[0:00]عايز اكلمكم النهارده عن ضبط النفس.
[0:11]الحكيم بيقول ضابط نفسه خير ممن يحكم مدينه. اللي بيقدر يحكم نفسه احسن من اللي بيحكم مدينه.
[0:31]يعني ايه يحكم نفسه؟ يعني لا يعطي نفسه كل ما تريد. لا يعطي نفسه كل ما تريد. مش كل حاجه عايزها ينفذها. مش كل حاجه عايزها ينفذها.
[0:56]والسيد المسيح بيقول: من يبغض نفسه من اجلي. وبيقول من اضاع نفسه من اجلي يجدها. يعني لو اادى الامر انك تبغض نفسك. مش تبغض نفسك يعني تكرهها، مفيش حد بيكره نفسه. لكن يعني لا تحقق لها كل ما تريد.
[1:27]ضبط النفس يحتاج الى امور كثيره، منها ضبط اللسان. ومنها ضبط الفكر. ومنها ضبط القلب، من جهه ضبط الرغبات والشهوات. ومن جهه ضبط البطن من جهه الاكل. وحاجات تانيه كتيره هنتكلم عليها. اللي بيحكم نفسه معناها نفسه خاضعه لمبادئ لقيم لقوانين لنظام مش سايبه. مش سايبه.
[2:24]لان في البعض سايبين نفسهم زي ما هم عايزين وبيضيعوا روحهم. فنمشيك الامور ديه على قدر امكاننا ونشوف.
[2:38]الهدف طبعا من ضبط النفس هو يعني محبه الذات محبه روحيه حقيقيه.
[2:54]يعني لا تحب نفسك بطريقه تدليليه تضيع بيها روحك. وتضيع بيها غيرك معاك. يكون واحد ماسك نفسه كويس، وايضا لا تفضل ذاتك على غيرك. لو قدرت تفضل غيرك على نفسك يبقى احسن. لما تفضل غيرك على نفسك مش بتضيع نفسك ده هو ده الحب الحقيقي للنفس. وهو ده الحفظ الحقيقي للنفس، وهو ده الابديه الحقيقيه للنفس. الله يكون اولا وراحه الناس راحه حقيقيه ثانيا ونفسك نمره ثلاثه. الله نمره واحد، الناس نمره اثنين وانت نمره ايه؟ ثلاثه. طب نشوف الحاجات دي. اولا ضبط اللسان. لا تتكلم بكل ما ياتي على فكرك من من كلامه.
[4:17]توزن كل كلمه قبل ما تقولها عشان تبقى بتضبط لسانك. توزن كل كلمه قبل ما تقولها مش بس الكلمه غلط ولا صح. ايضا الكلمه تاثيرها على الاخرين ايه ورد الفعل بتاعتها ايه والنتيجه بتاعتها ايه؟ لكن واحد لسانه سايب غير منضبط ده يتعب روحه.
[4:54]علشان كده المرتب بيقول ضع يا رب حافظا لفمي بابا حصينا لشفتي. ما تخلينيش اقول كل ما ياتي على ذهني.
[6:31]زي ما تضبط لسانك تضبط فكرك. مش كل فكر يجيلك تمشي معاه. وخصوصا الافكار الخاطئه.
[6:48]الشيطان ممكن يلقي لك فكر بسيط ويسيبك تاخذ الفكر وتستانس به. وتستريح ليه وتكبر فيه وتمط فيه وتصبح به وتنام به وتمشي به وتروح به. وتلاقي الفكر شغال شغال شغال شغال. اي فكر جايز يكون فكر شهوه، جايز يكون فكر انتقام، جايز يكون فكر غضب. جايز يكون فكر ادانه، شغال شغال شغال شغال.
[7:54]علشان كده المرتب بيقول ضع يا رب حافظا لفمي بابا حصينا لشفتي. ضبط فكرك لا تسمح ان فكر خاطئ يدخل اليك. لا تسمح ان فكر خاطئ يدخل اليك. وان دخل اليك لا تسمح انه يستمر معاك.
[7:47]وان استمر معاك شويه لا تسمح لنفسك انك تنبسط منه وتشترك معاه. جايز الفكر يكون محاربه خارجيه، لكن انت تضبط هذا الفكر.
[8:07]وتمنع مصادر الفكر لان طول ما انت جايز تضبط فكرك وسايب مصادره قاعد يجيب على طول.
