[0:00]في وسط ما العالم كله مشغول بمجريات الحرب الامريكيه الاسرائيليه على ايران واللي تسببت بالفعل في اكبر ازمه طاقه في التاريخ المعاصر واللي ممكن تؤدي لازمه اقتصاديه عالميه عنيفه لو استمرت لفتره اطول. الرئيس الامريكي دونالد ترامب قرر انه يتكلم على علاقه الرئيس الفرنسي ايمانويل ماكرون بزوجته. اللي حصل باختصار هو انه في اول ابريل 2026 وبعد مرور اكثر من شهر على انطلاق الحرب. ترامب هاجم مره ثانيه حلفاء الولايات المتحده في اوروبا وعلى راسهم فرنسا بسبب رفضهم مساعده الجيش الامريكي في فتح مضيق هرمز بالقوه. في اليوم ده ترامب استغل الكلمه اللي القاها على هامش حفل غذاء في البيت الابيض في السخريه من فرنسا وتحديدا من رئيسها ايمانويل ماكرون وقال انا اتصلت بماكرون اللي مراته بتعامله بشكل سيء جدا واللي لسه بيتعافى من اللكمه اللي كانت ضربتها له في وشه وقلت له يا ماكرون احنا محتاجينكم تساعدونا في الخليج فهل ممكن تبعتوا السفن بتاعتكم للخليج فورا. بعدها ترامب كمل وسط ضحك الناس اللي حضره قدامه وقال وهو بيقلد اللكنه الفرنسيه لماكرون ان الرئيس الفرنسي رد عليه وقال له احنا ما نقدرش نعمل ده يا دونالد احنا ممكن نبعت السفن بتاعتنا بعد الحرب ما تخلص. وفي الحقيقه تصريحات ترامب المسيئه للرئيس الفرنسي بتعكس الى حد كبير احباطه وغضبه من رفض حلفاء الولايات المتحده في اوروبا مساعدتها في فتح مضيق هرمز بالقوه. وفي نفس الوقت احجام عدد من الدول الاوروبيه عن منح تسهيلات للجيش الامريكي تسمح له بتعزيز انشطته وعملياته الهجوميه ضد ايران. طب ليه الاوروبيين رافضين يساعدوا امريكا في الحرب على ايران رغم انهم فعليا من اكبر المتضررين من اغلاق مضيق هرمز. ليه الاوروبيين رافعين شعار this is not our war او دي مش حربنا رغم انهم في نفس الوقت عارفين ان لو الحرب دي طالت بسبب عجز امريكا واسرائيل عن حسمها هتكون سبب في ازمه اقتصاديه عنيفه في اوروبا. ده جزء من اللي درس فيه مع بعض في حلقه النهارده انا اشرف ابراهيم المخب الاقتصادي بلس
[2:08]وزير الدفاع الايطالي جويدو كروسيتو خرج في اواخر مارس 2026 بتصريحات مقلقه جدا للشعب الايطالي. في لقائه مع صحيفه لا ريبوبليكا الايطاليه كروسيتو قال انا بقى لي ليلتين ما بنامش انا عايشه الحرب دي ومطلع على تداعياتها المحتمله على مدار الساعه وده بيجبرني اعرف امور بتخليني مش قادره انام في الليل. انا مش عارف انام بسبب التفكير في اللي ممكن يحصل خلال الاسابيع القادمه وبسبب تاثيره على الاقتصاد وعلى حياتنا اليوميه. تصريحات وزير الدفاع الايطالي هي عينه من تصريحات اوروبيه كتير زادت وتيرتها في الايام الاخيره كلها بتحذر من مصيبه وكارثه كبيره بتواجه اوروبا في حال استمرار الحرب الامريكيه الاسرائيليه على ايران. يعني في نفس اليوم اللي نشرت فيه لاري بوبليكا تصريحات وزير الدفاع الايطالي مستشار المانيا فريدريك ميرتس قال للصحفيين الحرب دي لو طالت هتحط عبء ثقيل على اقتصاد اوروبا. عبء يضاهي العبء اللي تحمله الاقتصاد الاوروبي سواء خلال جائحه كورونا او في بدايه الحرب الروسيه الاوكرانيه. وقبلها