[0:00]بسم الله اب والابن والروح القدس الاله الواحد امين كل سنه وانتم طيبين نكمل تاملاتنا في رسائل القديس بولس لتيموثاوس والنهارده نبتدي تيموثاوس الثانيه. بدايه كده بفكركم بقتيموثاوس الثانيه دي اخر رساله كتبها القديس بولس، يعتقد في السنه اللي استشهد فيها اللي هي 67 تقريبا. وعشان نستوعب ال 14 رساله كتابه الرسائل بدات بتسالونيكي الاولى والثانيه لانه كان في ازمه في تسالونيكي اضطهاد اليهود للمسيحيين الجدد ودي في اول الخمسينات. وبعدين توالت الرسائل كلها كانت وليده المشاكل يعني يبقى في ازمه او مشكله او اضطهاد او او قضيه معينه بسببها القديس بولس بيكتب الرساله. فبعد تسالونيكي الاولى والثانيه كانت اثناء الرحله الثانيه للقديس بولس فالرحله الثالثه التبشيريه بتاعته كان في ازمه التهويد عليت قوي والتفكير بتهويد المسيحيه. فهنا تلاحظوا رساله روميا ورساله غلاطيا كتبوا للغرض ده في نفس الوقت ده مشاكل كورنثوس كانت عليت قوي واكثر بقى من مشكله مشكله حزبيات ومشكله ما ذبح للاوثان ومشكله ستات عاوزه تاخد مراكز في الكنيسه مشكله تشكيك في الافخارستيا تشكيك في القيامه. فكتب رساله كورنثوس الاولى وبعدها بشويه صغيره كتب كورنثوس الثانيه فدي كانت فتره الرحله الثالثه بعد كده لما راح اورشليم اتمسك واتحبس وبعدين اترحل قيصريه ومن قيصريه اترحل روما. من روما بعت اربع رسائل بنسميها رسائل الاسرى او السجن افسس وفيليبي وكولوسي وفيليمون. قراء رسائل طالعه من السجن مليانه فرح روحي مليانه حب مليانه تعليم للكنيسه. يبقى احنا كده خدنا 2 4 4 اثنين في الاول تسالونيكي الاولى والثانيه وبعدين اربعه كبار بتوع مرحله المشاكل العاليه روميا وغلاطيا وكورنثوس الاولى والثانيه وبعدين الاربعه بتوع السجن افسس وفيليبي وكولوسي وفيليمون كده خلصنا 10. فالمرحله اللي بعد كده كان بولس كبر وعرف ان ايامه قربت لانه وصل خلاص انه معروف عند نيرون انه هو زعيم للمسيحيين وطبعا اليهود متامرين ومطلعين عليه تهم قد كده. فهو بدا يبعت لاولاده بقى التلاميذ الرعاه تيطس وتيموثاوس اقرب اثنين ليه تيموثاوس كان اسقف افسس تيطس اسقف كريت وبعت ساعتها رساله للعبرانيين. عشان كان في موجه ارتداد من العبرانيين المتنصرين بيرجعوا تاني للفكر اليهودي فبعت الرساله دي قرب نهايه حياته اخيرا اتسجن تاني في روما وعلم بالروح انه هيستشهد فكتب رساله تيموثاوس الثانيه. يبقى الرساله دي بيكتبها واحد عارف انه خلاص ماشي ومن هنا طبعا روعه الرساله دي وجمالها انه فاهم كويس خطه ربنا ومن بدري بيقول لي اشتاق ان انطلق واكون مع المسيح قالها في فيليبي من زمان. لكن دلوقتي ان الاوان خلاص عرف بالروح انه ساعته جت فبيكتب لتيموثاوس اقرب التلاميذ ليه ويقول له بادر ان تاتي الي سريعا. تيموثاوس الثانيه بولس رسول يسوع المسيح بمشيئه الله لاجل وعد الحياه التي في يسوع المسيح. الى تيموثاوس الابن الحبيب نعمه ورحمه وسلام من الله الاب والمسيح يسوع ربنا. كعاده القديس بولس بيعرف نفسه بولس رسول يسوع المسيح هو لا يرى في نفسه الا هذا المعنى هو عايش لرساله. وما اجمل المسيحي فينا اللي تبقى رسالته في الحياه هي اللي شغله طول الوقت مش كرامته مش راحته مش مزاجه مش راي الناس فيه رسالته. فبولس بيعتز بهذا اللقب اللي قال عليه انا رسول لا من انسان ولا من