[0:13]كثير منا او اغلبنا تعرضنا لصدمات نفسيه في حياتنا بشكل عام، بس في بعض الاحيان يعدل الموضوع ما تترك اي اثر على صحتك او حياتك، وفي بعض الاحيان تترك فيك اثر يستمر معك طول حياتك، وتظهر معك على صوره فلاش باكس او كوابيس او حتى افكار. وهذه اللي يسمونها اضطراب ما بعد الصدمه هو البي تي اس دي وهو موضوعنا لليوم.
[0:33]قبل ما نعرف ايش هي الصدمه النفسيه نحتاج نعرف كيف عقل الانسان يتجاوب مع المشاكل او الصدمات. صدمات مثل الحرب او العنف المنزلي او الاصابه والفقدان، هذه الاحداث اللي ذكرتها العقل يتعاملها معامله الخطر، ويبدا يشغل زي نظام الانذار في الدماغ، وهو المعروف باسم فايتر فلايت اور فريز. فاما انه يواجه او انه يهرب او انه يتجمد في مكانه، وبهذه الحاله الجسم يبدا يفرز هرمونات اسمها هرمونات التوتر واللي هي الكورتيزول والادرينالين وغيرها. والجسم فرز الهرمونات هذه عشان يجهزك للحدث الخطير اللي قاعد يصير، فتبدا دقات قلبك تتحرك بسرعه ويبدا النفس عندك يضيق وتبدا عضلاتك تنشد معك. هذه الاعراض كلها اللي طلعت لك بعد ما تعرضت الخطر يسمونها الشلال الكيميائي او الكيميكال كاسكيد. وغالبه الصدمات اللي تمر فيها في حياتك تكون عباره عن صدمه مؤقته، ونادرا ما تتحول الى بي تي اس دي وتكون صدمه معك بشكل دائم. لما حاولت ابحث عن اسباب الصدمات النفسيه لقيت اسباب جدا كثيره وبعضها يعني مبالغ فيها نوعا ما، لكن حبيت اني اجمعهم واقسمهم الى ثلاث انواع عشان توضح الصوره. اول انواع الصدمات النفسيه وهي اللي تعتبر مشهوره اكثر هو الخطر، وهي اللي تكلمنا عنها في البدايه انها لما تكون حياتك في خطر، وهذه تنقسم الى اقسام كثيره هو واشكال كثيره. الاعتداء الجنسي، العنف الاسري، حادث سياره، حروب وغيرها، الصدمات هذه تندرج تحت الصدمات اللي ممكن تتعرض لها وتسبب لك بي تي اس دي، لكن بعض الصدمات ما تتعرض لها وممكن تسبب لك بي تي اس دي بسبب انك شفتها بس. زي المسعفين لما يشوفون المرضى والجثث قدامهم بشكل يومي تقريبا، او رجال الاطفاء اللي يشوفون حرائق وبعض الاحيان يعرضون حياتهم للخطر، او حتى انك تشوف حادث قدامك او انك تشوف جثه او لحظه اعدام. هذه الاحداث مع انك ما عشتها نوعا ما الا انها ممكن تجيب لك بي تي اس دي بسبب ثقلها على النفس. النوع الثاني من اسباب الصدمات وهو الوراثه، كثير ممكن يستغرب منكم من النوع هذا لانه اللي نعرفه ان الامراض الجسديه بس هي اللي تورث مو الامراض النفسيه. لكن الحقيقه ان بعض الاضطرابات النفسيه وعلى راسها اضطراب ما بعد الصدمه ممكن يورث لك من جيل الى جيل ثاني، ومو الجيل واحد بس ممكن حتى يورث الجيلين. يعني اذا جدك يعاني من صدمه معينه احتمال انك تكون انت وارث لها وتعاني من نفس الازمه. وفي تجربه سووها على مجموعه فيران عام 2013، اخذوا زوجين من الفيران وعرضوا لهم ريحه معينه تشبه ريحه الكرز. وبعد ما شموا الفيران الريحه هذه كهربونهم لفتره بسيطه، فبدا يرتبط عند الفيران ان الريحه هذه معناتها بتكهرب بعدها. كبروا بعدها الفيران هذولي وانجبوا فار جديد، الغريب ان الفار هذا كان بمجرد ما يروح الريحه اللي تشبه ريحه الكرز يدخل في حاله التوتر ودقات قلبه تزيد وكانه في حاله خطر. كبر بعدها الفار هذا وتزوج له فاره وانجبوا فار جديد، ولدهم الفار الجديد مر بنفس الشيء بمجرد ما شم ريحه الكرز هذه يبدا يتوتر ودقات قلبه تزيد وكانه في مرحله خطر.
