[0:00]ab hum log baat karte hain Daraz ki. dekhein kisi bhi marketplace ke andar jaane se pehle, hamein uska potential dekhna hota hai ki Daraz ek marketplace hai sab jaante hain Pakistan ki sabse badi shopping website hai. toh iske upar kitna potential available hai? matlab hum iske upar jab kaam karne jaa rahe hain toh kitna hum ispe paisa bana sakte hain? isko jaanna zaroori hai. dekhein Daraz ke upar per month jo visits hote hain, unique visits, theek hai, woh 35 lakh se zyada hain. matlab 35 lakh se zyada unique visitors Daraz ko visit karte hain, Daraz ki is website ko aur ek 10 million se zyada logo ne Daraz ki jo application hai usko install kiya hua hai. theek hai toh matlab woh bhi Daraz se shopping karte hi hain jabhi unhone Daraz ki app ko install kiya hua hai. toh iske upar potential bahut achcha hai, theek hai, visits bahut zyada hain iske upar. yeh main buyers nahi bata raha aapko main visitors bata raha hoon ki per month itne visitors Daraz pe aa rahe hain. toh aap kisi bhi business mein jab enter ho rahe hote hain toh us business ke andar jo pehle se log maujood hain unko dekha jaata hai ki woh is business se kitna paisa bana rahe hain. theek hai, agar toh woh itna paisa bana rahe hote hain ke jitna aapko banana hai, toh aap phir us business mein jaate hain, warna aap us business ko ignore karte hain, theek hai. toh isko kaise hum check karein ki iske upar jo sellers abhi baithe hue hain Daraz ke upar woh kitna paisa bana rahe hain aur Daraz se unko kya income unki generate ho rahi hogi, ek approximated value kya ban rahi hogi. theek hai toh isko abhi hum practically check kar lete hain. usse pehle jo structure hai Daraz ki website ka woh main aap logo ko samjha doon, yahan par simple aap ki categories hain, uske andar sub categories hain, yahan par banners aapko show ho rahe hain, jiske andar aapko different offers yahan Daraz de raha hota hai customers ko apne. phir yahan par flash sales aa rahi hoti hain, yeh har din jo daily sales lagti hain yeh aur inke price kam hote hain products ke, ek din ke liye aur woh flash sale ke andar aa jaati hain aur ek din baad jab flash sale khatam ho jaati hai toh prices unke restore ho jaate hain ki jaise abhi yeh wali flash sale jo hai yeh yahan pe timing aapko dikha raha hai is time ke andar yeh off ho jaayegi 3 ghante 32 minute 8 second baad. toh yeh jitna bhi off yahan pe inhone diya hua hai woh sab restore ho jaayega apni original value ke upar, theek hai. yahan par aapko flash sale dikh rahi hoti hai phir aapko kuch collections dikha raha hota hai. phir yahan par yeh aapko Daraz Mall ki kuch products bata raha hai, theek hai. Daraz Mall kya hai iske upar hum aakhir mein baat karenge is course ka bilkul last jo aakhri session hoga woh yahi hoga ki humne Daraz Mall tak kaise jaana hai. abhi jo humari journey hogi woh journey hogi hum FBS model se start karenge ya FBM model se, fulfillment by seller ya merchant. uske baad hum move karenge FBD model ke upar. fulfillment by Daraz, uske baad humari jo last humara target hoga woh Daraz Mall tak pahunchna hoga. uske liye humein trademark brand yeh saari cheezein register karani hoti hain uske baad hum yahan tak pahunch sakte hain. theek hai, mushkil nahi hai, doable hai, asaan hai, bahut saare log pahunche hue hain. theek hai, toh woh hum inshallah aakhir mein dekhenge uski kya strategy humne banani hai ki hum Daraz Mall tak pahunchein. toh jo FBS model hota hai uske andar jo seller hota hai jo bech rahe hain hum log jaise seller hain toh hum log fulfillment jitni bhi hai pick pack ship sara hum khud humare end ke upar handle ho rahi hoti hain. phir FBD model jo hota hai wahan pe saari cheezein Daraz dekh raha hota hai, pick pack ship returns yeh saari cheezein Daraz handle kar raha hota hai, theek hai. toh humara jo jo target hai woh yahi hai ki hum FBD model ke upar kaam karenge, theek hai. lekin start humein FBM se karna padega aur yahan par kyu karna hai yeh saari cheezein abhi aage aapko pata chalengi kya strategy hogi iske liye humari aur phir hum jab test kar lenge ki haan yaar yeh humari ek product hai yeh achcha bik rahi hai iske hamare paas roz ke 10-12 orders aane lage hain ya paanch-6 orders bhi roz ke aane lage hain toh hum uska stock phir Daraz ke paas rakhwa dete hain phir Daraz usko handle kar raha hota hai saari cheezo ko.
