[0:00]واحد أو واحدة عمرهم 20 سنة كل ما يخرج في الشمس يبتدي يجي له زي تعب وإرهاق ويبتدي يطلع له زي طفح جلدي وكمان مش طايق ان هو يقعد في الشمس خالص ومبقاش قادر يروح المصايف زي الأول. عيانة تانية كل شوية يطلع لها طفح جلدي على وجهها، زي احمرار كده على الوجه ومعندهاش أي أعراض تانية خالص. عيانة تالتة فجأة ابتدت رجليها ابتدت تورم، راحت عند دكتور واتنين وتلاتة وفي الآخر راحت عند دكتور كلى، قال لها لازم ناخد عينة من الكلى عندك. عيانة تانية كل شوية يجيلها أوجاع في بطنها ويقولوا لها انتِ عندك التهابات في البنكرياس لكن محدش عارف هو ايه سببها؟ عيانة تانية كل شوية يجيلها آلام في منطقة الصدر، كل ما تاخد نفس عميق يجيلها ألم مش عارفة تاخد نفسها لحد الآخر، بتعمل أشعة في مركز طوارئ مثلاً لقت إن عندها مياة موجودة حوالين الرئة. كل الناس اللي أنا اتكلمت عنهم دول كلهم ممكن يكون عندهم ذئبة حمراء.
[0:57]أهلاً وسهلاً بكم أنا حمدي محمد عبد العزيز، أدرس الباطنة والروماتيزم والمناعة الولايات المتحدة. ودي قناة الاستشاري، قناة من خلالها هدفنا إن احنا ننشر العلم الطبي الصحيح ونحارب الدجل والمعلومات المغلوطة المنتشرة على السوشيال ميديا. متنساش تشترك معانا في القناة عشان دايماً يوصلك كل جديد، ولو عايز دايماً تستفيد من هذه القناة متنساش إنك انت تروح على قوائم الفيديوهات. قناة متقسمة لمجموعة قوائم فيديوهات هتلاقيها تحت عناوين مختلفة أنا متأكد ان في منها عناوين هتكون مهمة جداً ليك، ولو عايز تستفيد أقصى حاجة من القناة متنساش تروح هناك. في الفيديو دوت زي ما قلت هنتكلم على 10 مجموعات اللي أنا بقسمها في دماغي لمرضى الذئبة الحمراء لما أحب إني أنا أشخص عيان ان هو عنده مريض ذئبة حمراء. أنا بشوف تعيين كتير جداً ذئبة حمراء سواء في مصر أو سواء في أمريكا، شوفتهم بكل الألوان بكل الأنواع. فخلوني أبتدي بان أنا أقول لكم إن مرض الذئبة الحمراء للأسف هو متسمي في الكتب ان هو مرض واحد لكن أنا إيماني الشخصي ودية حاجة يعني لو حد بيشوفنا في المستقبل. هذا المرض في المستقبل هيبقى مجموعة أمراض مش هيكمل ان هو مرض واحد، ليه؟ المرض دوت ممكن يكون المريض ما عندوش حاجة خالص يمكن بس شوية إرهاق وتعب لحد مريض عنده الكلى والقلب والرئة وفشل في كل أجهزة الجسم نتيجة هذا مرض الذئبة الحمراء. طبعا دي مرحلة نادرة جداً دي المرحلة الأكثر شيوعاً وفي في النص ما بينهم محطات أو مش محطات عشان محدش يفهم ان هي بتروح من محطة للتانية، لا. في في النص ما بينهم أنواع كتيرة جداً ممكن أي نوع من هذه الأنواع يكون موجود عند مريض الذئبة الحمراء. مش بالضرورة خالص إنك انت لو عندك حاجة انك انت هتنتقل للي بعديها وإنك انت هتروح للي بعديها أو اللي بعد بعديها، لا الدنيا ما بتمشيش كده. انت عندك نوع غالباً أو عندك نوع هو ده النوع اللي أنت بتكمل معاه، طبعا وارد إنك انت تتحرك من نوع للتاني لكن القصة ملهاش ترتيب أو ما هياش مراحل عشان الناس متفهمش الكلام غلط. طيب خلينا نتكلم رقم واحد أهم عرض أو أهم مجموعة أعراض بتحصل لمريض الذئبة الحمراء هو الأعراض الجلدية. وهنا المقصود بالأعراض الجلدية مش بس الجلد لا ده كمان داخل المناطق اللي هي داخل الفم داخل الأنف أحياناً كمان في مناطق اللي هي المناطق الخاصة بالذات عند السيدات وممكن كمان عند الرجال. ايه اللي بيحصل بالظبط؟ على الجلد من بره بالذات على الوجه بيبقى فيه دايما طفح مشهور جداً بيسموه بالإنجليزي باتر فلاي راش لانه بيبقى واخد عامل زي شكل جناح الفراشة. هذا الطفح الجلدي مشهور جداً عنه ما بيعديش هذه المنطقة يعني ما تلاقيش ان الطفح على المنطقة اللي هي هنا الخط ده لو تشوفوه كده. بشكل عام الطفح دوت ما بيظهرش على هذه المنطقة ده أشهر أنواع الطفح الجلدي لمرض الذئبة الحمراء. هل معناها لو في حد عنده هذا الطفح يبقى عنده ذئبة حمراء؟ لا لا لا إطلاقاً ماشي وكل حاجة هقولها في هذا الفيديو هي مجرد عرض لهذا المرض مش معناها إطلاقاً إنك انت تقدر تشخص المرض من هذا العرض. عشان تشخص الذئبة الحمراء الموضوع أكبر من كده شوية أعقد من كده شوية وعشان كده ده هيبقى له فيديو تاني مخصوص لوحده عن ازاي بنشخصه، لكن في الفيديو ده بنتكلم على أعراض. فإذا هذا العرض ممكن يكون مشترك بينه وبين أمراض تانية يعني في كذا مرض ممكن يعملوا نفس الحاجة دي. تعالى نتكلم في بعد كده أنواع تانية من الطفح الجلدي بتظهر على الجلد نفسه أشهر حاجة حاجة اسمها ديسكويد لوبس. بعد كده في شوية أنواع تانية قليلة جداً نادرة الحدوث ديرماتولوجي هو اللي بيبقى عارفها معتقدش إنك انت هتستفيد كتير لو أنا عرضتها في هذا الفيديو دلوقتي. لكن بشكل عام من أشهر الأعراض اللي ممكن تحصل لمريض الذئبة الحمراء هي الطفح الجلدي. حاجة مهمة نفتكرها هنا أن هذا الطفح غالباً بيتاثر بالشمس يعني مريض الذئبة الحمراء مريض ما بيحبش الشمس. لما بيتعرض للشمس غالباً الطفح الجلدي بيزيد وعشان كده أحد دايماً أهم النصايح اللي بنقولها لمرضى الذئبة الحمراء دايماً يستخدموا الحاجات اللي هي الصن بلوكرز أو الصن سكرين الحاجات اللي هي بتقلل وصول أشعة الشمس للجلد. ممكن برضه في المستقبل إن شاء الله إن شاء الله يكون معانا طبيب جلدية أو طبيبة جلدية وهنتكلم عن إصابة الذئبة الحمراء في الجلد وهنتكلم ممكن برضه عن الصدفية وعن الثعلبة لأن دي أكتر حاجات بشوفها تحت في التعليقات. لو عايزين حاجات تانية برضه نتكلم فيها في أمراض الجلدية اكتبوها لنا تحت في التعليقات. طيب احنا كده اتكلمنا على الجلد وهننتقل لداخل الفم مشهور ان مريض الذئبة الحمراء بيجيله تقرحات. التقرحات ديت ممكن تيجي في أي حتة لكن بشكل عام هي بتبقى أكتر على الخدود نفسها. بتبقى أكتر في سقف الحلق لكنها برضه ممكن تحصل على الخدود من الداخل. كمان بتبقى غالباً ما هياش مؤلمة لكن برضه شوفتنا عيانين بيبقى عندهم هذه التقرحات بألم. تقرحات ديت مش بس في الفم دي كمان ممكن تحصل داخل الأنف في المنطقة الخارجية ديت من الداخل يعني. وكمان ممكن تحصل في المنطقة الخاصة عند السيدات ونادراً جداً جداً لما تكون برضه في المنطقة الخاصة عند الرجال. أحد الحاجات برضه اللي ممكن تحصل في الجلد ومشهورة جداً عند مرضى الذئبة الحمراء