الناس بل من الله بمشيئه الله يعني مشيئه الله اختارته ان يكون في هذا المكان كرسول للامم لاجل وعد الحياه. يعني الارساليات دي كلها الرسوليه دي كلها الخدمه دي كلها الغرض منها ايه الحياه الابديه. كل تركيز بولس انه يوصل جيله كله للسما هناك وعد بالحياه الابديه لكل من يؤمن لكل واحد هيلزق في المسيح هيدخل للسماء. لاجل وعد الحياه التي في يسوع المسيح يبقى الحياه الابديه دي حياه خاصه بالمسيح وبالتالي ما فيش حياه ابديه الا في المسيح المسيح له المجد قال انا هو الطريق والحق والحياه لا يستطيع احد ان ياتي الى الاب الا بيه. ومن يؤمن بابن الله له الحياه من لا يؤمن بابن الله ليست له الحياه. القديس يوحنا يقول على التجسد الحياه اظهرت وكانها كانت مش موجوده او مستخبيه ونشهد ونخبركم بالحياه الابديه التي كانت عند الاب واظهرت لنا الان ونكتب لكم هذا ليكون فرحكم كاملا. اذا بيقول انا رسول يسوع المسيح بمشيئه الله لاجل وعد الحياه يعني بوصل الحياه الابديه للناس شوفوا كرامه الخدمه لما يكون الواحد شايف انه بيدي الناس حياه ابديه. هو ما دفعش ثمنها المسيح اللي دفع ثمنها بس هو موصلاتي موصلاتي حاجه غاليه جدا اللي شايل فلوس كتير بيوصلها بيبقى حاسس بالمسؤوليه كم وكم وانت بتوصل الحياه الابديه. مدفوعه الثمن اللي المسيح عملها لكل البشر عشان كده في كورنثوس يقول نسعى كسفراء عن المسيح نطلب عن المسيح تصالحه مع الله. الى تيموثاوس الابن الحبيب نعمه ورحمه وسلام من الله الاب والمسيح يسوع ربنا كلمه الابن الحبيب رغم ان تيموثاوس اسقف تؤكد مفهوم البنوه في الحياه الروحيه. التلمذه الاب الروحي اللي زي بولس اللي بيكلم ابنه روحي رغم انه هو له درجه النهارده كهنوتيه كاسقف يقول له الى الابن الحبيب. نعمه ورحمه وسلام دي التحيه المعتاده اللي كان القديس بولس بيقولها ودي التحيه الليتورجيه يعني ايه دي لغه الكنيسه.
[7:11]ده الصوت اللي الكنيسه بتقدمه لاولادها ومنهم للعالم كله اننا نقدم النعمه والرحمه والسلام الاتي من الله الى البشر. اني اشكر الله الذي اعبده من اجدادي بضمير طاهر. الايه دي مهمه ليه لان القديس بولس كان يهودي متعصب ولكنه كان يعبد الله بضمير طاهر يعني ايه قالوا له انه عباده الله لازم تتسم بالحرفيه. فمن اجل حبه في الله وضميره الطاهر كان حرفيا جدا هو فريسي جدا ابن فريسي. هو بيحب ربنا الفريسيين عاوزين المنظره والكرامه وعاوزين الفلوس هو ما كانش عاوز ده كله هو كان يعبد الله بضمير طاهر وده سر اختيار هذا القديس. انه كان مخلص في عبادته لله رغم جهله بان يسوع له كل المجد هو الله المتجسد. لكن كان يعبد الله بضمير طاهر وكعاده القديس بولس يبدا رسائله بالشكر. رغم انه في السجن وان الكنايس كلها اللي هو مشرف عليها عندها مشاكلها واضطهادها. انما هو شخص افخارستي تعلم ان يعيش دائم الشكر. يحب يقول اشكرك يا رب على كل حاجه على كل شخص في حياته على كل تلميذ من تلاميذه على كل بلد خدم فيها فبيقول اني اشكر الله. لان العباده اليهوديه ايضا ممتلئه بالشكر اللي هو التسبيح مزامير كتير قوي فيها تسابيح ومزامير الهليل يسموها اللي هي كلها تهليل او هللويا. فالشخص اليهودي المتدين يكسر من شكر الله فبالاولى المسيحي بقى اللي ادرك التجسد وادرك عطيه القيامه والحياه الابديه يعني يبقى حياته كلها شكر.