بايام كريستين لاغارد رئيسه البنك المركزي الاوروبي قالت للايكونومست we are facing a real shock probably beyond what we can imagine at the moment. يعني احنا بنواجه صدمه حقيقيه صدمه حجمها او نطاقها ربما يتجاوز اي شيء ممكن نتصوره في الوقت الحالي وده صحيح الى حد كبير. اوروبا على وشك انها تواجه صدمه اقتصاديه كبيره واسعه النطاق في حال استمرار الحرب على ايران لفتره طويله بسبب ازمه الطاقه العالميه المتفاقمه. وده على الرغم من ان الاوروبيين لا يعتمدوا بشكل كبير على الطاقه الخارجه من الخليج العربي والمحصره حاليا سبب اغلاق مضيق هرمز. اكثر منطقه في العالم بتعتمد على النفط والغاز المصدر من منطقه الخليج هي اسيا. وتحديدا الصين والهند واليابان وكوريا الجنوبيه وتايوان وماليزيا وسنغافوره الاسيويين بيحصلوا على 80% من احتياجاتهم من الطاقه من الخليج. في المقابل اوروبا اقل اعتمادا من اسيا بكثير على الطاقه الخليجيه على سبيل المثال لو بصينا على ارقام الدول الاوروبيه الكبيره في سنه 2024 هنلاقي ان 18% فقط من واردات فرنسا من الطاقه كان مصدرها الخليج. النسبه دي عند بريطانيا كانت 11% فقط وعند المانيا 7% فقط الاتحاد الاوروبي بشكل عام بيعتمد على الخليج العربي في توفير 6% فقط من احتياجاته من النفط واقل من 10% من احتياجاته من الغاز الطبيعي. اوروبا في الحقيقه بعد ابتعادها عن روسيا كمورد رئيسي للطاقه على اثر الحرب الروسيه الاوكرانيه اصبحت بتعتمد على موردين طاقه اخرين ابرزهم النرويج والولايات المتحده واستراليا وازربيجان والجزائر. ولكن ده مش معناه ان اوروبا في مامن او بعيده عن الاثار الناتجه عن اغلاق مضيق هرمز. في الحقيقه ما فيش مفر لا لاوروبا ولا لاي منطقه اخرى في العالم من الازمه اللي بتوصفها وكاله الطاقه الدوليه بانها اكبر تهديد لامن الطاقه العالميه في التاريخ. فاتح بيرول مدير وكاله الطاقه الدوليه بيقول انه ما فيش اي بلد في العالم هيكون بمن عن اثار الازمه دي لو استمرت على هذا النحو. طب ليه وازاي الازمه دي هتطال كل دول العالم بغض النظر اذا كانت بتستورد احتياجاتها من الطاقه من الخليج او لا. ببساطه الامر له علاقه بطبيعه اسواق الطاقه زي سوق النفط وسوق الغاز واللي هي اسواق عالميه مفتوحه على بعض. النفط والغاز الطبيعي سلع عالميه اسعارها شبه موحده فلما بترتفع بترتفع على الكل ولما بتنزل بتنزل على الكل بغض النظر عن الاسباب. يعني على سبيل المثال اوروبا في الوقت الحالي قادره توفر احتياجاتها من النفط والغاز الطبيعي ولسه مش بتواجه مشكله في توافر الامدادات. ولكنها في نفس اللحظه اتاثرت زيها زي غيرها بالارتفاع الصاروخي اللي حصل في اسعار النفط والغاز بعد اغلاق مضيق هرمز. اللي بيمر في الطبيعي عن طريقه ما يعادل 25% من تجاره النفط البحريه العالميه و20% من صادرات الغاز الطبيعي المسال العالميه. باختصار الحاصل لحد اللحظه في اوروبا هو انها لا تزال قادره على توفير امدادات الطاقه ولكن باسعار غاليه جدا. لان الموردين اللي هي بتشتري منهم بيبيعوا لها بسعر السوق واللي هو اغلى بكثير بالمقارنه مع مستواه قبل