Worst Air Disaster in China | Boeing 737 Plane Crash | Dhruv Rathee

[0:00]Namaskar dosto, 21 March 2022 dopahar ke 1:11. China mein flight MU-5735 take off karti hai Kunming se. Ye ek normal passenger flight hai jise kareeb do ghante ka safar tay karna hai aur pahunchna hai Guangzhou tak South East China mein ek shaher. Lekin udaan bharne ke kareeb 1 ghante baad 2:20 par ye plane achanak se bahut tezi se altitude lose karne lag jata hai, niche ki taraf girne lag jata hai. Ab aam taur par agar kisi plane mein koi technical problem aa jaati hai ya engine kharab ho jata hai plane ka toh aeroplanes ka design hi aise hota hai ki wo glide karte hue descend karenge. Ek minute mein kuch hazaar feet ki speed se niche girengay wo, lekin ye wala aeroplane almost 30,000 feet se zameen tak girta hai sirf 1 minute 35 second ke andar. Agar aap skydiving karne ke liye aeroplane se chhalaang lagaoge tabhi itni speed se niche girr loge aam taur par, lekin yaha par ek bada passenger jet vertically niche girne laga. Aur 2 minute se kam ke samay mein ek pahadi par aakar crash kar gaya. Jab ye aeroplane niche girne lag raha tha, toh ek dur ke kisi camera ne is scene ko capture kiya. Toh video footage mein clearly dikhta hai ki plane vertically girne lag raha tha, nose dive kar raha tha. Ye kaise possible ho sakta hai? Plane mein baithe har passenger ki maut ho jati hai. Aur ye crash China ke one of the worst aeroplane disasters mein ab mana ja raha hai. administration of China has confirmed that a China Eastern Airlines plane has crashed in the south of the country. It appears it was descending at about 10,000 feet per minute. So this is well beyond what you would see in the event of an emergency descent. One of the black boxes was found in the wreckage of the Boeing jet. There is no word yet on whether anyone has survived the track. Video #477 Is plane crash ne duniya bhar ke air crash investigators aur experts ko chauka kar rakh diya hai. Aakhir kya reason ho sakta hai ki ye plane is tarike se crash kiya? FlightRadar24 se liya gaya data aap is chart mein dekh sakte hain, jo dikhata hai ki kis samay mein plane kitni height par tha. Shuruaat mein normal tarike se plane ne udaan bhari, jo aap slope par dekh sakte hain shuru mein. Fir 29,000 feet ki altitude ko maintain karke rakha kareeb 1 ghante 10 minute tak. Aur fir achanak se 2:20 par plane bahut hi tezi se niche ki taraf crash karta hai. Lekin chart mein ek badi ajeeb cheez dekhne ko milti hai. Kareeb 8,000 feet ki height par plane niche girte samay thoda sa upar ki taraf jata hai aur fir se niche girta hai. Ye jo thodi si der ke liye ascent hua tha, kya reason ho sakta hai iske piche? Almost har tarah ki explanation ki possibility yaha par batayi ja rahi hai. Ho sakta hai plane ka engine kharab ho gaya ho, koi technical problem aa gayi ho plane mein, ho sakta hai plane ka pilot yaha par suicide karna chah raha ho, ho sakta hai koi terrorist attack hua ho is plane ke andar, ya fir plane ka pilot achanak se behosh ho gaya ho, ya fir koi weather related problem hui ho. Is waqt search and rescue teams plane mein maujood black box aur crash recorders ko dhundhne ki koshish kar rahi hain. Aur saath hi saath plane mein baithe logon ko bhi dhundhne ki koshish kari ja rahi hai, kahin ho sakta hai koi zinda bach gaya ho. Lekin us samay ki weather report hamare paas hai. China Meteorological Administration ke according us din dopahar ke 2:00 baje jaha par crash hua, waha ka taapmaan kareeb 30 degree Celsius ke aas paas tha. Moderate winds chalne lag rahi thi aam taur par jitni hawayein waha par chalti hain. Barish forecast kari gayi thi ki aayegi lekin shaam ko aayegi. Us point of time tak koi barish nahi hui thi us jagah par. Aur