[0:23]مرحبا بكم مشاهدينا في حلقة جديدة من جدر الوالدة، حيا الله امي شو أخبارس؟ حياك الله امي، وش حالش حبيبتي؟ الحمد لله زين الله يسلمك. مرحبا وش حال الأهل والوالدة والأخوان والخوات كلهم؟ الحمد لله كلهم بخير ونعمة. أنتي شو حالش؟ الحمد لله اللهم لك الحمد. الحمد لله لك الحمد امي، خليني أقهويش. حياك. أمي خبرينا عن التمر قبل. متى موسمه؟ وكيف تخزنونه؟ ويتم عندكم طول السنة ولا كيف؟ ايه موسمه بالصيف حبيبي أول يعني يطلع النخل النبات، بعدين ينبتوا. عقب ما يستوي خلال، عقب ما يستوي بسير يرطب. عقب ما يرطب يستوى التمر. يروحونه في وين؟ في المساطيح. كنه مصطاح. مصطاح يسوا لنا دوعن دعنين.
[1:14]حطوا عليه عاد يوم تشوفوا التمر بادي يسود فرشوها على الدوعن. اللي يزيد عنهم اللي وايد بيوزعوا على الجيران بيوزعوا على الأهل بودوا بيطرشوا ببرع. ايه. واللي بيزيد بيفرشوا على الدوعون في على ما يقول المصاطيح أول المصطاح. المصطاح. المصطاح. اي يفرشوا عليه دوعن دعنين ما شاء الله عقب ما خلص عاد المرابيع. ربع المرابيع ربعوا عاد تقولوا ربع التمر. ايه. ربع المرابيع ربعوا التمر. اي يابوا عاد خزنونه؟ ايه يخزنوا عاد بخصافه الحرمة تسف والريال يخيط. اليربوا هاي؟ يربانة. اليرب. ايه عاد الحرمة تسف والريال يخيط عقب ما خيط وسكره بله بالماي غسله وخلى ينقط عن الماي الخوص عشان يمكن شي حايش ولا شي. يبسها شوية دار عاد شو سوى ياب الطاسة الماي وغسلوا ريوله ودام يدوس التمر. ايه. يدبس ريوله كيس ودار يدوس التمر التمر يشبك مع بعض. مع بعض. هاي أول فردة فردة بعدين يشبك مع بعض يابوا خزنها بال في اليرب. وياب هذا العقم مال الشوك مال النخل. اسحل الخوصة وخيط اليرب ربعوا كم؟ خمسة، ستة على موجود. الموجود. ايه ربعوا يابيت انتي خمسة ستة يابيت انتي ستة سبعة ياب الجيران كلهم. وتتوزعون بها؟ اي و بعدين يروح لكل يار. ايه بعدين كيف يسووا؟ يحطوا يحطوه في البخار. يخزنوا ليش؟ يسدوا على بعض يحطوا عليه حصى عشان يصل الدبس. يصل الدبس. في المدبسة. في المدبسة لها مدبسة خاصة يخلون اليرب فوق بعض؟ فوق بعض التمر. يوم عاد خلص يابوا عاد قال يابوي تعال فلان هاي المدبسة أنت شليت السطل هذا شليت السطل هذا ويوزعوا على الجيران. أمي سوالفش وايد طيبة، خبريني شو طبختنا اليوم؟ اليوم مجبوس ماش ودياي مقلي. أمي أنا سايرة السوق، تحتاجين شيء؟ أبغى الماش وأبغى الزنجبيل. إن شاء الله، في شيء ثاني؟ مشكورة حبيبتي. يلا أنا بروح أجيب لك اياهم وأرجع. يلا الله يحفظش يا رب يلا.
[3:31]وصلنا الجمعية والحين راح أخذ أغراض اللي ناقصة عندنا خل أخذ السلة أول. بسم الله. يلا نسير داخل، ايه هني عند البقوليات. نبي الماش، هذا الماش. ناخذ الاثنين منه.
[3:59]مشاهدينا تعرفون إن الماش نوع من أنواع البقوليات يحافظ على مستوى السكر في الدم.
[4:09]خلونا ناخذ الزنجبيل. هذا اللي أحتاجه. أحتاج كيس.
[4:31]هذه الكمية كافية. والحين خلونا نسير حق أمي أم أحمد نخلص طبختنا اليوم.