[4:05]aur humara focus jo hota hai woh sirf ranking ke upar hota hai aur apni jo account hai humara, account ki quality ko hum kis tarah improve karein, performance ko kis tarah improve karein hum uske upar phir saari working kar rahe hote hain. theek hai toh in saari cheezo ko inshallah abhi hum aage dekhenge. toh uske baad phir yeh aapko kuch categories dikha raha hai phir aapko yeh collection dikha raha hai just for you ki jo humne pehle visit kiya hai ya phir jiske paas jin ke andar humara interest hai woh yeh saari cheezein yahan par humein dikha raha hoga. theek hai aur phir yahan par inka footer area jiske andar inke jitne bhi important links hain woh saare show ho rahe hote hain. theek hai toh yeh ek inka basic structure hota hai Daraz ki website ka. ab hum humein yeh dekhna hai ki hum Daraz ke upar kaam shuru karne ja rahe hain toh Daraz ke upar jo pehle se log baithe hue hain woh kya kama rahe hain aur kya unka potential hai unko kya earning ka per month kitna paisa woh bana rahe hain. toh ab jaise is flash sale ke andar yeh ek product hai pure bees honey. theek hai, isko zara hum thoda sa review karte hain aur uske upar dekhte hain ki kya paisa ban raha hoga kya kya iske upar cheezein chal rahi hain. theek hai toh yahan par aapke paas yeh list khul gayi hai yahan par aap dekhenge sold by Big Bee Pure Honey, theek hai. is bande ko ab hum dekh lete hain yeh ek seller hai. jo bech raha hai is product ko, theek hai. yeh hum uske home page ka home page ke upar hain, yahan se aap profile ke upar aaiye aur profile ke upar aane ke baad aapke samne kuch cheezein aapko bata raha hoga ki iski main category is seller ki jo hai woh hai aapki groceries ke andar aur jo seller ka size hai seller ka size matlab yeh ki aakhri 28 dino ke andar 28 days ke andar jisne jitna samaan becha hota hai uske hisaab se yahan pe size uska generate hota hai. matlab ki last 28 days ke andar agar isne
[5:52]jo hai kam se kam products bechi hain toh uska jo ek bar hoga yahan pe warna do bar honge agar aur zyada bechi hain teen bar honge isne bahut zyada bechi hain toh yahan par iska full show kar raha hai. sellers who sold the most number of products in last 28 days, theek hai. is particular category ke andar, groceries ke andar. toh yahan par hi humein seller ka size bata raha hai uske baad isse humein bataya hai ki yeh takreeban ek saal se upar hua hai isko isko join kiye hue. theek hai aur phir yahan pe iski kuch performance bata raha hai ki chat ki iski jo iske response time hai woh kya hai aur rate kitna hai aur ships on time yeh saari cheezein aapko yahan pe bata raha hai. theek hai. humne yeh check karna hai ki yeh banda pure big bee pure honey yeh paisa kitna bana raha hai. toh yahan par aap thoda sa neeche aayenge toh yeh aapko reviews dikha raha hoga, total number of reviews hain yeh is profile ke. theek hai. toh is seller ke total reviews jo isko mile hain woh mile hain 3099 reviews. theek hai takreeban 3100 reviews
[6:54]isko mile hain iski different products ke upar aur iski ab ek cheez aur hum yahan pe check karte hain, yahan par humein 1 plus toh yeh bata raha hai ki 1 saal se upar hua hai isko actual mein kitna hua hai woh hum dekh lete hain. toh iske review section ke andar aap aaiye aur jo sorting hai uske upar aa ke aap isko recent ke upar kijiye. theek hai. recent ke upar kar isko karne ke baad aap aakhri jo uski page hai rating ka uske upar aaiye aur yahan par aa ke uska time dekh lijiye. iska jo pehla iske paas review aaya hai, theek hai, pehla review iske paas aaya hai 14 Feb 2019 ko. toh 14 Feb 2019 ke baad 14 Feb 2020 1 saal aur phir ab 14 Feb 2021 aane wala hai do mahine baad. toh yeh hoga takreeban 3 saal. toh humne yeh dekh liya ki haan yaar yeh jo iski list hai yeh takreeban aap samjhein ki paune teen saal ke kareeb purani hai aur yeh teen saal se takreeban aap isko rakhein ki teen saal se yeh Daraz ke upar bech raha hai. theek hai, apni product ko. theek hai toh humne pata laga liya ki iski jo age hai is seller ki woh takreeban 3 saal hai. ab aap kya karenge? ab aap kaise pata lagaayenge isne kitna becha hai kya iska hisaab kitaab hai?
