مشروع توزيع مواد غذائية رحلة المليون

[0:00]النهارده هنتكلم في مشروع لو اتعمل صح وعرفنا اسراره كلها وربنا كتب له النجاح هينقلك نقله مختلفه تماما لان ده مشروع الكبار. النهارده هنتكلم في توزيع المواد الغذائيه.

[0:24]السلام عليكم ورحمه الله وبركاته انا علي البنا ودي قناه التجاره شطاره. موضوع توزيع المواد الغذائيه او مشروع التوزيع ده من المشاريع الممكن تنقل الانسان او المستثمر اللي هيشتغل فيها نقله كبيره جدا لو اتعمل صح ولو عرفنا الاسرار والتكات بتاعه التوزيع. اولا احنا نقصد بالمشروع في الاول وفي الاخر مشروع مصغر لتوزيع المواد الغذائيه او السلع الاستهلاكيه او مواد النظافه او الحلويات.

[1:04]المواد المشروبات مثلا زي بيبسي كولا لو نفترض ان احنا هنبدا المشروع بعربيه توزيع واحده وانت كرجل مستثمر هتقوم بالتوزيع على عربيتك كنواه وبذره لمشروع كبير ان شاء الله. قدامنا طريق من الطريقين اول طريق ان انت هتشتغل هتاخد وكاله شركه معينه او منتج معين وانا لا احبذ ان انت تاخد وكاله منتج لان اي وكاله هتديك الوكاله بتاعتها عشان توزع في منطقه اكيد هتبقى شركه مش قويه والمنتج بتاعها مش هيبقى معروف وبالتالي انت هتلاقي صعاب كتير جدا في الموضوع ده. انا افضل ان انت تبدا تشتغل في اصناف معروفه واصناف قويه وليها اسم في السوق. طيب ايه الميزه التنافسيه اللي هتخليك تشتغل في صنف معروف وتخلي محل التجزئه يشتري منك وما يشتريش من الشركه. لازم يبقى عندك ميزه تنافسيه. اول حاجه عشان يبقى عندك ميزه تنافسيه لازم يبقى عندك حاجه من الاثنين ان انت بتكون بتعرف تشتري كويس. يعني لو ما بتعرفش تشتري كويس مش هتعرف تبيع نهائي ركز في موضوع ان انت تكون بتعرف تشتري كويس. يكون عندك خبره في المجال اللي انت هتشتغل فيه عشان تلاقي المصدر والسورس بتاع البضاعه اللي تجيبها بسعر كويس. الحاجه اللي بعد كده من المميزات التنافسيه اللي انت يبقى عندك تنوع في بعض البضائع. يعني على سبيل المثال لو انت اخترت مجال الزيوت هتشتغل فيه يكون عندك كذا صنف من الزيوت كذا اسم كذا ساعه معينه.

[2:57]لو انت هتشتغل في مشروبات غازيه بس غير الكولا والبيبسي الشركات اللي هي درجه تانيه. ممكن يبقى عندك كذا اسم من الشركات تشتري تنوع يبقى عندك تنوع معين واسعار كويسه. التجاره القرش صياد فيها يعني ايه القرش صياد يعني انت عشان تعرف تشتري كويس لازم تشتري بفلوسك. ولازم تشتري كاش عشان تقدر تحصل على اسعار جيده في البدايه. لان حضرتك لو حبيت تشتري من الشركات او حبيت تشتري من التجار هيبيعوا لك زي ما بيبيعوا للتجزئه او هيبيعوا لك زي ما بيبيعوا لمحلات الجمله انت عايز ميزه قويه. الميزه القويه اللي انت هتشتغل بيها ان انت هتشتغل تشتري بضاعه كاش تشتري تنوع من الصنف اللي انت هتشتغل فيه وتبدا تنزل المكان اللي هتنزله توزع على تجار التجزئه عشان تلاقي ربحيه معينه. ايه الاخطاء اللي بيقعوا فيها المستثمرين او الشباب اللي بتبدا المشروع دوت. اول خطا بيقعوا بيقعوا فيه الشباب اول حاجه ما بيحسبوش كويس ما بيعرفش يبيع كام عشان يكسب وبيبيع بكام والنسبه الربحيه ايه نسبه الربحيه كام ويغطي مصاريفه بكام خلينا نتكلم على اول خطا ده ونعالجه ازاي. بشكل بسيط جدا لو نفترض ان انت شغال بعربيه عربيه توزيع واحده بس ونفترض ان انت عندك مخزن صغير. هنقول مبدئيا المصاريف اللي انت هتصرفها انت عندك عربيه لو قلنا المعدل الاهلاك بتاعها الشهري 4000 جنيه.