هي ان هم ممكن يفقدوا شعرهم. الشعر ممكن يحصل له تساقط ويحصل تساقط شديد جداً طبعا ده بيكون مؤذي جداً للسيدات بالذات وللبنات. لكن مع العلاج الدنيا أحياناً بتتحسن ونوع سقوط الشعر هنا ما هواش من النوع اللي دائم، لا بالعكس الشعر ممكن يرجع تاني. فدي حاجة كويسة نطمن بيها يعني السيدات، دول تقريباً أهم مجموعة أعراض مريض الذئبة الحمراء أو أكتر حاجات مريض الذئبة الحمراء ممكن ان هو يجي لنا بيها. خلينا بعد كده ننتقل لرقم اتنين هي المفاصل. ناس كتيرة جداً من مرضى الذئبة الحمراء بيشتكوا من آلام في المفاصل وغالباً أصلاً التشخيص بيحصل نتيجة هذه الآلام إنك انت بتروح لدكتور العظم أو دكتور الروماتيزم هي دي بتكون السبب اللي بيخليك تروح له. آلام المفاصل ممكن أي مفصل يحصل فيه آلام، آلام المفاصل غالباً شبه شوية الآلام بتاعت الروماتويد. يعني ايه؟ يعني مثلاً تبقى الصبح أكتر يبقى فيها معاها شوية تخشيبة تتحسن شوية مع الحركة. لكن مش زي الروماتويد في إن هي بتسيب أماكن المفاصل معينة أو كده، طبعا لو عايز تعرف أكتر عن الروماتويد كذا فيديو عندنا موجود على سلسلة الروماتيزم والمناعة. بس المهم هنا اللي انت تعرفه انه مش زي الروماتويد في ان هو ممكن يجي في أي مفصل داخل جسمك بشكل عام يعني. الحاجة التانية اللي بتميزه عن الروماتويد إن لو تفتكروا في الروماتويد قلنا الحاجات اللي ممكن نشوفها في الأشعة، غالباً غالباً في مريض الذئبة الحمراء ما بنشوفش حاجة في الأشعة. هل ممكن يجي بأوجاع بس كده مش ملهاش أي علاقة بقى لا بالنهار ولا بالليل ولا بان هو يتحرك بس مجرد أوجاع كده؟ أيوة ممكن يحصل فعلاً كده وديت تقريباً دي من أشهر الحاجات اللي بيجي بيها مريض الذئبة الحمراء. لو تلاحظوا معايا حاجات ملهاش ماسكة حاجات كده ممكن تكون بتحصل عند أي حد وده السبب في إن ممكن تشوف دكتور واتنين وتلاتة قبل ما توصل للتشخيص الحقيقي لمرض الذئبة الحمراء. خلينا بعد كده ننتقل للمجموعة التالتة المجموعة التالتة هننتقل لقصة العين. بالنسبة لمريض الذئبة الحمراء ففي عنده احتمالية ان هو يكون بيجي له جفاف في العين وجفاف في الفم. جفاف العين والفم ده مرض تاني اسمه جوجرينز وهنتكلم عنه قريب، لكن الجوجرينز بشكل عام لو موجود مع الذئبة أو مع الروماتويد ساعتها ممكن ما تشخصش جوجرين لانه بيبقى داخل هذه الأمراض. لما بيبقى لوحده ممكن ساعتها نسميه جوجرين أي كان فهو معروف ان مرض الذئبة الحمراء ممكن يتسبب في جفاف العين وتاني برضه جفاف الفم. هل بس كده؟ لا ده ممكن يعمل حاجات تانية برضه في العين ممكن كمان يتسبب في التهابات في طبقات مختلفة من العين. حرفياً كل طبقة داخل العين ممكن يحصل لها التهاب نتيجة مرض الذئبة الحمراء. لو عايزين برضه تفاصيل أكتر فاحنا غطينا قبل كده أول فيديو عن أمراض العيون في مرضى الروماتيزم، هتستفيدوا منه جداً فيديو مع الدكتورة رنا حسين. وزي ما وعدتكم ان شاء الله فيديو تاني جديد جاي تاني مع الدكتورة رنا هنتكلم فيه عن مرضى الروماتويد ومرضى الذئبة بس ايه اللي ممكن يحصل في عينيهم. فتابعونا ان شاء الله دايماً تستفيدوا.