jo visibility thi wo 10 miles se zyada ki thi. Toh jo bhi weather conditions thi us waqt wo bilkul bhi unusual nahi thi, bada hi normal weather ho raha tha. Problem ye hai ki ab waha par barish tez ho gayi hai toh search and rescue teams ko kaafi dikat aa rahi hai in black boxes ko dhundhne mein. Aaj 23 March ko isi reason ki wajah se unhe apne search operation ko temporarily rokna pada. Iske alawa jis jagah par crash hua hai, wo pahadiyon ke beechon beech hai aur bahut ghana jungle hai waha par. Waha tak pahuchna aur dhundhna aasan kaam nahi hai. Aam taur par flight data recorder aur voice data recorder ko crash proof banaya jata hai. Lekin kya wo is tarike ke crash ko sahan kar payenge? Ye ek bahut bada sawal hai. Latest update ye hai ki do mein se ek black box ab paya ja chuka hai search teams ke dwara. Bahar se box bahut damaged tha lekin internal records iske sahi bataye ja rahe hain. Is black box ko aur investigation ke liye Beijing bhej diya gaya hai toh hopefully yaha se aur information hume mil payegi. Aviation expert Neil Hansford ka kehna hai ki ye ghatna ek accident ho, iske chances bahut hi kam hai. Unki raay mein ye highly unlikely hai ki ye cheez ek accident hui ho. Unhone Air France ki flight 447 ka example liya jo 2009 mein crash kari thi. Us flight mein technical problem aa gayi thi toh pilots confused ho gaye the uski wajah se lekin jab plane crash kiya toh dheere dheere wo descend kiya tha. Lekin abhi ka ye China ka plane crash, ye plane ek dam ek patthar ki tarah aasmaan se niche gira hai. Agar ye cheez kisi accident ki wajah se hui thi toh ye accident bahut hi bhayanak hua hoga. Ya toh plane ke dono wings toot gaye. Ya plane par koi missile chalayi gayi ho, ya plane aasmaan mein kisi cheez ke saath jaakar takra gaya ho. Tabhi ye plane is tarike se niche gir sakta hai. Agar inmein se koi possibility nahi hai toh yaha par pilot ne hi kuch kiya hai, ya fir plane ke andar kisi passenger ne zabardasti pilot se control chheen kar ye kiya. Ek American Federal Aviation investigator Michael Daniel, unka bhi yahi kehna hai, wo kehte hain ki ye crash most likely ek foul play tha. Kisi aadmi ne hi ye cheez intentionally kari hai. Unhone do purane crashes ka example diya, Egypt Air Flight 990 jo saal 1999 mein New York se Cairo ja rahi thi Atlantic Ocean mein crash kari, aur dusra Silk Air Flight 185 jo saal 1997 mein Sumatra, Indonesia ke paas crash kari. Ye do aise rare examples hain jaha par aeroplanes isi tarike se bahut hi tezi se niche gire. Aur in dono cases mein plane ko intentionally crash karwaya gaya tha pilot ke dwara. Kuch log plane ke model par bhi sawal utha rahe hain. Kyunki isse pehle jo do sabse recent plane crashes hue hain duniya mein, 2018 mein Indonesia mein ek plane crash hua tha aur 2019 mein Ethiopia mein jo plane crash hua tha. Un dono plane crashes ke piche reason tha plane ki banawat mein jo technical problems hain. Wo dono plane crashes hue the ek specific model of plane ke saath. Boeing 737 Max actually mein ek upgraded model tha Boeing 737-800s ke comparison mein naya model jo Boeing company ne nikala tha. Isme inhone kaha tha ki inhone plane ke engine ko zyada efficient banaya hai aur plane ke andar shor kam karne ke liye inhone plane ke engine ko actually mein aage ki taraf shift kar diya hai. Wings ke thoda sa front mein. Lekin is plane ke engine ki jagah badalne se plane mein aerodynamic problems ho gayi. Especially jab flight conditions thodi unusual thi weather itna sahi nahi tha. Is problem ko solve karne ke liye Boeing ne ek special software install kiya jiska naam tha Maneuvering Characteristics Augmentation System (MCAS). Lekin ye special software dhang se kaam nahi kiya. Ye dono crashes jo hue 2018-19 