[9:15]اني اشكر الله الذي اعبده من اجدادي بضمير طاهر كما اذكرك بلا انقطاع في طلباتي ليلا ونهارا. اذا القديس بولس كاب روحي يذكر ابنه واولاده بالذات المقربين اللي لهم مسؤوليات كبيره في الكنيسه يذكرهم في صلاته دائما. وده يورينا ان الابوه مش مجرد يعني تعليم لا ده فيها احساس بالمسؤوليه ده اب بيحب اولاده فمتحطين في صلاته طول الوقت زي ما بيصلي لنفسه بيصلي لهم ويمكن يصلي لهم اكثر ما يصلي لنفسه. اذكرك بلا انقطاع شوفوا بقى لما تيموثاوس يستقبل الرساله وابوه بيقول له انت معايا على طول انت في ذهني على طول فاكرك قدام ربنا طول الوقت. قد ايه فرحه الابن او الابنه لما يحس ان الاب الروحي فاكره وبيصلي له وحاسس بيه وبمشاكله نعمه الابوه في الكنيسه دي نعمه غاليه قوي. مصدرها ابوه الله لكن يعطينا رعاه حسب قلبه عشان يمتعونا بصلواتهم وابوتهم واهتمامهم. اذكرك بلا انقطاع في طلباتي ليلا ونهارا اذا القديس بولس بالذات يعني شاغل القديس بولس وطبعا مش تيموثاوس بس هو بيذكر كل اولاده. مشتاقا ان اراك كاب روحي ما بيلغيش المشاعر البشريه الجميله نفسي اشوفك يا حبيبي وفي اخر الرساله يقول له تعال بسرعه بعد ما هيقول له بقى خبر انه الاستشهاد قرب هيقول له تعال اشوفك بسرعه. مشتاقا ان اراك يبقى جميل كده انه الاب الروحي يقول له اولادي وحشتوني مشتاق اشوفكم يبقى هنا في ابوه صادقه مليانه مشاعر مليانه اهتمام. ذاكرا دموعك برده عشان يشجع تيموثاوس يقول له انا بفتكر دموعك. الدموع من اصدق العلامات على الحياه الروحيه المستقيمه. طبعا في دموع كاذبه لكن عاده الدموع بتبقى صادقه عاده بتبقى وليده مشاعر توبه مشاعر خجل مشاعر حب. الدموع دي لما شفناها في كانت بتبكي على رجلين المسيح فرحت ربنا يسوع دموع بطرس الذي بكى بكاء مرا فرحت المسيح طبعا. فالدموع اللي طالعه من قلب سخن كده ووراء حب كبير دي حاجه غاليه قوي لانها تعبر عن نقاوه داخليه فبيقول انا بفتكر دموعك. عشان افرح اذا دموع القديس تيموثاوس هي ثروه روحيه ليه. دموع اللي في الصلاه ودموع المسؤوليه عن الناس الدموع دي زي ما قال عنها ذهبي الفم اما حزن توبه او حزن مسؤوليه حزن على العالم اللي بيهلك برده دي دموع غاليه. ذاكرا دموعك لكي امتلي فرحا تصوروا بقى الاب الكبير زي بولس ما يشوف اولاده في دموع نقيه يفرح ليه عارف ان الكنيسه متشاله على صلوات حره وعلى دموع مقدسه وعارف ان ده الطريق المستقيم. اللي ما فيهوش الهيصه الخارجيه قد ما فيه حزن مقدس طوبى للحزانه الان لانهم يتعزون اذا فرحه بولس كانها من فرحه المسيح المسيح له المجد يمتلئ فرحا حين يرى شعبه يبكي بنقاوه قلب. يبكي عن توبه يبكي عن عن حزن على العالم اللي بيهلك كل ده البكاء مصدره الحب والحب يفرح ربنا. اذ اتذكر الايمان العديم الرياء الذي فيك القديس بولس مازال بيشجع تيموثاوس لانه هيقول له الخبر الصعب فعشان يقول له الخبر بالنسبه لتيموثاوس الصعب لان ده ابوه روحي. لكن لازم ايه يعمل له مقدمه طويله قد ايه انت غالي عليا وقد ايه انت حلو فبيقول الايمان العديم الرياء الذي فيك اتذكره. يبقى بيفتكر ان ايمانه من صغره لان بولس استلم تيموثاوس كان شاب صغير