[8:37]كده اتكلمنا عن الجلد والتقرحات، اتكلمنا عن المفاصل، اتكلمنا عن العين، رقم أربعة خلينا نتكلم بقى عن حاجات داخلية بقى. من أشهر الحاجات برضه اللي بتحصل في مريض الذئبة هي وهي إن مرض الذئبة الحمراء ممكن ان يؤدي إلى نقص في صفايح الدم. يعني مثلاً المريض ممكن يجي بنزيف زيادة أو كده، نقص في كرات الدم الحمراء وبالتالي يبقى العيان عنده أنيميا وهنا ممكن يبقى لها كذا سبب. ممكن مثلاً سبب إنه هو بيكسر كرات الدم الحمراء زي بالظبط برضه ما حان بيكسر الصفايح، أو ان هو بيقلل تصنيع كرات الدم الحمراء. المرض الذئب ممكن بكذا طريقة يؤدي إلى الأنيميا وأخيراً العنصر التالت في دمنا كرات الدم البيضا هو ممكن برضه يتسبب في نقص كرات الدم البيضا. وحاجة تانية مشهورة كمان عنه انه بيعمل حاجة اسمها ليمفوبينيا وهي نقص الخلايا الليمفاوية. مش بس كده كمان ده ممكن كمان يتسبب في تضخم العقد الليمفاوية، أنا أعرف مرضى شخصناهم إن هم مرضى ذئبة حمراء لمجرد ان عندهم غدد ليمفاوية فضلت متضخمة لفترة طويلة. ولما جينا دورنا وراهم ما لقيناش أي حاجة خالص غير إن هم عندهم ذئبة حمراء. بعد كده كمان أحياناً الناس اللي عندها تضخمات في الطحال حاجات نادرة جداً لكن ممكن مرضى الذئبة الحمراء يكون سبب فيه. دي كده تجمعات لأمراض الدم المتعلقة بمرض الذئبة الحمراء.
[9:54]ممكن بعد كده ننتقل على نوع خامس أو مجموعة خامسة من العلامات أو أعراض الذئبة الحمراء. هنا ممكن نتكلم عن بعض الأعراض الداخلية اللي برضه هي أعراض ملهاش ماسكة يعني مثلاً مشهور ان مرضى الذئبة الحمراء ممكن يبقى عندهم تعب مستمر. مشهور ان هم برضه ممكن يكون بيجي لهم أحياناً ارتفاع في درجات الحرارة وما بنبقاش فاهمينها. طبعاً هي حاجات نادرة لكن كل دكتور روماتيزم ومناعة غالباً قابل حالة أو اتنين مريض دايماً عنده سخونية مستمرة ما بتخفش ومامان يدوروا على أسباب ما يلاقوش أسباب بكتيرية أو فيروسية أو فطرية أو أي حاجة. تلاقي خالص نكتشف ان هو مريض ذئبة نعالج الذئبة يروح الحرارة تختفي. طبعاً مش عايز أقول لكم أوجاع العضلات أحياناً مرضى الذئبة برضه أوزانهم ممكن برضه يفقدوا وزن شوية وبعد كده يرجعوا يرجع الوزن يرجع تاني.