[3:13]مع ان الفار اللي تعرض للصدمه ما هو ولا ابوه حتى، الفار اللي تعرض للصدمه هو جده. ممكن البعض يقول ان التجربه هذه يعني كانت على فار ومو على انسان فطبيعي يعني احنا مو بفيران في الاول والاخير. الحقيقه انهم سووا دراسات برضه على الاطفال العوائل اللي نجت من محرقه الهولوكوست اللي سوها تلر يعني مع اليهود. ولقوا في تغيرات جينيه في اولادهم مع اللي تعرض للصدمه هو ابائهم مو هم، فتووضح لك قد ايش ممكن ان الصدمات هذه القويه ممكن تترك اثر بيولوجي ينتقل معك من جيل الى الثاني. النوع الثالث من اسباب الصدمات وهو ذكريات قديمه ومقصدي من ذكريات قديمه هي صدمات صارت لك وانت صغير وما تتذكرها لكن جسمك باقي محتفظ فيها ويتذكرها. فممكن يكون عندك اضطراب ما بعد الصدمه في موضوع معين وتلاقي كوابيس تجيك بين فتره وفتره ويدخل جسمك في حاله الشلل الكيميائي وانت ما تدري اصلا من فين جاتك هذه الصدمه. هنا وقتها تحتاج تستوعب انه اوه ممكن يكون صار لك حدث معين وانت صغير انت اصلا ما تتذكرها. صح ان فيها انواع اكثر لاسباب الصدمات النفسيه لكن حبيت احصيها في هذه الثلاث انواع بصوره اشمل وارتبها من الاكثر شيوعا الى الاقل شيوعا.
[4:14]لما سولفت قبل شوي عن الصدمات وكيف ممكن تتحول معك الى اضطراب مزمن يصاحبك طول حياتك هذا مو معناتها اكيد انها اي صدمه تواجهك راح تحولك الى مضطرب. او ممكن انت مريت بصدمه معينه وما تحولت معك الى اضطراب مزمن، ففرضا عندنا شخصين مروا بنفس الصدمه بالضبط. واحد منهم تخطى الصدمه بسرعه وصار عايش حياته، والثاني ما قدر يتخطاها وتحولت معه الى اضطراب. الحقيقه انه الى يومنا هذا ما توصلوا لاي سبب قاطع ان هذا هو السبب الاساسي للصدمات يعني، لكن في مجموعه احتمالات هي اللي غالبا تفرق من شخص لشخص وتعطي افضليه للشخص الثاني انه يقدر يتخطاها. اول العوامل وهي الدعم النفسي تخيل انك مريت بصدمه معينه ولتكن فرضا حادث بالسياره وكنت على حافه الموت. جاك بعدها اهلك ووقفوا جنبك يسمعون لقصتك ويطمنونك ويدعون لك، هذه العوامل بتعطيك شعور انك والله في مكان امن والموضوع الخطر انتهى الحين. على عكس انك تكون في بيئه سامه، بدل ما يكونون عون صاروا فرعون، هنا بتزيد الطين بله وتزيد من صدمتك في الموضوع هذا. ثاني العوامل وهي الصلابه النفسيه، تتذكرون لما تكلمت عن اضطراب ما بعد الصدمه انها عباره عن صدمه قويه تفوق التوقعات اللي يحاطها عقلك. لكن بعض الاشخاص بحكم التجارب اللي عاشوها بتلاقي عندهم صلابه نفسيه رهيبه، فالدفاعات حقهم ما حتقدر تكسرها اي صدمه بسيطه. تحتاج انك تجيب صدمه مره بنت لذينه عشان تنكسر الدفاعات هذه، ثالث العوامل وهو تفسير الحدث من زاويه ثانيه. ادري ان العامل هذا طويل اسمه لكن له مسمى ثاني بالانجليزي وهو الميننج ميكينج. الميننج ميكينج هو معتقدات يوم فيها الشخص تخليه يطالع للصدمه من زاويه ثانيه، او انها تخليه يتقبلها نوعا ما. في حال انك ما فهمت وهو الاغلب فبناخذ مثال عشان نفهم، مثلا عندنا شخص توفت امه وكان ممكن يتعرض لصدمه بسبب الحدث يعني. لكن ذكر نفسه بالله وتذكر ان امه راحت عند رب ارحم منه عليها، وان ما اصابك لم يكن ليخطئك وما اخطاك ما كان بيصيبك اصلا. هذا هو الميننج ميكينج او انه يفسر الصدمه من زاويه ثانيه عشان يتقبلها وما تتحول معه الى اضطراب نوعا ما. في مشكله