كم كسبت فلوس من لعبتي الي صنعتها للجوال ؟ ( بعد 30 يوم )

[0:01]السلام عليكم، قبل شهر نزلت هذا المقطع واللي حولت فيه لعبة اونلي اب إلى لعبة جوال، وأكيد كلكم شفتوه واستمتعتوا فيه. وشفت مقاطعكم الكثير وانتم تجربوا اللعبة وسبيد رن اللي سويتوه للعبة، واللي خلى اللعبة في الصفحة الرابعة على موقع سبيد رن دوت كوم فوق ألعاب جدا كثير. يا أخي شكرا لكم يا أخي. واليوم أنا جاي عشان أقول لكم كل شيء عن اللعبة. كم وصل تحميلاتها على جميع المنصات، وأيضًا بنقرأ بعض التقييمات اللي كتبوها المتابعين، وأكيد كم طلعت فلوس منها. فخلونا نبدأ على طول في الأشياء اللي صرفتها على اللعبة وبعدها نشوف كم كسبت منها، بس قبل لا نبدأ لا تنسى تشترك في القناة ويلا بينا. أولًا أنا نزلت اللعبة على منصتين مختلفتين، متجر جوجل بلاي للجوالات، وموقع اتش دوت أي او واللي دائما أنزل فيه ألعابي واللي أغلب المطورين المستقلين ينزلوا عليه كمان. يعني هو شيء زي متجر ستيم بس للمطورين المستقلين. طبعا تنزيل اللعبة على موقع اتش اي او ما ياخذ منك أي فلوس فقط ترفع لعبتك وبس. أما بالنسبة لمتجر جوجل بلاي، فعشان ترفع لعبتك أو تطبيقك على المتجر لازم تشتري حساب مطور من جوجل واللي سعره 25 دولار تدفعها مرة واحدة فقط. وبعدها تنزل تطبيقات زي ما تبغى بدون ما تدفع أي شيء بعدها. وأنا اشتريت هذا الحساب من أول لأني منزل لعبة من قبل على متجر جوجل بلاي فيعتبر اني ما دفعت شيء على اللعبة. ولكن احنا بنحسب 25 دولار عشان انت عزيزي المتابع إذا فكرت تنزل أول لعبة لك تعرف كم القيمة ككل. وبس هذا هو المبلغ اللي دفعته على اللعبة وما دفعت أي مبلغ غيره ولكن دفعت بعملة أخرى واللي هي الوقت. اللعبة كان مخطط اني أخلصها في أسبوع واحد فقط وفعلا سويتها في أسبوع ولكن طلعت مشاكل كثير وإذا شفت المقطع حقها أكيد عارف هذه المشاكل. فزادت مدة العمل على اللعبة وأخذت مني ثلاث أسابيع شغل عشان أكملها، يعني حوالي ال 21 يوم. والمقطع حق اللعبة أخذ مني عشان أسويه أسبوع تقريبا، فيعني كله على بعضه كذا عشان أسويها وأسوي المقطع حقها أخذ مني شهر كامل تقريبا. من تطوير ورفع وتسجيل ومونتاج وكله، هذا وأنا أحاول أشتغل أسرع عشان أنزله بدري كيف لو أني أخذت راحتي كان نزلت لكم بعد سنة. كذا يكون دفعت 25 دولار على اللعبة وشغل شهر كامل، واليوم ولله الحمد بعد شهر كامل من تنزيل المقطع ورفع اللعبة المقطع وصل أكثر من 80000 مشاهد على القناة وقاعد يزيد بشكل مستمر. والدعم عليه جميل جدا وكلامكم كان جدا رهيب. أما بالنسبة لعدد تحميلات اللعبة على موقع اتش دوت أي او ففي وقت تسجيل هذا المقطع وصلت 6846 تحميل. وزي ما أنتم شايفين تقسيم الأجهزة اللي حملوا فيها الناس اللعبة واللي منهم تقريبا 2000 تحميل للجوال. وهذا بسبب إنه في ناس عندهم مثلا أجهزة هواوي واللي ما فيها متجر جوجل بلاي، فحملوها من موقع اتش دوت أي او. أما بالنسبة لمتجر جوجل بلاي، فزي ما انتم شايفين ولله الحمد عدينا ال 10000 تحميل. وصلت اللعبة لأكثر من 133000، وتقييم اللعبة هو 4.48، يعني 4 ونص تقريبا. وأنا راضي جدا عن هذا التقييم وأشكر كل شخص قيم اللعبة. وطبعا التقييمات في لها جانبين: رائعة وممتعة، لعبة جميلة جدا ومطورها أجمل. حبيبي والله. أفضل لعبة عربية، يا ساتر. أفضل لعبة شكرا لك يا يوب، حلو مين ذا يوب؟ جميلة جدا بس صعبة، اللعبة جدا حلوة. حبيبي والله، اللعبة جيدة جدا. لعبة رائعة يا سوب، الله يخليك حبيبي. والله أسطورية ورهيبة هذا حلف يعني خلاص وصل لأقصى حد، وفيه الجانب الثاني. لعبة سيئة جدا لا تجربها، لا تطور ألعاب مرة أخرى، اللعبة سيئة، تسلم رجلك يا رب، تحكم بطاطا، سيئة. اللعبة عندما ادخل يخرجني. شكرا لكل شخص قيم اللعبة وأعطاني كلام مفيد، وصراحة حاليا مالي أي نية إني أحسن على اللعبة. ولكن إذا البرنامج أو الإنجن اللي صنعت فيه اللعبة تحسنت فيه بعض المشاكل، احتمال إني أرفع تحديث وأحسن أغلب المشاكل بإذن الله. أما الآن مع اللحظة المنتظرة، اللحظة اللي الكل داخل عشانها المقطع. كم كسبت أرباح من اللعبة؟ كم الدولارات اللي طلعتها من هذا العمل أسطوري؟ هل وأخيرا راح أحقق كل أحلامي وأشتري لامبورجيني وأسافر فرنسا وآكل كرواسون. أوكي يا أحمد اهدى حبة حبة، خلي الأحلام شوية على جنب. أولا راح نستعرض مع بعض أرباح المقطع اللي نزلته على اليوتيوب. طيب زي ما انتم شايفين هذه صفحة المقطع حقنا عندنا هنا الاحصائيات من المقطع طبعا لسه ما انتم شايفين الأرباح ولكن اوريكم إياها بعد شوية. المقطع ما شاء الله وصل 83 ألف المقطع يعتبر من المقاطع المرتفعة وزدنا منه 1200 مشترك. فما شاء الله يعني مقطع جيد زدنا 1200 مشترك فأنتم كمان اضغطوا اشتراك على هذا المقطع عشان نعرف كم من هذا المقطع اشتركوا ناس. وأما بالنسبة للأرباح فزي ما انتم شايفين ما شاء الله تبارك الله المقطع جاب 32 دولار. نعم ممكن تنصدم تقول وين قليل يا أحمد كيف 32 دولار و83 ألف مشاهد؟ الار بي ام أو المعدل كسب الأرباح في هذه القناة منخفض شوية يعني القنوات بشكل عام ولكن عادي ما زلنا مستمرين إن شاء الله في يوم من الأيام يرتفع. ولكن المقطع جاب 32 دولار حتى هذا الوقت يعني حتى أول 31 يوم يعني أول شهر تقريبا. زي ما انتم شايفين متوسط النسبة في المقطع 44% وهذا شيء جدا كويس ما شاء الله أغلبكم كمل المقطع إلى نهايته. فاحصائيات جميلة جدا طلعت لنا 32 دولار مشاهدات جميلة جدا كومنتات أكثر من رائعة كلام كان جدا عنها رهيب. وياب هذا بالنسبة للمقطع وياب هذه الأرباح الخاصة بالمقطع وخليني ننتقل لأرباح اللعبة. وهنا زي ما انتم شايفين هذه صفحة جوجل اد موب اللي هي الشركة أو المستضيف اللي أنا أستخدمه في لعبتي عشان الإعلانات. وزي ما انتم شايفين هذه لعبتنا هنا هيه زي ما انتم شايفين طبعا كل اللي موجود هنا أحمر أحمر ما أدري إيه يعني كاني خسران أو شيء ولكن عشان أنا أول ما نزلت اللعبة كان أعلى طلبات مرة طالت فوق فلما رجعت للمستوى الطبيعي اللي المفروض تكون عليه نزلت يعني تعتبرني أني قاعد أخسر لأني قد وصلت أنا ولكن هي مو خسارة هي اللي هو المستوى الطبيعي يعني. وزي ما انتم شايفين اليوم حتى الآن كسبت سنتين طبعا قاعد أسجل الصباح فما أحد لعب اللعبة لسه ما شاء الله أمس 13 سنت هذا الشهر حتى الآن اللي هو شهر أكتوبر احنا بدينا شهر أكتوبر 15 سنت والشهر الماضي زي ما انتم شايفين هنا عندي 13 دولار. وخلونا نحط النطاق الزمني جميع الأوقات يعني كل الأوقات حق اللعبة وزي ما انتم شايفين هنا كسبت من اللعبة 14.70 دولار. طبعا زي ما انتم شايفين هنا أنا كسبت من نوع واحد من الإعلانات اللي هي إنك أنت تقدر تختار الإعلان. لما تموت مثلا أو لما تموت ثلاث مرات تقدر إنك تتابع إعلان عشان يرجعك من نفس المكان أو من نفس التشيك بوينت. يعني ما حطيت إعلانات تطلع لك في وجهك فجأة أو زي كذا عشان تزعجك وممكن إذا كان حطيتها كان كسبت أضعاف هذا المبلغ اللي انتم شايفينه. ممكن في ألعاب مستقبلية أضيف مثلا أنواع أكثر الإعلانات يعني مثلا تقدر أنك تتابع عشان تاخذ عملات أكثر مثلا أو عشان تشتري سكنات معينة أو عشان تفك صندوق مثلا وبس هذه اللي كسبناه من اللعبة. وبس زي كذا يكون كسبت من اللعبة 46.94 دولار. وإذا نقصنا منها 25 دولار واللي هو المبلغ اللي صرفناه عليها بيكون عندنا صافي الأرباح 21.94 دولار. واللي هو مبلغ مو جدا كثير ولا يأكل عيش. طيب يا أحمد هل أنك تسوي ألعاب وتكسب منها أمر مربح؟ انتم شفتوا كل شيء صرفته على اللعبة والوقت اللي أخذته مني عشان أخلصها وكم صافي الأرباح اللي طلعت معانا. وبالنسبة لي أنا ما ينفع تاخذني كمثال والسبب إني بنيت جمهور رهيب ولله الحمد من سنوات. ولو حاولت أني أسوي أي لعبة مثلا أو تطبيق وكنت أبغى اكسب منه فلوس راح ألاقي له جمهور يجربه ويلعب ويستخدم الشيء اللي سويته. وأيضا كمان أنا دخلت الأرباح الخاصة بالمقطع، فإذا فقط حسبنا أرباح اللعبة ونقصنا منه اللي دفعناه عليها راح تكون خسران ب 10 دولار. يعني ما كسبت أي دولار من اللعبة. ولكن تقدر أنك مع الوقت تسوي ألعاب أكثر وأكثر بأفكار أحسن وتخلي الناس يلعبوها أكثر ولازم يكون عندك قاعدة جماهيرية. أما إذا كان ما عندك قاعدة جماهيرية وحاب تدخل في مجال زي كذا فصعب جدا جدا إنك تكسب منه فلوس لسبب إنه فيه منافسة جدا عالية وما عندك جمهور. وصراحة مجال تطوير الألعاب مو أحسن مجال تكسب منه فلوس، في مجالات كثير ثانية أحسن تقدر تدخل فيها وتكسب منها فلوس. ولكن إذا كنت تحب هذا المجال ومستعد أنك تبذل وقتك فيه فأنصحك إذا بتسوي مشروع أو لعبة تكسب منها فلوس إبني لها جمهور من بداية التطوير واستمر في التنزيل عنها على أي منصة تواصل اجتماعي. ولازم تكون عارف إنه التسويق أساس جدا مهم، وحتى في بعض الأحيان أهم من المشروع نفسه لأنك إذا تعبت على مشروع وبنيته واشتغلت عليه بدون تسويق فراح تظلمه وراح تقتله من البداية. طيب يا أحمد هل راح تبني مشاريع وألعاب أكثر في الفترة القادمة أو مستقبلا بما إنه ما هي قاعدة تكسبك فلوس زي الناس؟ بالنسبة حاليا أنا قاعد أصنع محتوى وأستمتع فيه وقاعد أني أجرب وأطور مهاراتي في مختلف المجالات. فعشان كذا قاعد أجرب محركات مختلفة وتحديات مختلفة وبالنسبة لي أنا ما أحب إني أسوي مشروع كبير وأقعد اشتغل عليه سنوات طويلة وبذات في هذا الوقت. والسبب زي ما قلت لكم إني أحب أجرب وأبغى أكمل أجرب، أبغى أجرب برامج جديدة وأفكار جديدة وتحديات جديدة. وأبغى أسوي تعاونات مع يوتيوبرز مثلا أو صانعي محتوى آخرين وأبغى حتى أني أسوي تعاونات مع مطورين ألعاب أساطير. وما أبغى أني أحشر نفسي في مشروع وأقعد عليه فقط وبالذات في هذا الوقت، وأنا ما أني قاعد أقول إنه هذا الشيء سيء. بالعكس إنك تحط كل تركيزك على مشروع واحد وشغفك فيه وتشتغل فيه بكل أمانة حيكون شيء جدا كويس. ولكن بالنسبة لي أنا حاليا ما أفضله هذا الشيء، وإن شاء الله راح يكون في تطور وتحسن في الألعاب والمقاطع اللي بتشوفوها مني بإذن الله. وراح أجرب أشياء جديدة وتحديات جديدة معاكم ومن اقتراحاتكم، وأيضًا راح أسوي ألعاب جوال أكثر وراح أنوع طرق الكسب منها وأخليكم من جد تستمتعوا فيها وتستمروا في لعبها. فعشان كذا أتمنى أنك تشترك في القناة وتشاركني الرحلة الممتعة هذه إن شاء الله. إذا كان عندكم أي استفسارات إضافية عن كسب الفلوس من الألعاب تعال في حسابي في تويتر. راح أنزل تغريدة عن هذا المقطع اسالني فيها وراح أرد عليك إن شاء الله. ونشوفكم قريب في تجربة جديدة ولعبة جديدة. شكرا للمنتسبين في القناة ونشوفكم على خير إن شاء الله. ومع السلامة.