dekho ye series na har episode ke sath bahut interesting hone wali hai. Toh make sure aap aage ke episodes zaroor dekho. Toh guys see you in the next episode and do let us know your feedback ya aap aur kya sikhna chahte ho humein comments mein zaroor batao.
