[0:00]اهلا بيك في اول حلقه من كورس القواعد المستوى الثاني، لو بتشوفنا على يوتيوب فمهم جدا انك تعرف ان كل حلقات الكورس ده بتبني على بعضها. وبفترض فيها انك اتفرجت على كل حلقات القواعد الخاصه بالمستوى الاول لان اللي اتشرح قبل كده مش هكرره ثاني حفاظا على وقتك. لو جديد معانا خطه المتابعه في اول تعليق تحت الفيديو، خليك معايا.
[0:24]السلام عليكم ورحمه الله وبركاته انا ابراهيم عادل وانت بتتفرج على كورس تعلم اللغه الانجليزيه على قناه زي امريكان انجلش الجزء الخاص بقواعد المستوى الثاني. ما تنساش لو بعد مشاهده الحلقه لقيت عندك اي استفسار اكتبه في التعليقات تحت الفيديو وخلي اول كلمه منه هي كلمه استفسار. وان شاء الله في بدايه كل حلقه جديده نجاوب على سؤالين او ثلاثه من الاستفسار زي ما تعودنا من المستوى الاول. طيب خليني بقى اختفيلك علشان تركز اكتر. الحاجه اللي هنتكلم عنها النهارده اسمها جيراندس. يعني ايه جيراندس؟ يعني الاسم اللي بنشتقه من الفعل. يعني عندي فعل بجيب منه الاسم بتاعه عن طريق تغيير حاجات بسيطه فيه. طيب مثال بالعربي علشان تتضح الصوره، عندي فعل يجري، ده فعل مضارع اهوت. عايز اجيب منه الاسم يا ترى هجيبه ازاي؟ هقول الجري صح؟ غيرت في الفعل حاجات بسيطه بس، عندي فعل ينام اجيب الاسم منه ازاي؟ اقول النوم صح؟ برضه غيرت حاجه بسيطه في الفعل علشان احوله لاسم ممتاز جدا العمليه دي بقى اللي بنسميها في الانجليزي جيرندس. لما اجيب الفعل اغير فيه حاجه بسيطه واحوله لاسم كده يبقى جيراند. فعل زي سليب ينام ده فعل فعل يعني فيرب عاوز احوله من فيرب الى جيراند يعني اجيب منه الاسم احوله ازاي؟ قال لك سهله جدا الجيراند بيطلب منك تغيير بسيط جدا في الفعل. فقط ضيف له اي ان جي يقوم الفعل يتحول الى اسم. بس كده؟ بس كده يعني الفيرب اللي اسمه سليب لما احوله لاسم اقول سليبنج بالضبط كده النوم بالانجليزي يعني سليبنج. سؤال في بالك دلوقتي طب هو انا اعرف ازاي بقى اذا كان الكلمه اللي فيها اي ان جي دي اسم ولا فعل مستمر؟ سؤال كويس هجاوبك عنه بعد دقيقه بس الاول ركز كلمه سليب دي نوعها ايه في الاعراب؟ نوعها فيرب. عاوز اجيب منها الجيراند واحولها لاسم هقول سليبنج. ممتاز يعني لو قلت لك (Write the gerunds from these verbs) يعني اكتب الجيراند من الافعال دي حولها لاسماء يعني. (Write the gerunds from these verbs) (Watch) (Play) (Jump) (Study) وقلت لك معاك 10 ثواني وتقدر توقف اكتر تعرف؟ جرب كده 10 ثواني حول دول لاسماء.
[2:54]انتهى الوقت الاجابه كده (Watching) (Playing) (Jumping) (Studying). بيتهيا لي كانت سهله نرجع بقى للسؤال اللي انت كنت عاوز تساله انا اعرف منين اذا كان الفعل في اخره اي ان جي دوت فعل مستمر ولا هو جيراند اسم مشتق من الفعل. اقدر اعرفهم ازاي عن بعض؟ الاجابه انت اصلا عارف بس مش واخد بالك ودليل على الكلام ده اختبار مفاجئ. اي من الجمل الاتيه تعبر عن فعل مستمر وايهما تعبر عن اسم مشتق من الفعل. هدي لك 20 ثانيه وتقدر توقف اكتر وشوف اجابتك صح ولا غلط. الجمل اهم ومعاك 20 ثانيه.