[8:22]تضبط فكرك ما تخلل يعني اشغل فكرك بحاجه كويسه علشان ما يجيلكش حاجه وحشه تعشش فيها. علشان تضبط فكرك لازم تضبط حواسك، ضبط الحواس. ما تسمعه بيجيب لك افكار، ما تنظره بيجيب لك افكار، ما تلمسه بيجيب لك افكار.
[8:54]يعني اا اضبط ايضا ما تسمعه وما تنظره وما تلمسه وما يدخل تحت حواسك. لان الحواس بتجمع وتدخل جوه الفكر. احفظ عينيك من انها من انهما تنظران الاباطيل.
[9:28]واحفظ سمعك. جايز واحد يسمع اغنيه ويمشي يدندم بيها في السكه. وجايز واحد يسمع نكته يمشي يضحك بيها في السكه يبص بيضحك. من غير حاجه. فانت اضبط ودانك. ان ما استطعتش والحاجه سيطرت عليك ما تقعدش تفكر فيها كتير. اعمل عمليه احلال وابدال، فكر يحل محل فكر، فكر يحل محل فكر. اذا الافكار ماليت ذهنك اقرا بعض قراءات تجيب لك افكار اخرى تحل الفكره دي محل الفكره دي.
[10:25]القراءات والالحان من الاشياء المفيده للفكر.
[10:40]القديس الانبا يوحنا القصير من القصص المعروفه عنه وتلاقوه قريتوها كتار، انه شافوه قبل ما يخش قال لايته بيلف حواليها ثلاث مرات. قالوا له بتعمل كده ليه؟ قال لهم كنت موجود وسط ناس وجابوا له فكره، فانا قلت افرغ وداني من الكلام اللي سمعته قبل ما اخش قليه. لكي لا يدخل هذه القلايه فكر غريب او كلمه غريبه.
[11:13]لو بيتك معلق فيه ايات او صور دينيه، جايز تبص لها وتفكر فيها. لو معلق حاجه ثاني جايز تفكر في الحاجه الثانيه. ما نعرفش ايه. تضبط لسانك، تضبط فكرك، تضبط حواسك. ضبط البطن من جهه الاكل. لا تسمح لنفسك ان كل حاجه شهيه لازم تاكل منها. خلي برضه عندك اوقات يكون حاجه شهيه وما تقربش عليها. وتكون تحب الصنف الفلاني وتقول بلاش اشتريه. وان حد عرض عليك تاخذ شيء بسيط ونوع من الضبط.
[12:09]حواء ما عرفتش تضبط. لا عرفت تضبط سمعها ولا عرفت تضبط بطنها ولا عرفت تضبط عينيها. الحكايه لخبطت معاها. فما قدرتش تضبط سمعها قعدت تسمع كلام الحيه وهي تقول هي احقا قال لكم الله طب وبعدين؟ ده بيقولوا تموت، قال لها لن تموتي، الله ولو ما متيش يجرى ايه؟ الله عارف انكما يوم تاكلان تصيراني مثل الله. لم تضبط سمعها فالسمع جاب لها فكر. ولما جاب لها فكر ما قدرتش تضبط الفكر فحواسها ابتدت تبص للشجر. فاذا الشجره شهيه للنظر، بهجه للعيون، جيده للاكل. فلم تستطع ان تضبط حواسك. ولما كانت انهارت داخليا قلبا وفكرا وحسا، واتغيرت ما قدرتش تضبط ايديها انها تخش ولا قدرت تضبط فمها انه ياكل والحكايه خلاص. كان عايز ضبط من الاول، الواحد ياخذ باله من اولها. لذلك الكنيسه بتيجي في الصيام وتخليك تاكل اكل نباتي عشان تمتنع عن الاطعمه المشتهره. فيجي الواحد في البيت يقول لهم اعملوا لي الصنف الفلاني النباتي، طب ما فين؟ هو يبقى ضبط البطن ما راح. انتهت. يقول لك في الصيام ما تاكلش شوكولاته، طب ايه رايكم لو جبنا لكم شوكولاته صيامي؟ ما تاكلش جبنه، طب ايه رايكم لو جبنا جبنه صيامي؟ الحكايه ابتدت الشهوه تكون موجوده، كل ده لان لم يضبط الشهوه من جوه.