[4:47]بسم الله، أمي هذا الماش والزنجبيل يبت لك. ان شاء الله، طبختنا لليوم، مشكورة. أمي يلا خبرينا مكونات طبختنا اليوم. مكونات طبختنا اليوم، مجبوس الماش. مع الدياي؟ مع الدياي المقلي. ايه عندنا المكونات الثوم، عندنا الليمون، عندنا الطماط، عندنا الليمون الأخضر، عندنا البصل، عندنا الفلفل، عندنا الزنجبيل الطازج، عندنا البقدونس، عندنا الكزبرة، عندنا النعناع، عندنا هنا الماش، عندنا الدياي، عندنا الماجي، عندنا الفلفل الناشف، عندنا البزار العربي، عندنا الهيل الناعم، عندنا ليمون الناشف، عندنا الزنجبيل الناعم، عندنا القرفة الناعمة، عندنا الكزبرة الحب، عندنا القرفة الخشب، عندنا البزار الأحمر، عندنا ورق الكاري، عندنا كركم، عندنا الفلفل الأسود الناعم، عندنا الفلفل الأسود الحب، عندنا الهيل الحب، عندنا النجمة، عندنا القرنفل، عندنا الكمون الناعم، عندنا البهار الصحيح، ملح، عندنا الزيت، عندنا العيش.
[5:59]وهاي كلها مكونات؟ هاي كلهم مكونات يلا بسم الله الرحمن الرحيم. أمي كيف تبين البصل كم حبة؟ بس حبة بس راس واحد قصة، لا ما في صغار وايد ما في كبار وايد متوسط. متوسط.
[6:15]والطماط كم حبة تبين؟ بعد حبة بس. إن شاء الله، حبة الثوم حبة. الزنجبيل. خليني الحين أنا بحطي هذا. حطي الدياي. ايه. بسم الله الرحمن الرحيم، هذا الدياي.
[6:39]أول شيء نسلقه. بسم الله الدياي لازم يتفوح الدياي هذا الدياي.
[6:53]بعدين بحطي عليها. شويه عشان تطلع ريحته. حطي هذا الفلفل. ايه. هي أربع حبات قرفة.
[7:16]الناشف. البهارات الصحيحة. هذا اخليه.
[7:28]بخليه يتحمر هذا.
[7:37]الحين بضيف عليه الماش.
[7:42]غسلناه نقعينه طبعا. الحين بحطي.
[7:56]نقعته بوقت. ايه.
[8:00]هذا.
[8:05]طبختنا بتخلص بحط جدر الثاني.
[8:16]ما بحطي عليه على على اي شي يطبخ روحه على الطبيعة بس. لا بحطي عليه ملح ولا بحطي عليه كركم ولا بحطي بيطبخ بالماي الحار.
[8:31]هذا بحطي على الدياي شوية ماجي. ايه. عشان أنا بمرق فيه العيش طبعا. ماي العيش بمرق فيه. المكبوس.
[8:53]أنا ما بسكره وايد عشان ما يلوعزنا بالحر.
[9:00]ايه. اذا هو مسكر يتبلوعز بالحر.
[9:07]طبعا الحين بملح الدياي أنا ما ملحته الحين بملحه. مب شرط إن نملحه من البداية عادي عقب نملح؟ عادي عادي. ايه.
[9:24]بعدين بتقدر تزيده لأنه هو الدياي بيشرب الملح. ايه بيسد ثنتين؟ ها فلفل؟ ايه فلفل. ثلاثة حطينا ما ببطلها. ايه. ما يتطل يعني بتبطليه ثنتين كافي لأنه بيستوي حار. لكن يوم ما بطل عادي تحطيه ثنتين تحطي ثلاث عادي ما نبطل عشان ليش؟ ما في حرورة. بسم الله الحين بزيد شوية كركمة. عشان تكسر. صفارتها. الكركم.
[10:00]في منهم ما يسووا الكركم عادي صح؟ في منهم ما أحد يسوي الكركم عشان الكركم ليش؟ يكسر البياضة ماله. ايه. يتحمر يوم بتقليه يطلع أحمر زيادة، لكن يوم ما في يطلع أبيض مثل يعني.
[10:28]يلا أبي الحين الماش مالنا خلص بنشيله.
[10:48]ايه يطبخ نص ساعة لازم بيخلص. خلص الماش.
[10:52]حطي هذا شوية. يلا أعطيني أنا بشيله. بسم الله الرحمن الرحيم، انتبهي زين. بسم الله. أعطيني. الحين حضرنا هذا الماش خلص أحب أنشيطه. ابين البصل الحين؟
[11:17]ايه أمي أبي البصل. يلا تفضلي. أعطيني الحين هذا. بسم الله الرحمن الرحيم، هذا الحين بيطبخ.
[11:49]أحين أ بضيف عليه الطماط.
[13:14]الطماط طبعا حمرنا البصل مع هذا حمر الزنجبيل مع البصل مع الطماط.
[13:53]الحين بتضيفين البهارات؟ الحين بضيف الكركم.
[14:07]هاي القرفة الناعمة، هذا الفلفل.
[14:18]وفي حال لو ما عندي الناعم أحط الأعواد عادي. هذا الفلفل الأسود ما عنده هذا حطي هذا ما في مشكلة لا تتعطل عمرك. هذا البزار الأحمر، هذا الهيل كبشيتين بحاجة له.
[14:50]هذا الثوم الناعم، الحين بضيف عليه ورق الهندي على ما يقولوا بضيف عليه ورق الغار ثنتين.
[20:21]الحين الدياي الحين أنا ببهبر هذا الدياي.