[10:43]بعد كده ممكن نروح للمجموعة السادسة وهنا بقى هنبتدي ندخل في الأعضاء الداخلية. عضو مهم جداً جداً هو عضو الكلى. للأسف أحياناً الذئبة الحمراء بتيجي تكون في الكلى بس، طبعاً مشكلتها اللي هي في الكلى بس ان دي ممكن تكون أول عرض يحصل عند المريض. للأسف ربع مرضى الذئبة الحمراء ممكن ينتهي بيهم الحال لفشل كلوي وإن هم يكونوا محتاجين غسيل كلوي. طبعا بعد كده ممكن يحتاجوا زراعة كلى لو الموضوع دوت متوفر في المكان اللي أنتم فيه. أحد فعلاً المشاكل هي ان مريض الذئبة الحمراء يبقى أول حاجة عنده وهي ان الذئبة تيجي في الكلى. ليه؟ لأنها بتبقى من غير أي أعراض خالص محدش بيدور عليها والمريض نفسه ما عندوش حاجة يشتكي منها. ما بيبتديش يشتكي غير لما الفشل الكلوي يكون واصل خلاص لمرحلة متأخرة للأسف إلا لو هو ابتدي يلاحظ من بدري ان في دم أحياناً مثلاً بينزل في البول أو كده وابتدي يروح يشتكي. بصراحة اللي بيقدروا ان هم يلحقوا بدري جداً مش كل الناس أعداد قليلة. لكن الناس اللي هي أصلاً عندها ذئبة أحد مهمات طبيب الروماتيزم والمناعة هي ان هو فحص دوري مستمر عشان نمنع الذئبة الحمراء من إنها تيجي في الكلى ولو جت نعالج على طول بأدوية قوية جداً بحيث ان احنا نحمي الكلى ونمنع ان المريض دوت يوصل لأن هو يكون محتاج غسيل كلوي.
[12:03]العضو السابع بعد كده هيبقى الرئة، في الرئة الذئبة الحمراء ممكن إنها تتسبب في أحياناً التهابات رئوية. يعني التهاب داخل الرئة يبان للدكاترة على صورة الأشعة ان هو التهاب رئوي ويبتدوا يعالجوه بمضادات حيوية. لكن بيلاحظوا ان المريض ممكن يتحسن شوية في الأول وبعد كده حالته تسوء تاني، وغالباً العيان ده بيدخل رعاية مركزة لانه عمال ياخد مضادات حيوية.
[12:32]فين بعد شوية يبتدي الدكاترة تفكر إن ممكن المريض ده كان عنده ذئبة حمراء ما هواش عنده التهاب رئوي نتيجة مرض بكتيري. دي أحد الفوائد المهمة جداً ان يكون عندك دكتور روماتيزم داخل المستشفى أو إنك انت دايماً تستعين بدكتور روماتيزم في الحالات اللي زي كده. حاجة تانية كمان ان هو ممكن يعمل زيادة في ضغط الشريان الرئوي. الضغط الشريان الرئوي لما بيزيد الضغط بتاعه للأسف بيؤدي إلى نهجان مستمر وبيؤدي بعد كده لفشل في عضلة القلب بعد كده. بيؤدي إن المريض دوت ممكن يحتاج ان هو يمشي على اكسجين، لو رجعنا تاني لقصة الالتهاب فحالة الالتهاب اللي داخل الرئة ده بيحصل بسرعة شديدة لدرجة انه بيتسبب في نزيف داخل الرئة. ودي بتبقى من الحالات الخطيرة جداً تلاقي المريض جاي عمال يكح دم، الدم ده مش جاي من المعدة لا ده جاي من قلب الرئة. فالمريض مش عارف يتنفس أصلاً مش عارف الاكسجين يوصل لدمه لانه عمال ينزف من داخل الرئة دي بتحتاج انه يدخل الرعاية المركزة ويتحط على جهاز تنفس صناعي ومحتاج ان احنا نكون بندي له أدوية عنيفة جداً عشان نقلل الالتهاب اللي بيحصل داخل الرئة. في طبعاً شوية حاجات تانية بس دي أكتر حاجات مشهورة والنزيف مثلاً ما هوش مشهور قوي لكنه من الحاجات العنيفة فعشان كده برضه حبيت أقول لك. الناس اللي بيحصل لها نزيف نتيجة الذئبة الحمراء أعدادهم قليلة جداً مش عايز الناس تخاف، بشكل عام مش عايز الناس تخاف من الحاجات العنيفة اللي احنا بنقولها لان هي ما بتحصلش في أغلب الناس والعكس بتحصل في أعداد قليلة جداً.
