[0:00]Iran America war mein America harne wala hai. UNITED STATES WILL LOSE THIS WAR.
[0:09]Reason aapke samne hai. Iran ab American interest ko target kar raha hai. Mojtaba Khamenei ab Iran ke supreme leader ban chuke hai. Iran ke naye leader ko chunte hi log unhe support karne ke liye raston par utar aaye hain. Iran is showing no signs of surrender. Yani war America ke terms par khatam nahi hone wali hai. should prepare for $200 per barrel. America ke paas sabse advanced fighter jets, missiles, duniya ki biggest navy hai. Woh Iran ko puri tarah bomb kar sakte hai. Fir bhi America apne objective mein safal nahi ho payega. Agar aapko ek open mind ke sath samajhna hai ki Iran survive kyu karega, to teen main reasons hai. Pahla hai Iran ka firepower, dusra hai Iran ki economic strength aur teesra hai Iran ka resilience. Chaliye, news ke aage jaakar in teen reasons ko samajhte hai aaj ke is video mein. Agar aapko sirf updates nahi, lessons bhi chahiye to niche comments mein we want lessons likh dijiye. Dekhte hai kitne logo ko news ke aage jaakar kuch samjhne mein interest hai.
[1:30]Pichle kuch hafto mein jo bhi ghatnaen hui hain usse kuch chize saaf hoti hai ki duniya bahut uncertain hai. Kabhi bhi kuch bhi ho sakta hai. To it is important ki hum country level par aur individual level par bhi apne aap ko safeguard kare. Hamare is video ke partners Acko bhi yahi message aap tak pahuchana chahte hain. Aapko bhi har field mein apne aur apne parivar ke interest safeguard karne chahiye. Bharat mein humesha insurance ek investment product ke rup mein dekha jaata hai. Aap bhi koi insurance wale uncle ya aunty ko jaante honge jo saal mein ek baar aakar policy bech kar jaate honge. Lekin kya yeh policies aapke liye sahi hain? Itna high premium dene ke baad aapko actually kitna benefit hota hai? Acko chahta hai ki aap yahi sawal kare. Life insurance ek seat belt ki tarah hota hai jo aapke baad aapke parivar ke finances surakshit kare. Lekin hum ek mistake kar dete hain ki hum investment aur returns mix kar dete hain jo sirf confusion badhata hai. Life insurance ek saving ya investment ka plan nahi hota. Isiliye Acko sirf term life insurance suggest karta hai jo pure life insurance hai jahan kam premium mein aapko zyada coverage milta hai. Term insurance aapke finances ko protect karta hai aur jo premium aap bachate ho usse aap apne goals ke hisab se invest kar sakte ho taaki insurance apna kaam kare aur investment apna. Aap Acko ke website par jaakar apne details daalkar plans explore kar sakte ho. Process seamless hai aur wahan aap term insurance ke bare mein seekh bhi sakte ho. To jaldi description mein diye gaye link par click kijiye aur apne aap ko aaj hi secure kijiye.
[3:06]Iran survive kyu karne wala hai? Pahla reason hai Iran ki firepower. Iran ne US owned tanker par attack kiya hai. Is attack mein ek Indian ki bhi jaan gayi hai. Iraq ke waters mein bhi ab Iran ne US owned assets par attack karna start kiya hai. Yeh video dekhiye. Ab war 12th day tak pahuch chuki hai lekin fir bhi Iran apne drones ki madad se Oman ke Salalah port par attack kar raha hai. Aur isi ke sath Iran ne US ko yeh kah diya hai ki aap artificially oil prices ko control nahi kar sakte. Oil prices $200 per barrel jaane hi wale hai. This is bad news for everyone. Ab war apne agle charan par pahuch chuki hai jahan attack sirf military infrastructure par hi nahi civilian infrastructure par bhi ho raha hai. Back to back America aise videos release kar rahe hai ki woh Iran ke Air Force ko destroy kar raha hai. One by one aap dekh sakte hai ki kaise Iran ki capabilities kam ho rahi hai. Lekin Iran surrender kyu nahi kar raha hai? Chaliye Iran ki kuch military capability ki aur nazar dalte hai. BBC ke is article mein hume ek comparison dekhne milta hai ki in drones ki actual size kya hoti hai. Jin drones ka istemal hum videos wagaira lene ke liye karte hain, woh hamare haath mein baith jaate hai. Lekin Iran ka Shahed 136 drone itna bada hota hai. Iske nose area mein 50 kilo ka explosive hota hai jo ek missile ke 1/10th hota hai. Lekin fir bhi bahut damage kar sakta hai. Drone ke andar ek satellite navigation system hota hai aur piche ek propellor engine jo bahut awaz karta hai kuch is tarah se.