[4:47]وقلنا العربيه بتستهلك بنزين او ديزل وصيانات وزيت 3000 جنيه وحضرتك هتعمل لنفسك مرتب مندوب وعموله 5000 جنيه يبقى كده معانا 5 و7 12000 جنيه. لو قلنا ان انت هتاجر مستودع وهتدفع ضرايب وهتدفع مياه وكهرباء للمستودع ب 3000 جنيه فليكن مصاريفك 15000 جنيه. كل لما قللت من المصاريف كل لما قدرت تكسب اكثر بس خلينا نحط معدل مصاريف بالزياده عشان نكون في الامان. معنى ذلك ان انت بتطلع شهريا 15000 جنيه مصروف. ال 15000 جنيه مصروف دولات لازم يعودوا عليك بمبلغ اكبر لان لو جاء لك 15000 جنيه معنى ذلك ان انت ولا كسبت ولا خسرت. انا عشان اكسب 15000 جنيه لو افترضنا ان انا بكسب 10% من السلع اللي انا بوزعها فالمفروض ان انا اوزع شهريا ب 150000 جنيه عشان يطلع لي 15000 جنيه.

[6:01]15000 هيغطوا مصاريفي و15000 هتبقى ربحيه هو ده اللي احنا عايزينه ان احنا نقدر نشتري كويس ونقدر نبيع سلعه تكون سعرها مش مكشوف. اقدر اكسب 20% واقدر اكسب 150 اقدر ابيع ب 150000 جنيه شهريا. انا النهارده عشان ابيع ب 150000 جنيه شهريا لازم اخطط هابيعهم ازاي. وعند كام عميل والدروب سايز بتاع العميل كام. يعني انا لو عرفت اعبي للعميل مرتين في الشهر المره ب 2000 جنيه يعني العميل هياخد مني ب 4000 جنيه في الشهر. فانا محتاج كام عميل؟ محتاج حوالي 30 عميل. 30 عميل عشان يشتري مني ب 4000 جنيه يعني 120000 جنيه 160000 جنيه شهريا.