[13:48]بعد كده لو هننتقل للمجموعة التامنة من الأعراض هننتقل للجهاز العصبي للأسف هنا في عندنا أعراض كتيرة جداً. بتبتدي من أول إن المريض يبقى ذاكرته ضعيفة ومش مركز وبينسى بسرعة والحاجات ديت بتلاقيها مشهورة جداً. تلاقي ايه هو المريض بصراحة دايما من جواه متضايق جداً ومتعذب لأنه المريض مش قادر يتفاعل مثلاً مع أصحابه مثلاً يتفق معاهم على ميعاد وينسى. احنا بنسميها بالإنجليزي بيسموها برين فوج يعني كان المخ فيه زي ضباب كده المريض حاسس طول الوقت ان هو مش قادر يركز 100%. للأسف طبعاً بتأثر على العلاقات زي ما قلت علاقات المريض بالناس اللي حواليه بتأثر على الشغل بتأثر على حاجات كتير. أحد الحاجات برضه التانية اللي ممكن تحصل إنه ممكن يجي له زي جلطات داخل المخ ممكن يجي له زي التهابات في الحبل الشوكي ودي ممكن تتسبب في طبعاً زي الجلطات ممكن على حسب بقى المنطقة فين. ممكن يتسبب في مثلاً ضعف في الأيد ضعف في الرجل لانها زي جلطة حقيقية يعني. بعد كده كمان ممكن تصيب كمان الأعصاب الطرفية فممكن تبتدي تحس بتنميل في أيديك تنميل في رجليك كل ديت حاجات دكتور الروماتيزم بيبقى دايما بيدور عليها في مريض الذئبة الحمراء. قبل ما نخرج من من حتة الأمراض العصبية أحياناً اللي ممكن يحصل للمريض هو حاجات زي مثلاً الاكتئاب. أحياناً بيحصل إن مريض يكون عنده أمراض نفسية يعني مش اكتئاب بس لا أمراض نفسية تانية مش هندخل هنا في تفاصيل لان التفاصيل فعلاً تطول جداً في الحتة ديت. في فصول كاملة في كتب بس على موضوع الذئبة الحمراء داخل الجهاز العصبي بس هي دي أهم الحاجات اللي هي عايزك تاخد بالك منها لو عندك مريض ذئبة في البيت أو لو أنت مريض ذئبة أو لو انت مريضة ذئبة. وبتبتدي تحصل لكم حاجات زي كده راجع الدكتور على طول وحاول تتكلم معاه في هذه الأعراض.
[15:30]بعد كده ممكن ننتقل للجهاز الهضمي أي التهاب في أي منطقة في الجهاز الهضمي ممكن تحصل. للأسف طبعاً برضه ما بتبقاش سهلة في تشخيصها لأنك انت عشان تشخصها محتاج منظار أو حاجات زي كده ودايماً الناس بتفترض انه مثلاً العيانة أكلت أكل وحش الحاجات ديت كلها أو ان هو تأثير أدوية وعلى فكرة تأثير الأدوية هو الأغلب ان هو يؤدي إلى أعراض الجهاز الهضمي في مرضى الذئبة. يعني لو انت مريض ذئبة وجاي بتشتكي مثلاً بأعراض جهاز هضمي أنا هفكر ان دي نتيجة الدواء أكتر من ان هي نتيجة المرض نفسه. طبعاً لو انت مش ماشي على دواء هيبقى ساعتها نتيجة المرض، حاجات زي ايه؟ يعني مثلاً ممكن يجي مثلاً التهاب في المريء التهابات في المعدة التهابات في الأمعاء. ممكن يقلل امتصاص الأكل فيبتدي يحصل مثلاً حاجات زي إسهال ممكن يبتدي يعمل التهابات في القالون وتقرحات في القالون فنشوف دم نازل مع البراز مثلاً. ممكن يحصل التهابات في البنكرياس ممكن يحصل التهابات في الكبد فتلاقي مثلاً انزيمات الكبد بتعلى وانزيمات البنكرياس بتعلى. كل ديت حاجات ممكن تحصل نتيجة الذئبة الحمراء وغالباً ما بتبقى في الناس اللي مش منتظمين في علاجاتهم قوي.