[4:44]Iran ke underground bunkers mein aise thousands of drones hain. Ye drones cheap hote hain, ye drones effective hote hain aur itna ki America khud aaj unhe copy karta hai. Yes, yeh article dekhiye. America ke Lucas drones Shahed drones se copy kiye hue drones hai. Angrezi mein ek kahawat hai, imitation is flattery. Jab bhi koi aapki copy karta hai to fir woh aapki prashansa karta hai isiliye copy karta hai. America ek military superpower hone ke bawajood agar Iran ke drones ko copy kar raha hai to aap samajh sakte ho ki Iran ke drones kitne effective honge.
[5:29]Iran ke drones ke against Israel aur America ka ek weapon hai interceptor missiles jo Middle East mein tainat hai. Lekin in missiles ko pata kaise chalega ki drone kahan se aa rahe hai? Iske liye lagte hain radars. Iran baar baar Middle East mein in radars ko target kar raha hai. These radar systems are America's eyes and ears. Without radar Iranian missiles can hit targets. Iran is finishing American radars. Yani pehle Middle East mein America ke jo radars hain woh khatam ho jayenge aur ek baar radars gaye fir ye sare drones apne targets ko hit karenge. Yeh dekhiye, Jordan ka radar destroy ho chuka hai. Yeh UAE ka radar system damage hua hai. Iran is preparing for 50 years. Is drone warfare ke liye Iran pichle 50 saalon se prepare kar raha hai. Trump ne socha hoga ki woh pehle Iran ke supreme leader ko mar dega aur fir log sadko par utar aayenge. Venezuela mein jaise Maduro ki sarkar giri thi waise hi Iran mein bhi ho jayega. Lekin Iran ke log to naye supreme leader Mojtaba Khamenei ko support karne mein aage aa rahe hai. Aisa kyu? Second reason ki aur badhte hain aur woh hai Iran ki economy. Iran par aaj missiles barsaye ja rahe hai. Lekin Iran par pichle 45 saalon se economic weapons ka istemal ho raha hai yani sanctions jinse Iran ko isolate karne ki koshish ho rahi hai. Sanctions are economic weapons. Economic sanctions ek pressure banane ka tactic hota hai jinse Iran ko isolate karne ki koshish West ne tab se ki hai jab se Iran mein Islamic Revolution hua hai. Kyu ki sanctions ka objective yahi hota hai, "Apni policy badlo... warna economic cost bhugto." "Humari baat maano.... warna tumhari economy toh gayi boss." "Hum tumhe itna nichodenge, itna nichodenge, blackmail karenge" ki tum ghutne tek doge. Why America hates Iran? America Iran par itna gussa kyu hai? Chaliye thoda rewind karte hai. 1979 se pehle Iran ke videos to aapne dekhe hi honge. Pehle Iran kuch is tarah ka dikhta tha. Kyu ki Iran Western ideology se chal raha tha. Aur baat sirf ideology ki nahi hai, Iran Western economic model ko bhi follow kar raha tha. Iran global oil ki 10% demand fulfill kar raha tha aur isiliye Iran ke shaher develop ho rahe the. Shah ne America ki madad se Iran mein White Revolution start kiya. White isiliye kyu ki yeh revolution bina kisi ka khoon bahaye hua tha. Is revolution ke dauran oil wealth se alag alag infrastructure projects khade hue. American companies Iran mein expand karne lage. Iran America ke liye ek naya market ban gaya. Time magazine literally White Revolution ko aise describe karta hai. A grand design that is intended to wrest Iran from the middle ages into modern industrialized society. Lekin 1979 mein jab Islamic Revolution hua to America Iran se oil kharidna chahta hi nahi tha. Aur na hi Iran America se koi bhi deal karna chahta tha. 1979 ke Islamic Revolution ki kahani humne Iran ki story wale video mein explain ki hai jo aap yahan par dekh sakte hai. Research karte samay ek interesting baat mujhe pata chali aur woh hai American Hostage