الاغلب يطيح فيها هو انه يشخص نفسه ان عنده بي تي اس دي او حتى اي مرض نفسي ثاني وهو ما فيه اصلا الا العافيه. في مجموعه فروقات بين الشخص اللي عنده بي تي اس دي والشخص اللي عنده اعراض طبيعيه يعني نتيجه صدمه، احد الاشياء هذه هي الوقت. غالبا اذا تعرضت للصدمه فاكيد بتبقى تتذكرها لمده يوم او يومين او حتى اسبوع وهذا يعتبر شيء طبيعي نوعا ما وما يحتاج انك تخاف مره. متى يبدا الموضوع والله انه ينحرف عن الطريق اذا عدى شهر على صدمه معينه ولا زلت متاثر فيها وكل ما تتذكرها تجيك نوبه الهلع وكانك جالس تعيشها. هنا والله لا في احتمال انها تكون بي تي اس دي وما تكون رده فعل طبيعيه من الجسم نتيجه صدمه، برضه عندنا شيء ثاني وهو التجنب. بعض الاشخاص يتعرضون لصدمه في موضوع معين لكنه ما يختبر نفسه عن اذا كان الموضوع مسبب له ازمه باقي ولا انها انتهى خلاص. بناخذ مثال عندنا انسه فرضا تعرضت للتحرش من رجل معين لابس تيشرت اخضر، الانسه هذه جاتها صدمه بسبب هالموقف لكنها ما تدري ان الصدمه هذه صارت اضطراب عندها. اذا بدات وقتها تتجنب اي رجال لابس تيشرت اخضر وتهرب منه او تخاف منه، هنا نقدر نقول ان احد اعراض البي تي اس دي طلعت عليها. بس التجنب هذا طبيعي يكون باول يوم او يومين الى حتى اسبوع زي ما قلت لكم بحكم اثار الصدمه، بس اذا استمر التجنب هذا الى اشهر فهنا احتمال انها عندها مشكله اكبر.
[7:24]اثر الصدمات النفسيه مو بس انه يسبب لك توتر او انه يرفع من دقات قلبك، اثرها اعمق بكثير من هذه الاشياء وممكن تسبب لك مشاكل جسديه او اجتماعيه او حتى دينيه. من ناحيه جسديه جسمك يتاثر بسبب التوترات اللي تصير لك بحكم انك عالق في صدمه، فما بيكون عندك اي توازن في الادرينالين عندك او في هرمون الكورتيزول. فبتحس انك تعبان ومنهك وما فيك حيل تسوي حاجه وانت في الحقيقه اصلا مو مسوي شيء، او حتى من ناحيه النوم انك ما تقدر تاخذ راحتك في النوم بسبب الكوابيس اللي بتجيك او حتى بسبب الارق نوعا ما. اما من ناحيه اجتماعيه فبتلاحظ تدريجيا انك تنعزل عن الناس لان الصدمه غالبا انها جاتك بسبب انسان والعزله هي اكثر مكان امن بالنسبه لك. هذا غير انك بسبب لخبطه الكورتيزول عندك ممكن تنفعل على احد او انهم يلاحظون عليك اخوياك بعض الحركات الغريبه ويسحبون عليك. اما من ناحيه دينيه واللي ممكن البعض يستغرب منها هي ان الصدمه النفسيه ممكن تضرب عندك هذا الجانب وتاثر عليك فيه. ما بقول لك انها ممكن تاثر عليك في خشوعك في الصلاه بقول لك انها شيء ثاني ممكن ما تتوقعه نوعا ما. في واحده من برامج البودكاست طلعت الدكتوره اسمها هبه حريري كانت تتكلم عن موضوع الصدمات، وذكرت احدى المواقف اللي مرت فيها احدى المراجعات عندها. الموقف بكل اختصار انه في طفله كانت تتعرض للتحرش من اقربائها في جمعه العائله، فلما رجعت بيتهم جلست تدعي ربي انهم ما عاد يقربون لها بالجمعات الثانيه. وبالجمعه الثانيه اللي صارت رجعوا اقاربها وتحرشوا فيها مره ثانيه فبحكم صغر سنها وقتها زعلت من ربي انه ما ساعدها في الموقف هذا. فتقدر من الزاويه هذه تلاحظ ان الصدمه ممكن من جد تاثر عليها من ناحيه دينيه فتحتاج نوعا ما اعاده نظر. احد اسباب اني سويتها الفيديو بعد ما استوعبت عدد الاشخاص اللي عانوا من الاضطراب هذا. من 8 مليار بشري موجوده على كوكب الارض في حوالي 