الحرب. في تصريحات لي قبل ايام مفوض الطاقه في الاتحاد الاوروبي دان يورجنسن قال ان اسعار النفط والغاز في الاتحاد الاوروبي ارتفعت بنسبه 60 و70% على التوالي من ساعه ما الحرب بدات قبل شهر. وفي نفس الوقت اشار الى ان اول 30 يوم من الحرب اتسببوا في ارتفاع فاتوره واردات الاتحاد الاوروبي من الوقود الاحفوري بحوالي 14 مليار يورو. ارتفاع قيمه فاتوره الطاقه على الاتحاد الاوروبي هو نتيجه مباشره لامرين حصلوا مع بعض. الاول هو خروج ما يقرب من 11 مليون برميل يوميا من النفط الخام واكثر من 10 مليار قدم مكعب يوميا من الغاز الطبيعي المسال من السوق. الامر الثاني هو لجوء الدول اللي كانت بتعتمد على الطاقه الخليجيه لمنافسه باقي دول العالم على الامدادات المتاحه عند باقي الموردين. في حاليا حرب مزايدات على كميات الطاقه المتاحه للتداول في السوق وده واضح جدا بالاضافه في سوق الغاز الطبيعي المسال. في ناقلات غاز طبيعي مسال بتغير مسارها وهي في عرض البحر من دوله لدوله ثانيه على حسب مين هيدفع فيها اعلى سعر. في 25 مارس اللي فات يورو نيوز نقلت عن لورا بيج من شركه كبلر المتخصصه في تتبع بيانات اسواق السلع والشحن معلومه مفادها انه خلال الحرب في على الاقل 11 شحنه غاز طبيعي مسال. كانوا متوجهين بالفعل لاوروبا تم تحويل وجهتهم ناحيه اسيا وده غير شحنه تم تحويلها من اوروبا لمصر وشحنه ثانيه تم تحويلها من اوروبا لتركيا. بنفس الطريقه وبنفس الكيفيه المستوردين الاسيويين بينافسوا باقي دول العالم على الكميات المتاحه للتداول من النفط الخام ومشتقاته خارج الخليج. الموردين اللي عندهم مرونه في عقودهم تسمح لهم بالتملص من اتفاقاتهم مع اوروبا ببساطه مش بيترددوا للحظه قبل ما يقرروا انهم يبيعوا الكميات دي لاسيويين اللي بيدفعوا فيها اسعار بتمكن الموردين من تحقيق هوامش ربح اعلى. في السياق ده الاوروبيين لو عايزين يحافظوا على الامدادات بتاعتهم من الغاز الطبيعي المسال زي ما هي لازم يكونوا مستعدين لانهم يدفعوا فيها اسعار اعلى من الاسعار اللي الاسيويين يقدروا يدفعوها. طب لو ما قدروش ايه اللي هيحصل ببساطه المشكله ساعتها هتتحول من مشكله اسعار مرتفعه فقط لمشكله توافر امدادات. واللي بيعقد الامور بالنسبه لاوروبا هو انها في الوقت الحالي اكثر اعتمادا على الغاز الطبيعي المسال من اي وقت فات. اوروبا بعد ما قررت انها تطلق الغاز الطبيعي الروسي اللي كانت بتحصل عليه عن طريق خطوط الانابيب من روسيا بسبب الحرب الروسيه الاوكرانيه لجات للبديل المتاح في السوق بعيدا عن خطوط الانابيب اللي هي بنيه تحتيه مكلفه وبنائها بيحتاج وقت وهو الغاز الطبيعي المسال. مشكله الغاز الطبيعي المسال اللي بيشكل حاليا ما يقرب من نص واردات الاتحاد الاوروبي من الغاز هو انه على عكس الغاز المنقول عن طريق الانابيب يمكن شحنه بحريه لاي مكان في العالم. ده مش حاصل في سوق الغاز الطبيعي اللي بيتم نقله عن طريق الانابيب لانه ببساطه المورد اللي عنده بدايه الانبوب ما قدامهوش زبون اخر غير الزبون الموجود عند الطرف الثاني من الانبوب. المورد ده ما عندوش المرونه او الحريه اللي بيتمتع