[0:00]أهلاً بكم غاليات في فيديو جديد، في وصفة جديدة. اليوم حبيت نشارك معكم تحت الطلبات تاعكم، إذن بنون السيدة رزقي من وصفات الجيل الذهبي، وصفات الزمن الجميل، وصفة تقليدية جزائرية، الحلوى اللي ما نقدروش نستغناو عليها على مائدة الحلويات العيد.
[0:18]إذن بنون الاقتصادي بالوصفة الأصلية للسيدة رزقي، راح تعجبكم بزاف، هذه الوصفة البنات معتمدتها بزاف.
[0:24]هذه الوصفة الوحيدة اللي معتمدتها، ما نقدرش نستغنى عليها، كما راكم تشوفوا البنات، يجينا معلك، يجينا يهبل يا البنات، بنة من أروع ما يكون.
[0:33]طريقة اقتصادية، سهلة، مضبوطة، راح تعجبكم بزاف. تابعوا لافيديو للأخير باش كامل ان شاء الله تنجحوا في الوصفة.
[0:40]نبدأ حبيباتي نسمو بسم الله. إذن نجيبو لهنا كما تعرفوا الفرينة المحمصة. كي نحمصوها البنات، راح تتكتل إذن لازمنا نغربلوها، باش نحو كامل هذوك الحبيبات اللي يكونوا اللي يكونوا فيها.
[0:57]بالنسبة لبنيون البنات، من الحلويات الجزائرية اللي ما نقدروش نستغناو عليها في الأعياد وفي المناسبات، لازم تكون حاضرة على مائدة مائدة الحلويات العيد. شوفوا البنات، هذه لازم كامل نخلص منهم.
[1:14]في نفس الوقت، حلوى سهلة بزاف واقتصادية، إذن البنات هنايا حطيت كيلة فرينة محمصة مع نص كيلة كاوكاو محمص ومرحي.
[1:25]مع كيلة حليب لحظة، حليب غبرة محمص. نخلطو المكونات تاعنا كامل هذوك. هذا البنيون البنات من حلويات السيدة رزقي اللي ما نقدرش أنا أبداً نستغنى على هذه الوصفة. ديماً نخدم البنات بوصفة السيدة رزقي، لأنه بنين بزاف وتعودت عليها الحقيقة البنات، تجي روعة.
[1:50]هنا البنات راح نحط زوج مغارف حلوة الترك. بالنسبة البنات حلوة الترك تقدروا تعوضوها بالسكر كلاص برك حلوة الترك تجيبني الحللوة تاعنا تجيبني حلوة الترك وبالنسبة للحلوة كما تحبوا البنات تحبوا تكثروا وتحبوا تقللوا على حساب الحلاوة اللي تحبوها انتم. أنا راح نزيد مغرف واحدة أخرى.
[2:17]نفتتها مليح بهذا الشكل. انا نجمع المكونات بالزبدة تكون تكون ذايبة. إذن نبداو نزيدو في الزبدة تاعنا وحنا نعجنوا في العجينة تاعنا حتى نتحصلوا على عجينة تكون نقدروا نشكلوها باليد.
[2:38]أنا حطيت كامل الكمية تاع الزبدة وراح نزيد نشوف، إذن العبار تاع الزبدة البنات على حسب على حسب الكمية اللي حطيتوها. إذن تبقاو البنات تزيدوا في الزبدة حتى نتحصلوا على القوام المطلوب.
[2:54]نبقاو نعجنوا البنات في العجينة تاعنا حتى نتحصلوا على هذا القوام كما راكم تشوفوا البنات، عجينة نقدروا نشكلوها بإيدنا بكل سهولة بهذا الشكل. نحاولو برك البنات تعجنوها شوية هكذا باش ينسجموا كامل المكونات مع بعض، والبنة هذيك يطلقوا كامل البنة المكونات هذوك يطلقوا البنة في بعض. شوفوا البنات حتى نقدروا نتحصلوا على عجينة نقدروا نشكلوها باليد. إذن نكوروا العجينة تاعنا بهذا الشكل.
[3:25]هذه هي يا البنات بهذا الشكل. إذن نخليه جانباً ونروح نذوب الشوكولا تاعي اللي راح نقلاصي بها البنيون تاعي. وكيما راكم تشوفوا البنات، ذوبت شوكولا حليب على حمام مائي وحطيتلها شوية زيت هكذا باش تعطيني هذه اللمعة اللي راكم تشوفوا فيها.
[3:53]نجيب هنايا البنيون تاعي. نقلاصوه عادي بالشوكولا. نحط البنيون تاعي ينشف البنات من الشوكولا ونشوفوا البنيون تاعنا على مائدة التقديم بعد ما نحطوه في الكيسات.
[4:27]شوفوا حبيباتي الحلوة تاعنا البنيون تاعنا للسيدة رزقي على مائدة التقديم، خرج لي كمية لا بأس بها حبيبات قلبي. إذن نتمنى حبيباتي تعجبكم وصفة تاع اليوم، أعطيتها لكم بمقادير مضبوطة، سهلة وسريعة وراح تعجبكم بزاف، بنتها من أروع ما يكون. نتمنى حبيباتي خلولي رايكم في التعليقات، خلولي جيم للفيديو، بارطاجوا الوصفة والاحباب والاصدقاء باش تعم الفائدة. نختموا لافيديو تاعنا كالعادة بالصلاة والسلام على النبي عليه الصلاة والسلام. اللهم صلي وسلم وبارك على سيدنا محمد وعلى آله وصحبه أجمعين إلى يوم الدين. وانتظروني حبيباتي في فيديو جديد، سلام.