[16:33]أخر حاجة بقى هي أمراض القلب والأوعية الدموية، لو اتكلمنا على القلب بس فتلاقي ان مريض الذئبة الحمراء ممكن يحصل له التهابات في كل أنسجة القلب. ممكن يجمع سوائل حوالين القلب دي بنشوفها بأموجات الصوتية ممكن يسبب التهابات في عضلة القلب فبالتالي ده ممكن يتسبب في حاجة زي فشل في عضلة القلب. لو اتلحق والعلاج كان كويس فجزئياً بترجع تاني ممكن ترجع تماماً على حسب يعني برضه الأسباب بالظبط. أحياناً مريض الذئبة المرض نفسه في حد ذاته بيؤدي لانسدادات في الشرايين التاجية وبالتالي المريض ممكن يجي أن هو عنده ذبحة صدرية. ممكن كمان يتسبب في التهابات في البطانة اللي داخل القلب في اللحظة ديت الالتهابات داخل البطانة ديت ممكن ان هي تعمل زي تجلطات كده تتجمع على صمامات داخل القلب. يعني مثلاً صمام الأورطى صمام المترالي يبقى عليه تجمعات من الصفايح الدموية، التجمعات ديت للأسف ممكن تنفصل من الصمام وتنطلق في الجسم لو راحت في أي حتة تانية ممكن تعمل جلطات. لو هنتكلم بقى عن الأوعية الدموية فهي ممكن تعمل حاجات مختلفة في الأوعية الدموية أشهرها طبعاً التهابات الأوعية الدموية. يعني مثلاً لو حصل التهاب في وعاء دموي تلاقي النبض ما بيكملش حتة مثلاً في الجسم ما يوصلهاش الدم كويس. تلاقي كمان ان ممكن يحصل حاجة اسمها بنسميها رينود، رينود دوت يعني المريض البرد أو مثلاً حط ايده مثلاً في الفريزر أنا السؤال اللي دايماً بسأله للعيانين في العيادة بقوله لو انت في السوبر ماركت وحطيت ايدك في الفريزر. هل بتحس بألم أو بتشوف تغيرات في لون الجلد بتاع ايدك؟ الرينود دوت بيتسبب دايماً ان المريض لون ايده يتقلب يبقى أبيض خالص وبعد كده يزرق وبعد كده يحمر وبعد كده يرجع تاني طبيعي وهي عملية بتحصل وترجع تاني للطبيعي تحصل وترجع تاني للطبيعي. وبيبقى ليها حلها أول حاجة طبعاً ان احنا نقول لهم ما يعرضوش ايديهم في أي حتة فيها تلب.
[18:17]دي كده الأعراض بتاعت مرض الذئبة الحمراء، امتى بنبتدي نشك فيه تاني زي ما قلت الناس ما تخافش أعداد قليلة جداً هي اللي بيحصل لها الحاجات العنيفة اللي اتكلمنا عنها. دي الحاجة الأولى اللي عايزك تطلع بيها، الحاجة التانية هي من انك انت تفتكر الأعراض ديت كلها بحيث انك انت لو رحت عند الدكتور فتبقى انت عارف ايه هي الحاجات اللي هو ممكن يسألك عليها فتبقى أنت جاهز بالإجابة أو لو هو نسي ان هو يسألك فأنت تفكره وتقول له والله أنا بيحصل لي كذا هل ده ممكن يكون من الذئبة ولا لا؟ بعد كده ان شاء الله بس عشان ما نطولش عليكم فيديوهات تانية بعد كده هنتكلم عن تشخيص الذئبة وهنتكلم عن العلاجات طبعاً أكيد في المستقبل، أتمنى لكم يا رب جميعاً السلامة. ما تنسوش تشاركوا الفيديو دوت مع أي حد ممكن يستفيد منه، شكراً جزيلاً حمدي محمد عبد العزيز قناة الاستشاري سلام عليكم.