بها مورد الغاز الطبيعي المسال اللي يقدر بمكالمه واحده يغير مسار الشحنه من دوله للثانيه. والنقطه دي تاخذني مباشره لملح خطير جدا بيميز ازمه الطاقه الحاليه عن اي ازمه ممكن نكون شفناها او سمعنا عنها في التاريخ. وهو ان الحرب الامريكيه الاسرائيليه على ايران بتضرب جميع اسواق الطاقه تقريبا في نفس الوقت من اول النفط الخام والغاز الطبيعي لحد المنتجات المشتقه او المكرره زي وقود الطائرات والديزل. كل الاسواق دي بتعاني حاليا من ازمه في الامدادات بسبب مضيق هرمز اللي اغلاقه محاضر جزء ضخم من الطاقه الانتاجيه العالميه سواء في النفط والغاز الطبيعي المسال او في مجال التكرير. وبالمناسبه فيما يخص المنتجات المكرره بالذات اوروبا من اكثر المناطق في العالم اعتمادا على الخليج. اكثر من 40% من واردات الاتحاد الاوروبي من المنتجات المكرره بما في ذلك الديزل وعقود الطائرات مصدرها الخليج. المنتجات دي متوفره في السوق في الوقت الحالي ولكن باسعار مرتفعه بسبب خروج اغلب الطاقه الانتاجيه الخليجيه من السوق. ولكن بمرور الوقت لو الازمه دي استمرت العالم هيواجه ازمه امدادات عنيفه في المنتجات المكرره والكميات المتاحه منها هتبقى باسعار خياليه. ما حدش يقدر عليها لا حكومات ولا شركات ولا مستهلكين عاديين. عجز الاوروبيين المحتمل عن توفير امدادات الطاقه باسعار مقبوله هيقودهم مع استمرار الحرب واستمرار الازمه لمحاوله السيطره على الطلب من جهتهم يعني بشكل او باخر هيحاولوا يرشدوا استهلاكهم. في نهايه مارس دان يورجنسون مفوض الطاقه في الاتحاد الاوروبي طلب من سكان الاتحاد الاوروبي انهم يسمعوا نصائح وكاله الطاقه الدوليه لترشيد استهلاك الطاقه واللي بتشمل بحسب كلامه العمل من المنزل كلما امكن. وخفض حدود السرعه على الطرق السريعه بمقدار 10 كيلو متر في الساعه وركوب النقل العام وانهم يشاركوا بعضهم في ركوب السيارات بمعنى ان كل اربعه مثلا يركبوا مع بعض سياره واحده بدل ما كل واحد يركب سياره لوحده. دي نصائح كويسه ولكن مشكلتها هي ان تاثيرها على احساس المواطنين بتبعات الازمه محدود او مش كبير وده ببساطه لان صناعه الطاقه اللي بتعتبر اهم صناعه في العالم الازمه فيها بتسمع في كل جوانب حياتنا حرفيا. وبالتالي اسعار الطاقه المرتفعه بشكل او باخر هتكبس على انفاس المستهلكين. وفي السياق ده بتبرز اهميه الدعم الحكومي سواء للمواطنين او الشركات. ولكن المشكله او التحدي بيكمن في ان دول الاتحاد الاوروبي مثقله بالفعل بمستويات ضخمه من الديون بسبب خطط الدعم السابقه اللي كانت اقرتها في السنين الاخيره في اطار تعاملها مع جائحه كورونا ولاحقا مع اثار الحرب الروسيه الاوكرانيه. وده واضح في حاله دول زي فرنسا وايطاليا وبلجيكا ده بيخلي اوروبا عندها مساحه ضيقه للمناوره في مواجهه ازمه الطاقه الحاليه واللي حدتها بتزيد كل يوم عن اللي قبله. واللي بيضيق الخناق اكثر على الاوروبيين هو انهم فارضين قيود اضافيه اختياريه على نفسهم من خلال امتناعهم عن شراء الطاقه الروسيه. زي ما حضراتكم عارفين الاتحاد الاوروبي اللي وجد نفسه في مازق كبير مع انطلاق الحرب الروسيه