[8:19]ab aap yahan pe jo aapke reviews likhe hue the usko aap check karenge ki reviews aapke kitne hain? agar yahan par jitne bhi reviews aapko yahan pe available hain aapke paas, theek hai, usko aap simply multiply kar dein 10 ke saath, theek hai. kyu kar dein? uska uska reason yeh hai ki har 100 mein se 10 log review daalte hain sirf, theek hai. reviews ka ratio Pakistan mein vaise hi kam hai.
[8:58]reviews kam honge cheez zyada biki hui hogi, theek hai. lekin hum benchmark bana lete hain 10 ko toh aap is 3099 matlab 3100 ko takreeban aap multiply kar dein 10 se toh yeh total aapki products jo isne bechi hongi, 31000 bechi hongi. theek hai.
[9:22]poori iski cycle ke andar, jab se isne join kiya tha usse aaj ki date tak mein isne 31000 products bechi hain. yeh zyada ho sakti hain kam nahi ho sakti hain, yeh ho sakta hai 40-50 hazaar bhi hon. theek hai kyu ki aapko maine bataya jaise ki review ka jo ratio hai woh Pakistan mein kam hai. log Pakistan mein kam review daal rahe hote hain. toh isne 31000 ke kareeb products bechi hain hum isko benchmark banate hain 40000 ko, theek hai. 10000 10000 ki hum isko leniency denge kyu ki humein maloom hai ki isne jo hai 31000 se zyada hi products bechi hain yeh bahut lowest value hum yahan pe laga rahe hain. toh agar aap 40000 products bhi iski lagaayein ki iske paas poori iski journey mein jab se isne apne account banaya tha usse leke aaj tak iske paas 40000 orders aayein. aur on average hum isko apne zehen mein yeh rakhte hain ki isne ek order ke upar 200 rupaye kamaaye honge. theek hai. toh aap isko simply 200 rupaye se multiply karein. yeh zyada bhi kama sakta hai kam bhi kama sakta hai lekin hum on average 200 rupaye rakhte hain ki amuman 200 rupaye profit hota hai minimum. toh aap isko 40000 ko jab 200 se multiply karte hain toh yeh value aapke samne ban ke aati hai takreeban 80 lakh rupaye. theek hai. 80 lakh rupaye value ban ke aati hai. isko aap 36 month se divide karein, 36 mahine 3 saal. toh aapke paas jo per month iska revenue yeh profit bata raha hoon main aapko revenue nahi hai yeh iska profit hai. per month jo iska profit generate isne kiya hai under ek thumb rule ke तहत woh isne takreeban 2 lakh 22 hazaar rupaye kiya hai. theek hai. toh is tarike se aap chaar-paanch aur list ko bhi chaar-paanch aur sellers ko bhi check kar sakte hain ki unka kya profit unhone banaya hoga aur kya potential hai is market ke andar. aur dekhein yeh jo profit hai na yeh profit aapki passive income hai yeh active income aapki nahi hai. theek hai. kyu ki Daraz ke upar sabse achchi baat yeh hai ki aapne apna stock ek dafa Daraz ke warehouse mein rakhwa diya aur uske baad phir aapke toh orders khud ba khud aa rahe hain aapki jo pick pack ship hai returns hain yeh saari cheezein khud ba khud jaa rahi hain aapki. aap kya kar rahe hain bas aap yeh kar rahe hain ki aap jo customer support hai messages ke upar woh aap de rahe hain sirf, theek hai. toh uske liye toh aap banda bhi rakh sakte hain. toh yeh 100% meri nazar mein Daraz ka jo business model hai yeh passive income wala model hai. ki jiske paas agar kuch investment padi hui hai toh woh iske upar paisa invest kare aur uska phir profit khaaye baith ke log banks ke andar paisa rakhte hain aur mukhtalif jagaho ke upar investment kar rahe hote hain lekin yeh bahut achchi investment hai meri nazar mein ek passive income ke liye. theek hai ki aap apne saath jo bhi kar rahe hain aap job karte hain ya aapka koi dusra business hai aap