Crisis. Listen to this. Kabhi socha hai ki America Iran ko global sponsor of terrorism kyu kehta hai? Is baat ki shuruat kahan se hui? Then this might be the answer. To hua ye ki 1979 mein Islamic Revolution hua uske baad kuch aisa hua jiski wajah se Iran aur USA ke beech mein jo relationship thi woh completely destroy ho gayi. Aur woh bhi permanently. Hua ye ki Iranian students ne Iran mein jo American Embassy thi wahan par kabza kar liya aur 52 American diplomats ko apna hostage bana liya. Ab guess kijiye ki yeh jo pura crisis tha woh kitne samay ke liye chala hoga? Kuch 10 din, 15 din, 20 din, ek mahina, do mahina? Nov 1973 - Jan 1981 - 444 Days. Nahi, pure 444 days yaani 1 saal se bhi zyada samay ke liye yeh sare American diplomats Iran ke hostage the. Ab International Law kya kehta hai? International Law ye kehta hai ki Embassy jis desh ki hai woh uski sovereign property hai. Yaani maan liya ki yeh jo Embassy thi woh Iran mein thi lekin woh American Embassy thi yaani woh American sovereign property thi. Law ki baat kare to fir yeh jo hostage situation ho rahi thi yeh American land par ho rahi thi. USA soil. US Embassy. USA ke perspective se yeh hostage Iran mein nahi American soil par the yaani American perspective se 1979 mein Iran ne American diplomats ko America mein target kiya tha. To iske badle mein America ne response kaise diya? American President Jimmy Carter ne Iran ke 12 billion dollars ke assets jo tab America mein the woh zabt kar liye. Isme Iran ka 1.6 million oz of gold bhi shamil tha. Convert karne par pata chala that that is 45000 kgs of gold. Yeh Federal Reserve Bank of New York mein tha jo America ne zabt kar liya. Yaani Iran ke paas American diplomats the aur America ke paas Iran ka bahut sara paisa. Aur jab yeh Hostage Crisis 1981 mein end hua to fir yeh log to America wapas chale gaye lekin sara ka sara paisa Iran ko wapas nahi mila. Woh gaya London mein. Baad mein is paise ka istemal America ne US Iran ka dispute settle karne ke liye kiya. American sari companies ek sath aayi aur ek sath aakar unhone Iran par 300 cases daal diye. Kisi company ne kaha ki Iran ki wajah se yeh nuksaan hua hai dusri company ne kaha woh nuksaan hua hai. Aise kar karke unhone bill bahut hi lamba choda kar diya. Ultimately Iran ke 12 billion dollars jo America ke paas the usme se kitne paise Iran ko wapas mile? Sirf 2.8 billion dollars. Baaki ke paise America ne kha liye. American diplomats America ko wapas mile lekin Iran ke paise Iran ko wapas nahi mile. Globally Iran ek paraya ho gaya aur Iran ne America ko great satan kehna start kar diya. Is story se mujhe yeh pata chalta hai ki geopolitics pura ka pura black and white nahi hota. Yahan par bahut shades of grey hota hai. America ke perspective se dekha jaye to Iran ne American logo ko hostage liya tha. American diplomats ko 444 days ke liye hostage rakha tha aur Iran ke perspective se America ne settlement hone ke baad bhi Iran ka paisa churaya. Sahi kaun galat kaun? Aapko kya lagta hai? Mujhe comment karke batao. Kya yeh story aapko kisi bhi news channel ne sunayi hai? Agar nahi to ek like to banta hai boss. Target rakhte hain 50,000 likes ka. Story mein aage badhte hain. 1980s mein US ne Iran ke sath diplomatic ties kaat diye for obvious reasons. Usi saal Saddam Hussein ke under Iraq ne Iran ko invade kiya. Iraq Iran War 1980 se lekar 1988 tak chali. Is war mein America ne Iraq ka sath diya. 1984 mein America ne Iran ko State Sponsor of Terror ghoshit kar diya. 1995 mein President Bill Clinton ne American companies ko Iran se deal karne se mana kar diya. Iran Hamas