الاوكرانيه قبل اربع سنين بسبب اعتماده الكبير وقتها على الطاقه الروسيه. حرص خلال السنين الاخيره انه يفطم نفسه عن الطاقه الروسيه ويبطل يشتريها ونجح الى حد كبير في مساعيه. في 2025 13% فقط من واردات الاتحاد الاوروبي من الغاز الطبيعي والغاز الطبيعي المسال كان مصدرها روسيا. في نفس الوقت وارداته من النفط الخام الروسي ما شكلتش اكثر من 2% من اجمالي واردات الاتحاد. وال 2% دول بتستوردهم دولتين قريبين من موسكو هم المجر وسلوفاكيا. ولكن بشكل عام الاتحاد الاوروبي بعد نفسه الى حد كبير عن الطاقه الروسيه وده مضيق السوق عليه لانه في الوقت الحالي بيتعامل مع سوق الطاقه ناقص اثنين من اكبر الموردين في العالم هم منطقه الخليج وروسيا. الطاقه المحاصره في الخليج مالهاش حل في الوقت الحالي في ايد اوروبا وما تقدرش تعمل حاجه بخصوصها طول ما الحرب مستمره. ولكن في المقابل الوصول لمدادات الطاقه الروسيه مش محتاج لاكثر من قرار. قرار اوروبي باننا يا جماعه في ازمه كبيره ومن مصلحتنا اننا نتوقف عن مقاطعه الطاقه الروسيه واللي بحكم الجغرافيا وصولنا ليها اسهل وارخص واسرع. بعد اسبوعين من انطلاق الحرب الامريكيه الاسرائيليه على ايران وتحديدا في 14 مارس رئيس وزراء بلجيكا بارت دي ويفر دعا الاتحاد الاوروبي لتطبيع علاقاته مع روسيا بحيث يبقى بامكان دول الاتحاد الاستفاده من الطاقه الروسيه الرخيصه. طبعا التصريحات دي تسببت في هجوم اوروبي كاسح على رئيس الوزراء البلجيكي. ولكن دوفر قال القاده الاوروبيين بيقولوا لي في جلسات خاصه ان معايا حق او بتكلم صح ولكن ما حدش منهم يجرؤ على انه صرح ده على اعلن وده كلام صحيح. بالفعل الحديث عن اي تطبيع اوروبي مع روسيا هو امر اشكالي جدا في الوقت الحالي بسبب استمرار الحرب الروسيه الاوكرانيه واللي في اطارها روسيا مسيطره على جزء كبير من الاراضي الاوكرانيه وده الى جانب رفض موسكو لانخراط بروكسل المباشر في اي مفاوضات حوالين انهاء الحرب على اوكرانيا. وبالتالي لجوء الاتحاد الاوروبي للاعتماد على الطاقه الروسيه في الوقت الحالي على الاقل مستبعد. يعني من الاخر تجيبها يمين تجيبها شمال تلاقي ان الحل الافضل للورطه اللي اوروبا والعالم كله واقع فيها النهارده وتوقف الحرب الامريكيه الاسرائيليه على ايران. ده اللي هيسمح لانه تم فتح مضيق هرمز امام حركه الملاحه مره ثانيه بحيث يرجع جزء كبير من امدادات الطاقه الخليجيه يتدفق ثاني للاسواق العالميه. ولكن المشكله دلوقتي هو انه مضيق هرمز اصبح رهينه وورقه ضغط في ايد الايرانيين اللي ما عندهمش استعداد انهم يستغنوا عنها الا بثمن كبير الامريكيين في الوقت الحالي ما عندهمش استعداد انهم يدفعوه. الايرانيين عندهم شروطهم لفتح المضيق والشروط دي بتشمل وقف الحرب عليهم وحصولهم على ضمانات امنيه ملموسه تمنع تكرار الحرب او الهجوم عليهم في المستقبل وحصولهم برده على تعويضات عن الدمار اللي تسببت فيه الحرب. وحصولهم على اعتراف دولي بسيادتها على مضيق هرمز وبحقها في تنظيم الملاحه فيه. دي شروط مش بس الامريكيين مش موافقين عليها وانما عندهم شروط مناقضه ليها تماما يمكن