usko aaram se chalate rahein aur shaad ke upar yahan Daraz ke liye aap koi VA hire kar lein virtual assistant. jo aapke liye sara kaam bhi kar raha hoga aur aapki jo management hai poori saari cheezein woh kar raha hoga woh aapse kuch paise lega mahine ke. woh aap usko dein aur aapke account ke andar hi free money ek tarike se aapko mil rahi hogi as a passive income. theek hai toh humne yeh dekh liya ke Daraz ke upar jo potential hai woh bahut achcha hai aur Daraz ke upar jitne bhi log kaam kar rahe hain matlab agar hum Daraz ke upar kaam karte hain toh humein Daraz se ek achcha achchi income hum generate kar sakte hain. theek hai. wahi baat hai ki aapki strategies jitni behtar hongi utni hi achchi income aap generate kar sakenge. sahi hai. ho sakta hai ki yeh agar 22 2 lakh 22 hazaar mahina humne iska nikala hai. kuch sellers aise bhi hain jo 6-6 7-7 lakh rupaye mahina kama rahe hain. theek hai, 8-8 lakh rupaye mahina kama rahe hain. toh woh phir aap pe depend karta hai ki aapki strategies kaisi hain aur yaad rakhiyega ek product ke upar aap paisa nahi banate. aapko agar apna profit badhana hai Daraz ke upar toh aapki products zyada honi chahiye. aisa nahi hai ki aapki aapne aapki ek product hai aur uske upar roz ke 10 orders aapke paas aa rahe hain aur aap ab usko cha rahe hain ke yaar main usko 100 order ke upar le jaaun toh na toh yeh not possible, yeh bilkul namumkin si baat hai. 100 orders ke upar nahi jaa sakti woh product aapki. theek hai. toh phir aap karte kya hain? ki aap yeh karte hain ki aap us jaisi aur products ko introduce karathe hain, new categories ke andar jaate hain aur apne SKUs badhate hain. different products aap Daraz ke upar lagate hain aur usko phir rank karte hain. theek hai. toh uske liye aap jo simple matlab jaise yeh aapki ek product hai yeh aapko 10 order per day de rahi hai, theek hai. ab isko aap 100 pe nahi le ke jaayenge. aap dusri product karenge jo aapko phir 10 order per day degi. theek hai. aise hi aap ek aur product add karenge woh aapko 10 order per day degi. theek hai, is tarike se aap apni jo horizontally apne jo profits hain aap usko increase karenge, naye SKUs daal ke, nayi products daal ke. theek hai, aur phir wahi baat ke yeh koi hassel nahi hai itna bada aap agar aapki bahut zyada products hain toh koi masle ki baat nahi. aap FBD model ke upar kaam kar rahe hain. fulfillment jitni bhi hai sab Daraz kar raha hai. theek hai. toh is tarike se hum jo horizontally apne stock ko scale karte hain aur aage add karte jaate hain products aur jitni bhi products hum yahan pe aapko nazar aayengi jo bhi bik rahi hongi woh wholesale markets ke andar easily available hoti hain. easily available hoti hain. theek hai. bas karna sirf yeh hai ki aapko apni product ko rank karna hai. theek hai. us particular ek position ke upar ke jahan par daily ke itne orders aa rahe hain. theek hai. har marketplace ki ek position hoti hai na har shop ki ek position hoti hai mall ke andar. theek hai ab aap ek bahut bade mall ke andar hain ab aapko pata hai jo mall ke andar is position ke upar jitni dukaan hain uske upar zyada traffic aa raha hai uske upar zyada sales aati hain. theek hai jo upar ki dukaan hai uske upar kam sales aati hain. toh humne koshish yeh karni hai ki humne apni dukaan ko bilkul samne rakhna hai ki banda kuch search kare aur humari product uske samne aani chahiye bilkul. theek hai toh yeh hum iske upar kya strategies karenge kis tarike se usko implementation hogi iske upar