aur Hezbollah jaise groups ko support karta hai yeh iske piche ka reason bataya gaya. 2002 mein 9/11 attacks ke baad Iran ko America ne Axis of Evil ka hissa kehna start kiya. 2013 mein Obama ne Iran ke sath Joint Comprehensive Plan of Action JCPOA sign kiya. Jisse Iran ki nuclear activities control mein rahe aur badle mein Iran ke sanctions kam ho sake. Lekin 2018 mein Trump ne is agreement se backout kar diya aur Iran par sanctions wapas aa gaye. Aage jaakar 2025 mein Trump ne Iran ke alag alag nuclear bases par strikes ki aur ab 2026 mein Iran ke Supreme Leader ko maar giraaya. Yaani aap dekh sakte hai ki 1980 se lekar har dashak mein America ne Iran par attack kiya hi hai. Iran ki economy ko destroy karne ki koshish pichle 50 saalon se ho rahi hai. Iran ki currency ne 1970 ke baad 20,000 times apni value kho di hai. Matlab kya hai batata hu. 1979 mein ek American dollar kharidne ke liye 70 Riyal lagte the aur ab 1.4 million Riyal lagte hain. Sanctions ki wajah se life expectancy girti hai, chize expensive hoti hai, workers ko informal kaam karna padta hai. 2020 ka ek research kehta bhi hai ki sanctions ki wajah se 38 million logo ne apni jaan ganwayi hai. Lekin America ne pichle 50 saalon mein Iran par itne economic attacks kiye hain ki ab Iran America ko apna dost kabhi maan hi nahi sakta. Itna bura haal hone ke baad aap socho ki ek desh to narak ban jayega. Agla point suniye. Teesra aur sabse important point hai Iran ka resilience. Resilience yaani kathinaiyon se ubharne ki kshamata. Iran sadharan pichle 45 saalon se sanctions ke under hai. Fir bhi unke streets kuch aise dikhte hain. Sochne jaisi baat hai, Tehran has a metro. Baaki ke shaher have well constructed footpaths. They have parks, sab kuch saaf hai. Raste acche hain. Kya yeh ek aise desh jaisa lagta hai jis par 45 years se economic sanctions lage hain? No. Sanctions ek cruel economic punishment hai. Iran ko duniya se jaan bujh kar alag rakha gaya hai. Duniya ko kaha gaya hai ki aap USA aur Iran ke beech mein chun lijiye. Economy ke karan, trade ke karan logo ne USA, EU se sambandh rakhna theek samjha. But in spite of this, in spite of US media showing ki Irani unka sabse bada dushman hai, Iran is actually thriving. Nahi main aisa nahi keh rahi ki sanctions ka unpar koi asar nahi hai, not at all. Aap Iran ke upar koi bhi documentary dekhenge to locals batayenge ki kaise sanctions ke karan roz marra ke kharche badh gaye, mahangayi badh gayi. Bahut logo ke businesses band hue, logo ki naukri chali gayi. Lekin iske baad bhi Iran ka desh aur unke log resilient hai. Unhone haar nahi mani. Unhone apne desh par kaam kiya aur sach mein, in the true sense, aatmnirbhar bane aur kuch fields mein to unhone bahut excel kiya hai. Jaise science ki field ko le lijiye. 1996 se 2008 ke beech Iran ka scientific output 18 guna badha. Woh science aur research ki field mein sabse tezi se grow kar rahe hain. Aur yeh aaj ki baat nahi hai, yeh bahut saalon se observe ho raha hai. 2007 mein Khamenei ne Resistance Economy ka concept develop kiya. Ki humare upar sanctions hai aur hume sanctions ke bawajood grow hona hai aur uska ek tarika hai knowledge economy. Isiliye Iran ne science aur research par zyada zor diya. Medical education par zor diya. Mahilaon ko shikshit kiya gaya. In fact, Iran ke 70% science graduates mahilaen hain aur yeh mahilaen sirf normal graduates nahi hai. Unka research duniya bhar mein use hota hai. Iran ko medicines mein koi problems nahi honi chahiye, isiliye unhone 99% self-sufficiency ki aur apne efforts lagaye hain. Iran ki military might bhi kuch kam nahi