تلخيصها في انها عباره عن طلب استسلام غير مشروط من جانب ايران. الهوه الضخمه الموجوده بين شروط الطرفين بتؤدي لاستمرار الحرب واستمرار غلق مضيق هرمز. في السياق ده الامريكان اللي ما عندهمش استعداد على الاقل في الوقت الحالي لوقف الحرب بشروط ايران شافوا ان ازمه المضيق يمكن حلها بالقوه. يعني من خلال تدخل عسكري مباشر في مضيق هرمز ولكن المشكله هنا هي ان دي تكاد تكون مهمه انتحاريه في الوقت الحالي في ظل احتفاظ الايرانيين بقدرات كبيره بتمكنهم من استهداف اي سفينه حربيه تقرب من المضيق اللي عرضه عند اضيق نقطه بيقترب من 33 كيلو متر بس. ترامب في بدايه الحرب صرح اكثر من مره بان البحريه الامريكيه مستعده لمرافقه السفن المره في مضيق هرمز وتامينها من الهجمات الايرانيه المحتمله. ولكن ده الى حد كبير كان كلام في الهوى لانه بحسب ما ذكرته رويترز في 10 مارس اللي فات البحريه الامريكيه اللي كانت بيوصل لها طلبات شبه يوميه من شركات الشحن لتوفير مرافقه عسكريه للسفن بتاعتها وهي بتعدي من المضيق. رفضت كل الطلبات اللي اتقدمت لها بحجه ان مخاطر تعرضها لهجمات في المضيق مرتفعه جدا. في السياق ده ترامب تفتق ذهنه لفكره جديده وهو توسيع نطاق المسؤوليه من خلال محاوله توريط حلفاء الولايات المتحده في الناتو في الحرب ويقنعهم بانهم بيبعتوا سفنهم وقطعههم البحريه للخليج علشان يساعدوا الجيش الامريكي في فتح مضيق هرمز. ولكن النيتو وبالاخص اعضاءه الاوروبيين خذوا ترامب ورفضوا دعوته وفي بعض الاحيان سخروا منه وهاجموه. مواقف اوروبا تجاه الحرب الامريكيه الاسرائيليه على ايران تتنوع ما بين الرفض التام ليها واعتبارها مخالفه للقانون الدولي وبالتبعيه رفض تقديم اي شكل من الدعم للولايات المتحده وما بين التحفظ تجاه الحرب وتقديم دعم محدود للامريكان في الاطار الدفاعي. ابرز صوت معارض للحرب على ايران في اوروبا هو صوت اسبانيا. في بدايه الحرب رفضت تسمح للامريكان انهم يستخدموا قواعدها في الهجوم على ايران بحجه ان الحرب دي غير قانونيه واحاديه الجانب ويتم شنها خارج مظله الامم المتحده. وعلى هذا الاساس اضطر الامريكيين انهم ينقلوا 15 طياره من ضمنها طائرات تزود بالوقود من قاعده روتا وقاعده مورون الموجودين في جنوب اسبانيا. وده طبعا اغضب الرئيس الامريكي اللي هدد ساعتها بقطع العلاقات التجاريه مع اسبانيا. ولكن التهديد اللي ترامب تراجع عنه لاحقا ما اثرش في موقف اسبانيا. باقي الدول الاوروبيه موقفها من الحرب يمكن اقل تشددا من موقف اسبانيا ولكن بالنهايه الاوروبيين كلهم تقريبا متفقين على رفض الانخراط في الحرب على ايران واللي بيعتبروها مش حربهم. خصوصا وان الامريكيين ولا الاسرائيليين كانوا استشاروه قبل ما يشنوها. في منتصف مارس اللي فات المستشار الالماني فريدش ميرتز رفض بشكل قاطع اي مشاركه المانيه في عمل عسكري في الخليج. وقال لا امريكا ولا اسرائيل استشارونا قبل ما يبداوا الحرب وده نفس الموقف اللي عبر عنه قاده دول اوروبيه مهمه زي فرنسا وبريطانيا اللي تمسكوا بموقفهم الرافض للانخراط في الحرب رغم تهديدات واهانات ترامب لهم. في اول ابريل رئيس