[0:00]السلام عليكم ورحمه الله وبركاته ازيكم يا شباب اخباركم ايه يا رب تكونوا بخير. ان شاء الله هنتكلم في الحلقه دي عن درس مهم جدا جدا جدا وهي الكووليشن بروفايل او تحاليل السيوله. معاكم اخوكم احمد سلطان ان شاء الله هتستفادوا من الحلقه دي جدا. اول حاجه في الكووليشن بروفايل لما اقول كووليشن بروفايل حضرتك في معمل التحاليل لازم تبقى فاهم يعني ايه الكووليشن بروفايل اللي هي تحاليل السيول. هم خمس تحاليل للسيوله. اول حاجه اسمها البروسرومبين تايم تمام. ثاني حاجه البارشاال ثرومبوبلاستين تايم هنتكلم عن كل حاجه وكل واحد فيهم بالتفصيل ان شاء الله. ثالث حاجه الانترناشنال نورملايزد ريشيو رابع حاجه البليدنج تايم خامس حاجه الكلوتنج تايم. اول حاجه عندنا البروسرومبين تايم واختصارها البي تي بيجي لك مريض او حاله في المعمل بتاعك يقول لك انا عايز اعمل تحليل البي تي. يبقى البي تي دي يعني بروسرومبين تايم او زمن البروسرومبين او زمن النزف. يعني ايه زمن النزف او يعني ايه البروسرومبين تايم. تعريفها العلمي ان هي از ذا تايم فور ذا بلازما تو كل افتر ان اكسس اوف ثرومبوبلاستين اند ان اوتيمال كون اوف كالسوم هاف بين ادد. التعريف ده بيقول لك ان ده البروسرومبين تايم ده الزمن اللازم لحدوث الجلطه تمام. عايز تقول بالتفصيل افتر بعد. اضافه المزيد من الثرومبوبلاستين واضافه تركيز مواتي من الكالسيوم للبلازما مثلا. تمام ده زمن النزف او البروسرومبين تايم. النورمال بتاعه من 11.5 ل 13.5 ثانيه من 11.5 ثانيه ل 13.5 ثانيه وفي ناس بتقول من 12 ل 14 تمام. ثاني حاجه هنتكلم عنها البارشاال ثرومبوبلاستين تايم او اختصارها البي تي تي الحاله بتجيء بتقول لك انا عايز اعمل تحليل البي تي تي. يبقى البي تي تي ده اللي هو البارشاال ثرومبوبلاستين تايم. البي تي تي ده بيعرف برده بانه الاكتيفيتد بارشاال ثرومبوبلاستين اللي هو اختصاره اي بي تي تمام.
[3:07]يبقى البارشاال ثرومبوبلاستين تايم اللي هو البي تي تي ده بيعرف بانه الاكتيفيتد بارشاال ثرومبوبلاستين والنورمال بتاعه من 25 ل 35 ثانيه.
[3:23]اما البارشاال ثرومبوبلاستين تايم اللي هو البي تي تي ده بيعرف بانه الاكتيفيتد بارشاال ثرومبوبلاستين والنورمال بتاعه من 25 ل 35 ثانيه. ثالث حاجه مهمه جدا هنتكلم عنها اللي هي الاي ان ار تحليل الاي ان ار اللي هو اسمه انترناشونال نورملايزد ريشيو. تمام انترناشونال نورملايزد ريشيو اللي هو المعدل العياري او المعياري الدولي. النورمال بتاعه من 0.9 ل 1.4.
[4:03]المرضى المصابين بخفقان القلب بتلاقي انه بيكون ما بين الاثنين والثلاثه ممكن تلاقيه 2.5 2.7 2.9 4 مثلا اعرف ان في نزيف جامد في الحاله اللي قدامك.
[4:30]تمام فانت لازم انك تسال الحاله هل هي بتعاني من مشاكل قبل ما تعمل لها تحليل السيوله لازم تسالها هل هي عندها مشاكل بتاخد دواء او علاج للسيوله مثلا. ثاني حاجه المرضى اللي بيركبوا صمام قلب او بيعملوا عمليات صمام القلب بتكون النورمال بتاعهم ما بين 2.5 ل 3.5. بتلاقي الحاله طالع معاك 3.1 3.4 اعرف ان هو عنده مشكله ااا في ان هو كان مركب او مركب صمام في القلب تمام ده بالنسبه للاي ان ار. طب لو النسبه فوق 3.5 لو النسبه فوق 3.5 3.7 مثلا 3.8 3.9 4 مثلا اعرف ان في نزيف جامد في الحاله اللي قدامك. ان الحاله ديت بتتعرض لنزيف داخلي مثلا. تمام فانت لازم تاخذ منها موقف فالنتيجه اللي قدامك كده ما ينفعش تطلعها للحاله غير وانت عارف النتيجه دي مدلولها ايه او طالعه ازاي. تمام بعد كده هنتكلم عن حاجه اسمها البليدنج تايم اللي هو اختصارها البي تي. يعني ايه بليدنج تايم.
[5:51]بليدنج تايم اللي هو النورمال بتاعه من 3 ل 7 دقائق البليدنج تايم ده تحليل قديم معظم الناس ما عادش بتستخدمه دلوقت بس في ممكن تجيء لك حاله مثلا يقول لك انا عايز اعمل البليدنج تايم. البليدنج تايم هتجيب شكاكه وهتشك الحاله في صبعه الابهام وتضغط على الصوبع اول ما تشك الحاله خلي اللي هو ستوب واتش تشتغل وتحسب الوقت. اول ما تشكه تتن ضاغط على صبعه وينزل دم وتمسح الدم وتتن ضاغط ضاغط وتمسح وتضغط وتمسح لحد ما الدم يقف خالص وتوقف ستوب وتش وتشوف الوقت ده ايه. الوقت ده ممكن يطلع 3.5 دقيقه اربع دقائق خمس دقائق يبقى هو ده البليدنج تايم. والنورمال بتاعه من 3 ل 7 دقائق. خامس حاجه الكلوتنج تايم او السي تي بيجي لك كده عايز اعمل سي تي. النورمال بتاعه من 3 ل 5 دقائق تمام. نفس الشكاكه في الحاله الاولى وانت بتعمل البليدنج تايم بس بدل ما هتمسح الدم بالقطنه هتحط الدم على شريحه تمام وتشغل الستوب وتش وتفضل تقلب في الدم في نقطه الدم اللي على الشريحه. تقلب فيها تقلب فيها تقلب فيها لحد ما تلاقي خطوط الفايبرين بدات تظهر معاك. يبقى كده اول ما تظهر توقف الستوب وتش وتشوف الوقت حسب قد ايه من بدايه ما حطيت الدم على الشريحه لحد ما خطوط الفايبرين بدات تشتغل تقلب وترفع كده ترفع كده لحد ما خطوط الفايبرين تظهر معاك. تمام ان شاء الله تكونوا استفدتوا معانا في الدرس ده ده درس مهم جدا وبسيط جدا ما حبيتش ان انا اتكلم باستفاضه حبيت ان انا اتكلم بطريقه سهله جدا بحيث ان انت تفهم ايه هي تحاليل السيوله وايه هي الكووليشن بروفايل ان شاء الله تكونوا استفدتوا معنا في الحلقه دي والسلام عليكم.