70% منهم تعرضوا لصدمه في حياتهم. و4% منهم كبر معهم الموضوع الى بي تي اس دي، اما من ناحيه الجنس فالنساء اكثر من الرجال بضعفين ونص تقريبا. فاذا كان عدد الرجال اللي عانوا من البي تي اس دي هم 10 فعدد البناتهم 25، اما من ناحيه البيئات فبتلاقي اغلب المصابين بالصدمات هذه جايه من اشخاص شاركوا في الحروبات او عانوا في الحرب. او الاشخاص حتى النازحين اللي نزحوا من بلادهم الى بلاد ثانيه، وفي دراسه سواها في مخيمات اللاجئين السوريين لقوا ان قريب 40% منهم عندهم بي تي اس دي. بسبب صدمات الحروب والنزوح اللي تعرضوا لها. البي تي اس دي زيه زي اي مرض نفسي في التاريخ، تلاقي له علاج من ناحيه دوائيه وعلاج من ناحيه نفسيه. اما من ناحيه دوائيه ففي مجموعه ادويه ممكن تساعدك في انك تخفف عليك الموضوع هذا وعاد ما اقدر اعطيك اياها يعني لاني مو متخصص ف الافضل انك تراجع دكتور عشان يشوف وضعك. او العلاج النفسي هو انه يسوي لك علاج سلوك معرفي عن طريق ان الدكتور يحاول يغير في راسك بعض المفاهيم بالاسئله او بالاقناع حتى. وفي الغالب يستخدمون العلاجين هذه في نفس الوقت، وهو انه يعطونك علاج دوائي ويكون في علاج او جلسات سلوك معرفي عشان يصححوا لك بعض المفاهيم. الى هنا بس انتهى موضوعنا موضوع الصدمات، في كم سالفه بقولها لكم ما ادري اذا ممكن تجوز لكم ولا لا بس انها بخليها على الهامش. احد الاشخاص اللي اعرفهم كان في مره من المرات جاي من الطريق حقهم من طريق بيتهم الى طريق بيتنا احنا ف بهذا الطريق اللي جالس يمشي فيه. شاف ولد تقريبا مراهق عمره 15 كذا 14 جالس يمشي في الطريق والولد هذا زي ما تقولون مشى في الشارع كذا ودعمته السياره وطار في الجو وطاح على الارض. الولد هذا بعد ما ارتطم في الارض انشقت جمجمتها نوعا ما وطلعت بعض الاعضاء اللي موجوده في راسه زي الحقل والمخيخ وهذه الطقه. فخويه كان قدام المشهد وشاف لحظه وفاه هذا الشخص قدامه وهذا تعتبر صدمه وممكن يعني تحولها الى بي تي اس دي نوعا ما. لكنه انتظر الين ما جات الاسعاف واخذت الولد الاسعاف وراحوا واسعفوه بعد 10 دقائق تقريبا وصل عندي الى البيت وجلسنا مع بعض نسولف بعد تعشينا ما كان اي موضوع سار وما كان الموضوع تحول معه الى بي تي اس دي او صدمه كبيره. هذا الشخص الحين اذا قابلته الحين وقلت له السالفه هذه ممكن ما يتذكرها حتى، فالغايه من القصه هذه اللي بقول لكم اياها هي انها. مو بشرط ترى اي صدمه تتعرض فيها عباره عن خلاص تتحول بي تي اس دي وحتى نوعا ما علميا البي تي اس دي ما تطلع الا من صدمات فيها تهديد لحياتك. فممكن تكون في حرب تعذيب باقي الاشياء اللي ذكرناها بس بشرط انها تكون فيها تهديد لحياتك. فمثلا على سبيل المثال الفقدان مثلا انا مثلا قدر الله علي وتوفى احد عزيز علي فمستحيل يتحول معك الى بي تي اس دي بسبب وفاه لانه ما في تهديد خطر على حياتك. فبس والله خلاص انتهى موضوع وانتهى سالفه الرهيبه اللي قبل شوي يعطيكم العافيه على حسن استماعكم على الفيديو هذا وان شاء الله ان استفدتوا منه وجاز لكم. وهذا الفيديو تراه اقتراح من احد المتابعات اللي موجوده على الشات في كيك، اقترحت ان نتكلم عن البي تي اس دي وسوينا عنها هذا الفيديو. فاذا عندك اي اقتراح لموضوع او موضوع تحس انتريستينج يعني نوعا ما تقدر تقترحها لنا هنا او في الشات على كيك.