yeh main karunga aapke samne toh woh aap logo ko cheezein inshallah samjh mein aayengi. ab dekhein baat yeh hai ki aap yahan aa gaye. aur yahan par aane ke baad for example aapne search kiya honey honey be aapne search kiya. theek hai ab dekhein isse pehle jo humare business models jo maine discuss kiye the ki Facebook page ke upar hum kya bech rahe hain aur website pe kya bech rahe hain. wahan par humara focus yeh tha ki yaar humne product toh hum jo bhi bech rahe hain bechein lekin aisi strategies implement karein ki log humse khareed lein bhale hum kuch bhi bech rahe ho. theek hai aur wahan hum khud customer ko acquire kar rahe the wahan hum Facebook ads ki jo campaigns hain unko run kar ke customers ko la rahe the.
[16:07]ab yahan par humari marzi nahi hai ki hamein kya bechna hai. theek hai. yahan par jo bik raha hai humein wahi bechna hai. theek hai. aisa nahi hai ki yahan par honey be zyada bik raha hai toh hum yahan par jute bechna shuru kar dein nahi. product research ke andar sabse pehla step hi humara yahi hai ki woh cheez bechni hai ki jo sabse zyada log khareed rahe hain. theek hai. woh kaise inshallah hoga abhi aage aap logo ko pata chalega is course mein jab hum us us section ke upar aayenge product research ke. khair toh ab humne jo Daraz ke upar jitni bhi cheezein bikti hain, theek hai. toh woh cheezein bikti hain search bar ke upar. theek hai. koi aata hai Daraz ke upar yahan par usne search kiya mujhe yeh khareedna hai, theek hai. ab jaise maine yeh search kiya honey be. theek hai. toh yeh honey be aapka ek keyword hai.
[16:50]theek hai. keyword ke upar kaise ranking hoti hai yeh inshallah aage ranking ke upar hum baat karein jab ranking ke section ke andar aayenge abhi main ek overview aapko uska ek de raha hoon ki yeh product jo yahan pe show ho rahi hai woh kyu show ho rahi hai? theek hai. ab aap yeh dekhein ki yahan par maine honey be search kiya aur honey be search karne ke baad mere samne yeh ek product aa gayi jo pehle page ke upar hai, pehle spot ke upar hai. theek hai. yeh yeh aapka pehla spot hai. jitni bhi sale hoti hai jitni bhi bikti hain cheezein woh pehle spot pe bikti hain yeh baat yaad rakhiyega. bik chauthe paanchve spot pe bhi jaati cheez wahi baat hai na ki ek mall ke andar customer ho sakta hai upar wali shops ke upar bhi jaaye zaroori nahi hai woh neeche se hi khareed le. ho sakta hai woh aur upar wali shops ke upar chala jaaye lekin Daraz ek aisa shopping mall hai ki jahan par 90% log yeh pehle jo neeche wala section hai na pehla page jo hai, wahi se hi khareed lete hain aur aage nahi jaate. theek hai toh humara toh maqsad hi yahi hai ki humne is spot ko identify karna hai ki is spot ke upar kitne piece per day ke bik rahe hain iske. theek hai. aur agar for example humne dekha yaar yeh wala first spot ke upar yeh product maujood hai. maine yeh honey be search kiya, theek hai. aur honey be keyword ke upar kitni searches ho rahi hain? kya iske trends hain? yeh saari cheezein jab product research mein start karunga toh sab cheezein bataunga. theek hai. abhi ek cheez sirf samjhana chah raha hoon woh yeh ke honey be humne search kiya samne humare yeh ek product aa gayi. bahut saari products aa gayi. usme se jo shuru ki teen-chaar products hain na bas customer ne yahi scroll karna hai aur yahi se kuch na kuch buy karna hai. theek hai toh humne yeh dekhna hai ki shuru ke yeh chaar spots ke upar jo samne products hain yeh sabse top hai. matlab yeh sabse zyada visible hain.