اثناء الرحلات التبشيريه لقاه كده متدين وحلو وعارف ان امه تقيه قوي وكان يعرف جدته كمان هيذكرها دلوقتي فاختاروا وايه خلى تلميذ خصوصي ومشي معاه سنين لغايه ما سكنوا في ايه في افسس كاسقف. اتذكر الايمان العديم الرياء الذي فيك ليه دايما يتوصف الايمان او المحبه بالذات العديمه الرياء. لان الرياء اكثر حاجه تدخل تغش الفضيله تشوهها يعني الايمان معناه الثقه في ربنا المستقيم ما لوش حته التعاجب والتفاخر والتظاهر ده الرياء بقى. ايمان الفريسيين كان مملوء بالرياء يعني فارق معاهم منظرهم قوي عند الناس ده رياء. الرياء يجعل الانسان عايش كذبه كبيره تمثيليه ما لهاش معنى لكن الايمان الصادق ده بيبان في مخدع الانسان من غير ما حد يشوفه علاقه شخصيه بين الانسان وربنا. فالايمان العديم الرياء يعني ايمان نقي ما فيهوش تظاهر باي درجه ما فيهوش تعاجب مش عاوز حد يعرف عنه حاجه هو بينه وبين ربنا كذلك المحبه عاده توصف محبه بلا رياء ليه. لان في محبه غشاشه برده في واحد يقول لك بحبك لكن هو من جواه من جواه وحش مش بيحبك. بس يظهر الحب فيبقى حب مخشوش فالرياء ياخذ شكل في العلاقه مع الله تبقى تمثيليه عشان الناس تسقف وفي العلاقه مع الناس يبقى حب بالكلام باللسان لا بالعمل والحق. اذ اتذكر الايمان العديم الرياء الذي فيك الذي سكن اولا في جدتك لؤيس وامك افنيكي تعبير جميل قوي سكن الايمان سكن الايمان ده مش فكره.
[15:45]مش نظريه تفهمها ومش قانون ايمان بس تقوله بلسانك ده ايمان مستقر ده علاقه بين الانسان وبين ربنا ثقه تنمو مع الايام. معرفه حقيقيه نابعه من العشره الطويله فهنا ده ساكن جوه القلب حاجه كده مستقره دائما مش زائر للقلب مش ايمان هوائي كده ده ايمان ثابت مستقر. بعدين لما يذكر ان الايمان ده ممتد من جدته ومن امه ده يؤكد لينا يا احبائي دور التربيه المسيحيه. تيموثاوس قبل ما يكون تلميذ بولس هو تلميذ امه القديسه افنيكي وجدته القديسه لؤيس. يبقى هنا كم امهات انتم مسؤولين تطلعوا قديسين كنيسه تكمل الدور لما تاخد عيالكم الحلوين دول وتايه يعني تثق لهم تزيدهم نعمه وعلم روحي لكن المنتج يطلع من البيت. الامه الواعيه دي تطلع قديسين من تحت ايديها كان في اجيال ما فيش مدارس احد لكن امهات بتطلع شهداء. ولكان عندهم مدارس احد ولا اجتماعات وكانت ظروف الكنيسه اصعب من اليومين دول بكتير ضغط بقى واضطهاد عنيف. لكن الله لم يعطينا روح الفشل يعني في هذه جميعها يعظم انتصارنا بالذي احبنا. ربنا ما ادناش روح فشل لا نقبل الفشل لا نقبل ابدا ان احنا يتقال ان احنا خلاص مفيش حاجه تتعمل لا في صلاه. ربنا ادانا روح القوه يبقى ما قالش روح النجاح السهله قال القوه لان القوه هي قبل النجاح القوه يعني قوه الاراده وقوه العزيمه للتحدي انه مهما كان في احباطات في الخدمه او احباطات في الحياه الروحيه. لا في قوه بتحركنا عشان ما نقفش ونكمل المشوار ونكمل خدمتنا ورسالتنا لاخر يوم ولما تلاحظوا سفر الاعمال تلاقوا انه في ضغوط كثيره جدا انما الكنيسه قويه. وبتمتد وبتكسب نفوس رغم ان في ناس بتستشهد وناس بتضرب وبيوت بتتقفل وعنف من كل ناحيه لكن الكنيسه قويه بروح القوه اللي فيها.
