سكينة | العادات

[0:02]لو تعطيني جدولك اليومي مو اهدافك ولا امنياتك ولا البورد اللي فيه صورة اليخت اللي تحلم فيه. فقط جدولك اليومي. حقدر اقول لك بعد خمس سنين فين حتكون. ليش؟ لانه المستقبل ما يصنع بالاهداف فقط. المستقبل ينسج بالخيوط الصغيرة اللي مكررها كل يوم. باختصار اذا اردت انك تعرف مستقبلك رايح على فين، لا تشوف اهدافك شوف عاداتك. كل انسان مننا عنده اهداف. اللي تبغى يصير عندها 10 مليون ريال واللي يبغى ينحف 10 كيلو. وفي احد يبغى يصير يوتيوبر مشهور. كلنا عندنا اهداف. لكن الاهداف ما تحدد المسار. العادات اليومية هي اللي تحدد المسار. اللي يبغى ينحف 10 كيلو لو عادته اليومية في الاكل دائما تخبيص. ويتحمس يومين يضبط اكله بعدين يرجع لعادته. فصار هدفه مجرد لوحة على الجدار. لانه ما تحول الى عادات يومية. تحديد الاهداف سهل. لكن بناء العادات هو اللي يحتاج شغل. ايش يعني عادة؟ يعني حاجة تعود اليها بشكل مستمر. حاجة تكررها بانتظام. بدون تفكير وبدون جهد. خلاص هي جزء منك. تكوين العادات اليومية هذا هو التحدي. وهو الفرق اللي يصنع الفرق بين الناس. لذلك يقولوا الانسان لا يرتفع لمستوى اهدافه. ولكنه ينخفض لمستوى عاداته. ورفع مستوى العادات هو اللي يرفع الواحد لمستوى الاهداف. من افضل الكتب اللي ممكن تساعد في تكوين العادات. كتاب اتوميك هابتس. العادات الذرية. كتاب عملي يساعد في تحسين حياة الانسان عن طريق تحسين عادته اليومية. وهذا هو الهدف النهائي. محاولة اننا نحسن حياتنا بشكل مستمر. رغم ضعفنا البشري. ورغم اخطائنا المتكررة نفضل نحاول في مسيرة حياتنا اننا نتحسن.