[18:38]yeh customer aata hai sabse pehle in chaar products ko woh dekh raha hai. toh hamein yeh dekhna hai ki hamein yahan tak kaise pahunchna hai. theek hai. yahan tak hamein kaise pahunchna hai? hamein yeh dekhna hai. humara main jo target hoga Daraz ke upar woh yahi hoga ki is spots ke upar hum kaise pahunchen. theek hai. kyu isse yeh hota hai ki aapko pata hai ki aapne yeh calculate kar liya ki yaar is
[19:00]yeh jo is spot ke upar pehle spot ke upar yeh ek item hai yeh item per day ka itna bik raha hai for example per day ka 10 bik rahe hain pieces iske. toh aapne dekha yaar yeh item per day ke upar 10 bik rahe hain toh agar mera item is item ko replace kar de ya is item ke aas paas lagaun toh woh bhi andazan utna hi bikega. theek hai, toh isse ek forecast ho jaayegi aapki ki haan yaar main agar 10 piece yeh bech raha hai toh main kar sakta hoon uske upar kaam main yahan par apni product ko agar rank kar jaaun toh mere bhi itne piece bikenge. ab ek aisi product hai ke jo maine calculate kiya yahan par uske sirf ek piece roz ka bik raha hai toh woh product main lunga hi nahi. theek hai. uske upar main jaaunga hi nahi. khair yeh saari baatein product research ke upar hain woh aayengi toh baat karenge aage. toh ab yahan par yeh product jo rakhi hui hai uske kuch piche reasons hain. theek hai. woh kya reasons hain jo humne focus humara hoga jin ke upar. sabse pehle dekhein page views, page views ka matlab kya hai? matlab ki maine yahan par honey be search kiya aur honey be search karne ke baad yeh samne mera first page aa gaya. ab is first page ke upar koi ek aisi product hai ki jiske upar log sabse zyada click kar rahe hain.
[20:58]theek hai. woh count hoga page views ke andar matlab ki 100 log is website is page ke upar aaye aur is page ke upar 100 logo mein 100 log jab aaye uske baad 80 log iske upar gaye jiske upar top reviewed likha hua hai.
[21:28]80 log iske upar gaye theek hai. aur baki 10 uske upar aaye paanch uske upar gaye aur baki paanch pure divide ho gaye. theek hai. toh Daraz usko count karega yaar iske upar log zyada click kar rahe hain matlab ki iske andar kuch aisa hai ki jisko log pasand kar rahe hain. isko kehte hain page view. theek hai. aur page view kis tarike se hum enhance karte hain? humare images, images humare jitne achche honge uski kya guidelines hain? woh aage abhi bataunga main aap logo ko inshallah kis tarike se hum jo image ki guidelines hoti hain un sab cheezo ke upar baat karenge. toh humare images achche hain yahan pe kyu ki sabse pehle buyer aapka jo title hai woh nahi dekhega, price nahi dekhega, reviews nahi dekhega, sabse pehle uski nazar hi pehle padegi image ke upar. theek hai. image ke baad woh saari cheezo ke upar aayega. theek hai. toh image aapka agar achcha hai toh aapke page views badhenge.