[14:15]اذا الانسان لم يضبط شهوه البطن تجيء له شهوات اخرى اصعب. وهي من شهوات الجسد، يبص يلاقي نفسه خلاص ما هو بقى غير منضبط. غير منضبط.
[14:35]الذي يريد ان يضبط نفسه يضبط نفسه ايضا من جهه الغضب. لا يجعل الغضب يتحرك فيه.
[14:47]وان تحرك الغضب في قلبه او في فكره ما يخليش الغضب يتحرك الى لسانه.
[14:57]ويلفظ الفاظ غضب. واذا الغضب تحرك الى لسانه ما يخليش الغضب يصل الى ايده يضرب يهين يقتل.
[15:13]ما هو عدم الضبط يتدرج الى اسوا والضبط يتدرج الى افضل. فخلي دايما ضابط نفسك. يقول لك ليكون كل انسان زي ما يقول معلمنا يعقوب، ليكون كل انسان مسرعا الى الاستماع مبطئا في التكلم مبطئا في الغضب لان غضب الانسان لا يصنع بر الله. كلمه مبطئ يعني ضابط نفسك.
[15:49]لان الانسان الذي لا يضبط نفسه يتحرك نحو السرعه نحو التهور نحو الاندفاع. لان مفيش ضبط، حاجه بتمشي بسرعه. الانسان اللي بيسوق عربيه ومعاه حصان ضبط الحصان بالجام متحكم فيه. لكن اذا اللسان ما كانش منضبط هيقول زي ما هو عايز. وجايز في الغضب يقول كلام يندم عليه جدا بعدين او ما يعرفش يعالج نتائجه بعدين. لان مفيش انضباط.
[16:36]فحاول انك تضبط نفسك في حاله الغضب، لا تجعل الغضب يتحرك فيك. وان تحرك اوقفوه في كل مرحله ولا تضعله ينتقل من مرحله الى مرحله اسوا. جايز واحد في حاله غضب ياخذ قرار، قرار وانت غضبان. جايز واحد في حاله غضب يروح كاتب جواب كل الكلام اللي فيه يدان عليه حرف حرف. وتبقى وثيقه ضده. ويقول يا ريتني ما كتبت. لان ما فيش انضباط.
[17:21]اذا في يوم من الايام تحرك فيك الغضب وكتبت خطاب في حاله غضب تباطا في ارساله. يقول بلاش ابعته النهارده، اسيبه لحد بكره، تباطا في انك تحطه في ظرف وتقفل عليه. وان حطيته في ظرف افتحه واقول اعيد قراءته قبل ما ابعته.
[17:48]الناس اللي بيكتبوا على طول اي كلام ما فيش انضباط عندهم. اي كلام يجيله اكتب اكتب اكتب. عشان كده ورقه من اوراقهم تقع في ايد حد يقول لك اتفضل شوف فلان كاتب ايه. ونشكر ربنا ان احنا في عصر فيه الكوبي بيشتغل اله اللي بيصوروا الكتب والكتابات والحاجات دي.
[18:24]تلاقي على طول يدوس على زرار يطلع له 100 نسخه 200 نسخه ماشي. واذا بالكلام اللي انت كاتبه يكون في ايدي كثيره. تقول يا ريت طب ما ضبطتش نفسك ليه؟ واصعب من كده واحد يجي في عقله فكره يروح ناشرها في مقال. والمقال يطلع في مجله يطلع في جورنال الاف الناس يطلعوا عليه ما يحاولش ما يعرفش ينكره. عايز ضبط نفس. ضبط نفس قبل ان يكتب الانسان.
[19:05]جايز يجيلك في مخك فكر جديد تقول يا ده الفكر الجديد ده هيعمل رجه. رجه.
[19:16]واكتب وانشر. وبعدين تلاقي الرجه انقلبت على الشخص نفسه وعملت له رجه. رجه في السمعه، رجه في المخ، رجه في في الخطا الموجود. اضبط نفسك. الشيء اللي في فكرك ما حدش دريان بيه. ان ضبطه اهو كويس. لكن الشيء اللي على لسانك في ناس بيسمعوه والشيء اللي بايدك بيتكتب في الاف يبقى خلي بالك من نفسك، اضبط روحك. اضبط روحك قبل ما يضبطك الناس. لان القديس ابو مقار الكلمه لطيفه جدا، قال ايه؟ قال احكم يا اخي على نفسك قبل ان يحكموا عليك. ولعله اخذ هذه العباره من كرونثوس الاولى 11.