mein ek faulty sensor ki wajah se ye MCAS system galti se activate kar gaya incorrectly activate kar gaya jiski wajah se plane ka jo nose tha wo niche ki taraf ho gaya. Boeing company ke ek pilot ne apni hi company ko criticize karte hue kaha ki jab inhone ye 737 Max naya plane nikala tha apna, inhone kaha tha ki jin pilots ko certification mila hua hai inke 737-800s pe udaane ka. Unhain bas ek chhota sa computer course karna hoga taaki wo trained ban sakein is 737 Max ko udaane ke liye. Lekin ye jo pilots ko training di ja rahi thi 737 Max ko udaane ki ye training sufficient nahi thi. Fir baad mein pata chala ki US ki Federal Aviation Administration ko Boeing ne dhang se bataya bhi nahi tha is naye system ke bare mein is MCAS system ke bare mein. Inhi kaarno ki wajah se January 2021 mein US ke Department of Justice ne paya ki Boeing company ne yaha par US sarkar ko defraud karne ki koshish kari hai. Isliye ab unhe $2.5 billion ka fine bharna padega in cheezon ki wajah se. Lekin sach bataun toh humari aaj ki kahani mein is reason ka koi lena dena nahi hai. Kyunki China mein jo plane crash hua hai wo actually mein 737 ka 800s wala model tha, 737 Max nahi tha. Aur 737-800s wala jo model hai wo bahut saalon se chale aa raha hai, bahut hi reliable model hai wo plane ka. Aur one of the safest passenger jets use mana jata hai. Toh saari explanations ko samajh kar yaha par most likely scenario yahi banta hai ki pilot ne is plane ko intentionally crash kiya hai. Lekin sabse bada sawal ye ki aisa pilot ne kiya kyun? Chinese social media par isko lekar kai conspiracy theories ab banne lag chuki hain. Ek badi popular conspiracy theory mein actually mein blame kiya ja raha hai yaha par America ko. Kaha ja raha hai ki Russia aur Ukraine mein jo hone lag raha hai. China ne yaha par ek clear stand nahi liya Russia ke against, isliye America ne ye plane crash karwaya hai China ke andar. Ye conspiracy theories Chinese social media users ke dwara uthayi ja rahi hain. Ye cheez maine aapko pichhle plane crash wale video mein hi batayi thi ki jab bhi koi itna bada disaster hota hai, jiske piche koi clear cut reason nahi mil pata, koi dhang ki explanation maujood nahi hoti. Toh conspiracy theories aksar bahut banti hain aisi cheezon par. Aur agar aapko ye video dekh kar dar lag raha hai ki main toh agli baari se plane mein travel nahi karne wala, ye kya baar baar crash hote rehte hain plane. Toh darne ki zarurat nahi hai, chinta mat kijiye. Kyunki statistically baat kari jaye toh aeroplanes one of the safest modes of transportation hai. Aur Boeing plane ke jo sabse use kiye jaane wale models hain, Boeing 737 ka 600, 700, 800, 900 plane models jo hain, crash hone ke chances aapke liye hain 0.07 crashes per million flights. Yaani agar 1 million flights li jayengi duniya mein toh unmein se 0.07 crash karengi. Itne kam chances hain yaha par plane crash hone ke. Iske alawa Airbus A300 ek aur bada popular model, uske liye chances hain 0.46 crashes per million flights. Aur Airbus A310, uske chances hain 1.35 crashes per million flights. Obviously ye jo statistics hain ye past record dekh kar li jaati hain ki duniya bhar mein itni flights udi is specific model of plane ke saath aur unmein se kitni crash karengi. Lekin jitne bhi recent plane crashes hue hain aap ek cheez zarur notice karenge wo ya toh koi software mein technical fault ki wajah se ho rahe hain ya pilot ki wajah se deliberate koi action kiya ja raha hai. Kharab weather ki wajah se koi crash hona ya koi hijacking ki wajah se crash hona, ye cheez aaj ke zamane mein inke hone ke bahut bahut kam chances hain. Aapki raay mein yaha par kya reason ho sakta hai? Niche comments mein likh kar batayiye humein. Bahut bahut dhanyawad.