الوزراء البريطاني كير ستامر قال عن الحرب على ايران دي مش حربنا ولن ننجر ليها مهما كانت الضغوط. ستارمر قال في اطار سؤاله عن تهديد الرئيس الامريكي بالانسحاب من النيتو بسبب عدم رغبه اعضائه في مساعده الجيش الامريكي في فتح مضيق هرمز بالقوه مهما كان الضغط عليا وعلى الاخرين ساتصرف بما يخدم المصلحه الوطنيه البريطانيه. ده تقريبا نفس الكلام اللي قاله الرئيس الفرنسي ايمانويل ماكرون في اطار رده على اساءات ترامب ليه وسخريته منه ومن زوجته. ماكرون قال باختصار كلام ترامب عني مش محترم ومضيق هرمز مش هيتفتح غير بعد وقف اطلاق النار والدخول في مفاوضات مع ايران. وعن ضغوط ترامب الرئيس الفرنسي قال نحن لا ننظر الى تقلبات الولايات المتحده وانما لمصلحه بلادنا ومواطنينا وشركائنا. وبعيدا عن تنمر ترامب وتهديداته المتكرره يمكن ابرز شيء بيخلي الاوروبيين يفكروا 1000 مره قبل ما ينخرطوا في الحرب على ايران او محاوله فتح مضيق هرمز بالقوه هو طريقه اداره الامريكان واللي كثير من الخبراء شايفين انها عشوائيه وارتجاليه وتفتقر للاستراتيجيه بشكل افقد الجيش الامريكي زمام المبادره فيها. وحولها بمرور الوقت لمستنقع للولايات المتحده بيستنزف جزء كبير من مواردها سواء العسكريه او الماليه. وجهه النظر دي عبر عنها بوضوح رئيس سابق لجهاز الاستخبارات البريطاني ام اي 6 اليكس يانجر في مقابله اجراها مع الايكونومست في 23 مارس اللي فات. في المقابله دي يانجر قال انا ما عنديش اي مشاعر ود تجاه ايران وما زرفتش دمعه واحده على المرشد الايراني علي خامنكي اللي اتقتل في بدايه الحرب وبرغم كده بقول بكل اسف ان الولايات المتحده استهانت بالمهمه. وفي رايي فقدت زمام المبادره في الحرب دي لصالح ايران من حوالي اسبوعين بحسب كلام يانجر في الوقت اللي انخرطت في امريكا في حرب اختياريه رفعت فيها شعار تغيير النظام. الايرانيين اعتبروا الحرب دي حرب حضاريه او وجوديه وده منح الايرانيين قدره اكبر على الصمود بالمقارنه مع الامريكيين وبعدين بيقول they know that now and that really is giving them the web hand. يعني الايرانيين فاهمين ده دلوقتي وده بيمنحهم اليد العليا في الصراع. باختصار وجهه نظر يانجر وغيره من الخبراء والمعنيين بالامر في اوروبا هو ان الحرب الامريكيه الاسرائيليه على ايران خرجت عن نطاق السيطره بالفعل وبتتحول بمرور الوقت لفوضى. وبالتالي بعيدا عن ان الحرب دي غير قانونيه ولا تحظى بدعم شعبي فمن زاويه برجماتيه بحته مش من مصلحه الاوروبيين ابدا توريه نفسهم فيما يبدو لحد اللحظه الحاليه فشل استراتيجي امريكي خطير. والنقطه دي تاخدني لسؤال الحلقه برايك لو الحرب طالت وطال اغلاق مضيق هرمز. هل الاوروبيين ساعتها تحت ضغط الازمه وحاجتهم الماسه للطاقه هيلجاوا للرئيس الروسي فلاديمير بوتين ويحاولوا يطبعوا العلاقات مع روسيا بهدف تخفيف حده ازمه الطاقه. ولو ده حصل ايه ممكن الثمن اللي تطلبه روسيا من اوروبا في المقابل. هتابع اجاباتكم في التعليقات في نهايه ريت لو عجبتكم الحلقه وحابين تشوفونا تاني اشتركوا في القناه واستنونا في حلقات جديده باذن الله سلام.