[22:20]toh jitne zyada page views honge woh aapki uske andar count honge ranking ke andar. theek hai. uske baad reviews and rating theek hai. obviously agar aapki product ke upar reviews achche aa rahe hain, ratings achchi hain, log usko pasand kar rahe hain, achche reviews daal rahe hain toh woh khud ba khud upar aayegi. phir daily orders aapko zyada milna shuru honge. kuch aisi products hoti hain ki jin ke upar reviews kam hote hain, daily order zyada hote hain. kuch aisi products hoti hain ki jin ke upar page views kam hote hain lekin daily order zyada hote hain. theek hai. yeh bhi poori ek science hai jo hum samjhenge inshallah aage. ki jaise yeh ek product hai iske for example daily ke orders aa rahe hain 10 aur yeh ek product hai jiske daily ke orders aa rahe hain paanch lekin jo page views hain iske zyada hain jiske order paanch aa rahe hain aur iske kam hain. theek hai. isko bhi Daraz consider karta hai ki yaar iski is list ke upar is product ke upar 100 log gaye aur 100 logo mein se 10 logo ne khareed liya. theek hai. aur iski jo list hai iski jo product hai yeh product jo hai iske upar bhi 100 log gaye lekin 100 mein se sirf paanch logo ne khareeda. matlab yeh isse behtar hai. toh jo jisse behtar hai woh pehle aayegi. theek hai, toh is tarike se yeh inki jo ranking ka system hai woh kaam kar raha hota hai. daily orders ke upar. theek hai.
[23:42]yeh saari cheezein aapas mein interlinked hoti hain aur ek saath phir jab cheezein sabki ratings aati hain uske baad aapas mein yeh log jo hai compare compare karte hain phir uske baad aapki jo ranking system nikal ke aata hai. phir FBD model ki aapki jo Daraz khud fulfill kar raha hai toh zaahir hai woh usko exposure uska achcha hoga, woh upar rahegi ki Daraz apne end se saari cheezein handle kar raha hai. theek hai. theek hai. uske baad campaigns ke andar kitni participation hai aapki. aap agar campaign mein zyada participate kar rahe hain theek hai toh aapko exposure zyada milega uske andar aapki sale bhi badhegi uske andar aapki sale badhegi toh aapke reviews bhi aayenge. toh uske andar aapko aur exposure milega. phir aapka chat response rate kya chal raha hai? theek hai. ki aapki jo list hai uske upar aapke customers jab aapse sawal pooch rahe hain toh aap kitna jaldi unko answer kar rahe hain kis tarah unko answer kar rahe hain? kya woh satisfied hain ya nahi hain? theek hai. response rate aapka jo hai kaisa jaa raha hai? agar aap aadhe ghante aapke paas ek message aaya aapne aadhe ghante ke andar andar respond kar diya usko. theek hai. toh is tarike se yeh poora ek system hota hai ki jisko saari cheezein ek saath phir calculate hoti hain saari cheezein mil ke aur phir ek ranking banti hai aapki product ki. toh asal jo target hai woh yeh hai ki aapki jo product hai woh ek toh already bik rahi ho aur phir dusra humara jo target hota hai aisi product humne nikal li ki haan jo bahut bik rahi hai aur phir humara agla target yeh hota hai ki jo jit jis point ke upar bik rahi hai woh us point tak kaise pahunchna hai. theek hai. toh inshallah yeh saari cheezein hum discuss karenge aur practically jab main kar raha honga toh yeh jo baatein abhi maine aapse kahi hain bataayi hain cheezein samjhaayi hain woh already woh phir inshallah aapko jab practical kar raha honga toh aur acche se samajh mein aa jayengi cheezein. aur aap log phir main aapse kahunga ki Daraz ko as a passive income aap log rakh ke apne zehen mein chalein ki aapka target full time nahi hai yeh target aapka passive income banana hai aur kis tarike se hum 50-60 hazaar rupaye se start honge aur phir teen-chaar paanch lakh rupaye teen-chaar paanch lakh rupaye tak bhi pahunchenge uski kya ek poori framework hoga? kya steps humne follow karne honge? kis time ke baad kitni products humne aur add karni hongi? kab nahi karni hongi? yeh bahut saari cheezein hain jo uske andar mujhe abhi aage bataani hai aapko. toh inshallah aage hum phir is session ko aise continue karenge.