[20:22]اضبط نفسك ساعه الغضب.
[20:28]اضبط نفسك ساعه الشهوه، اضبط نفسك ساعه الكلام.
[20:39]اضبط نفسك ايضا من جهه الالتزام من جهه الطاعه من جهه الخضوع. لان في انسان باسم الحريه يبقى عايز يعمل زي ما هو عايز. باسمه الحريه يبقى عايز يعمل زي ما هو عايز، واحد باسم الديمقراطيه يبقى عايز يعمل زي ما هو عايز. ولكن ينبغي ان الحريه تكون حريه منضبطه، والديمقراطيه تكون ديمقراطيه منضبطه. فانت في حريتك اا في واحد حريته يقول اا انا انا حر طبعا انت حر. حر تروح جهنم حر تروح جهنم، حر تضر روحك حر تضر روحك، ما حدش قال لك حاجه. اعمل زي ما انا عايز، لا اب ولا ام ولا رئيس ولا معلم ولا حتى اب اعتراف ولا مرشد روحي، انا حر. انت حر يا اخي. ولكن ارجو ان تكون حريه منضبطه. حريه ايه؟ منضبطه، مش حريه يعني تعمل كل ما انت عايزه.
[21:57]ساعات بشبه الحريه المنضبطه بالنهر الذي له شاطئان. الشاطئان مش بيحدوا حريه النهر، دول بيضبطوا مياه النهر لكي لا تنسكب يمينا ولا شمالا.
[22:18]وجايز يكون الشاطئين دول واحد منهم وصايا الله، والثاني النظام العام في المجتمع او الطاعه بالنسبه لاب الاعتراف او بالنسبه للمرشد او التقاليد او العرف، حاجه ثانيه. يعني حاجه من ربنا وحاجه من المجتمع مضبوط كده. نهر نهر منضبط. لكن ميه تمشي على كيفها وتتضرب يمين وتتضرب شمال وتغرق يمين وتغرق شمال، دي مياه منضبطه دي.
[22:56]خلي الالتزام يكون موجود معاك، الطاعه تكون موجوده معاك. الطاعه للابوين، الطاعه للكبار، الطاعه للاب الروحي، الطاعه للقوانين، الطاعه للنظام العام، الطاعه لوصايا الله. تكون منضبط داخل الطاعه وداخل الخضوع.
[23:28]واحد يقول لك انا لا اخضع لاحد، شاطر وحلو، لا تخضع لاحد. طب نتيجه ايه؟ ده انت اذا قلت انك لا تخضع لاحد يبقى 1000% خاضع لنزواتك.
[23:46]وممكن تكون خاضع لانحرافاتك.
[23:51]وخاضع لاحد يعني دي دي ميزه ولا ولا عيب؟ جايز تكون غير خاضع لاحد وانت في نفس الوقت خاضع لكبريائك. خاضع للعظمه. فكركم حد ما بيخضعش خالص؟ لازم يكون خاضع لحاجه. اما خاضع لربنا، يا اما خاضع لنزوات نفسك، يا اما خاضع للشيطان، خاضع لاي حاجه.
[24:28]اضبط نفسك حينما تفكر في الانتقام او تاخذ حقك بالقوه. او اضبط نفسك حينما تريد ان تستخدم العنف او القوه الجسديه. او القوه الماديه او قوه الوظيفه او السيطره قوه النفوذ او قوه المال اللي في ايديك. اضبط نفسك كلما تفكر ان تستخدم القوه.
[25:06]نبيل هو الانسان الذي في يده قوه ولا يستخدمها. الا من اجل الصالح حينما يلزم ذلك.
[25:19]او في يده سلطه ولا يستخدمها الا حينما يضطر الى ذلك من اجل ربنا.
[25:32]وبهذا الشكل يكون الانسان يعمل انضباط لسلطته وانضباط لقوته وانضباط لنفوذه. فلا يتطور الامر الى تطرف.
[25:54]اضبط نفسك من جهه الوقت، فلا يضيع وقتك عبثا.
[26:03]ونظم وقتك واضبطه، بتستخدمه ازاي؟
[26:14]اضبط نفسك في كل خصومه في كل نزاع في كل صدام مع كل احد. اجعل لتصرفاتك حدودا لا تتخطاها ولا تتعداها.