hai. Sanctions ki wajah se USA ne military weapons Iran ko nahi beche aur baaki ke desho ko bhi unhe bechne se mana kar diya. So overall agar Iran ko apni safety ensure karni thi to unhe missiles, drones, guns sab khud hi manufacture karne the. And they did. Jo bhi research unhone science mein kiya uska ek hissa Iran ke defense mein bhi use hua. Iran ke paas short range ballistic missiles hai. Jaise Fateh-313 jo 500 km ki duri tak ja sakta hai aur Qiam range jo 700 se 800 km tak jaati hai. In fact, Iran ke paas medium range missiles bhi hai jaise Khorramshahr jo 2000 se 3000 km tak ja sakta hai. Iran ke paas cruiser missiles hai, satellite launch vehicles bhi hai. Now the thing is agar aap Donald Trump ke videos dekhen, unke press conferences dekhen to unhone kaha ki humne Iran ko attack kiya kyu ki hume aisi ek feeling aayi ki Iran hume attack karega. Iran aur USA ke beech 11,681 km ki duri hai. So jo US propaganda kar raha hai ki Iran hamare desh par attack karega, that is pure bullshit kyu ki unke paas aisi koi missile hai hi nahi jo 11,000 km dur tak jaye. But what Iran does have are jet engines. Iran ne US ke general electric engines ko reverse engineer karke apne khud ke local jet engines banaye hain jo ek bahut badi baat hai. Yeh sare capabilities in house hona, apne desh mein hona kitni badi baat hai. Ab aate hai sports par. Iran ke upar itne sanctions ke baad bhi Iran kai sports mein Bharat se milo aage hai. Iran has won 88 Olympic medals till now and India has won 41. Iran FIFA men's ranking mein 20th hai aur Bharat ki rank 141 hai. This comparison is just to show ki hamare paas itne sare facilities hain, itne paise bhi hain bas woh paise corruption mein chale jate hain. Whereas Iran ke upar itne sare restrictions hai fir bhi woh itna kamal kar dete hain. Now think about it ki Iran sanctions ke sath itna kuch kar sakta hai to bina sanctions ke na jane kitna kuch kar payega. Iran ne almost paanch dashak economic pain saha hai to unhone sikha hai ki duniya ka koi bhi desh unka dost nahi hai. Sankat ke samay unhe khud ki madad karni hogi, unhe koi aur bachane nahi aayega aur isi attitude ko lekar unhone apne desh ko structure kiya hai. Now this is not a comment on Iran's Islamic Republic, unki strict rules ya unka religion. Because frankly I don't have enough context. But from my place what I can see is ek desh jisne baar baar external shocks ko absorb kiya hai, wars ke through, sanctions ke through aur woh fir bhi aaj khada hai. Isse Bharat ko seekhne ki zaroorat hai ki ek desh jiske paas kuch bhi nahi hai, woh kitne sare important fields mein humse itna aage hai to fir hum kyu nahi? What's our excuse? Yeh hai Professor Jiang. Jinhone 2024 mein teen predictions kiye the jin mein se do already sach hue hai. Unhone kaha tha, number one Trump election jeet jayega. Number two, America Iran ke against war start karega aur unka teesra prediction sabse interesting hai ki America yeh war haar jayega. Lekin why do we say that? Kyu ki America ko tactical success mil sakti hai meaning America jo bhi targets decide karta hai woh unhe successfully destroy to kar sakta hai. Lekin America ka jo objective hai Iran ka sarvanash woh successful hone se pehle Iran Middle East ko destroy kar dega. Agar Trump sahi hai aur Iran ke paas nuclear weapons hai to Iran unhe use karega aur agar Trump sahi nahi hai aur Iran ke paas nuclear weapons nahi hai. To puri duniya dekhegi ki kaise America Israel ka saath dekar Sunni Muslims ke ek entire population ko destroy kar raha hai. Imagine in dono scenarios ka impact duniya bhar mein kya hoga.