[18:41]وروح المحبه لان الانتصار الحقيقي مش في الانجازات الانتصار في انتصار الحب حب يكسب الكراهيه محبه الاعداء دي قوه. قويه كالموت لما يقول عنها سفر النشيد فالله اعطانا روح المحبه الروح القدس اللي جوانا يدينا طاقه نحب حتى الناس الصعبه الاعداء.
[19:07]اللي بتكرهنا وبتشتم فينا وبتين الكنيسه طب وماله احنا بنحبهم لان الله لم يعطينا روح الفشل لو كرهناهم ده فشل. لو خفنا منهم ده فشل انما احنا اقوياء وبنحبهم في انتصار الحب هنا وروح النصح او الحكمه اذا الروح القدس اللي فينا يعطينا قوه ويعطينا حب ويعطينا حكمه. ودول يخليك لازم تنجح في الاخر فالفشل ما يغلبكش حتى لو في فشل جزئي او مرحلي او عكات كده او حفر في السكه او احباطات كتير ده عادي. عادي كل القديسين عدوا على الكلام ده انما المحصله النهائيه ايه الله اعطانا روح القوه والمحبه والنصح. لهذا السبب احتمل هذه الامور وايضا لكنني لست اخجل يعني عمري ما اتكسفت يا تيموثاوس من ان انا بتكلم عن المسيح. المسيحي احلى حاجه عندي الهي مخلصي راس مالي هو اللي هيديني الحياه الابديه هينفعوني ايه الناس لو انا مشيت وراهم. لكنني لست اخجل لانني عالم بمن امنت يعني انا واثق انه المسيح اللي انا ناس ممكن تتكسف منه هو ده ربنا الحقيقي. هو ده اللي فدانا هو ده اللي فتح علينا باب الحياه الابديه انار لنا الحياه والخلود ابطل الموت. الكلمه دي مهمه قوي وخدناها في تسبيحه الثلاث فتيه ابطل الموت واهانه ابطل الموت هو ده غرض التجسد واحنا في اعياد الميلاد اليومين دول لماذا اتى هذا الطفل الملك الاله المتجسد يسوع المسيح. لان عندنا ازمه اسمها الموت عندنا مصيبه عندنا كارثه عندنا بعبع كبير مش قادرين عليه عندنا شوكه في جسد البشريه كلها ما بتتشالش عندنا موت خلى الدنيا كلها وادي ظل الموت مظلل عليها الموت طب هو ظهر ليه لكي يبطل الموت. او ينزع الشوكه بتاعه الموت من جسد البشريه وهنا الموت مش النومه اللي بننامها في الاخر دي بسيطه دي الموت الابدي الهلاك الابدي هو ده اللي ابطله بتجسده لانه دخل الحياه مره اخرى للبشريه بالتجسد والفداء. فبيقول ابطل الموت وانار الحياه والخلود يعني الخلود كان في خطه الله وقصده ان الانسان يعيش خالدا الى الابد لكن الانسان بتهوره من دفاعه بخطيته ادم وكل بنيه ضيع الخلود والابديه قام جه المسيح يرجعها له ثاني. حتى لو اتكلف رب المجد تجسد وتعب وفداء وعار انما كل ده من اجل ان يستعيد لنا الحياه الابديه المفقوده. يبقى هنا الايه دي مهمه قوي في فهم التجسد ظهور مخلصنا يسوع المسيح الذي ابطل الموت عشان كده احنا كمسيحيين في تركيبتنا مش المفروض نخاف من الموت ليه بطل. بطل يعني ايه هو انت بتخاف لما تلاقي واحد نايم ما هو هيصحى لعازر صحي وبنتيروس صحيت وربنا يسوع قالها صحيكوا كلكم يوم ما اجي خلاص بقت بسيطه فهنا بطل الموت اين شوكتك يا موت اين غلبتك يا هاويه ما عادش للموت الشوكه اللي بتذل البني ادم دي. وانار الحياه والخلود يعني بقت الحياه الابديه منوره قدام عينينا كده واضحه احنا موجودين هنا عشان نطلع السما نسافر ونروح السما انار الحياه والخلود بواسطه الانجيل. يبقى الانجيل دوره ايه هو اللي بيقول للناس يا جماعه العيشه مش هي دي الحياه مش دي بس ده دي المقدمه ده هو المسيح دخل الحياه دي عشان يدخلنا على السما بعد كده. فالارض دي بقت ايه اول سلمه في رحلتنا للسما فياتي ملكوتك كما في السما كذلك على الارض الانجيل شرح لنا من هو الله ولماذا اتى الله وماذا حدث في الصليب والقيامه كسبنا احنا ايه مستنينا ايه بعد ده كله هو ده الانجيل. فانار الحياه والخلود بواسطه الانجيل الذي جعلت انا له كارزا ورسولا ومعلما للامم.