[26:34]اذا زعلت مع واحد خلي الزعل في دايره محدوده. لكن في واحد اذا زعل مع واحد ثاني خلاص بقى. تلاقي الحكايه كبرت وطالت ومسك الواحد اللي زعلان معاه وابتدا تاريخ حياته من اول ما اتولد والحكايه تروح باثر رجعي وتلاقي الحكايه مش متلمه. هي فلان حصل زعل. الزعل المفروض توصل للصلح المفروض تعالج روحيا، لكن برضه لازم تكون في دايره محدوده. وتلاقيه اذا زعل مع واحد يزعل معاه ومع عيلته ومع اخوه ومع اللي يعرفوه ومع الدنيا كلها وكل من يتصل اليه بصفه يزعل معاه برضه، الله مالك مش منضبط. مش منضبط.
[27:31]زي مثلا اثنين يكونوا متجوزين بدري. يعني ده اخذ اخت وده اخذ اخت ده.
[27:42]فواحد منهم يزعل مع مراته تلاقي الثاني صدر المراه الاخرى الى بيت ابيه. ليه؟ الزعله ما دخلتش في دايره. ما دخلتش في دايره، عشان كده في ناس يكرهوا الزواج بدري.
[28:01]يقول لك لو زعل طرف الطرف الثاني اوتوماتيك اللي كده يروح ما.
[28:10]اكتب عليها يعاد للمرسل منه. وكان واحدا من الكاروبيم لكن ما استطاعش يضبط نفسه من جهه الانتقام.
[28:48]من جهه نابال الكرملي قال انا اقوم واعمل واسوي. وبعدين ربنا بعت له ابيجايي. بعت له ايه؟ ابي جايي، وبخته بكلمتين كويسين فكانت النتيجه انه فاء لنفسه. فما تنتظرش لما تجي لك ابي جايل وتقول لك كلمتين. في انسان لا ينضبط من نفسه فتضبطه المقاومه الخارجيه. يعني ما يلاقيش الامور سهله في التنفيذ ففي مقاومه من الخارج او توجد موانع من الخارج تضبطه. موانع من الخارج، مثلا مفيش فرصه، موانع من الخارج، مفيش قدره. موانع من الخارج، موانع من الفقر، موانع من الضعف، من اي مانع.
[29:50]لانه هو ما انضبطش من جوه انضباط مضبوط. لكي تصل الى هذا الانضباط يلزمك ايضا التغصب والتداريب الروحيه. تاخذ بالتغصب والتداريب الروحيه تصل الى تقويه الاراده. واذا قويت الاراده تقدر تضبط نفسك. لان الانسان غير المنضبط، الاراده بتاعته غير موجوده. لكن ربنا عايز الانسان يريد الخير ويجاهد من اجل من اجل الخير وينجح في جهده. ويصبح الاراده بتاعته مضبوطه. لان مجرد تريد الخير مش كفايه، لابد تجاهد من اجله ولابد الاراده بتاعتك تقوى. فجرب نفسك على الاراده، في حاجات صغيره في الاول، وبعدين حاجات كبيره بعدين. وحاول انك تقول لنفسك لا وتنجح في كلمه لا. تقول لنفسك لا وتنجح في كلمه لا، ومش كل حاجه تعوزها تعملها. اقول انا ساقف لاقاوم نفسي بدلا من ان يقاومنا الله. ساقف لاقاوم نفسي بدلا من ان يقاومني المجتمع، بدلا من ان يقاومني القانون. زي تلميذ مش قادر يقاوم نفسه في الغش فيقاوموا المراقب، وبعدين يلاقي نفسه اترفت ويلاقي نفسه ضعاف. حاول انك انت تضبط نفسك وتبقى نفسك في ايدك ولو تتعب شويه. زي انسان بيشرب سجاير لازم يضبط نفسه. يقول تعبان ومش قادر، نقول له احتمل التعب شويه. لغايه لما تقدر تمسك نفسك بعد كده ما تكونش عبد للسجاره وتقدر تتخلص منها. وهكذا ايضا اي عاده من العادات الخاطئه، الواحد لازم يضبط نفسه يسيطر عليها يقاوم ولو يتعب ولو يتضايق ولو يشعر بالحرمان ولو يبقى تعبان ليكون. لكن بعد حين يبتدي يستريح ويبقى كويس.