[19:42]America ke liye ek tactical victory possible hai lekin ek strategic victory pana America ke liye next to impossible hoga. To America kya karega? Taco America apne objectives modify karega, goal post hi shift kar dega. Asal mein piche hat jayega lekin haar kabhi bhi accept nahi karega. Yeh ek video dekhiye, yahan side mein hi missile strike hui hai lekin log fir bhi ek jut hai aur dare hue nahi hai. Aur na hi Iran ki leadership ko is baat ke liye blame kar rahe hain. Unke liye asali villain America hai. Aapne kuch samay se aise videos zaroor dekhe honge. Puri duniya mein log Khamenei ke death ka shok kyu mana rahe hai? Asal mein America ne ek martyr bana diya jo duniya bhar ke Musalmano ko ek saath la sakta hai. Puri duniya mein agar dekhe to kai Shia Muslims shok mana rahe hai. Yeh video Iran ka nahi yeh Iraq hai jahan log keh rahe hain ki yeh attack nahi yeh ek catastrophe hai. Yeh hai Iran ka Shajare Tayabe Elementary School jis par America ke Tomahawk missile se attack kiya gaya. America kehta zaroor hai ki school ke bagal mein hi ek military facility hai to fir target woh military facility tha aur missile ka nishana chuk gaya. Lekin aapko kya lagta hai kya aise situation mein itni badi error America afford kar sakta hai? Is strike mein 150 bache maare gaye. Perception ki baat kare to America already haar raha hai. Agar aap mujhe puche to jis point dono sides ne civilian infrastructure ko attack karna start kiya. Mere mann mein ek baat clear ho gayi ki is war mein there is no good side. Iran ko support karo ya America ko farak nahi padta. Lekin mujhe gussa hypocrisy par aata hai. Jab 2022 mein Russia ne Ukraine par attack kiya to by default Russia villain bana. To usi logic se America aaj villain kyu nahi hai? Yeh sawal puri duniya ko puchne ki zaroorat hai. Jaise Russia ko puri duniya ne boycott kiya tha waise aaj America ko puri duniya boycott kyu nahi kar sakti? Kyu ki world order ko America control karta hai. Aaj duniya mein ek hi superpower hai aur woh hai America aur puri duniya America ke isharo par nachti hai.
[21:49]Is World Order ko change hone ki zaroorat hai. Kyu ki nahi to America ka President koi bhi ban jaye woh puri duniya ko apne isharo par nachata rahega. Aur jo bhi America ke interest ke against jaana ki zurrat karega us par sanctions dalega, use terrorist nation declare kar dega. Use kisi na kisi tarah punish karne ki koshish karega. Bharat ko is baat ko samjhne ki zaroorat hai. Listen to this. Hard times create strong men. Strong men create good times. Good times create weak men and weak men create hard times. Agar aap, aapke parents ki generation tak dekhoge to sab ne bahut sari kathinaiyaan jheli hain. In fact aapke parents ne bhi phone connection, gas connection ke liye saalon ke liye queues mein wait kiya hoga. Doodh ke liye har roz line lagti thi, ration par log dependent the. To unhone bahut sari mehnat ki to create good times. Bharat ne 1990s ke baad sirf prosperity dekhi hai, sirf good times dekhe hain. So aaj ki jo generation hai, aaj jo humari janta hai woh soft ho gayi hai because of all of this economic prosperity. Hum humesha bahar ki taraf dekhte hai ki hamare problems koi aur solve karega, main kyu karu? We always think somebody else will fix India. And yeh jo sara soft attitude hai ki hum kabhi bhi buri chizo ke liye plan nahi karte alag eventualities ko predict nahi karte. And thoda sa bhi inconvenience hum sehan nahi kar pate. This yeh jo sara soft attitude hai that is going to create hard times. Agar aapko is video se value mili, kuch naya seekhne mila to fir is video ko share kijiye. And we want to thank the partners of this video, Acko. Insurance ko investment ke taur par dekhna band kijiye. Apne aur apne family ke liye aaj hi term insurance le lijiye. Taaki aapki family ke future ko koi bhi dhakka na lage. Link is in the description. Kyu ki geopolitics ke complex baatein ek aasaan bhasha mein samjhane se mujhe farq padta hai.