[23:59]لانه كل كلمه من دول يعني متقاربين في الكلمات لكن في التوجه مختلفين الكرازه معناه التركيز على غير المؤمنين والرسوليه هي رتبه رئاسه الكهنوت. والمعلم هو الدور الفعلي كمعلم بيعلم وبيعظ ويشرح طول الوقت عشان الناس تعرف ربنا. وحط كلمه الامم لانه هو مختص بهذه الخدمه دعي رسول الامم اعطوه يمين الشركه الاباء الرسل عشان يكون هو مسؤول عن الامم. لهذا السبب احتمل هذه الامور قال عشان كده انا بستحمل اتسجن واتهان واتضرب ويتقال عليا كلام بطال ومن مشكله لمشكله ومن من ضرب لضرب لكن انا لازم استحمل ليه في رساله كبيره في ناس بتخلص. ما يكون دكتور واقف عشرات الساعات اليومين دول في ازمه الكورونا ويقولوا له طب ما تريح نفسك يقول لهم انا اريح نفسي ازاي دي رسالتي في ناس ممكن تموت انا لو ارتحت في ناس هتموت فانا احتمل هذه الامور بفرح ليه لاني بنقذ ناس اذا كان ده دور الطبيب الحقيقي المثالي اليومين دول مع الازمه اللي احنا فيها من اجل الامانه عشان بس يدي عمر اللي ايه يعني يزود شويه سنين يعني. طب كم وكم اللي هيدي الحياه الابديه بقى اللي هيوصل خلاص النفوس هيوصل الى شفاء النفس الداخلي من الهلاك الابدي للحياه الابديه يبقى بالاولى ده يتعب اكثر. لهذا السبب احتمل هذه الامور ايضا لكنني لست اخجل يعني عمري ما اتكسفت يا تيموثاوس من ان انا بتكلم عن المسيح. قالوا عليه المسيح ده نجار وقالوا عليه ده مختل العقل وقالوا عليا ان انا اتجننت وانا مشغول بالمسيح وقالوا عليا انا ضد موسى وقالوا عليا كلام كثير انا ما بخجلش. ما بتكسفش من مسيحي مسيحي احلى حاجه عندي الهي مخلصي راس مالي هو اللي هيديني الحياه الابديه هينفعوني ايه الناس لو انا مشيت وراهم. لكنني لست اخجل لانني عالم بمن امنت يعني انا واثق انه المسيح اللي انا ناس ممكن تتكسف منه هو ده ربنا الحقيقي. هو ده اللي فدانا هو ده اللي فتح علينا باب الحياه الابديه انار لنا الحياه والخلود ابطل الموت طب ايه اللي يخليني امشي ورا الهه اخرى مزيفه او بشر كلهم بيموتوا فانا عالم بمن امنت. موقن انه قادر ان يحفظ وديعتي الى ذلك اليوم يعني انا ما عنديش غير نفسي اغلى حاجه عندي انا اودعتها في يده لانه ماذا ينتفع الانسان لو ربح العالم كله وخسر نفسه نفسي دي انا استودعتها في ايد المسيح قلت له يا رب انا جسدي كده كده هيرجع تراب لكن نفسي وديعه في يدك. حافظ لي على نفسي دي للحياه الابديه فانا استامنت المسيح على نفسي في يديك استودع فاكرين استودع روحي فهو يحفظ وديعتي.
[27:26]ويحفظ وديعتي تعني حياه الابديه مسؤوليته هو ويحفظ الوديعه كمان ان المسيح هو المسؤول الاول عن سلامه الحقيقه وانتقالها عبر الاجيال. فلان في زمن بولس في بدع وهرطقات وادعاءات واكاذيب انما الوديعه المسلمه من المسيح للرسل للكنيسه دي ابواب الجحيم لن تقوى عليها.
[28:03]على هذه الصخره الايمان المستقيم ده وديعه الكنيسه الاولى لكن هنا المعنى اقرب الى الوديعه بمعنى النفس فبيقول انا عالم بمن امنت. موقن انه قادر ان يحفظ وديعتي الى ذلك اليوم لالهنا كل مجد وكرامه الى الابد امين اتفضلوا نصلي.