[3:53]انتهى الوقت اول جمله (Tom is watching TV in the living room) دي معناها توم يشاهد التلفاز في غرفه المعيشه ده يا ترى فعل مستمر ولا اسم؟ هو حاليا بيشاهد. ده فعل مستمر جه الفاعل توم بعديه الفعل المساعد سواء التوك توك لو انت جاي من المستوى الاول فانت فاهم التشبيه ده كويس. بعديه الفعل فيه التلات عجلات اي ان جي دي التركيبه الكيميائيه بتاع الفعل المستمر. نشوف الجمله اللي بعديها (Jumping high is not very easy). طيب اذا انا عندي فعل في اخره اي ان جي اللي هو جامبينج بس ثواني ده مش موجود قبله اي فعل مساعد مافيش سواق هنا. امم اذا ده اسم مشتق من الفعل نقدر نبدا بيه الجمله. بنقول القفز عاليا ليس سهل جدا وما نقدرش نترجمها يقفز عاليا احنا اصلا مش عارفين بنتكلم عن مين الجمله دي مش هيكون ليها معنى كده. وتركيبه الفعل المستمر مش موجوده هنا الجمله اللي بعديها (Playing basketball is my hobby). برضه نفس الموضوع قبل كلمه بلاينج ما فيش فعل مساعد ده اذا مش فعل مستمر والا كان سواق التوك توك يبقى حاضر. ده اذا اسم لعب كره السله هو هوايتي الجمله اللي بعديها (I like reading books). هنا دي انت ممكن تكون اتلخبطت فيها شويه عندي الكلمه اللي اخرها اي ان جي هي ريدينج. مافيش قبلها فعل مساعد اذا مش بتعبر عن الاستمراريه اللي قبلها هو الفعل الرئيسي لايك. عادي جدا يجي قبل الجيراند فعل لان الجيراند هو اسم مش انت تقدر تقول اي لايك بيتزا؟ تقدر بيتزا دي اسم بيجي بعد الفعل الرئيسي من غير مشاكل وكذلك الجيراند. بيجي برضه بعد الفعل الرئيسي بدون اي مشاكل (I like playing) (I like reading) (I like swimming) وهكذا. اذا (I like reading books) دي معناها احب قراءه الكتب قراءه اسم ممتاز. الجمله اللي بعد كده بتقول (She is doing her homework). في فعل مساعد از سواء التوك توك وفي الفعل بعد كده مضاف له التلات عجلات اي ان جي ده قولا واحدا بيعبر عن الاستمراريه هي بتعمل الواجب بتاعها دلوقتي فعل مستمر. الجمله الاخيره بتقول (Sleeping well is very important for you). هنا ده جيراند وانت بقيت عارف ليه والمعنى النوم جيدا مهم جدا بالنسبه لك. طيب دي النقطه الاولى في الحلقه الجيراند هو الاسم المشتق من الفعل عن طريق اضافه الاي ان جي للفعل. خلي بالك ان في ناس كتير بتتلخبط بين الاسم المشتق من الفعل اللي انت دلوقتي عرفه وبين حاجه ثانيه اسمها مصدر الفعل وده هندرسه الحلقه الجايه ان شاء الله. افهم الحلقه دي كويس هتلاقي الحلقه الجايه بسيطه جدا باذن الله. طيب الموضوع سهل اهوت عندي فعل اضيف له اي ان جي هوب بقى اسم ممتاز. هل في قاعده معينه بقى بتحكم ازاي نضيف اي ان جي للفعل؟ ايوه في وانت درستها قبل كده في المستوى الاول خليني افكرك سريعا علشان نكمل. القاعده بتقول اذا كان الفعل منتهي بحرف E احذف الحرف قبل اضافه I N G. مثال (Smile) ده يعني يبتسم فعل لما نقول الابتسام بنقول (Smiling) من غير E. (Make) يعني يصنع لما نقول صنع بنقول (Making) من غير E. الحاجه الثانيه اللي تاخد بالك منها قبل اضافه اي ان جي انه اذا كانت الكلمه منتهيه ب (CVC) متحرك بين ساكنين فبنضاعف الحرف الاخير. مثال (Stop) يعني يتوقف لما نقول التوقف بنقول (Stopping) وضاعفنا (P) مرتين. ليه؟ لان قبلها حرف متحرك O وقبلها ساكن T فيبقى منتهيه ب (CVC) متحرك بين ساكنين. طبعا انا بفكرك بسرعه لان كل ده اتمرننا عليه قبل كده بالتفصيل. كلمه (Begin) يعني يبدا لما نقول البدء الاسم منها هنقول (Beginning) وضاعفنا (N) مرتين ليه؟ لانها منتهيه ب (CVC). طيب تعال اختبرك على اللي فات ده الاول قبل ما نكمل بقيه الدرس. خلينا نشوف مركز ولا كنت سرحان. هعرض لك اربع جمل كل جمله فيهم مش مترتبه محتاجك انت ترتبها. مش بس كده انت لو لقيت الجمله لغويا غير صحيحه محتاجه اضافات ضيفها من عندك انت. هدي لك مثال وبعدين اعرض لك التمرين (Chess) (Like) (Steve) (Play). دي عاوز اكون منها جمله ما ينفعش اضيف كلمات من عندي ولكن ينفع اضيف حروف للكلمات لو محتاجه. فهاقول مثلا (Steve like play chess) بس كده هتبقى ناقصه ستيف ده مفرد فهقول (likes). وما ينفعش اقول يحب يلعب الشطرنج المفروض يحب لعب الشطرنج الاسم. فهقول (Steve likes playing chess). وضح كده المقصود منك تعمل ايه؟ خد بقى اربع جمل وهدي لك 20 ثانيه لاني هعتمد على انك بتوقف من عندك يستحسن تكتب الجمل بايدك مش بس تكتفي بترديد الحل. الجمل اهيت 20 ثانيه.
[9:12]انتهى الوقت المفروض الحل يكون كده. (Janet practices playing the violin) ضيفنا (s) ل (practice). (Tim loves studying science) (My sister dislikes cooking) (The boys imagine winning the game) طيب خد بالك بقى ان في تعبير شائع الاستخدام جدا بنقول (Go Gerund). يعني كلمه (go) وبعديها الاسم المشتق من الفعل (go gerund). يعني بالعربي مثلا بنقول يذهب للسباحه بالانجليزي بنقول يذهب السباحه ما بنقولش (to). على طول مباشره (go) بيجي بعدها الجيراند (Go swimming) (Go playing) (Go running) (Go shopping) وهكذا. ما بنقولش (go to swimming). فلو قلت لك ترجم انا سوف اذهب لصيد السمك غدا كلمه يصطاد يعني (fish). هي هي كلمه سمكه طيب قل لي انت بقى انا سوف اذهب لصيد السمك غدا خمس ثواني وتقدر توقف اكتر.
[10:20]الاجابه (I will go fishing tomorrow) وما قلناش (to). طيب سهله جدا النقطه دي بعد (go) تقدر تحط الاسم المشتق من الفعل مباشره من غير (to). طيب اديني بقى تركيزك هنا شويه في افعال معينه بقى ما بتفضلش انه يجي بعدها (to). يعني مثلا الفعل (go) ده ممكن نقول بعديه (to) ونقول (go to school). او نقدر ما نقولش بعديها (to) ونقول (go shopping) مثلا زي ما قلنا من شويه. فنقدر نقول بعدها (to) او نقدر نقول بعدها حاجه ثانيه في افعال معينه بقى ما بتحبش (to). ما بيجيش بعدها (to) الا في حالات معينه هادرسها بعدين ولكن في 99% من الظروف ما بيجيش بعدها (to). تعالى ناخد ست امثله على الافعال اللي من النوع ده عاوزك تركز علشان هختبرك بعد شويه. بص للافعال دي كده (Dislike) (Enjoy) (Imagine) (Practice) (Keep) (Finish). الست افعال دول مش شرط تحفظهم مع التكرار هتلاقيهم بقوا منطقيين في ذهنك. التكرار في كورس الجرامر وبقيه كورسات المستوى الثاني هيتكرروا معانا كتير فمش شرط تحفظ دلوقتي. افهم المعنى الاول الست افعال دول في العاده بيفضلوا ان اللي بعدهم يكون اسم مش فعل. ولذلك ما ينفعش (to) فهو الموضوع مش موضوع (to) قد ما هو موضوع الافعال دي عاوزه اللي يجي بعدها يكون اسم. طيب تعال نشوفهم واحد واحد علشان نفهم اول حاجه (Dislike) يعني لا يحب او يكره. في العاده بنقول هو لا يحب فعل كذا الاسم هو يكره فعل كذا الاسم. مثال (He dislikes waiting) هو يكره الانتظار. طيب يجرى حاجه لو قلت (He dislikes to wait) هل هيكون غلط؟ الاجابه لا نحويا صحيح 100% ولكن مش هتلاقي حد بيقول كده الصيغه دي مش منتشره بالدرجه دي. زي ما بالعربي مثلا في مصر بتقول انا ما بحبش الانتظار وقلت هنا الاسم الانتظار. ولكن ما بتقولش انا ما بحبش ان انتظر مع انها تمشي ولكن غريبه على وذنك صح؟ نفس الموضوع مع الافعال دي في العاده بتفضل ان اللي يجي بعدها يكون اسم. فتقول (I dislike wasting my time) وما قلتش (to waste). (I enjoy studying) وما قلتش (to study). (He imagines being the president) وما قلتش (to be). كلمه (be) هنا اللي هو الفعل ضفنا له اي ان جي علشان ايماجين بتفضل يجي بعدها اسم. (They practice playing the violin) وما قلتش (to play). (Why do you keep doing this) وما قلتش (to do this). (When will you finish painting the house) وما قلتش (to paint). فزي ما انت شايف في كل الامثله دي جه بعد الافعال دي الاسم المشتق من الفعل الجيراند. طيب ندخل بقى على التمارين في انواع كتيره من التمارين معانا النهارده فاديني تركيزك. اول سؤال اكمل مكان النقط هدي لك 20 ثانيه وانت تقدر توقف اكتر. (Complete the sentences with the gerund form of the words from the box). يعني اكمل الجمل باستخدام الجيراند من الكلمات الموجوده في الصندوق.
[13:50]طيب انتهى الوقت الاجابه (1. Jake enjoys reading a book). (2. We finished doing our homework). (3. Susan dislikes watching horror movies. They are too scary). (4. Henry practiced playing the guitar for three months). (5. I miss living in New York. It’s my hometown). طيب التمرين اللي بعد كده هسالك اسئله وانت تجاوب في جمله بعد كل سؤال هوقف خمس ثواني وانت تقدر توقف اكتر. هجاوب معاك اول سؤال علشان تجاوب الباقي لوحدك. (1. What did he finish?) هو انهى ايه؟ بين قوسين كاتب لك (run a marathon). يعني يجري في ماراثون فعاوز اقول هو انهى الجري في الماراثون فهنقول (He finished running a marathon). (2. What does she practice?)
[14:50]الاجابه (She practices speaking French). (3. What do they quit?)
[15:02]الاجابه (They quit writing a poem). (4. What did you imagine?)
[15:15]الاجابه (I imagined being a singer). طيب التمرين الاخير هنحكي قصه عاوزين نملى مكان الفراغ بالاسم من الافعال دي. بعد كل فراغ هدي لك ثلاث ثواني وانت تقدر توقف من عندك. (space on an island is fun for Sarah and Bobo).
[15:37]الاجابه (Living on an island is fun for Sarah and Bobo). (space trees is easy for Bobo).
[15:49]الاجابه (Climbing trees is easy for Bobo). (Once, they sail to another island. space scares Bobo).
[16:02]الاجابه (sailing scares Bobo). (There, Sarah sells her coconuts. Her job is space coconuts).
[16:26]الاجابه (Her goal is getting home). تمام دلوقتي معاك فقره الواجب الخمس اسئله دول استخدم الكلمات اللي بين قوسين لتكمله الجمله ولكن خد بالك هل هتستخدم الكلمه زي ما هي بين قوسين؟ هل هتضيف عليها حاجه هل هتضطر تستخدم (go) او (went) في الماضي؟ انت ليك الاختيار اكتب اجابتك نصحح الواجب الحلقه الجايه ان شاء الله شكرا للمشاهده اشوفك الحلقه الجايه ان شاء الله شكرا والسلام عليكم ورحمه الله وبركاته.