[7:04]يعني انا النهارده لو استهدفت 40 عميل هيشتغلوا معايا وهيشتغلوا مني متوسط ب 4000 جنيه شهريا هقدر اوصل ل 160000 جنيه. ال 160000 جنيه لو عرفت اخذ فيهم ربحيه 20% فانا قدرت اكسب 15000 جنيه نت بروفيت او ربحيه صافيه وده يعتبر انجاز قوي جدا. لو انا ما تمكنتش ان انا اعمل القصه دي فانا مطالب ان انا ابيع ب 300000 جنيه واكسب 10% عشان اقدر اكسب ال 15000 جنيه صافي. انا النهارده لو حققت المعادله دي على مدار شهرين ثلاثه فانا في امان. طيب ايه الخطا الثاني اللي بيقع فيه الشباب وبيخليهم يفشلوا في المشروع بتاع التوزيع؟ الخطا الثاني ضياع راس المال في الاجل وفي امور غير محسوبه لازم في الشغل دوت يبقى معايا سيوله ويبقى معايا كاش فلو يعني سيوله نقديه موجوده احتياطيه عشان اي فرصه اقدر الاقيها للشراء اشتري. اتعرض عليا منتج سعره كويس اشتري لان زي ما قلنا المال صياد. لكن انا النهارده لو رميت فلوسي كلها في السوق كريدت واجل انا هغرق لازم سرعه دوران فلوسك تبقى عاليه. ما تسيبش فلوسك شهر واسبوعين والكلام ده حاول سرعه دورانك تبقى اقل حاجه اسبوع عند العميل. لانك لو رميت فلوس كريديت كثير هتغرق ومش هتقدر تحقق دوران راس المال اللي انت محتاجه وهتحتاج فلوس كثير جدا تشتري بضاعه وتحطها في المخزن وتشتري بضاعه وترميها في السوق كريديت. دي من ضمن النقاط اللي بيقع فيها شباب كثير من ضمن الحاجه اللي بعد كده التخاذل التخاذل في العمل يعني ايه التخاذل في العمل؟ ان انا بيبقى عندي مجهود معين ببذله في بدايه المشروع وبعد كده طموحي بيقل ومجهودي بيقل فكذلك الانتاجيه بتقل. لازم تبقى عارف ان المشروع دوت محتاج راجل بيشتغل اقل حاجه 10 ساعات يوميا. انت بتبني مستقبلك ما بتشتغلش عند حد. انت لازم تشتغل كل يوم 10 ساعات اقل شيء. 10 ساعات عشان هتشتغل سنه والثانية وبعد كده تقدر العربيه يبقوا عربيتين والعربيتين يبقوا اربعه وبعد كده تقدر تدخل التوكيلات والتوكيلات اللي انت بتحلم بيها. كذلك من ضمن الاخطاء اللي بيقع فيها الشباب عدم اختيار الاصناف اللي هيشتغلوا فيها بشكل كويس وعدم اختيار العملاء اللي هيشتغلوا معهم. اختيار الاصناف بيعتمد على عده اشياء اول شيء خبرتك انت انت اشتغلت فيه قبل كده انت تقدر تشتري ايه؟ المنطقه اللي انت هتشتغل فيها محتاجه ايه؟ الفرصه اللي موجوده عندك ايه هي؟ وده يرجعنا ثاني لموضوع الدراسه ودراسه الجدوى اللي هي اهم شيء قبل اي مشروع. وزي ما تعلمنا في اي مشروع دراسه الجدوى بتنقسم لثلاث اشياء وهي دراسه جدوى تسويقيه في البدايه دراسه الجدوى التسويقيه اللي هي هنشتغل في ايه وهنبيع عند مين؟ وايه الصنف اللي هنختاره؟ ده محتاج دراسه جيده قبل ما بتبدا المشروع ودراسه الجدوى التشغيليه هي اللي احنا كنا بنتكلم فيها ازاي هتوزع وازاي هتطلع تشتغل بنفسك وازاي هتقود الموضوع بمجهودك الشخصي وانت هتبقى مسؤول من الموضوع من الالف للياء لان انت مش محتاج مصاريف زياده. ودراسه الجدوى الماليه وهي اللي احنا اتكلمنا عليها البي اند ال انت بتصرف كام والمفروض ان انت تبيع كام بنسبه كام عشان تغطي مصاريفك وعشان تقدر تكسب ربحيه معينه تجد ان انت تمكنك من النمو. مشروع التوزيع مشروع ممتاز مشروع فيه فرص جامده جدا مشروع بيغير الفكر سنه عن سنه انت اول سنه في المشروع مش هتفكر زي ثاني سنه هتلاقي افكارك اتغيرت وخبراتك اتغيرت. هتلاقي اصناف جددتها واصناف دخلت هتلاقي اصناف طلعت من عندك ما كانتش بتكسب هتلاقي ان انت بتتطور بشكل كبير جدا طول ما انت موجود في السوق. الموضوع ده مش لازم تسلم دقنك لحد فيه. الموضوع دوت لازم تقوم به بنفسك. لازم تشتغل بمجهودك بشكل مستمر. اتمنى من ربنا سبحانه وتعالى ان فكره المشروع تعجبكم والحلقه تعجبكم وما تنسوناش باللايك والشير والاشتراك في القناه لو مش مشتركين وان شاء الله انتظرونا في مشاريع جديده هتعجبكم والسلام عليكم ورحمه الله وبركاته.